Veislu og viðburðarstjóri

Allt er í kaldakoli hjá Reykjavíkurborg og borgarstjórinn Dagur, er til lítils megnugur sem rekstrarstjóri hennar. 

Hann fær algjöran frið fyrir gjörspilltum fjölmiðlum landsins, ekki síst ríkisfjölmiðlinum RUV, sem er ekkert annað en málpípa Samfylkingarinnar.

Fáheyrt dómgreindarleysi hans í Ísraels-málinu hefur ekki gefið margverðlaunuðum rannsóknarblaðamönnum undanfarinna missera, tilefni til að atast í honum. Hvers vegna heyrist ekkert í rannóknarblaðamönnunum um málefni Reykjavíkurborgar? Þeim sömu og gerðu að markmiði sínu að bola Hönnu Birnu úr ráðherrastóli? Hvers vegna er ekki hamrað á skuldastöðu borgarinnar?

Ég segi "gerðu að markmiði sínu" vegna þess að það sögðu þeir sjálfir. Þeir opinberuðu nálgun sína á málinu á þann veg þegar Hanna Birna sagði af sér. Takmarkinu var náð og það segir allt um hverra erinda þeir gengu.

Dagur er mest áberandi við ýmis dægurmál og skemmtiefni. Hann nýtur friðhelgi í erfiðu málunum.

Berlínarmúrinn afhjúpaður við Höfða

Fjölbreytni í stað fagmennsku?

Það er með ólíkindum að löglærður maður skuli telja að fjölbreytni eigi að vera aðalsmerki dómara.

Eiga dómsniðurstöður að vera fjölbreyttar? Eiga dómarar að dæma eftir lögum eða eiga þeir að dæma eftir því úr hvaða umhverfi þeir sjálfir eru sprottnir? Á dómari sem eru afkomandi verkafólks að dæma öðruvísi en dómari sem er afkomandi menntafólks? Á kvendómari að dæma öðruvísi en karldómari?

Hverslags vitleysa er þetta!

Mæli með þessari grein Jóns Steinars Gunnlaugssonar:

http://www.pressan.is/pressupennar/Lesa_Jon_Steinar/veljum-thau-haefustu 

„Fjölbreytni í dómstólum!“

Loftslagshysterían

Engin gögn sýna að aukning hafi orðið í heiminum á þurrkum, flóðum, fellibyljum eða stormsveipum (tornadoes) á undanförnum árum. samt sjáum við stöðugt í fréttamiðlum fullyrðingar um annað. Hvernig ætli standi á því?

Wikipedia segir:  "Throughout much of 2015, tornado activity has been near record low"

 Yfirgripsmiklar lofthitamælingar hafa verið gerðar á jörðinni frá því seint á 19. öld (ca 1880). Frá þeim tíma hefur hitastig hækkað að meðaltali á jarðkringlunni um 0.8 gráður. Á sama tíma hefur magn koltvísýrings (co2) í andrúmsloftinu aukist um 40%, úr ca 280 ppm í 400 ppm (ppm= parts per miljón).

Ekki er deilt um að þessi aukning er tilkomin vegna brennslu manna á jarðefnaeldsneyti. Það er heldur ekki deilt um að aukin koltvísýringur hefur áhrif á hitastig jarðar til aukningar. Menn deila hins vegar um aðallega tvennt; annað er hversu mikið af hitaaukningunni má alfarið skrifa á aukningu co2 og hitt er hversu slæmt (eða gott) er það. ( Reyndar má bæta við hinu þriðja, en það er um áreiðanleika og spá loftslagslíkana um framhaldið).

Fram kemur í máli Freeman Dyson í viðtalinu hér að neðan að á sama tíma og aukning á co2 er 40%, hefur jörðin grænkað um 20%. Flestir vita að gróðurinn bindur koltvísýring og það er einmitt forn rotnandi jarðlög gróðurs sem mynda olíulindir og kolajarðlög og við brennslu þessara efna fer co2 aftur út í andrúmsloftið.

Co2 er ekki eitur eða mengun eins og sumt fólk virðist halda, heldur lífsnauðsynlegt efni í andrúmsloftinu og því meira sem er af því, því hraðar og betur vex gróður. T.d. er co2 dælt inn í sum gróðurhús þannig að hlutfall co2 hækkar úr núverandi 400 ppm utandyra, í 1200 ppm innandyra.

Freeman Dyson er heimsþekktur vísindamaður og orðinn háaldraður. Hann segir í viðtalinu að það sé gott að vera í minnihlutahópi varðandi skoðanir á loftslagsmálum. Honum finnst skoðanir margra loftslagsvísindamanna minna fremur á trúarbrögð en vísindi. Hann segir ennfremur að það sé gott að vera orðinn þetta gamall og kominn á eftirlaun, því ekki sé hægt að reka hann úr vinnu fyrir skoðanir sínar.

Æ fleiri vísindamenn sem komnir eru á eftirlaun eru farnir að tala í sömu veru og Freeman Dyson. Þeir þorðu ekki að efast um loftslagstrúarbrögðin af ótta við útskúfun og atvinnumissi.

Endilega kíkið á þetta skemmtilega viðtal við Freeman Dyson.

Þurrkurinn verri vegna loftslagsbreytinga

Auðvelt að laga

Hugtakið "reiðhjólarein" er ekki til í íslenskum lögum eða reglugerðum og þ.a.l. getur það skapað óvissu. Þessu þarf að breyta.

Möguleiki er að skipta göngustígum í tvennt með miðlínu, öðrum megin fyrir reiðhjól og hinum megin fyrir gangandi. Vissulega yrði þetta þröngt fyrir báða aðila, en þó skárra en ekkert.

Hollendingar hafa yfirleitt sérstaka hjólastíga við hlið göngustíga, enda mesta "reiðhjólaþjóð" Evrópu. Ég bloggaði árið 2011 um hjólreiðamenningu í Groningen, með slatta af myndum:

HÉR 

Kalla á fleiri hjólreiðastíga

Blindir fá bílpróf í Hollandi

Í nýlegu fréttabréfi Ökukennarafélags Íslands segir að blindir megi keyra í Hollandi. Ekki er þó verið að tala um sjálfkeyrandi bíla og þ.a.l. ekki verið að tala um staurblinda heldur lögblinda.  

Í fréttabréfi Ökukennarafélagsins segir:

 "Í Hollandi hafa nú um 100 manns sem eru gott sem blindir, eða með 5% sjón fengið bílpróf og geta ekið með sérstökum búnaði sem er eins konar stækkunargler . Þessir einstaklingar geta ekið hvar sem er í heiminum en áhugavert verður að fylgjast með hvernig íslensk stjórnvöld bregðast við"

 

 

 

 

 

 

 

Tákntölur í ökuskírteinum eru nokkrar, t.d. er talan 400 hjá þeim sem hafa leigubílaréttindi, 450 hjá rútubílstjórum, 500 hjá ökukennurum, 100 fyrir réttindi á fólksbifreið þyngri en 3.500 að leyfðri heildarþyngd t.d. húsbíl o.s.f.v.

Evrópusambandið er búið að gefa út nýja tákntölu, 69, fyrir þá sem ekki mega aka nema að vera með áfengislás í bílnum hjá sér, en í nokkrum löndum s.s. Svíþjóð, Finnlandi, Frakklandi, Belgíu og Hollandi er þessari tákntölu beitt til að stemma stigum við akstri undir áhrifum áfengis.

Nýlega kom tákntalan 900 í ökuskírteini á Íslandi, en það þýðir að viðkomandi ökumaður er líffæragjafi.

Mestu breytingarnar frá upphafi

Múslimalönd skrifa undir sérstakan mannréttindasáttmála

Mannréttindasáttmáli Sameinuðu þjóðanna var í upphafi undirritaður af 48 löndum árið 1948, þ.á.m. Íslandi.

Nokkur múslimalönd undirrituðu einnig sáttmálann, s.s. Íran, Írak, Afganistan, Pakistan, Líbanon og Egyptaland.

Árið 1990 var saminn nýr mannréttindasáttmáli, sérstaklega sniðinn að múslímskum samfélögum (og gildir aðeins þar) því þau gátu ekki staðið við upphaflega samningin vegna trúar sinnar og múslímskra laga heimafyrir (sharia) m.a. vegna stöðu kvenna, samkynhneigðra og vegna þess að víða í þessum löndum liggur dauðarefsing við að ganga af trúnni, svo fátt eitt sé nefnt.

Margir múslimar sem flytjast til vesturlanda álíta sig ekki bundna af mannréttindasáttmála Sameinuðu þjóðanna, nema þeim sem sérsniðinn er að þeirra menningu og trú.

Er það rasismi að ætlast til að múslímar fari eftir hinum eiginlega sáttmála, þegar þeir flytjast til vestrænna lýðræðisríkja?

 

Vígamenn á dönskum bótum

Stjórn RARIK

Stundum er talað um að hin og þessi störf hjá hinu opinbera séu pólitísk elliheimili. Þá eru sendiherrastöður oft nefndar. En þegar stjórn RARIK er skoðuð þá er þetta dálítið áberandi, þó ekki sé nú fólkið fjörgamalt í árum talið.

Stjórn RARIK var endurkjörin en hana skipa:

• Birkir Jón Jónsson, fyrrv. þingm. Framsóknarfl.
• Arnbjörg Sveinsdóttir, fyrrv. þingm. Sjálfst.fl.
• Björgvin G. Sigurðsson, fyrrv. þingm. Samfylkingar
• Huld Aðalbjarnardóttir, fyrrv. varaþingm. Framsóknarfl.
• Guðmundur Hörður Guðmundsson, form. Landverndar

Guðmundur er ágætur fulltrúi þarna með M.Sc í umhverfisfræðum og andæfir gegn virkjunum. Hans rödd þarf að heyrast og hann getur frætt félaga sína um raunverulega afkomu RARIK.

Hinir.... hmmm

Greiða 310 milljónir í arð

Einnig; færri fellibylir, meira tjón

Það er talað um "upplýsingaöld", en hún er að sjálfsögðu afurð internetsins. Ekkert óvenjulegt gerist í heiminum án þess að það sé á allra vitorði, ef ekki í beinni útsendingu þá a.m.k. samdægurs.

Margir halda að tíðni jarðskjálfta hafi aukist af því nákvæmar fréttar berast strax um heimsbyggðina um leið og þeir gerast. Sömuleiðis að allskyns slys, s.s. flugslys, járnbrautaslys, rútuslys o.s.f.v. sé að aukast en það er rangt... en ferðalög hafa aukist en hlutfall slysa ekki.

Þetta á einnig við um upplýsingar um veðrið. Á hverjum einasta degi, einhversstaðar á hnettinum okkar eru óvenjuleg veðrabrigði og þau eru komin á youtube eða snapchat um leið. Óvenjulegir þurrkar, óvenjulegar rigningar, óvenjuleg snjókoma, óvenjulegir vindar.

Veður-fréttir eru vinsælar og varla á þær minnst núorðið nema "Global-warming" fylgi í kjölfarið. Allt er hnattrænni hlýnun að kenna og aldrei á hana minnst nema eins og dómsdagur sé í nánd. Nefna má sem dæmi um fellibylji sem dómsdagsspámennirnir segja að séu að aukast svakalega. Það er auðvitað rangt, eins og fjölmargt annað kemur frá dómsdagsspámönnunum. Fellibylir í N-Atlantshafi eru í slöku meðallagi og styrkur þeirra ekki aukist á þessari öld.

En tjón af völdum þeirra hefur aukist en það hefur samt ekkert með fjölda þeirra eða styrk að gera. Fólki er hins vegar stöðugt að fjölga, en þó aðallega í þróunarlöndum og þéttleiki byggða hefur aukist mikið, sérstaklega við ströndina, en þar herja fellibylir jú harðast á mannfólkið.

Sjöunda slysið síðan í byrjun 2014

Fyrstur með fréttirnar - engin Pulitzer-verðlaun

Ekki fékk ég Pulitzer verðlaunin fyrir þetta blogg 9. október 2008. Held örugglega að ég hafi verið fyrstur með umfjöllun um blekkingarleikinn í Al Thani málini, sjá hér:  Með lífverði á flótta 

Einnig bloggaði ég um málið tæplega ári síðar, hér:  26 miljarða nótulaus viðskipti 

En hvernig fór með mál Telmu Halldórsdóttur, stjórnarmanns í Q Iceland Finance ehf, eignarhaldsfélags sheik Mohammed Bin Khalifa Al-Thani? Bar hún enga ábyrgð?

Fullyrðingar hennar sem fram koma í seinna blogginu eru vafasamar, svo ekki sé meira sagt. 

Kaupþingsmenn sakfelldir

Prófasturinn bullar

Prófasturinn Sigríður segir að Pegida vinni gegn trúfrelsi múslima. Ég sé það nú hvergi á síðunni þeirra en þeir segjast vera samtök fólks sem berst gegn islamvæðingu Evrópu. Það er allt annar hlutur.

Ég tek það fram að mér finnst lítið til þessara samtaka koma og gera bara ógagn í umræðunni um islamvæðinguna sem margir Evrópubúar hafa áhyggjur af. En það er líka ógagn í umræðunni að þagga niður áhyggjur fólks.

Og hvernig gerist maður meðlimur í Pegida hreyfingunni? Með því að líka við síðuna þeirra?

Ég "lækaði" síðuna því ég hafði áhuga á að fylgjast með umræðunni þar og gera athugasemdir ef mér sýndist svo. Ég missti áhugann á þessu þegar ég sá hversu einsleitt þetta var og "aflækaði".

Sjálfsagt hefur einhver tekið skjáskot af "meðlimum" samtakanna, þennan sólarhring sem ég vaktaði síðuna og þá er ég væntanlega stimplaður meðlimur og á móti trúfrelsi múslima, að mati prófastsins.

Nornaveiðar eru gamaldags.

Prestur segir Gústaf vera í Pegida