Viðvaningar hjá mbl.is

Eru tómir viðvaningar hjá íþróttadeildinni á mbl.is? Á hverjum einasta degi er tóm steypa borin á borð fyrir lesendur blaðsins.

Zidane skallaði ekki Materazzi í andlitið, eins og oft og ítrekað er haldið fram í fréttinni. Hann skallaði hann í brjóstið.

P.s. Svona pistlar líta alltaf kjánalega út eftir að búið er að leiðrétta fréttina. Það er sem sagt búið að því

Zidane: Frekar dey ég en að biðja Materazzi afsökunar

Dramatískara verður það varla

Ég sé fyrir mér áhorfendur í Laugardalshöll taka þokkalega við sér ef Ísland tryggði sér þátttökurétt á HM með þessum hætti

Barein tryggði sér þáttöku á HM í Svíþjóð með þessu marki, sláin inn. Enginn smá lurkur sem skorar markið.

Myndbandið er áhugavert allt til enda og fögnuður sigurvegaranna er hrífandi. Einn úr tapliðinu hágrætur.... magnað. Eins er gaman að hlusta á sjónvarpsmanninn. Hann endurtekur heilu setningarnar orð fyrir orð  

Frábært sigurmark (myndband)

En þetta eru vináttuleikir

Ég efa að þetta gangi upp . Ef þetta væru "alvöru" leikir, væri það ekki spurning

Mætir íslenska bronsliðið þreföldum meisturum í Egilshöll?

Allt lagt í sölurnar

Var það ekki eyðslufyllerí sem varð GOG að falli? Nú leggja nágrannar þeirra í Faaborg HK, allt í sölurnar til að komast upp í efstu deild.

Það er um að gera fyrir Ágeir Örn að nýta tækifærið fram á vorið, komandi "ferskur" inn á markaðinn sem nýverðlaunaður bronshafi á EM. Bronsið hefur örugglega ekki laskað afkomuhorfur landsliðsmannsins.

Flott hjá þér, Ásgeir.

Ásgeir Örn til Faaborg HK

Í blíðu og stríðu (Stand by me)

Þetta er skemmtilega gert. Áður en maður veit af, fer maður að dilla sér og "Luft-tromma".

This is a video response to War/No More Trouble | Playing for Change | Song Around The World .... en ég set þetta inn fyrir landsliðið okkar í handbolta.

Mér fannst ljótt að sjá hve margir voru tilbúnir að gagnrýna liðið á neikvæðan hátt eftir tvö jafntefli í byrjun móts. Þessir strákar leggja sig 100% fram og rúmlega það. Þeir eiga betra skilið þegar illa gengur.

Fögnuður á EM í Vín, myndasyrpa

Leikurinn í tölum... og myndum

Á heimasíður EHF má sjá eftirfarandi statistík eftir leikinn í dag:

Robbi er með 100% skotnýtingu og 6 mörk. Óli Stef skaut óvenju mörgum skotum á markið í leiknum og hefur sjálfsagt viljað bæta fyrir frekar dapran dag á móti Frökkum. 13 skot hjá Óla en aðeins 3 mörk. Þessi slaka skotnýting breytir því ekki að sóknarleikurinn snýst meira og minna um hann og við erum jú að skora mest allra liða í mótinu. Sú staðreynd talar sínu máli um hve frábær leikmaður Ólafur Stefánsson er.

Sleggjan í pólska liðinu, Karol Bielecki, ein besta rétthenta skytta heims, var inná í 17 mínútur og skoraði ekki mark.

Hér fylgja svo tvær myndir frá verðlaunaafhendingunni, af heimasíðu EHF.

Hún er falleg þessi. Ætli hún sé austurísk?

Srákarnir okkar  ... steyptir í bronz

Arnór: Medalía skiptir öllu fyrir okkur

Sömu úrslit og í Frakklandi ´89

Til hamingju ísland!!!!

Þetta eru sömu úrslit og í úrslitaleiknum í B-keppninni í Frakklandi árið 1989 á móti Pólverjum.

Þetta var óþægilega spennandi í seinni hálfleik en strákarnir stóðust þolraunina á lokasprettinum. Hreiðar markvörður átti frábæra innkomu á lokakaflanum en sömu sögu má segja um Smal í marki Póllands allan seinni hálfleikinn.

Mér fannst hann verja allt niðri og svo virðist sem leikmenn átti sig ekki á þessu í hita leiksins. Nú er það HM í Svíþjóð á næsta ári og ég vona að keppnin fari fram í Stokkhólmi en þar á ég vísa gistingu hjá systir minni. Þangað stefni ég á að fara að ári.

Ísland landaði bronsinu í Vín

Ég er glataður spámaður

Ég spáði um röð sex efstu á mótinu og allt vitlaust nema #5 og #6.

Einhver Arnar, sem þykist hafa vit á handbolta, gerði athugasemd við færsluna. Mér sýnist hann ætli að hafa röðina hárrétta.

Dæmigert fyrir svona amatöra

Króatar mæta Frökkum í úrslitum

Vörnin brást

Ég var svekktari yfir jafnteflunum í mótinu heldur en þessu tapi. Frakkar eru einfaldlega með miklu betra lið og við áttum ekki okkar besta leik. Svona er þetta einfaldlega. En það yljaði mér um hjartarætur að sjá framgöngu Arons Pálmarssonar. Drengurinn er ekki nema 19 ára gamall og er þegar orðinn ótrúlega góður. Þar sjáum við arftaka Carabatic, ég fullyrði það.

Carabatic fék að skjóta á 7 metrum og það kann ekki góðri lukku að stýra. Varnarmennirnir stigu ekki nægilega vel út á móti skyttunum en það er auðvelt að segja svona, sitjandi makindalega í sófanum. Í hornum og á línu eru topp menn sem einnig þarf að hafa gætur á. Og svo var vörn Frakka náttúrulega fáránlega góð með besta markvörð í heimi á bak við sig.

Ég hef fulla trú á því að við tökum Króata í leiknum um bronsið. Við erum með heimsklassa lið, bara ekki það besta. Titillinn í þeim efnum er frátekinn. Þjálfari Frakka sagði í gær að lið hans hefði spilað af 80% getu til þessa í mótinu.

 Ég trúi honum eftir þennan leik.

Liðið í dag er mun betur mannað

Róbert Gunnars, Alexander, Arnór, Aron, Björgvin Páll, Snorri steinn og turnarnir tveir í vörninni (þrír með Vigni). Liðið í dag er miklu betra.

Ólafur og Guðjón Valur í liðinu sem komst í undanúrslit 2002