Íbúalýðræði

Þeir sem fögnuðu sigri í kosningunni í Hafnarfirði um stækkun álvers Alcan, mærðu íbúalýðræðið og sögðu kosninguna vera sigur þess. Eitthvað er áhuginn fyrir íbúalýðræðinu minni þegar fyrirhugaðar eru framkvæmdir á landsbyggðinni. Þ.e.a.s. hjá þeim sem eru á móti framkvæmdunum. Fylgjendurnir eru frekar jákvæðir í garð íbúalýðræðisins í dreifbýlinu.

Ég vona að umræðan hjá Vestfirðingum verði málefnaleg. Það eru spennandi tímar framundan á áhrifasvæði fyrirhugaðrar olíuhreinsistöðvar. Ég hef fulla trú á því að þetta sé mjög gott atvinnutækifæri fyrir Vestfirði og renni styrkum stoðum undir blómlegt mannlíf. 

Þeir sem hafa verið duglegir að benda á "eitthvað annað", í stað stóriðju eða orkufreks iðnaðar...endilega haldið áfram að pæla í því. Ég er viss um að þið finnið eitthvað.

Skýrslur um hugsanlega olíuhreinsistöð kynntar

Kallinn ósáttur

Ike Turner er látinn. Honum er sjálfsagt minnst fyrst og fremst fyrir að hafa verið eiginmaður Tinu og að hafa lagt hendur á hana. Eitthvað sem hann hefði síst viljað. Hann var reyndar ekki sáttur við yfirlýsingar sinnar fyrrverandi um ofbeldið og sagði að fjölmiðlar hefðu svert mannorð sitt.

Ike Turner ætti frekar að vera minnst fyrir þann skerf sem hann lagði til tónlistarinnar, en ekki fyrir gamlar hjónabandserjur.

Ike Turner látinn

Klúbbamella

Fernando Torres fagnar eftir að hafa komið Liverpool í 2-0 gegn Marseille á heimavelli Frakkana. Liverpool gjörsigraði franska liðið 4-0.

Ég get ekki að því gert að ég held alltaf með ensku liðunum í Meistaradeildinni. Sama hvaða ensk lið eru í Evrópukeppni, ég held með þeim. Mér finnst enska knattspyrnan sú skemmtilegasta í heimi. Mér finnst skemmtilegra að horfa á miðlungs lið úr næst efstu deild í Englandi, en miðlungs efstudeildarlið í Þýskalandi, Spáni og á Ítalíu. Bestu liðin í þessum löndum eru oft skemmtileg, sérstaklega frá Spáni og Ítalíu og stundum þau bestu í heimi.

Ég hef haft dálæti á mörgum liðum á Englandi en í fyrsta sæti hjá mér undanfarin 10 ár er Chelsea. Ég gladdist mjög þegar Eiður Smári gekk til liðs við félagið og fannst hann vanmetinn hjá félaginu nema kannski fyrstu 2 árin. Tore Andre Flo var í miklu uppáhaldi hjá mér. Ótrúlega fimur þrátt fyrir mikla lengd. Ekki ósvipaður Peter Crouch hjá Liverpool. Zola kemur sterkt upp í hugan frá þessum árum, einnig Ruud Gullit og marga fleiri er hægt að nefna. Það er eitthvað við Drogba sem gerir það að verkum að mér finnst að hann ætti að fara frá félaginu núna. Þó hann sé klárlega einn mesti markaskorarinn um þessar mundir, þá er ég ekki viss um að hann sé góður "Team Player". Svo er fátt sem mér leiðist meira í fótbolta, en leikaraskapur.

Sennilega hef ég lagnlífustu taugarnar til MU, vegna sögu félagsins, Munchen t.d. en 50 ár verða liðin frá atburðinum í fyrrihluta febrúarmánaðar á næsta ári. Ferguson er í miklu uppáhaldi hjá mér sem þjálfari og karakter. Jose Morhino er einnig á háum stalli.

Glenn Hoddle var lengi uppáhalds miðjumaðurinn hjá mér og vegna skemmtilegs, hollensk ættuðum knattspyrnustíls, var ég lengi skotinn í Tottenham liðinu., en Hoddle tókst að klúðra þjálfaraferli sínum "Big Time", þegar hann hrökklaðist úr landsliðsþjálfara sætinu fyrir klaufaleg ummæli við blaðamann.

Ian Rush og Kenny Dalglish hjá Liverpool voru eftirminnilegir markaskorarar og gera það að verkum og ég hef verið dálítill laumuaðdáandi Félagsins, enda átti liðið ógleymanleg tímabil á níunda áratug síðustu aldar, með þessa tvo menn innanborðs. Stemningin á Anfield virðist engu lík og lagið þeirra er klassík. Gamall sálmur reyndar, en hvað um það, klassík engu að síður og getur jafnvel vakið tár þegar mikið liggur við.

Westham fær stuðning minn nú vegna Íslendingatengslanna, auk þess sem Westham á alla virðingu skylda fyrir knattspyrnuakademíu sína, en hún hefur fætt af sér marga af bestu knattspyrnumönnum Englands.

Leeds var æskuklúbburinn minn, frá 1970 til 1980. Byrjaði að halda með þeim af því þeir urðu Evrópumeistarar 1971 minnir mig. Þegar fór að nálgast lok níunda áratugarins, fannst mér stíll knattspyrnuliðsins vera orðinn full grófur fyrir minn smekk, enda margir þekktir harðjaxlar í liðinu. Þegar þeir urðu Englandsmeistarar 92, varð ég ekkert yfir mig glaður og ákvað að hætta að halda með þeim.

Arsenal hefur verið með eitt allra skemmtilegasta lið Evrópu undanfarin 2-3 ár. Wenger er ótrúlega fundvís á tiltölulega óþekkta einstaklinga og gerir úr þeim heimsklassaleikmenn. Wenger er sennilega einn allra klókasti þjálfarinn. Klúbburinn hefur samt ekki alveg náð í gegn hjá mér. Konan heldur með Arsenal.

Það er fínt að vera klúbbamella. Þá eru miklar líkur á að liðið manns sé í toppbáráttunni og það er assskoti gott.

 

Liverpool lék Marseille grátt

Geggjun

 Þetta er ótrúlegt klúður hjá ÁTVR og í raun glæpsamlegt. En sjálfsagt verður enginn dreginn til ábyrgðar.

Það er ekki oft sem maður labbar inn í vínbúð og gleymir því að maður er þar til þess að kaupa áfengi. En það er einmitt tilfellið með þetta hús og innréttingarnar í því. Maður stoppar og fer að góna í kringum sig og finnst maður kominn 100 ár aftur í tímann.

Það eru að vísu nokkur ár síðan ég kom þarna síðast en mér er það minnisstætt hve ánægjulegt var að koma þarna inn og það ekki bara út af brennivíninu.

Hætt við niðurrif verslunar

Þurftum að bíða í Borgarnesi

Við fjölskyldan lögðum af stað frá Reyðarfirði seinnipartinn í dag áleiðis til höfuðborgarinnar og kusum að fara norðurleiðina vegna hagstæðari veðurspár, en álíka langt er að fara fyrir okkur norður og suðurleið.

Þegar við vorum komin yfir Holtavörðuheiðina héldum við að við værum hólpin, en við komuna til Borgarness, var skollið á kolvitlaust veður. Þegar við komum að Borgarfjarðarbrúnni leist mér ekkert á blikuna, þvílíkur var veðurofsinn og að keyra undir Hafnarfjalli var ekki árennilegt. Ég hringdi því í lögregluna og spurði ráða. Var mér þá sagt að vindhviðurnar væru yfir 60 metrar. Ég spurði þá hvers vegna ekki væri búið að loka leiðinni og svarið var að ekki hefði gefist tími til þess, allir lögreglubílar í útkalli og síminn stoppaði ekki hjá þeim. Benti lögreglumaðurinn mér á að ákveðið hefði verið að hafi opið í söluskála bensínstöðvar lengur vegna fólks sem komst ekki leiðar sinnar.

Þegar við komum á bensínstöðina fundum við okkur skjól undir vegg til þess að komast út úr bílnum. Veðurofsinn og drunurnar í vindinum og hávaðinn var ógnvekjandi og man ég ekki eftir öðru eins og hef ég þó lent í ýmsu. Inni á bensínstöðinni voru nokkrir sem höfðu leitað skjóls og þar var einnig Gísli Einarsson sjónvarpsmaður með tökuvél sína undir hendinni. Ungur maður sagði okkur frá alvarlegu foki í Borgarnesi og þá lyftist brúnin á Gísla. Einhver hafði orð á því hve áberandi var hvernig Gísli iðaði í skynninu við að heyra um hamfarafréttir og allir hlógu, Gísli líka.

Á bensínstöðinn var tölvuskjár sem sýndi af vef Vegagerðarinnar hvernig veðrinu var háttað undir Hafnarfjalli og allir störðu á skjáinn í von um að línuritið sýndi lækkandi vindstyrk. Okkur varð að ósk okkar eftir u.þ.b hálftíma bið. Þá hröpuðu vindhviðurnar úr rúml. 60m á sek. niður í um 40. Héldum við því nokkrir ferðalangar af stað í halarófu en keyrðum afar hægt, á köflum á um 20 km. hraða, og það var alveg nóg. Ferðin gekk að óskum til Reykjavíkur en ég held að ég verði með strengi í lúkunum á morgun, svo fast hélt ég um stýrið á leiðinni.

 

Vegurinn undir Hafnarfjalli lokaður

Spurning um tíma

Ég snæddi kvölverð með bandarískum verkfræðingi hjá Alcoa og honum þótti miður afstaða samlanda sinna gagnvart þessu samkomulagi en hann sagði jafnframt að það væri bara spurning um tíma, hvenær Bandaríkjamenn skrifuðu undir slíkt samkomlag.

Ég átti mjög fróðlegt spjall við verkfræðinginn en hann hefur starfað fyrir Alcoa víða um heim. Fyrir rúmlega þremur árum síðan, þegar hann sagði vinum sínum heima að hann væri að að fara til starfa á Íslandi, hváðu þeir við og spurðu hvernig í ósköpunum honum dytti í hug að fara til Íslands. Hann sagði þá að hann hefði mikinn áhuga á að byggja upp verksmiðju sem eingöngu notaði "græna orku". Verkfræðingurinn virtist hinn (umhverfis) vænsti maður.

Í sumum þeirra landa sem hann hefur starfað í vegna áliðnaðarins á vegum Alcoa, væri starfsumhverfið vægast sagt brogað. Sumstaðar var Alcoa ekki eignaraðili verksmiðjanna heldur seldi eigendum þeirra tækniþekkingu. m.a. varðandi mengunarvarnir. Hann sagði mér einnig að verið væri að endurræsa aflóga verksmiðjur sem engan veginn uppfylltu nútíma kröfur um mengunarvarnir og þar væru Rússar framarlega í flokki. Í Bandaríkjunum væri ekki lengur möguleiki að reisa nýjar verksmiðjur einfaldlega vegna þess að orkan stæði ekki til boða. Maðurinn er himinnlifandi yfir veru sinni á Íslandi og dáist að landi og þjóð. Alltaf gaman að láta kitla hégómagirnd sína og þurfa ekki einu sinni að spyrja: "How do you like Iceland?".

 

Samkomulags ekki vænst á Balí

101 stjórnunarnám

5 minute management course 4

Lesson 4
An eagle was sitting on a tree resting, doing nothing.
A small rabbit saw the eagle and asked him, "Can I also sit like you and
do nothing?"
The eagle answered: "Sure, why not."
So, the rabbit sat on the ground below the eagle and rested. All of a
sudden, a fox appeared, jumped on the rabbit and ate it.
-
Moral of the story:
To be sitting and doing nothing, you must be sitting very, very high up.

Íslenska leiðin

Vandlætingartónn vinstrimanna hefur verið áberandi undanfarin ár. Þeir hafa lýst því með hryllingi hvernig íslensk stjórnvöld hafi fjarlægst "norræna módelið" í velferðarmálum en færst nær því bandaríska eða engilsaxneska.

 Svíar notast væntanlega við norræna módelið en þar hefur velferðarkerfið beðið skipbrot í tíð jafnaðarmanna þar. Nú líta þeir til Íslands á sviði efnahags og velferðarmála.

Íslenska leiðin hefur reynst vel en hún er ekki fullkomin frekar en annað í þessum heimi. Hlutverk allra stjórnmálaflokka á Íslandi hlýtur fyrst og fremst að vera að gera þjóðfélag okkar enn betra. Af nógu er að taka.

Næstminnsta fátæktin í Evrópu er á Íslandi

Hvað er almenningur tilbúinn að borga mikið?

Lítið hefur borið á í umræðunni um takmörkun á losun gróðurhúsalofttegunda, hvað það muni kosta hinn almenna launamann. Sérstakur skattur á eldsneyti mun bitna beint á almenningi. Hvað myndi fólki finnast ef fríið til útlanda kostaði 30% meira? Rekstur heimilisbílsins yrði 30% dýrari, húshitunarkostnaður ofl. Hvað segir almenningur á Íslandi, ef hér kreppir verulega að í atvinnu og efnahagsmálum og okkur yrði bannað að nýta þá vistvænu orku sem er okkar eina náttúrulega auðlind fyrir utan fiskimiðin?

 Ríka fólkinu mun sjálfsagt ekkert muna um þetta en okkur hinum verður kippt 30-40 ár afturábak í lífskjörum. Þá fór einungis efnað fólk til útlanda. Er fólk tilbúið í þær breytingar?

 Þeir sem ekki eru alfarið á móti nýtingu jarðvarma og vatnsfallaorku okkar, benda á að við getum nýtt orkuna okkar í t.d. í netþjónabúskap. En ef slíkt stendur okkur ekki til boða og hér er atvinnuleysi? Hefur fólk hugsað þetta til enda?

Hvað munu hin svokölluðu þróunarríka fá mikinn afslátt á samkomulagi um losun gróðurhúsalofttegunda? Ríki eins og Indland og Kína?

Hætt er við að vinsældir þessara hugmynda um samkomulag um takmörkun á losun gróðurhúsalofttegunsa dvíni eitthvað, þegar fólk þarf að borga fyrir það úr eigin vasa.

Bandaríkin skrifa ekki undir

Hverjir segja þetta?

  Einhversstaðar sá ég ekki fyrir svo löngu síðan að skógar hafa EKKI minnkað á jörðinni sl. 10 ár. Þegar ég las meira í þessari frétt sá ég að þessi fullyrðing, "að meira en helmingur regnskógarins gæti eyðst fyrir 2030", er frá náttúruverndarsamtökunum World Wildlife Fund (WWF). 

Ýmis samtök sem kenna sig við náttúruvernd eru háð frjálsum framlögum almennings og þau hafa fyrir löngu komist að því að því meira sem hægt er að krydda fréttir um hugsanlega vá,  t.d. dýr í útrýmingarhættu (hvalir) því meira fé streymir í sjóðina.

"Björgum regnskógunum" er búið að vera ábatasamt slagorð í mörg ár og það versta sem fyrir fjárhagslega afkomu þessara fyrirtækja getur komið, sem gera út á náttúruverndarsjónarmið, er ef almenningur áttar sig á því að e.t.v. er váin ekki eins alvarleg  í dag og hún leit út fyrir að vera fyrir ekki svo löngu síðan.

 

Meira en helmingur Amazon regnskógarins gæti eyðst fyrir 2030