Father and son

Ég spilaði þennan vínil í drasl á árunum um og fyrir 1980. "Father and son" var í miklu uppáhaldi hjá mér.

Cat Stevens aftur í sviðsljósið

Snillingur á ferð

Þetta eru tónleikar sem ég ætla ekki að láta fram hjá mér fara. Ég hef einu sinni séð Tull á tónleikum en það var á Akranesi 1993. Ég er svo heppinn að sonur góðs vinar míns sér um utanumhald þessa magnaða listviðburðar og ég er því nokkuð öruggur um að fá miða.

Hér fer Anderson á kostum með þverflautuna.

Miðarnir rokseljast

Nú ertu Fjarri ( Oh, Danny Boy )

Flestir kannast við hið fallega lag "Oh, Danny Boy", en sennilega eru heldur færri sem þekkja lagið með íslenskum texta Friðjóns Þórðarsonar, fyrrv. ráðherra og alþingismanns, en þá heitir lagið "Nú ertu fjarri". Árni Mathiesen "dýralæknir", er tengdasonur Friðjóns og Þórður Friðjónsson, kauphallarstjóri, er sonur hans. Textan samdi Friðjón til unnustu sinnar þegar hann var við nám erlendis. Afskaplega hugljúfur og rómantískur texti og hæfir laginu vel. Upphaflegt nafn lagsins og texti var annað en ég man bara ekki hvað. Gaman væri ef einhver myndi það. Lagið er írskt.

Kvartettinn Leikbræður, sem vinsæll var á sjötta áratug síðustu aldar, söng þetta lag inn á hljómplötu og naut það mikilla vinsælda á árunum í kringum 1955. Friðjón söng 2. bassa í kvartettnum, bræðurnir Ástvaldur og Torfi Magnússynir sungu 2. tenór og 1. bassa,  og 1. tenór söng faðir minn, Gunnar Einarsson. Þess má geta að Ástvaldur er faðir Þorgeirs Ástvaldssonar, hins kunna útvarpsmanns. Friðjón lifir leik og söngbræður sína alla, kominn vel á níræðis aldur.

Kvartettinn Leikbræður, frá vinstri: Við píanóið er Gunnar Sigurgeirsson, Gunnar Einarsson, Ástvaldur Magnússon, Torfi Magnússon og Friðjón Þórðarson. Carl Billich útsetti flest laga Leikbræðra, sérstaklega fyrir þá.

Leikbræður eiga tvö lög í spilaranum hér hægra megin á bloggsíðunni, "Nú ertu Fjarri" og "Óli Lokbrá".

Nú ertu Fjarri

Nú ertu fjarri drottning minna drauma

Og dægrin líða sviplaus framhjá mér.

Ég horfi yfir hafsins bláu strauma,

Því hjarta mitt er bundið einni þér.

 

Og þegar andar aftanblærinn mildi

Og aldan ljóðar grænni ströndu hjá,

Hve sæll og glaður vitja þín ég vildi

Og vera hjá þér allar stundir þaðan frá.

 

Enginn grætur Íslending

Fjölbreytt efnisval eins og hjá Sinfóníuhljómsveitinni er til fyrirmyndar og til þess fallið að laða að fólk úr öllum áttum.  

Enginn grætur Íslending

einann sér og dáinn

Þegar allt er komið í kring

kyssir torfa náinn

Ég mætti á mína fyrstu söngæfingu í vetur hjá kirkjukór Reyðarfjarðar í gærkvöldi og verkefnavalið er fjölbreytt að vanda. Fyrri klukkutímann var æft fyrir messu næsta sunnudag og þann seinni þrjú af þeim lögum sem við munum flytja í vetur, m.a. á Myrkum músíkdögum í nóvember. Að ofan er texti Jónasar Hallgrímssonar við lag Hróðmars I. Sigurbjörnssonar sem við æfðum. Mjög skemmtileg útsetning, að hluta einraddað, að hluta í fimmundarsöng milli karlraddanna og svo hefðbundið fjórraddað. Takturinn er eins og Dilly kórstjórinn okkar lýsti honum, eins og að detta um skóreimar sínar á göngu. Skemmtileg samlíking.

Við höfum á undanförnum árum sungið nokkur lög frá Afríku og það er feikilega skemmtileg kórmúsík. Í gærkvöldi æfðum við lag sem heitir Aya Ngena (Zulu traditional) , frábær hljómur sem fær mann til að brosa og dilla sér.

Kirkjukór Reyðarfjarðar æfir í safnaðarheimilinu við hliðina á kirkjunni og þar er fín aðstaða fyrir kórinn. Um 20 manns eru í kórnum en það má lengi á sig blómum bæta og ég hvet alla sem hafa gaman af því að syngja að kíkja á æfingu hjá okkur á miðvikudagskvöldum kl. 20:00.

 

 

 

 

Austrænn keimur og partý

Á harðahlaupum yfir orðin

Bubbi er sennilega afkastamesti lagahöfundur þjóðarinnar og þó víðar væri leitað. En magn er ekki sama og gæði eins og segir einhvers staðar og það á svo sannarlega við um Bubba. Það verður þó að viðurkennast að hann á nokkur prýðislög sem fyrir löngu eru orðin þjóðareign, en hann hefði mátt vera metnaðargjarnari í plötuútgáfunni og ef hann hefði látið gossa í glatkistuna um 80-90% þá væri hægt að bera virðingu fyrir honum sem listamanni.

En "hann er vinsæll og veit af því" og hann selur manna mest af tónlist "hér á landi á". Hann á sér stóran aðdáendahóp en enginn er eins dyggur dýrkari og Óli Palli. Svo mikil er aðdáun hans á Bubba að ég væri bara hálf smeikur við hann í sporum Kóngsins.

Bubbi hefur hringlað með tónlistarstíla frá upphafi og hörðustu fylgismenn hans vilja meina að það beri vitni um snilli hans og fjölbreytni. Öðrum finnst það subbu og tilgerðarlegt. Ég er í síðarnefnda hópnum.

Textarnir hans eru undantekningarlaust hreint afleitir þó hugmyndirnar á bak við þá séu oft og tíðum ágætlega frjóar. En Bubbi er bara ekki orðsins maður. Gúanótextar geta alveg staðið fyrir sínu en þeir verða þá að falla að laginu en ekki vera þannig að maður þurfi að vera á harðahlaupum yfir orðin svo þau komist fyrir í laglínunni.

Yfirlýsingar hans um hitt og þetta halda aldrei vatni hjá honum og það sem er prinsipp mál hjá Bubba í dag, er það ekki endilega á morgun. Frægt er þegar hann lýsti því yfir að honum dytti aldrei í hug að selja sig í auglýsingar en varð svo ein mesta mella íslenskrar tónlistarsögu hvað það varðar. Hvernig var aftur Hagkaupstextinn í fyrstu auglýsingunni hans? Ég man það ekki nema að hann var sprenghlægilegur.

Bubbi hefur gert betur en á Konu