Færsluflokkur: Bloggar

Hræsni

Ég held að það sé afar lítill en hávær minnihluti sem fjargviðrast yfir boði Piu Kjærsgaard til landsins vegna hátíðarhalda fullveldisins. Píratar urðu sér til skammar að flestra mati og Helga Vala Helgadóttir er gjörsamlega dómgreindarlaus í málinu.

Hún yfirgaf þingpallinn á Þingvöllum þegar danski þingforsetinn hélt ræðu en situr svo til borðs með henni í hátíðarveislu á Hótel sögu um kvöldið ásamt manni sínum. 

Það er auðvitað voða gott að fá frían hátíðarkvöldverð á hóteli fyrir sig og maka sinn.

Myndin er úr Fréttablaðinu í gær og sýnir Helgu Völu koma skælbrosandi til hátíðarkvöldverðarins ásam manni sínum.

F19180718-Kvöldverðu-20


mbl.is Gagnrýnin „fáránleg og til skammar“
Tilkynna um óviðeigandi tengingu við frétt

Heimsókn Roberts Fico á Reyðarfjörð

Ég fékk þann heiður að vera einkabílstjóri forsætisráðherra Slóvakíu í heimsókn hans til Reyðarfjarðar, 17. júní sl. í tilefni þess að Kapúsínamunkarnir á Reyðarfirði vígðu kirkju sína. Munkarnir eru frá Slóvakíu en biskup rómverks-kaþólskra á Íslandi, Davíð Tencer, sem einnig er slóvakískur sá um vígsluna. Einmuna veðurblíða var þennan dag, hægur andvari, léttskýjað og 20 stiga hiti. Daginn áður var kalt, svarta þoka og rigningarsuddi.

Kirkjan heitir Þorlákskirkja eftir heilögum Þorláki Þórhallssyni en árið 1984 lýsti Stjórnardeild sakramenta og guðsdýrkunar í Páfagarði hann verndardýrling Íslands.

þorlákskirkja

Furðu lítil fjölmiðlaumfjöllun var á Íslandi um komu forsætisráðherrans, auk tveggja annarra ráðherra í ríkisstjórn hans til Reyðarfjarðar af þessu tilefni. Um 20 erlendir blaða og sjónvarpsfréttamenn komu með ráherrunum á Egilsstaðaflugvöll í einkaþotu slóvakíska ríkisins. Samtals voru í fylgdarliðinu 50-60 manns, flestir þeirra starfsmenn utanríkisþjónustunnar og þar á meðal starfsfólk sendiráðs Slóvakíu í Ósló, en þeir voru kontaktar mínir varðandi mitt hlutverk.

Það var mikil upplifun fyrir mig að taka þátt í þessu en ég var í stöðugum tölvupóstssamskiptum við sendiráðið í Ósló í 6 vikur fyrir heimsóknina. Ég þurfti að gefa upp kennitölu mína, senda mynd af bílnum mínum og skrásetningarnúmer og farið var ítarlega yfir alla dagskránna, hvert yrði ekið, vera í ákveðinni fjarlægð frá lögreglubílnum sem var á undan með blikkandi ljós og annar fyrir aftan. Mér var tjáð að fram í hjá mér yrði vopnaður lífvörður. Hann var ansi öflugur að sjá og ekki árennilegur, með dökk sólgleraugu og lítið samskiptatól í eyranu. Aftur í sat forsætisráðherrann ásamt kornungri og íðilfagurri snót sem ég vissi engin deili á.

IMG_9204

Ráðherrar og fylgdarlið tilbúið til brottfarar frá Hótel Valaskjálf á Egilsstöðum að morgni þjóðhátiðardagsins. Einkaþotan lenti kvöldið áður og þá var ég látinn aka alveg að landgangi flugvélarinnar.

IMG_9208

Fyrst var ekið fram hjá Reyðarfirði og út að útsýnispallinum á Hólmahálsi, milli Eskifjarðar og Reyðarfjarðar.

IMG_9212

Robert Fico, með hvítan klút í jakkafatabrjóstvasanum.

IMG_9218

Fulltrúi sérsveitar ríkislögreglustjórans og heimalöggan, Þórhallur.

IMG_9219

Sérsveitarmenn og heimalöggurnar.

IMG_9224

Einn úr fylgdarlið Slóvaka að túristast á Hólmahálsi.

IMG_9229

Fico á Hólmahálsi ásamt samráðherra sínum og fulltrúa frá sendiráðinu í Ósló en ég ók með henni nokkurskonar generalprufu daginn áður í þokunni, alla leiðina.

IMG_9237

Komin að munkaklaustrinu á Kollaleiru. Fico á spjalli við biskup ásamt ráherrum. Vopnaði lífvörðurinn stendur álengdar, búinn að taka niður sólgleraun.

IMG_9240

IMG_9245

Bæjarstjóri Fjarðabyggðar, Páll Björgvin Guðmundsson við hlið Fico. Sonur Páls heilsar forsætisráðherranum og biskup og hinir ráherrarnir tveir glaðlegir á svip.

IMG_9255

IMG_9259

Færri komust að en vildu inn í kirkjuna við vígsluathöfnina. Þessir kaþólikkar krupu í bæn fyrir utan.

IMG_9263

Þessum erlenda blaðamanni þótti þetta athyglisverð merking á lögreglubifreið.

IMG_9265

Erlendu fréttamennirnir hópast að Robert Fico að athöfn lokinni. Enginn íslenskur blaðamaður var á staðnum.

IMG_9268

Þokkadísin unga sem var í fylgd með Fico.

IMG_9271

Páll bæjarstjóri og fjölskylda með Davíð biskup.

IMG_9282

 Miroslav Kovác,frá sendiráði Slóvaka í Ósló, sá sem ég var í samkiptum við fyrir heimsóknina. Áreyjartindur í baksýn.


mbl.is Býðst til að segja af sér í kjölfar mótmæla
Tilkynna um óviðeigandi tengingu við frétt

Birtustundum fækkar en ekki fjölgar

Á Vísindavefnum segir m.a. eftirfarandi:

 "Getum við seinkað klukkunni á Íslandi og fengið þannig fleiri birtustundir yfir daginn?

Í stuttu máli þá mun seinkun klukkunnar á Íslandi ekki fjölga birtustundum sem falla á venjulegan vökutíma, heldur fækka þeim.

 Ef klukkunni á Íslandi yrði seinkað um klukkustund frá því sem nú er myndi fjölga talsvert þeim stundum þegar dimmt er á vökutíma. Áhrifin yrðu þau að í Reykjavík mundi dimmum stundum á vökutíma, miðað við að sá tími sé frá kl. 7 á morgnana til kl. 23 á kvöldin, fjölga um 131 stund á ári. Ef miðað er við að vökutími sé kl. 8-24 yrði fjölgun dimmra stunda á vökutíma hins vegar 190 stundir á ári. Seinkun klukkunnar hefði þau áhrif að bjartara yrði á morgnana þegar börn fara í skóla og menn til vinnu. Þetta er tvímælalaust sterkasta röksemd þeirra sem vilja fara þessa leið. Á hinn bóginn eru bjartari morgnar keyptir því verði að fyrr dimmir síðdegis þegar umferð er meiri og börn á leið úr skóla. Menn getur greint á um það hvort þeir kjósi fremur bjartari morgna eða bjartara síðdegi. En umferðarþunginn bendir til þess að menn nýti almennt síðdegið fremur en morgnana til að sinna erindum sínum. Það virðist gilda að sumri ekki síður en vetri og stjórnast því ekki af birtunni einni saman."

Seinkun klukkunnar mun þýða að sólarstundum fækkar eftir að hefðbundnum vinnutíma lýkur. Margir vilja eiga kost á því að borða kvöldmat í síðdegissól utandyra á þeim fáu góðviðrisdögum sem bjóðast á Íslandi. Seinkun klukkunnar mun nánast útiloka þann möguleika.

 

https://www.visindavefur.is/svar.php?id=68760


mbl.is Leggja til að klukkan verði færð
Tilkynna um óviðeigandi tengingu við frétt

Ábyrgðin er skips/bílstjórans

Þegar slys verða í umferðinni er það ávalt ökumaðurinn sem veldur slysinu sem ber ábyrgðina. Engu breytir þó hann sé réttindalaus eða bíllin bilaður. Ökumaðurinn á að ganga úr skugga um að ökutækið sé í lagi og hann á ekki að aka bíl ef hann er réttindalaus.

Ekki skiptir heldur máli þó vinnuveitandi ráði réttindalausan mann á ökutækið. Það er þó eflaust hægt að gefa út ákæru fyrir slíkt en sú ákæra væri sérstakt mál.


mbl.is Sagt að réttindin væru fullnægjandi
Tilkynna um óviðeigandi tengingu við frétt

Hræðilegar mínútur í óvissu, myndband

Lítill drengur sem varð vitni að þessu og lét foreldra sína vita að hann hefði séð krakka að leik við húsið rétt áður en vissi ekki hvort einhver hefði orðið undir. Foereldrarnir þustu út og mjög fljótlega dreif að margmenni og allir sem vettlingi gátu valdið hófu leit. Stutt síðar kom björgunarsveit, lögregla og sjúkrabíll.

Snjóflóðadeild björgunarsveita var við æfingar ´með hunda í Oddsskarði og þeir voru einnig mættir á svæðið undraskjótt. Guði sé lof að engin lenti undir flóðinu, leitað var af sér allan grun. Leiknir Fásk. og Fram voru að spila í höllinni og leikmenn, dómarar o.fl. komu einnig út að hjálpa til. Þarna mátti einnig sjá munka úr klaustrinu á Kollaleiru með skóflu. Mögnuð sjón að verða vitni að dugnaðinum, kraftinum og samheldninni í fólkinu á þessum hræðilegu mínútum sem enginn vissi hvort barn eða börn væru undir snjónum.

Myndband að leitinni hér að neðan

 


mbl.is Talið hugsanlegt að börn væru undir snjónum
Tilkynna um óviðeigandi tengingu við frétt

Pottþétt leyniorð

php1xWTBW


mbl.is Noti ljóð sem lykilorð
Tilkynna um óviðeigandi tengingu við frétt

Góður siður

Að flagga í hálfa stöng við andlát þorpsbúa á Reyðarfirði hefur tíðkast alla flöggunartíð. Allir sem flaggi geta valdið og eiga flaggstöng í garðinum sínum, flagga. Þegar fólk sér flöggunina, spyr það: "Hver var að deyja?"

Samfélagið á Reyðarfirði er sennilega enn breyttara en á Húsavík, eftir að álver Alcoa hóf starfsemi sína í firðinum 2007. Íbúum hefur fjölgað um helming, úr 600 í 1200 og þar af góður partur af fólki sem átti ekki tengingu við staðinn fyrir. En ferðamenn eru örugglega fleiri á Húsavík. Enginn skaði er af því þó ferðamenn eða aðrir verði hissa á að sjá flaggað í hálfa stöng.

Í sjálfu sér breytir engu hvort opinberir aðilar flaggi í hálfa stöng eða ekki, því þorpsbúar sjálfir á Reyðarfirði sem og í öðrum bæjarkjörnum í Fjarðabyggð munu vonandi halda áfram í siðinn.


mbl.is Hætt að flagga í hálfa stöng
Tilkynna um óviðeigandi tengingu við frétt

Þyngri refsingar, meira ofbeldi

Kostnaðurinn við refsistefnuna á sér margar birtingarmyndir.

Gríðarlegur beinn kostnaður við dóms og fangelsiskerfið sem auk þess virðist ekki skila neinu. Þungar refsingar ávísun á meira ofbeldi, t.d. gegn uppljóstrurum og lögreglu.

Á meðan fókusinn er á refsingum er minna fé veitt í fræðslu og forvarnarstarf. Brot af refsikostnaðinum myndi fullnægja þörf á raunverulegu hjálparstarfi.

Ungt fólk sem fær á sig dóma fyrir minniháttar fíkniefnamál, getur átt von á að sakaskrá þess svipti þau eðlilegum tækifærum í lífinu.

Núverandi stefna í þessum málum er skelfilegri harmleikur en fíkniefnadjöfullinn sjálfur.


mbl.is Einblíni ekki á þyngri refsingar
Tilkynna um óviðeigandi tengingu við frétt

Spilltur forstjóri?

Fyrir ekki svo löngu síðan komst upp um Björn Óla Hauksson, forstjóra ISAVIA, en hann hafði á ólöglegan hátt orðið sér úti um ókeypis flugmiða í nafni ríkisfyrirtækisins, fyrir fjölskyldu sína. En reyndar voru flugmiðarnir auðvitað ekkert ókeypis, nema bara fyrir hann persónulega. Hann lét ríkið borga fyrir miðana. 

Þegar upp um hann komst, þökk sé Helga Seljan í Kastljósi, flýtti hann sér að borga fyrir flugmiðina og afsakaði sig með því að segja að hann hefði gleymt að borga fyrir miðana. Ekkert var gert meira með það mál.

Sjá hér: http://www.ruv.is/frett/isavia-greiddi-fjolskylduferdir-forstjora

Nú bíðum við úrskurðar dómstóla um hvort forstjóranum verði gert skylt láti af hendi gögn um útboðsmál sem lúta að viðskiptum fyrirtækisins.

Það verður spennandi að sjá hvað kemur út úr því máli. 


mbl.is Isavia mun ekki afhenta gögnin
Tilkynna um óviðeigandi tengingu við frétt

Stærsta kóralrif jarðar blómstrar sem aldrei fyrr

Fyrir allmörgum árum var mikil hystería í gangi meðal loftslags-alarmista að kóralrifin miklu við Ástralíu væru nánast við dauðans dyr vegna hlýnunar jarðar og hækkunar sjávarborðs.

Í dag eru þessi mögnuðu kóralrif við hestaheilsu og raunar hafa þau ekki verið jafn lífleg lengi og fara stækkandi.

Þessa dagana hellist yfir almenning allskyns dóms og dauðadagsspár. Lífríki sjávar í heild sinni er í hættu... að sögn.

Vísindamenn á spenanum hjá opinberum aðilum dæla þessu til fjölmiðla,- til að tryggja sér fjármagn frá skattgreiðendum. Þeir þurfa jú vinnu, blessaðir. Ofgnógt vísindamanna er að sliga nútíma samfélög, á meðan víða er skortur á iðnaðarmönnum. Þetta er vandamál sem lengi hefur verið varað við, að of margir velja langskólanám en of fáir iðnnám.

Fjölmiðlar gleypa við áróðrinum án gagnrýni, enda selja hryllingsfréttir betur en góðar fréttir. Almenningur kaupir áróðurinn og stjórnmálamenn dansa eftir því hvernig vindar almenningsálitisins blása hverju sinni.


mbl.is Kóralar fölna sem sjaldan fyrr
Tilkynna um óviðeigandi tengingu við frétt

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband