Engu liði hefur tekist að verja titil sinn, síðan 1974

Það var gott hjá Guðmundi að stugga við leikmanni Spánverja, sem hrinti honum fruntalega aftanfrá. Hvað annað gat hann gert? Spánverjinn var kominn inn á lögbundið svæði þjálfara og varamanna og átti ekkert með að ryðjast þar inn, með þeim afleiðingum að Guðmundur steyptist fram fyrir sig og á varamannabekkinn. Hin eðlilegu viðbrögð Guðmundar, kostuðu íslenska liðið, mann útaf í tvær mínútur.  "Salómonsdómur" hefði e.t.v. verið maður úr hvoru liði útaf, en meira að segja það, hefði verið frekar ósanngjarnt.

Nú verða Íslendingar, líkt og allar aðrar þjóðir á þessu heimsmeistaramóti, (nema sigurvergarinn) að heyja baráttu um þáttökurétt á Ólympíuleikunum í London, árið 2012. Það er verðugt verkefni og afburðarárangur í hópíþrótt. Látum vera að nefna höfðatöluna.

Hvert einasta stórmót í íþróttum, veldur mörgum framúrskarandi íþróttamanninum, sárum vonbrigðum. Í þessu móti, voru það leikmenn Þýskalands, Króatíu, Íslands, Serbíu, Póllands og Noregs , sem gerðu sér einna mestar vonir um að komast í undanúrslit keppninnar.

 En á meðan leikmenn þessara þjóða syrgja örlög sín, fagna frændur vorir, hinir norrænu víkingar í Skandinavíu, ásamt Frökkum og Spánverjum.

Króatar komu mér á óvart með slöppum leik. Svo virðist sem Balic sé útbrunninn og lítið sé eftir af þeim snillingi, annað en frekja og stjörnustælar. Hversu lengi er hægt að lifa á fornri frægð?

Ivano Balic á rassinum 

Einkennandi fyrir þennan fyrrum besta handboltamann heims, á HM 2011.

Frakkar eru líklegir til að verja titil sinn, en engri þjóð hefur tekist það síðan Rúmenar vörðu titil sinn árið 1974. Þá var heimsmeistarakeppnin haldin á fjögurra ára fresti, og því voru þeir heimsmeistarar samfleytt í 8 ár, frá 1970-1978

Svíar eru ekki verðugir í undanúrslit að mínu mati. Bæði Þjóðverjar og Spánverjar, eru mun sterkari lið og jafnvel Íslendingar einnig.

Guðmundi hljóp kapp í kinn (myndband)

Strax byrjaðir að væla

Svíar og Danir eru strax byrjaðir í "póker" og vilja nú setja pressu á Frakka í leiknum gegn Íslendingum. Norðmenn reyndu þetta á móti okkur, en það mislukkaðist illilega.  Ef Danir eða Svíar væru í þeirri aðstöðu að geta "valið" sér mótherja í undanúrslitum, þá myndu þeir taka því fegins hendi. Sömuleiðis væru Íslendingar ósáttir ef það lenti á okkur að spila við Frakka í undanúrslitum, vegna "fixaðra" úrslita. Þessi leikjaniðurröðun er því óheppileg í alla staði, en vonandi verður henni þó ekki breytt úr þessu.

Spánverjarnir hafa verið frekar þunglamalegir framan af mótinu, en virðast vera að hrökkva í gang, samanber jafnteflið gegn Frökkum og öruggur sigur á Norðmönnum. Ég hef þó fulla trú á okkar mönnum, en það verður þó að viðurkennast að leikurinn á móti Þjóðverjum olli gríðarlegum vonbrigðum. Þó svo dómararnir hafi verið lélegir og hallað hafi aðeins á okkur í þeim efnum, þá voru Þjóðverjarnir einfaldlega betri í leiknum og sigruðu verðskuldað.

Sóknarleikur íslenska liðsins var hægur og fyrirsjáanlegur. Mikil orka fór í að skora hvert mark, á meðan Þjóðverjarnir virtust hafa mun minna fyrir hlutunum.

Ég er bjartsýnn fyrir Spánverjaleikinn, en sigur í þeim leik er alls engin trygging fyrir sæti í undanúrslitum. Það fer eftir stemningunni í frönsku herbúðunum, en Danir og Svíar munu gera allt til þess að pirra Frakkana fyrir leikinn. Spurning hvort vælið í þeim hafi þveröfug áhrif á Frakkana?

Við skulum vona það.  Áfram ísland!.

Þessa flottu mynd tók ég af visir.is HÉR

Óttast að Frakkar tapi viljandi fyrir Íslandi

Lofa skal það sem vel er gert

Það þarf örugglega ekki að brýna fyrir Guðmundi og lærisveinum hans, að EKKERT hefur unnist ennþá..... en héðan af, verða "bara" undanúrslit, vonbrigði.  Nú er það úrslitaleikurinn og ekkert annað.

Það sem mér fannst aðdáunarverðast við þennan leik við Japani, var fyrst og fremst þrennt:

• Vinna "greiningarteymis" landsliðsins, á leik andstæðingsins.
• Framkvæmd liðsins á verkefni sínu í leiknum, í framhaldi af greiningunni.
• Og að lokum það, að Guðmundir eða leikmenn hans, minntust ekkert á hina hörmulegu dómgæslu í leiknum. Þess vegna ætla ég ekki að gera það heldur.

Liðið spilaði frábærlega sem heild. Vörnin var einstaklega hreyfanleg og góð og sóknin árangursrík. Allir á leikskýrslu, 16 að tölu utan markvarðanna skoruðu, nema að ég held Róbert Gunnarsson, en hann var hvíldur nánast allan leikinn. Það var mjög klókt af Guðmundi að hvíla Róbert, því mikið mun á honum mæða í milliriðlinum. Hann er klárlega fyrsti kostur á línunni, með frábært grip, góða nýtingu og öflugar blokkeringar. Sömuleiðis var léttir að krafta Ólafs Stefánssonar þurfti ekki við. Þetta er allt að spilast okkur í vil.

Guðjón Valur fór fremstur í flokki afar einbeittra, fljótra og baráttuglaðra leikmanna íslenska liðsins. Þórir Ólafsson, stóð honum ekki langt að baki, ásamt markvörðunum báðum. Sérlega ánægjulegt að sjá Hreiðar "Heavy",koma sterkan inn.

Arnór Atlason þarf ekkert að örvænta, þótt honum hafi ekki tekist að hitta "á fjölina sína" í mótinu til þessa. Við eigum hann bara inni, við vitum hvað hann getur. Vörn af því tagi sem Japanir spiluðu, hentar engan veginn leikmanni eins og Aroni Pálmasyni. Það er líka allt í lagi....  við eigum aðra leikmenn sem geta leyst stöðuna, s.s. Guðjón Val og Snorra Stein.

Og þótt Arnóri hafi ekki tekist að skora nema eitt mark í nokkrum skottilraunum í leiknum, þá gekk spilið ágætlega í gegnum hann, sem vinstri skyttu. Nýliðarnir stóðu sig vel, en voru óheppnir með skot sín í nokkrum dauðafærum. Það jákvæða við frammistöðu þeirra, var að þeir sköpuðu sér góð færi. Örlítið meiri reynsla og þá kemur sjálfsöryggið til að klára dæmið.

Það eru bjartir tímar hjá íslenska landsliðinu í handbolta.

Ég verð að hrósa umsjónarmanni HM á Stöð 2, Þorsteini Joð, fyrir afar áhugaverða umfjöllun um leiki heimsmeistaramótsins. Hann hefur valið skemmtilega og fróða einstaklinga, til að fjalla um þjóðaríþrótt mörlandans. Lofa skal það sem vel er gert. Myndefni sem þessir aðilar hafa valið, til þess að útskýra leik íslenska liðsins, er með því besta sem ég hef séð í sjónvarpi... og hef ég þó fylgst með þessu í 40 ár.

Stórsigur á Japan

Ótrúlega bragðgóð egg

Þegar ég bjó í Stykkishólmi á árunum 1967-69, þá fórum við pabbi stundum í kríuvarp og náðum okkur í nokkur egg. Ég fæ vatn í munnin þegar ég minnist bragðsin af rauðunni. Betri egg hef ég aldrei smakkað.

Eggjataka hefur engin áhrif á viðkomu fuglastofna, ef hún er gerð á réttum tíma, þ.e. í blábyrjun varpsins. Fuglarnir verpa aftur í lang flestum tilvikum. Pabbi kenndi mér að taka bara eitt egg úr hverju hreiðri. Ég veit ekki hvort það er nokkuð betra.

90% af kríuungum hungurmorða

Einn maður

Íslendingar eru vanir því að forsetaembættið sé upp á punt og þess vegna hafa margir efasemdir um réttmæti þess að halda úti þessu dýra eins manns embætti, þar á meðal ég.

En nú ber svo við að rödd forsetans er sú eina úr stjórnsýslunni, sem kemur málstað íslenska ríkisins á framfæri í útlöndum. Hver sá þetta fyrir?  

"Mállausa mannafælan", forsætisráðherraónefnan, Jóhanna Sigurðardóttir, er alls ófær um að tjá sig við erlenda fjölmiðla. Reyndar telja margir að þó hún gæti, þá vilji hún ekki halda málstað okkar á lofti erlendis. Hún er fyrst og fremst áhugasöm um að styggja ekki ESB í Icesave- málinu og koma samningum í höfn, "farsællega", til að að vinna sér inn prik í innlimunarferlinu sem nú þegar er hafið.

Brown ætti að biðjast afsökunar

Blekkingarleikur Bjarkar

"Áskorun nær 50.000 Íslendinga um endurheimt orkuauðlindanna".

Eru virkilega til svona margt fólk á Íslandi sem lætur auðkýfinginn Björk Guðmundsdóttur teyma sig á asnaeyrunum? Stjórnarskráin segir nú þegar að orkuauðlindirnar skuli vera í eigu þjóðarinnar!

Hins vegar eru efasemdir fólks um lengd orkunýtingarsamnings eins og gerður var við Magma Energy, fullkomlega eðlilegar. Hvort ákvæði um einstök atriði í samningum ríkisins eigi erindi í stjórnarskrá, hef ég miklar efasemdir um. Eðlilegra er að sett séu lög um slíka samninga af Alþingi og ef þurfa þykir, þjóðaratkvæðagreiðslu, ef áhöld eru um vilja almennings um slíka samninga.

Keðjusöngur við stjórnarráðshúsið

Rífandi start

Góð vörn og unga frábær loforð. Það var sigur lyfseðils á Íslandi þegar VM hófst Himmelstalundshallen.Aaron Pálmarsson - bæta við nafni af minni.
20 ára gamall sprengjum í átta mörk og hlakka til að gigs þegar Ísland vann fyrstu World Cup leik í flokki B með 32-26 (14-11) gegn Ungverjalandi.
- Það var góð byrjun, við spiluðum miklu varnar-leika, "sagði Aron í blönduðu svæði eftir síðasta flautu.
 
Það var í miðjum seinni tíma til að vinna þrýstingur kom frá íslenska leikmenn. Á þeim tíma, Ungverjaland hafði ekkert til að bregðast við eins og þeir gerðu í fyrri hálfleik með breytingum markvörður þegar Roland Mikl tímabundið stöðvað Ísland móðgandi.
- Leikurinn fór í fyrir okkur. Ungverjaland hefur alltaf verið erfitt lið fyrir okkur sögulega. Ég er ánægð með 45 af 60 mínútur okkar í dag, en það eru atriði sem þarf að bæta, segir íslenska þjálfara Guðmundur Guðmundsson

Svo mörg voru Google Translate- orðin úr frétt nt.se

Leggið þetta nafn á minnið

Rúm 9% fólksfjölgun á Austurlandi sl. áratug

Austfirðingum fjölgaði um tæplega níu hundruð manns á nýliðnum áratug. Eftir mikla fjölgun á tímum þennslu og stórframkvæmda virðist þeim aftur fara fækkandi.           (Úr Austurglugganum )

Spár um fjölgun í Fjarðabyggð vegna álversins í Reyðarfirði hafa algjörlega staðist. Sömuleiðis þær spár að áhrifasvæði álversins væri bundið við Mið-Austurland.

Andstæðingar framkvæmdanna eystra, svokallaðir umhverfisverndarsinnar, hafa hins vegar kosið að skauta fram hjá staðreyndum, bæði fyrir og eftir byggingu virkjunar og álvers. Það gerðu þeir (og gera enn)  í viðleitni sinni til að koma í veg fyrir framkvæmdirnar, ekki bara á Austurlandi, heldur einnig í Helguvík og á Bakka við Húsavík. Þeir hafa t.d. alla tíð (og gera enn) haldið því fram að Kárahnjúkaverkefnið hafi átt að "bjarga öllu Austurlandi". Svo þegar þeir eru krafnir heimilda um að stóriðjuframkvæmdirnar hafi átt að vera slík "töfralausn", þá koma engin svör.

Eins og sjá má á töflunni hér að neðan, hefur orðið gífurlegur viðsnúningur í íbúaþróun á áratugnum, í Fjarðabyggð og á Fljótsdalshéraði.

Sveitarfélag	2010	2001	Breyting	%
Vopnafjarðarhreppur	670	742	-72	-10%
Seyðisfjörður	669	773	-104	-13,5%
Fjarðabyggð	4.573	3.982	+591	+15%
Fljótsdalshreppur	79	82	-3	-3,6%
Borgarfjarðarhreppur	140	150	-10	-6,7%
Fljótsdalshérað	3.406	2.800	+606	+21,6%
Breiðdalshreppur	205	271	-66	-24,6%
Djúpavogshreppur	448	521	-73	-14%
Alls	10.190	9.321	+869	+9,3%

Svaf í Oddskarðsgöngum

Tveggja bíla árekstur á Fjarðarheiði

Gott að það sé tekið fram í fréttinni ...

Myndin tengist efni fréttarinnar ekki beint

Árekstur á Fjarðarheiði

Skoðanakönnun: meirihlutinn vill Steingrím á sakamannabekk

Í skoðanakönnun sem ég hef haft á blogginu að undanförnu, er spurt:

Á að draga Steingrím J. Sigfússon fyrir landsdóm, sem höfuð ábyrgðarmanns "Svavars-samningsins"?

Já 76,2%

Nei 23,8%

294 hafa svarað

Niðurstaðan er afgerandi, ólíkt þeirri könnun sem ég gerði um hug fólks, varðandi Geir Haarde. Yfir 75% vilja Steingrím á sakamannabekk en 44% óskuðu hins sama fyrir Geir.

Ég bendi á nýja könnun hér til hliðar.

Enn tekist á hjá VG