Shit!

Það er eins gott fyrir þennan að haga sér vel. En pælið í þessu, ekki nóg með að vera sendur til Íraks, heldur fá tengdamömmu með í kaupbæti!!

Ps. Ég á yndislega tengdamömmu

Með tengdamömmu sem yfirmann í Írak

Elvis og Celine Dion

 

Ég má til með að leifa ykkur að njóta þessa með mér. Gæsahúð!

Subbulegt

Nýtt merki Ol 2012 hefur litið dagsins ljós. Ég er enginn sérfræðingur í lógóum eða auglýsingahönnun en mér finnst þetta merki alveg laust við allann sjarma. Hvað varð um einfaldleikan? Að mínu mati eru einföldu lógóin langbest. Merki HM í Þýskalandi var dæmi um misheppnað lógó. Þar var einhver samvinna í gangi þar sem allt of margir komu að málum.

Merki Ol 2012

Merki Ólympíuleikanna 2012 kynnt

Vertu hugrakkur (rökk)

http://www.youtube.com/v/l_dppH8kaeo">

Gaman að hlusta á þessa. Svo er hún líka með sexý munn

Hvem er den største idiot?

Landsleikur Dana og Svía verður lengi í minnum hafður. Frábær leikur hjá báðum liðum og dramatíkin ótrúleg. Ég og Jökull 11 ára sonur minn horfðum á leikinn í gær og svo aftur í endursýningu í dag. Og við vorum næstum jafn spenntir í endursýningunni! Lýsing Þorsteins Gunnarsson hjá Rúv á leiknum var í sama gæðaflokki og leikurinn.

Hvem er den største idiot?

Extrar Bladet í Danmörku er með þessa mynd og fyrirsögn á netmiðli sínum í dag. Gaurinn sem hljóp inn á völlinn mun ekki eiga sjö dagana sæla á næstunni, en hann mun vera Dani búsettur í Svíþjóð. Spurning hvort upphlaup hans bjargi Christian Poulsen, en hann sló sænskan sóknarmann í magann inn í vítateig, fékk rautt fyrir vikið og vítaspyrna dæmd, þó boltinn væri víðsfjarri.

 Miðað við fyrirsögn Extra Bladet þá er Poulsen einnig í djúpum skít. Atvik þetta átti sér stað á 89. min., en Dönum hafði  tekist að jafna á ævintýralegan hátt eftir að Svíar komust í 3-0 eftir 26 mínútna leik.  FIFA hefur enn ekki lagt sinn dóm á ákvörðun þýska dómarans í leiknum að flauta leikinn af í kjölfar árásar fótboltabullunnar og dæma Svíum 3-0 sigur og því hafa staðfest úrslit á leiknum ekki fengist. Auðvitað veit enginn hvort Sörensen hinn danski hefði varið vítaspyrnuna eða ekki, en úr því fæst aldrei skorið. Ég hefði mikið viljað gefa fyrir að vera á Parken þessa kvöldstund. Ógleymanlegt!

 

Svíum dæmdur 3:0 sigur á Dönum á Parken eftir árás á dómara

Klúbb syndrómið

Það er frekar leiðinlegt að vera knattspyrnuáhugamaður og vera Íslendingur þegar landslið okkar er annars vegar. Andleysi leikmanna var algjört og þetta "klúbb syndrome" virðist vera eitthvað sem loðir við íslenska landsliðið. Voða gaman hjá atvinnumönnum okkar að hittast nokkrum sinnum á ári. Það eina sem gladdi augað var að nokkrir nýjir leikmenn fengu að spreita sig og þeir báru af. Þeir vilja greinilega komast í klúbbinn. Þjálfarinn er ekki starfi sínu vaxinn. Talaði um að varnarleikurinn væri í lagi!! Á kvað leik var hann að horfa? Og eftir hverju var hann að bíða í seinni hálfleik þegar allir sáu (nema hann) að liðið var að spila hörmulega. Allt of lengi beðið með skiptingar eins og venjulega. Eini maðurinn sem hefur sýnt virkilegan metnað sem landsliðsþjálfari er Guðjón Þórðarson. Eiður sást ekki í leiknum og þegar hann hafði boltann var ekki að sjá að hann væri neinn heimsklassaleikmaður. Miðað við frammistöðu hans er ekki skrítið að hann komist ekki í lið Barcelona. Allir leikmenn íslenska liðsins fá falleinkunn nema Theodór Elmar, Birkir og Brynjar Björn og kannski Árni Gautur sem ekki verður sakaður um markið.

Jafntefli gegn Liechtenstein og Eiður í leikbann

Verður leiðrétting á jafn áberandi stað?

Það litla sem má lesa úr þessari Mbl. frétt er að verkamenn á Kárhnjúkum hafa yfir litlu að kvarta nema veðrinu. Um það mun sendiherra Portúgals skila skýrslu til stjórnavalda í heimalandi sínu. Hvert upphlaupið af öðru hefur verið um meint harðræði og slæman aðbúnað á svæðinu frá upphafi framkvæmda. Stórar fyrirsagnir í blöðum í æsifréttastíl sem við nánari skoðun hefur oft reynst tómt bull eða í besta falli ýkjur. Það efast auðvitað enginn um að aðstæður þarna eru mjög erfiðar og margir Íslendingar láta ekki bjóða sér þetta. En verkið þarf að vinna og málið snýst um hvort vinnulöggjöf sé brotin. Enginn er þarna nauðugur og ef laun eru lág þá er það ekki við Impregilo að sakast heldur íslenska verkalýðshreyfingu sem semja um lágmarkslaun.

Því verður þó ekki á móti mælt að Impregilo hefur gefið höggstað á sér og því hefur þeim reynst erfitt að reka af sér slyðruorðið. En andstæðingar framkvæmdanna hafa verið duglegir að hlaupa í blöðin með illa rökstuddar ásakanir. Sennilega hafa fáar framkvæmdir verið undir jafn öflugri smásjá og framkvæmdirnar fyrir austan og þar hafa þekktir andstæðingar framkvæmdanna verið áberandi, s.s. Guðmundur Gunnarsson form. rafiðnaðarsambandsins o.fl.Ég þekki persónulega Íslendinga sem hafa unnið þarna sem hafa allt aðra sögu að segja, en ég þekki líka Íslendinga sem taka undir bullið, en svo merkilega vill til að þeir eru líka á móti virkjuninni.

Ég sé stundum kvartað yfir því að málum sé ekki fylgt eftir af blaðamönnum, þegar fréttir með stórfyrirsögnum hafa birst um ástandið þarna. Hvers vegna er málum ekki fylgt eftir? Eða er þeim fylgt eftir, bara komið í ljós að ekki er eftir neinu að slægjast? En svo mikið er víst, að leiðréttingarnar fá ekki jafnstórar fyrirsagnir og ásakanirnar. Það eru ekki ný sannindi.

Mun senda skýrslu til stjórnvalda í Portúgal

Íbúafjöldi í Fjarðabyggð er kominn yfir 6000

Íbúar í Fjarðabyggð eru orðnir 6.032, þarf af búa 1.534 í starfsmannaþorpinu á Haga. Í dag 1. júní fór íbúafjöldi Norfjarðar í 1.500 manns og hefur íbúum fjölgað þar um 40 frá 1. desember sl. Fjölgun íbúa í Fjarðabyggð án tillits til íbúa á Haga frá 1. desember 2006 er 2.5% eða 110 manns.

Meðaltekjur hafa gjarnan verið lágar á landsbyggðinni borið saman við höfuðborgarsvæðið. Það verður ekki síður spennandi að skoða samanburðinn í þeim efnum þegar álverið á Reyðarfirði hefur tekið að fullu til starfa. Ekki einungis að laun þar eru með ágætum, heldur ýtir samkeppni um vinnuafl launum upp annarsstaðar.

Áleiðis til Póllands eftir viku

Það er næsta víst að ekki væri möguleiki á þessari þjónustu frá Egilsstöðum ef ekki væri fyrir framkvæmdirnar hér fyrir austan. Afleiðingarnar teigja sig víða. Með þessu móti spörum við tveggja tíma innanlandsflug með tilheyrandi kostnaði og veseni.

Ég ætla ásamt töluverðum hópi fólks úr Grunnskóla Reyðarfjarðar og mökum þeirra að nýta mér þessa þjónustu föstudaginn 8. júní. Ferðinni er heitið til Póllands, nánar tiltekið til Krakow. Tekin verður ferja frá Kaupmannahöfn til Póllands, og síðan lestarferðir og innanlandsflug. Flogið til baka frá Varsjá til Köben.

Tilhlökkunin er mikil og fæst ef nokkurt okkar hefur farið til Póllands áður. Pólskur maður, Swavek, sem vann hjá Bechtel á Reyðarfirði sem túlkur og fl. verður okkur innan handar.  Ef ég kemst í tölvu á ferðalaginu mun ég blogga eitthvað um það.

Fyrsta Kaupmannahafnarflug Iceland Express frá Egilsstöðum

Bitur, súr og skömmustulegur

Steingrímur J. Sigfússon  var upptekinn af Samfylkingunni í ræðu sinni, eftir stefnuræðu Forsætisráðherra.  Það er gjarnan háttur þeirra sem vita upp á sig sök, að gera árás að fyrra bragði í vörn sinni og það gerði Steingrímur svikalaust. Hann virðist ásamt samflokksfólki sínu í VG í neiðarlegri afneitun á klúðri sínu gagnvart mögulegri myndun vinstristjórnar. VG-fólk virðist hafa öðruvísi "merkjamál", þannig að annað fólk skilur orð þeirra og gjörðir á allt annan hátt en það sjálft. Sagði Steingrímur að vinstri-græn hefðu verið að sönnu reiðubúin til að taka þátt í  myndun raunverulegrar félagshyggju- og umhverfisverndarstjórnar. Vandamálið var bara að það skynjaði það engin annar fyrr en hann kjökraði út úr sér eftir að Geir og Ingibjörg voru byrjuð að tala saman, að forsætisráðherrastóllinn yrði hennar og að VG myndi ekki setja neina úrslitakosti varðandi stóriðjustopp.

Steingrímur J. hefur reist sér minnisvarða, orðspor deyr ekki.

Steingrímur J. Sigfússon: Samfylkingin gafst upp