Ekkert að marka!

 Æ,æ. Er nú verið að eyðileggja helsta tromp V-grænna og annarra umhverfisöfgasinna á Íslandi. Þeir verða sjálfsagt ekki lengi að finna út að ekkert sé að marka þessa skýrslu. Annars liggur fyrir að þeir verða að finna sér annað áhugamál.

Ísland í fremstu röð í umhverfismálum

Sálmur 129

Prestur nokkur bauðst til að skutla nunnu bæjarleið í bílnum sínum. Þegar nunnan hafði sest í bílinn og presturinn var lagður af stað, þá krosslagði hún fæturnar þannig að kufl hennar liftist og það sást í beran fótlegg hennar. Prestinum varð svo um að hann keyrði næstum útaf.

 Þegar hann hafði náð stjórn á bílnum og jafnað sig aðeins, ákvað hann að leggja hönd sína á læri nunnunnar. Nunnan sagði þá: "Faðir, mundu Sálm 129!" Presturinn kippti þá hendinni að sér en þegar hann skipti næst um gír, þá setti hann höndina aftur á læri nunnunnar. Nunnan sagði aftur: "Faðir, mundu Sálm 129!".

Presturinn baðst afsökunar og sagði: "Fyrirgefðu mér systir, en holdið er veikt".

Þegar nunnan var komin á áfangastað, andvarpaði hún þunglega og hélt sína leið. Þegar presturinn kom heim til sín, rauk hann beint að náttborðinu sínu og fletti upp Sálmi 129 því hann mundi ekki hvað í honum stóð.

Hann las: "Gakk fram og leitið, leitið hærra. Þar munið þér dýrðina finna".

Eitthvað skrítið

Örtröð myndaðist þegar opnað var fyrir vikulega úthlutun Fjölskylduhjálparinnar. mbl.is/Sverrir

Það er erfitt að átta sig á því hvað veldur þessari aukningu, þrátt fyrir að Ísland hækki stöðugt á lífskjaralista þjóðanna. Fátækt mun vera næst minnst hér á norðurlöndum, við erum efst á lista í heiminum yfir almenn lífskjör og svo mætti lengi telja. Kaupmáttaraukning ALLRA hefur batnað mikið sl. 10 ár, en samt er meiri ásókn í aðstoð nú en áður, við að framfleyta sér.

Vitnað er í fréttinni í einstæða móður með þrjú börn og hún er auk þess öryrki, og segir hún bæturnar engan veginn duga. Hún sé með um 120.000 krónur í framfærslu á mánuði.

Ég leyfi mér reyndar að draga það stórlega í efa að þessi framfærsluupphæð sé sannleikanum samkvæm og furða ég mig á því að blaðamaðurinn skuli kokgleypa það sem konan segir honum án þess að kanna hvort þetta geti staðist. Þegar reiknaðar eru þær tekjur sem konan hefur af örorkubótum, barnabótum, meðlagi og vaxtabótum, þá er framfærslueyrir hennar sennilega um og yfir 200.000 á mánuði. Ekki það að nokkur manneskja sé sæl af slíkri upphæð, en rétt á að vera rétt.

Pétur Blöndal Alþingismaður benti á það fyrir nokkrum misserum síðan að höfuðvandi fólks sem á í fjárhagserfiðleikum sé ekki tekjutengdur, heldur skuldatengdur. Hann skoraði á hvern þann sem ekki gæti framfleytt sér, að koma til sín og hann skyldi leiðneina viðkomandi til þess. Eftir því sem ég best veit, lét enginn sjá sig hjá Pétri. Fólk lifir einfaldlega um efni fram og lendir svo í vandræðum. Ég er ekki að alhæfa með því að benda á þetta, einungis að segja að stór hluti fólks á við skuldavandamál að etja. Auk þess eru auðvitað töluverður hluti þess fólks sem leitar sé fjárhagsaðstoðar, í áfengis og fíkniefnavanda.

 

 

Örbirgð vex með aukinni velmegun

Sóley lokar fyrir skoðanaskipti

 

Ég hef haft gaman að því að kíkja á bloggið hjá Sóley Tómasdóttur, ekki síst á athugasemdirnar sem gerðar eru við færslur hennar og jafnvel lauma einni og einni að. Nú hefur hún lokað fyrir athugasemdamöguleikann og þá er nú allt púður farið úr bloggsíðu hennar.

Það er eiginlega makalaust að hún skuli hafa tekið upp á þessu. Ég hef nú alltaf litið svo á, að ef einhver er mér ekki sammála og er ómálefnalegur og jafnvel með skítkast í athugasemdunum, þá sé staðan 1-0 fyrir mér. Að sjálfsögðu á ekki að líða persónulegar ærumeiðingar og auðvelt er að loka á slíkt. En hún og skoðanasystur hennar og bræður hafa oft á tíðum stungið sér á kaf í að svara ómálefnalegum athugasemdum, þegar vísara væri að hunsa þær.

Í höfundarupplýsingum á bloggi hennar má lesa eftirfarandi:

"Sóley er róttækur femínisti með ríka réttlætiskennd og sterkar skoðanir á hlutunum. Hér birtast hugleiðingar hennar um hvernig bjarga megi heiminum".

Þeir sem hafa ætlað sér að bjarga  heiminum, einungis umkringdir jábræðrum, hefur öllum mistekist hrapalega til þessa.

 

Bera foreldrar enga ábyrgð?

  Samfélagsbreytingum er um að kenna. Tími barna til heimanáms hefur greinilega minnkað vegna tölvu og netnotkunar barna, og sjónvarpsgláps. Námsmat er gert reglulega í skólum og það er á ábyrgð foreldranna að fylgja eftir úrbótum ef börn þeirra koma illa út úr matinu. Foreldrar og uppalendur eru ábyrgir og hugsanlega mætti hið opinbera standa sig betur í því, að reka einmitt áróður fyrir ábyrgð foreldra. Lífsgæðakapphlaupið er e.t.v. að fara ver með Íslendinga en aðrar þjóðir. 

PISA-könnun vonbrigði

Enn sýnir Alcoa rausn í verki

 Alcoa hefur verið duglegt að veita úr samfélagssjóði sínum styrki til ýmissa mála í Fjarðabyggð. Bæði til menningarmála og einnig til íþrótta, heilbrigðis og öryggismála. Auðvitað er um PR. vinnu að ræða hjá þeim en fram hjá því verður ekki litið að styrkveitingar þeirra hafa komið sér afar vel hér á Mið-Austurlandi.

Nú síðast veitti Alcoa í dag Þjóðminjasafni Íslands styrk úr samfélagssjóði sínum til endurbóta og uppbyggingar Sómastaðahússins í Reyðarfirði. Styrkurinn nemur um 16 milljónum króna og verður hann veittur til verkefnisins á næstu þremur árum.

Hús þetta tengist mér á tvennan hátt. Á jörðinni Sómastöðum rak ég um þriggja ára skeið, samnefnt garðyrkjufyrirtæki og hafði þar bækistöð. Meiningin var að hefja þar ræktun garðplantna en úr því varð ekki heldur keypti ég plöntur til endursölu og vann að mestu við skrúðgarðyrkjuþjónustu sem er mitt fag. Ég var bjartsýnn á að mér tækist að lifa af þessu eingöngu og var ætlunin að fylla dauðan tíma á vetrum með íhlaupavinnu. Reyndin varð sú að brjálað var að gera hjá mér í um þrjá mánuði yfir sumartímann en ekkert í um 8 mánuði ársins. Og erfiðara reyndist að fá íhlaupavinnuna en mig grunaði. Þetta var fyrir tíma álversframkvæmda, árin 1998-2001. Auk þess var brjósklos í baki farið að angra mig all verulega, svo þessu var sjálfhætt.

Hin tengingin við Sómastaði var sú að ég keypti hús á Reyðarfirði af Ingibjörgu Beck sem var fædd og uppalin á Sómastöðum.

Ég átti dálítil samskipti við Þjóðmynjasafnið þegar ég fékk leyfi til þess að hefja atvinnurekstur á jörðinni. Þá var mér m.a. sagt að hús þetta væri einstakt sinnar tegundar á landinu og þjóðmynjaverði þótti mikill fengur í að stofnunin fékk húsið í sína eigu. Á dagskrá var að gera húsið að safni, gera það upp og halda því við en fjármagnið sem úthlutað var til verkefnisins var ekki nema að mig minnir nokkur hundruð þúsund krónur á ári, sem dugði svona mátulega til þess að borga iðnaðarmönnum fyrir að mæta á svæðið og lítið meira en það. Gott dæmi um illa vörðu opinberu fé.

Myndina að ofan tók ég af vef Kjartans Péturs Sigurðssonar en hann bloggar um þessa frétt og finnst að flytja ætti húsið vegna nálægðar við álverið og spennustöðvar við hliðina á því. Ég er algjörlega ósammála þeirri skoðun. Sómastaðahúsið sést á loftmyndinni lengst til vinstri fyrir miðju og spennistöðin þar beint fyrir neðan. Mér hefur alltaf skilist að þessi spennistöð væri til bráðabirgða og bílaplanið með skúrbyggingunum hinu megin við veginn mun hverfa og þar verður gróið land. Þar sem steypustautarnir standa upp úr jörðinn er álverið staðsett. Þarna munu kallast á gamli tíminn og hinn nýji og það gefur þessu safni einstakan kontrast sem vekur fólk til umhugsunar. Bara skemmtilegt.

Ég sé fyrir mér að í húsinu gæti verið rekið lítið kaffihús sem bíður upp á kaffi og rjómapönnukökur og jafnvel harðfisk, hákarl og kalda sviðakjamma. Einstakur veitingastaður, á heimsvísu.

16 milljóna styrkur til að endurbyggja Sómastaði

Maradona

 Argentínski knattspyrnusnillingurinn fyrrverandi er ekki sáttur við val á knattspyrnumanni Evrópu. Hann telur upp marga aðra sem betur væru að titlinum komnir og fyrstur á blaði er samlandi hans Leonil Messi.

Að mínu mati er nú ekki nóg að sýna galdrakúnstir inná vellinum ef viðkomandi spilar ekki fyrir liðið. Ferguson hjá MU hefur tekist að gera Ronaldo að manni á tiltölulega skömmum tíma og Messi er á réttri leið, þeirra tími mun koma.

Árangur AC Milan á árinu á eflaust þátt í kjöri Kaká að þessu sinni. Hann er vel að titlinum kominn.

Maradona: Kaká ekki bestur

Ég mæli með....

 .....stórgóðum pistli Hannesar Hólmsteins "Gagnslaus aðstoð" 

Margir vina minna og kunningja og jafnvel ættingja eru frekar vinstrisinnaðir og þegar ég minnist á Hannes Hólmstein, er viðkvæðið oft að hann sé nú svo svakalega hægrisinnaður og sjónarmið hans séu últra frjálshyggja. Ég held að þetta fólk ætti að leggja fordóma sína til hliðar svona einu sinni og lesa það sem kallinn hefur fram að færa og gagnrýna það þá á málefnalegan hátt en ekki afgreiða hann með einhverjum kommúnistafrösum.

Ertu skarpari en ljóska?

Ljóskan tekur þátt í Viltu vinna milljón 
  
    Hér kemur fyrsta spurningin
  
    1.  Hve langan tíma tók 100 ára stríðið?
        
        a) 116
        b) 99
        c) 100
        d) 150
        -hún sat hjá í þessari spurningu
  
  
    2.  Í hvaða landi er Panama hatturinn fundinn upp?
        
        a) Brasilíu
        b) Chile
        c) Panama
        d) Equador
        -ljóskan spyr salinn
  
  
    3.  Í hvaða mánuði er október byltingin haldin hátíðleg?
  
        a) janúar
        b) september
        c) október
        d) nóvember
        -ljóskan hringdi í vin
  
  
    4.  Hvert er skírnarnafn Georgs konungs VI?
  
        a) Albert
        b) Georg
        c) Manuel
        d) Robert
        -ljóskan tekur út tvö röng svör
  
  
    5.  Eftir hvaða dýri eru Kanaríeyjar nefndar?
  
        a) Kanarí fugli
        b) Kengúru
        c) Sel
        d) Rottu
        -ljóskan hættir keppni
  
  
  
    Ef þú heldur að þú sért vitrari en ljóskan og hlærð að henni, skaltu lesa
  réttu svörin hér að neðan:
  
    1.        100 ára stríðið tók 116 ár, frá 1337 til 1453 
    2.        Panama hatturinn var hannaður í Equador 
    3.        Október byltingin er haldin 7. Nóvemer 
    4.        Georg konungur VI hét Albert. 1936 skipti hann um nafn. 
    5.        Kanaríeyjar eru nefndar eftir sel. Latneska nafnið er Insukaria
               Canaria sem þýðir Selseyjar. 
  
    Svaraðu nú; hver veit betur þú eða ljóskan??    
  
  

Aðventutónleikar á Eskifirði

Kór Fjarðabyggðar ásamt Jóhanni Friðgeir Valdimarssyni tenór og strengjasveit héldu aðventutónleika í Kirkju og menningarmiðstöðinni á Eskifirði, sunnudaginn 3. des. Einnig sungu börnin í Englakórnum nokkur lög, en þau eru í Tónlistarskóla Eskifjarðar og Reyðarfjarðar.

Hinn stórgóði söngvari Jóhann Friðgeir, olli mér dálitlum vonbrigðum á þessum tónleikum. Svo virtist sem rödd hans nyti sín ekki í Eskifjarðarkirkju, þ.e. að hann söng ekki á nógu miklu "blasti" og dettur mér helst í hug að hann hafi látið blekkjast á æfingu fyrir tónleikana í tómu húsinu, en þá er töluvert ekkó. Það breytist mikið þegar húsið er orðið fullt af fólki.

Kór Fjarðabyggðar stóð sig með mikilli prýði og má segja að mig hafi klæjað í raddböndin af löngun að standa með þeim á sviðinu, en ég gat því miður ekki tekið þátt í æfingum af fullum krafti í þetta sinn. Það er líka gott að vera "bara" hlustandi, svona stöku sinnum og njóta þannig.

Englakórinn var yndislegur og ég fæ alltaf gæsahúð þegar hann syngur "Guðs kristni í heimi" og útkoman var glæsileg með kór fullorðna fólksins ásamt einsöngvaranum. Einnig var gaman að heyra litlu krílin syngja raddað í einu laganna.

Stjórnendur voru Gillian Haworth og Kári Þormar, hinn nýji forstöðumaður kirkju og menningarmiðstöðvarinnar en hefur áður getið sér gott orð sem kórstjóri hins vandaða kórs Áskirkju í Reykjavík.