Valur vængjum þöndum

 

Til hamingju Valsmenn!!!

  Hlakka til að koma á heimaleik næsta sumar.

Valur Íslandsmeistari í fyrsta skipti í 20 ár

Grindavík Íslandsmeistari 1. deildar

Ég var sjúkrabörumaður á lokaleik Fjarðabyggðar þetta keppnistímabilið og andstæðngurinn var lið Grindavíkur. Mínir menn sigruðu 1-0 og miðað við þau úrslit þá dugði Fjölnismönnum sigur gegn ÍBV en þeir töpuðu hins vegar 4-3 í Eyjum og enduðu í þriðja sæti.  Þróttarar sem unnu fallliðið Reyni frá Sandgerði 4-0, hefðu orðið Íslandsmeistarar með 7-0 sigri, á hagstæðari markatölu en Grindvíkingar.

 

 

 

 

 

Grindvíkingar fagna þrátt fyrir tap í kvöld. Eins og sjá má þá var orðið ansi skuggsýnt í leikslok en leikurinn hófst kl. 17.15 sem var a.m.k. hálftíma of seint.

Bandarískir rapparataktar í auglýsingu

 Það er auðvitað ágætt að vakin sé athygli á íslenskri tungu í dægurlagatextagerð en að Bubbi Morthens fari fyrir slíkri herferð er sprenghlægilegt.

Auglýsing hans í sjónvarpinu þar sem hann sýnir alla "nýjustu" fingratakta bandarískra rappara er svo hallærisleg að einn þriðji væri yfirdrifið. Kallinn á sextugsaldri að taka upp á þessu núna! Bubbi hefur víða komið við, bæði á tónlistarferli sínum og í textagerð. Sumir segja að hann endurnýji sig en ég segi að þetta flakk hans minni frekar á ungling að leita að sjálfum sér, ungling sem er að reyna að finna fjölina sína. Textar hans eru svo skelfilegir margir hverjir, að maður veit ekki hvort maður á að hlæja eða gráta og það sem hann hefur látið frá sér tónlistarlega er sumt svo aumt að það er eginlega sorglegt, þó vissulega eigi hann nokkrar ágætar perlur. 

Bubbi býður þrjár milljónir fyrir íslenskuna

Kristni H. Gunnarssyni að kenna

Kristinn H. Gunnarsson er kominn á endastöð í pólitík. Hann á að vísu eftir að reyna fyrir sér í Samfylkingunni og Sjálfstæðisflokknum en VG er auðvitað bara Alþýðubandalagið sáluga, upphaflega heimalandið, með nýja kennitölu. En þessir flokkar munu ekki leggja rauðan dregil fyrir framan hann til inngöngu í flokka sína líkt og Frjálslyndir gerðu og þar áður Framsóknarmenn.

 

Frjálslyndir eru margir hverjir nýgræðingar í pólitík og hafa nú þegar brennt sig á því að taka Kristni opnum örmum. Jens Guð  sem innanbúðar er hjá flokknum segir eftirfarandi:

"Sigurjóni og fleirum til mikillar undrunar notaði Kristinn stöðu sína strax til að beita sér gegn Sigurjóni og fleirum.  Með ókurteisi og hótunum.  Bara svo að eitt lítið dæmi sé nefnt þá barðist Kristinn á hæl og hnakka gegn því að Sigurjón og Jón Magnússon fengju aðgang að heimasíðu flokksins.  Og Kristinn hefur staðið óhagganlegur gegn því að Sigurjón yrði framkvæmdarstjóri".

 

„Ekki niðurstaða að mínu skapi" segir Sigurjón Þórðarson

Paolo Nutini hjá Jay Leno

Ég bloggaði um það um daginn að ég hefði heillast af þessum pilti hjá Jay Leno og við leit á youtube hefði ég fundið nokkrar útgáfur af þessu lagi, Last Request en enga eins innlifaða og hjá Leno. Jæja, hér er Leno útgáfan, algjör snilld þó hljómagangurinn í sellóinu sem er mjög smekklegur, hljómi á köflum kunnuglega enda sjálfsagt margnotaður.

Ég plataði konuna mína þegar ég sýndi henni þetta og sagði að söngvarinn sem væri höfundur lagsins, væri bæði vangefinn og hálf lamaður öðru megin. Ég vissi að það myndi svínvirka, en ég viðurkenni að ég fékk smá samviskubit þegar ég sá glitta í tár hjá henni . Ég er ennþá aumur í öxlinni eftir að hún barði mig í hana þegar ég sagði henni að ég væri bara að plata.  

Ekki orð um HM kvenna á Stöð 2

Ekki var minnst einu orði á HM kvenna í íþróttafréttum í hádeginu á Stöð 2. Ég hef oft tekið eftir þessu hjá íþróttadeildinni, að ef þeir hafa ekki einkaleyfi á sýningu frá íþróttaviðburðinum, þá sýna þeir honum fádæma áhugaleysi. T.d. þegar Skjár 1 var með enska boltann, þá komst ekkert annað að en spænski og ítalski boltinn og svo fyrsta deildin á Englandi! Mér finnst þetta vanvirðing við kvennafótboltann á Íslandi í þessu tilfelli.

Brasilía lék Bandaríkin grátt á HM kvenna

Íslendingur handtekinn fyrir stórfellt peningaþvætti

Umrædd fyrirsögn er úr frétt Mbl.is, en einhverra hluta vegna er ekki hægt að blogga við fréttina sem er HÉR . Hann var handtekinn á flugvellinum í Delhi á Indlandi þar sem hann var eftirlýstur af bandarískum yfirvöldum fyrir peningaþvætti.

Samkvæmt því sem ég las á blogsíðu Jens Guð þá heitir maðurinn Gunnar Möller Wathne, sonur Þórunnar Wathne og Jakobs Þóris Möller, lögfræðings og fulltrúa Mannréttindanefndar Sameinuðu þjóðanna í Genf. HÉR má sjá auglýsingu DEA (U.S. Drug Enforcement Administration) Einhvern vegin tengir maður Wathne nafnið við "Ég veit ekki aura minna tal" a.m.k. miðað við umfjallanir glamúrtímarita hér á landi, en krimma-genið getur sprottið upp í ólíklegustu fjölskyldum greinilega. Kannski eitthvað fyrir Kára Stefánsson að rannsaka.

 

Glæsilegar vatnsrennibrautir á Norðfirði

Á föstudaginn kemur þann 28. september kl. 16:00 verða glæsilegar vatnsrennibrautir við Sundlaug Norðfjarðar vígðar. Um er að ræða tvær stórar rennibrautir. Önnur er 5,4 metrar á hæð og 47 metrar að lengd en hin er 7,4 metrar á hæð og 68 metrar að lengd. Í tilefni dagsins verður frítt í sund á Norðfirði og opið allan daginn, rennibrautin opnar kl. 12:00.

Það er Samvinnufélag útgerðarmanna í Neskaupstað, SÚN, sem gefur rennibrautina af alkunnum myndarskap.Að vígslunni lokinni býður SÚN upp á grillaðar pylsur og frítt á á leikinn Fjarðabyggð - Grindavík sem fer fram á Norðfjarðarvelli kl. 17:15.

(Af fjardabyggd.is)

Væri gaman að vita....

Hvað gerði það að verkum að Ísland féll niður listann á milli ára? Annars er athyglisvert hve stjórnarandstæðingar hverju sinni hamra mikið á meintri spillingu. Samkvæmt þessum lista erum við í ágætum málum, en vissulega væri ánægjulegra að verma toppsætið.

Lítil spilling á Íslandi

Grjóthleðslur

Þessa grjóthleðslu sá ég í Kópavogi um daginn. Snyrtileg og falleg lausn, viðhaldsfrí og umhirða s.s. sláttur í erfiðri brekku er úr sögunni. Góð fjárfesting.

Svipuð brekka við eystri enda Fjarðabyggðarhallarinnar á Reyðarfirði. Kjörið að leysa vandamálið með sama hætti.