Færsluflokkur: Tónlist

Leiðinleg Kara - myndbandið

Kara DioGuardi hefur alltaf farið nett í taugarnar á mér. Ég veit ekki alveg hvað það er.... ætli það sé ekki aðallega hvað hún segir og gerir.... og hvernig hún lítur út Happy


mbl.is Baðfataatriðið breytti ferlinum
Tilkynna um óviðeigandi tengingu við frétt

Svona á að skipta í riðla:

Þeir sem hafa fylgst með Evróvision hafa tekið eftir hvernig nágrannalönd greiða gjarna atkvæði sín til hvors annars. Sumir telja þetta samsæri; "Ég kýs þig, þú kýst mig", en auðvitað er það ekki þannig. Það er eðlilegt að líkir menningarheimar finni samhljóm í tónlistinni.

En oft finnst manni samt ósanngjarnt þegar Austurblokkin kýs nánast ekkert út fyrir kassann. Það er einfalt að ráða bót á þessu.

Svona á riðlakeppnin að vera:

  1. Finnland
  2. Ísland
  3. Portúgal
  4. Danmörk
  5. Noregur
  6. Svíþjóð
  7. Belgía
  8. Ísrael
  9. Írland
  10. Holland
  11. Malta
  12. Grikkland
  13. Kýpur
  14. Tyrkland
  15. Pólland
  16. Sviss
  17. Noregur

-----------------------

  1. Serbía
  2. Rússland
  3. Króatía
  4. Bosnía & Herzegóvína
  5. Lettland
  6. Litháen
  7. Eistland
  8. Rúmenía
  9. Búlgaría
  10. Moldavía
  11. Makedónía
  12. Albanía
  13. Úkraína
  14. Aserbajan
  15. Armenía
  16. Georgía
  17. Hvíta-Rússland

 

 


mbl.is Ísland í fyrri riðlinum í Ósló
Tilkynna um óviðeigandi tengingu við frétt

Frábær úrslit.... fyrir tónleikana

Þorsteinn Helgi Árbjörnsson, tenórsöngvari, heldur tónleika í Kirkju og menningarmiðstöðinni á Eskifirði á morgun kl. 16.00. Ég syng með karlakórnum Glað á Eskifirði, tvö lög á tónleikunum og okkur nokkrum úr kórnum fannst tímasetningin á tónleikunum vægast sagt óheppileg, m.t.t. þess að Ísland spilaði úrslitaleikinn á morgun. Tónleikarnir hafa auðvitað verið planaðir með löngum fyrirvara og auglýstir á þessum tíma, svo vonlaust er að breyta því.

En nú getum við andað léttar Blush... Ísland spilar ekki til úrslita.

Þorsteinn Helgi er 28 ára gamall Eskfirðingur og hefur stundað söngnám í Bandaríkjunum undanfarin ár. Ég heyrði fyrst í pilti þegar hann var 18 ára gamall og heyrði strax að þarna var miikið efni á ferðinni. Þegar hann söng með okkur á einni æfingunni um daginn, þá sá ég að hann er ekkert efnilegur. Hann er stórgóður.

Ég hvet alla til að koma á tónleikana og hlusta á frábæran tenór. Fleiri listamenn koma einnig við sögu . Þetta verður pottþétt skemmtun og vel við hæfi að ná sér aðeins niður, eftir að bronsið er komið í höfn, í borg borganna á tónlistarsviðinu, Vínarborg, en yfirskrift tónleikanna er einmitt: "Frá Vínarborg til Broadway".

þorsteinnH

 


mbl.is Átta marka tap gegn Frökkum
Tilkynna um óviðeigandi tengingu við frétt

The Hellsingers

Ingi T.Ingi T. Lárusson, tónskáld, fæddist á Seyðisfirði árið 1892 og lést 1946, eftir um 18 mánaða veikindi.

Ingi T. er eitt af þjóðartónskáldum Íslendinga og mörg laga hans eru ódauðleg í hjörtum okkar. Það kemur því nokkuð á óvart að ekki skuli meira til eftir hann í rituðum heimildum um líf hans og störf, en raun ber vitni.

Í gær, sunnudaginn 17. janúar voru haldnir tónleikar í Kirkju og menningarmiðstöðinni á Eskifirði, til heiðurs Inga T. Lárussyni, í tilefni þess að Daníel Arason, tónlistarmaður á Eskifirði, hefur staðið að útgáfu söngbókar með lögum Inga.

"Ingi Tómas Lárusson fæddist á Seyðisfirði 26. ágúst árið 1892. Foreldrar hans voru Lárus Sigmundur Tómasson frá Brúarlandi í Deildardal, Skagafirði, og Þórunn Gísladóttir Wium frá Rangá í Hróarstungu á Héraði. Ingi var næstyngstur fimm barna þeirra, en frumburðurinn Tómas lifði þó einungis í tæpan sólarhring. Önnur börn þeirra Lárusar og Þórunnar voru Gísli fæddur 1888, Margrét Krisín fædd 1890 og Snorri fæddur 1900.  Ingi naut þess að Seyðisfjörður var á þeim tíma mikill menningarbær, státaði t.a.m af strengjakvartett um aldamótin 1900, trúlega þeim fyrsta á landinu. 
   

Ingi fór snemma að hafa áhuga á tónlist og sýna hæfileika á því sviði. Hann naut þó ekki formlegrar tónlistarkennslu en bjó að því að Lárus faðir hans var hæfileikaríkur tónlistarmaður og leiðbeindi syninum, en fleiri munu þó hafa komið að því. Frásagnir eru af því að Ingi hafi samið sitt þekktasta lag, Sumarkveðja, einungis sjö ára gamall þó reyndar fari tvennum og jafnvel þrennum sögum af tilurð þess lags eins og reyndar fleiri laga Inga. 


Ingi dvaldist að mestu á Seyðisfirði til ársins 1911 en þá hélt hann til Reykjavíkur og stundaði nám við Verzlunarskóla Íslands og þaðan lauk hann prófi árið 1913. Að námi loknu dvaldist hann víða um land, t.d á Borgarfirði eystri, Seyðisfirði, Akranesi og Vopnafirði. Stærstan hluta starfsævi sinnar dvaldist Ingi þó í Neskaupstað þar sem hann var m.a. símstöðvarstjóri á árunum 1921 – 1936. 


Tónlistin átti þó hug hans allan og þótti honum miður að geta ekki helgað sig henni og menntað sig betur í tónlist. Tvisvar sinnum sótti Ingi um styrk til Alþingis til að fara utan til að mennta sig í tónlist en fékk ekki. Ekki hafa fundist gögn um að Alþingi hafi svarað umsóknum Inga sem þó voru studdar bestu meðmælum. 
 

Ingi kvæntist Kristínu Blöndal í Norðfjarðarkirkju árið 1921. Þeim varð tveggja barna auðið, sonurinn Lárus fæddist árið 1924 en dó aðeins nokkurra klukkustunda gamall. Dóttirin Inga Lára fæddist árið 1927 og lést árið 2009 en myndin hér á síðunni er af þeim feðginum. Kristín og Ingi skildu árið 1936 og kom þá töluvert rót á líf Inga. Það sem eftir var ævinnar bjó hann víðs vegar um landið, meðal annars á Reyðarfirði og Akranesi. Einnig tók heilsu hans að hraka. Ingi lést á Vopnafirði 24. mars árið 1946 og útför hans fór fram frá Dómkirkjunni í Reykjavík. Hann er jarðsettur í Hólavallakirkjugarði í Reykjavík.


Er Ingi lést árið 1946 var ekki mikið til af útgefnum lögum eftir hann, en Ingi var ekki mikið fyrir að trana verkum sínum fram og fremur hirðulaus um að varðveita þau. Vitað er til þess að mörg handrit hans hafa glatast og fullvíst er að hann samdi talsvert fleiri lög en varðveist hafa.    

Árið 1948 gaf vinur Inga, Arreboe Clausen, út bókina Söngvasafn en Carl Billich sá um að gera lögin hæf til útgáfu. Í henni voru 27 lög í útsetningum ýmist fyrir einsöng, karlakór eða blandaðan kór. Þessi bók seldist upp á skömmum tíma og hefur síðan verið ófáanleg.

Á síðustu árum hafa fundist sjö lög eftir Inga, ýmist í handritum hans, uppritunum annarra eða í munnlegri geymd. Hafa þessi lög nú verið útsett og inniheldur þessi bók þau 34 lög eftir Inga T. lárusson sem þekkt eru. Þau lög sem ekki voru til í útsetningum fyrir einsöng hafa verið útsett sérstaklega fyrir bókina og hefur Stefán Arason að mestu séð um það verk ásamt útgefanda, Daníel Arasyni, en einnig hefur Jón Þórarinsson útsett tvö lög í bókinni."

http://www.fjardabyggd.is/Menningogtomstundir/IngiTLarusson/ )

Nánari upplýsingar  um bókina Gleðinnar strengir  

Ég söng á þessum tónleikum með Karlakórnum Glað á Eskifirði. Ég hef ekki sungið áður með kórnum en þetta mun vera með elstu kórum landsins.  (ef ekki sá elsti).  Karlakórinn Glaður hefur svo sem ekki verið mjög virkur á undanförnum árum, utan þess að hann syngur við flest allar jarðarfarir á Eskifirði. 

Nafn kórsins, "Glaður" er reyndar dálítið óheppilegt, miðað við tilefnin þegar hann kemur saman og því gengur kórinn í daglegu tali hér eystra undir nafninu "Grafarakórinn".

helsingi....Sem minnir mig á að þegar nokkrir félagar úr Karlakór Reykjavíkur sungu gjarnan við jarðarfarir, stakk einn söngfélaganna upp á því að kórinn þyrfti nafn. Maðurinn var fuglaáhugamaður og stakk upp á nafninu "Helsingjarnir".

Þá sagði einn félagi í kórnum: "Já, og ef við syngjum í jarðarför yfir útlendingum þá heitum við "The Hellsingers" Happy 

Mig langar að minnast sérstaklega á einn flytjanda á þessum tónleikum en það er bassasöngvarann Herbjörn Þórðarson. Þar er á ferðinni afar góður söngvari, en Keeth Reed, tónlistarkennari á Egilsstöðum uppgötvaði þennan bóndason úr Breiðdalnum, fyrir nokkrum árum síðan.


Django Reinhardt New York City Festival - Dark Eyes

Þeir eru nokkuð liprir þessir


Rússíbanar á Reyðarfirði

Í tilefni "Myrkra daga", menningarhátíðar Fjarðabyggðar, spilaði hljómsveitin "Rússíbanar" í sal Grunnskóla Reyðarfjarðar í gærkvöldi (sunnudagskv.)

9829Rússíbanarnir er vel skipuð sveit frábærra hljóðfæraleikara sem allir eiga sér klassískan bakgrunn í tónlistinni. Guðni Franzson, klarinettuleikari og Tatu Kantomaa, harmonikkuleikari, eru áberandi í hljómsveitinni, enda var meirihlutinn á efnisskránni hjá þeim þjóðlög og sígaunatónlist frá Suð-Austur Evrópu. Persónulega hefði ég viljað heyra fjölbreyttari tónlist frá þeim og þá eitthvað ættað vestar úr álfunni.

Tatu Kantomaa er finnskur og hefur búið um nokkurra ára skeið á Íslandi, m.a. á Egilsstöðum. Þar er mikill snillingur á ferð og hljómsveitin flutti tvö lög eftir hann og annað þeirra er skemmtilegt og minnisstætt; "Rauður heimskautahiminn" heitir það. Gaman hefði verið ef hljómsveitinn hefði tekið finnskt þjóðlagarokk, en það er athyglisverð músík.

Ég fór inn á heimasíðu  Tatu  og tók þessar myndir þaðan. Ég læt enskan texta með stóru myndinni fylgja með.

4786_2

Many artists have performed with Rússíbanar, here the tenor Kolbeinn Jón Ketilsson to the right. More photos

The band “Rússíbanar” was formed by the late guitarist Einar Kristján Einarsson in february 1996. Since then have many artists played in the band but the current members being:

  • Guðni Franzson, clarinet
  • Jón Skuggi, bass
  • Kristinn Árnason, guitar
  • Matthías M.D. Hemstock, drums and percussion
  • Tatu Kantomaa, accordion

Söngur í bókasafni Reyðarfjarðar

Dagar myrkurs er menningarhátíð sem haldin er í nóvember ár hvert í Fjarðabyggð. Kórinn okkar á Reyðarfirði er á flandri á hverju kvöldi þessa vikuna og höfum við sungið m.a. á Fáskrúðsfirði fyrir eldri borgara, á Reyðarfirði í miðju bridgemóti Bridgefélags Fjarðabyggðar, tvisvar á Eskifirði, nú síðast í gærkvöldi á bókasafni bæjarins og í kvöld kl. 21.00 munum við syngja í bókasafninu í Grunnskóla Reyðarfjarðar.

Einnig munum við syngja í Molanum um sex leytið á föstudag og í sal eldriborgara á Reyðarfirði á laugardag.

Söngskrá okkar tekur um 20 mínútur í flutningi og er efnisvalið fjölbreytt, allt frá franskri miðaldatónlist til afrísks Zulu-söngs. Einnig syngjum við Ást, sem Ragnheiður Gröndal gerði vinsælt hér um árið og hið sívinsæla lag Einskonar ást með Brunaliðinu, að ógleymdu Angels, eftir Robbie Williams sem heyra og sjá má á myndbandinu hér að neðan.

Ég hvet alla tónlistarunnendur til að koma og hlusta á okkur í bókasafninu í kvöld.


Sverrir bannaði mér að gera athugasemdir

Sverrir Stormsker bannaði mér að gera athugsemdir á bloggi sínu, eftir að ég gagnrýndi útvarpsþátt hans á Útvarpi Sögu fyrir viðtal hans við Guðna Ágústsson.

 Í viðtalinu, sem var auðvitað út í hött eins og önnur viðtöl sem hann hefur tekið í þættinum, lét hann að því liggja, (átti að vera grín) að Guðni væri í kynferðislegu sambandi við kýr. Mér fannst hann fara yfir strikið með þessu.

Ég fór víst yfir einhver velsæmismörk með athugasemd minni, að mati Sverris Errm

Ég kíki á blogg Sverris öðru hvoru, það má brosa að mörgu sem hann skrifar. En það er dálítið skondið að hann skuli vera viðkvæmur fyrir gagnrýni á ósmekklegt bull sitt.

umslagi_fallega_928278

Ekki mikill listrænn metnaður í þessu disk-umslagi

(ps. Mér sýnist hann vera að smeygja sér inn Reyðarfjörð Undecided)


mbl.is Ný plata Stormskers of dónaleg fyrir Þýskaland
Tilkynna um óviðeigandi tengingu við frétt

Subbi Skorsteins

bubbi_morthens_682785Var ekki Bubbi búinn að lofa því að taka ekki þátt í þessari keppni? Hann lýsti því hátíðlega yfir fyrir mörgum árum að hann myndi aldrei syngja eða semja lag fyrir auglýsingar, en svo samdi hann og söng djíngul fyrir Hagkaup. Ógleymanlegt listaverk LoL

Mér finnst allt í lagi að Bubbi sendi inn lag, en hann á ekkert að vera með puttana í textagerðinni. Textar hans eru skelfilegur leirburður þó hugmyndirnar á bak við þá séu stundum ágætar. Svo virðist hann ekki hafa nokkra tilfinningu fyrir því hvað orðin eða atvæði þeirra mega vera mörg í hverri línu. Sá sem syngur texta eftir hann þarf að vera í góðri æfingu í því að segja orðin svakalega hratt svo þau komist fyrir í laginu Errm


mbl.is 15 keppa í Söngvakeppni Sjónvarpsins
Tilkynna um óviðeigandi tengingu við frétt

Eagles tónleikar

Nú er slæmt að búa langt frá Reykjavík Undecided Ég væri svo sannarlega til í að skella mér á þessa tónleika. Flottir íslenskir söngvarar að syngja lög með einni bestu hljómsveit allra tíma.

eagles

Reyndar segir í auglýsingu Flugfélags Íslands:

Flugfélag Íslands kynnir:
Eagles tribute tónleikar
- Vodafonehöllinni 31. okt

Háskólabíó - Vodafonehöllin... hvort er það?


« Fyrri síða | Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband