Fer ekki fet

 Cristiano Ronaldo er besti knattspyrnumaður veraldar í dag. Hann hefur náð undraverðum framförum frá því hann kom til United aðeins 18 ára gamall. Ég held hann sé ekki nema 22 ára í dag.

Drengurinn er að blómstra hjá United þessa dagana, því ætti hann að taka áhættuna á þessum tímapunkti og breyta til? Hann verður lágmark 3-4 ár hjá félaginu til viðbótar. Manchesterborg er hans heimili.

Fjórtán milljarða boð í Ronaldo?

Vonbrigði - engar leiðréttingar

Eftir æsilegt kapphlaup við tíman, þar sem ég lagði af stað og hafði fyrir mér 40 mútur til þess að komast efst frá Grafarholti og vestur í Hákólabíó en lenti í umferðaröngþveiti vegna áreksturs, þá kom ég að ábúðarfullum dyravörðum í andyri bíósalarins sem tilkynntu mér og mörgum öðrum sem komu í sömu andránni á hlaupum frá yfirfullum bílastæðunum í kring, að því miður væri búið að loka.

"Að kröfu öryggisstarfsfólks Al Gore, þá er engum hleypt inn eftir að fyrirlesturinn er byrjaður".

Klukkan  var sem sagt orðin 8.33 og ferð mín, þessir örfáu kílómetrar til Nessins sem kennt er við Seltjörn, tók því 53 mínútúr eða næstum klukkutíma. Og ég lenti ekki í neinum mótmælum!

Ég sá á svip dyravarðanna að  "En ég er að koma alla leið frá Reyðarfirði til að fara á fundinn, og ég lenti í umferðarhnút á leiðinni", trikkið myndi ekki virka. Ég stóð þarna eins og þvara í nokkrar mínútur og sá fólk streyma að sem hafði lent í sömu umferðarvandræðum og ég og einhvernveginn var það ákveðin sárabót, að sjá að ég var ekki eini hálfvitinn sem ekki lagði nógu tímanlega af stað.

Skyndilega kom maður í frakka, ábúðarmikill á svip og sagði að hann  væri starfsmaður umhverfisnefndar Alþingis og hann yrði að komast á fundin. Falleg stúlka, rúmlega tvítugur dyravörðurinn tilkynnti þeim ábúðarmikla með hluttekningu í svip og rödd að "Því miður, þetta eru reglur og við setjum þær ekki".

Þegar ég var u.þ.b. að snúa frá andyrinu þá kemur annar dyravörður að andyrinu og segir að okkur sé hleypt inn, fyrirlesurinn sé nefnilega ekki byrjaður. Ég hrósaði happi og flýtti mér inn og settist í sætaröð 26, sem er fjórða efsta röðin, í sæti númer 17.

Fyrirlesturinn byrjaði á að forstjór Glitnis setti fundinn, talaði fyrir nýtingu hinnar "grænu" orku á Íslandi sem ég hygg að stór hluti fundargesta hafi ekki alveg tilbúnir að kvitta fyrir. Ekki miðað við flissið í salnum sem kom þegar Hr. Gore talaði í hæðnistón um þá sem "efast" um hlutdeild mannsins í hlýnun jarðar. Í salnum var óþarflega stór hluti fólks gagnrýnislaust já-fólk, sem styður þann iðnað sem Al Gore og hans nótar þrífast á.

Fyrirlesturinn var hrein "klónun" af fyrirlestrunum ú mynd Gore´s "An Invonvenient Truth". Engar leiðréttingar voru gerðar, þrátt fyrir að fyrirlesturinn og myndin hafi hlotið harða gagnrýni fyrir alvarlegar villur. Sjö metra sjávarborðshækkunin var þarna enn og ekki minnst orði á að engin hlýnun hafi orðið á jörðinni s.l tíu ár. Fyrirlestur Gore´s  var vel æfður og hann notaði glærur og kvikmyndainnskot með áhrifamiklum hætti. Svo virkaði hann "einn af okkur" á sviðinu og skaut inn einum og einum heimilislegum brandara við góðar undirtektir áheyrenda.

Fyrirspurnartíminn styttist úr 25 mínútum í u.þ.b. 15 mínútur vegna þess að fyrirlestur Gore´s var ögn lengri og dagskránni seinkaði aðeins. Það var augljóst að Gore tók sér góðan tíma í að svara þeim þrem spurningum sem hann fékk, því í þeim fólst engin krítik á kenningar þær sem fram koma í fyrirlestri hans. Tíminn rann út og sjá mátti andlit margra þekktra talsmanna  umhverfissjónarmiða, ganga út án þess að geta þurrkað ánægjuglottið af andlitum sínum.

 

Öfgarnar aukast segir Al Gore

Drengir eru árásargjarnari

Ég er sannfærður um að kynbundin hegðun er að verulegu leyti kynjunum í blóð borin, þó að félagslega mótun hafi einnig að sjálfsögðu áhrif.

Ég vinn með krökkum á aldrinum 6-10 ára og ég sé greinilega hve líkamleg hreyfiþörf er mismunandi eftir kynjum, sérstaklega þegar krakkarnir eru utan dyra eða í knattspyrnuhöllinni. Strákar elska að reyna með sér í líkamlegri baráttu um leikföng, bolta eða bara að takast á. Hjá þeim er styrkur og snerpa eftirsóknarverður eiginleiki. Stelpur fara frekar í hlutverkaleiki á mjúku nótunum.

Ég hef efasemdir um að æskilegt sé að hefta of mikið eðlislæga hegðun. Náttúran verður að hafa sinn gang upp að vissu marki. En það er líka óþarfi að láta börnin festast í stereótýpískum kynhlutverkum.

Vísbendingar um eðlislægan áhuga stráka á „strákaleikföngum“

Var að skoða miðann minn

 Ég var að skoða aðgöngumiðann á fundinn með Al Gore í Háskólabíói í fyrramálið. ´

8.00: Húsið opnað

8.30: Lárus Welding, forstjóri Glitnis

8.35: Forseti Íslands, Ólafur Ragnar Grímsson

8.40: Al Gore, fyrrverandi varaforseti BNA

10.10: Fyrirspurnir

10.35: Fundarlok

Þarna er gert ráð fyrir 25 mínútna löngum fyrirspurnartíma. Það er spurning hvort Gore ætli að leika "Háll sem áll", en það hlýtur að vera vandræðalegt fyrir hann að svara fyrir slatta af villum í Nóbelsverðlaunastykkinu sínu, "An Inconvenient Truth". Myndin fer að verða "Óþægilegur sannleikur".

Margir sporna gegn breytingum

Hreyfing

 

 

 

Hreyfing, hreyfing, hreyfing, er lykillinn að grennra holdafari. Nú er ég eins og prestur og vegvísir. Vísa veginn en fer hann ekki sjálfur.

Offita er dýrt heilbrigðisvandamál. Það ætti því ekki einu sinni að vefjast fyrir nýfrjálshyggjukapitalista, sem vel að merkja er ekki skammaryrði í mínum eyrum, að opinberu fé til þessa heilbrigðismálaflokks, er vel varið og með fullri arðsemi.

Offitufaraldur á Íslandi

Frábært útsýni

 

 

Egilsstaðaflugvöllur umfotin vatni í flóðum í Leginum í miklum ágústrigningum og hlýjindum fyrir nokkrum árum. Sambærilegir vatnavextir nú, þýddu einhverra cm., jafnvel tuga cm. í hærra vatnsborði vegna tilfærslu Jöklu yfir í Fljótsdal.

 

Í dag fór ég í fyrsta sinn inn í nývígða og endurbætta flugstöðina á Egilsstöðum. Ferðinni var heitið til höfuðborgarinnar, en á morgun fer ég í jarðarför og á þriðjudagsmorgun er stefnumót við Al Gore á morgunverðarfundi í Háskólabíói.

 

 Viðbótin við gömlu flugstöðina er snoturt mannvirki og aðstaða öll stórbatnar, sérstaklega varðandi millilandaflug. Verktakafyrirtækið Smiðir ehf. sá um að byggja aðstöðuna, en fyrirtækið er rekið af tveimur kornungum athafnamönnum frá Reyðarfirði. Fyrirtæki þeirra hefur blómstrað á uppbyggingartímanum og njóta þeir góðs af því í dag, sem er mikilvægt í þeim samdrætti og lausafjárvanda sem hrjáir þjóðfélagið um þessar mundir. 15-20 manns hafa verið í fastri vinnu hjá Smiðum ehf.

Flugferðin var óvenju ánægjuleg. Heiðskýrt veður var á Héraðinu, þó skýjað væri niður á fjörðum og það hélst heiðskýrt alla leið að Laugarvatni. Fyrir vikið fékk ég frábært útsýnisflug en ég saknaði þess þó að hafa ekki fróðan leiðsögumann mér við hlið.

Kárahnjúkastífla skartaði sínu fegursta í sólskininu, en afar vetrarlegt er um að litast á landinu nema á Suðurlandsundirlendinu og e.t.v. í Borgarfirði. Hálslón var ísilagt og erfitt var að greina hjarnbreiður Fljótsdalsheiðar frá konungi jökla Evrópu, Vatnajökli. Það var ekki fyrr en komið var að skriðjöklunum norðanverðum, að jaðar jökulsins  og brattleiki, sem er mjög lítill, varð skýr í þessu kalda og tæra lofti.

 Og að sjálfsögðu bar drottning austfirskra fjalla, Snæfell, sig tignarlega þegar glitraði á kórónu hennar. Það er þó sérkennilegt til þess að hugsa, að fjallið skuli vera rúmlega 1800 m. hátt, en virka mun lægra. Ástæðan er sú að Snæfell rís upp af Fjótsdalsheiði sem er um 600 m há þar sem hún er hæst. Þess vegna virkar það ekki mikið hærri en Esjan, séð frá heiðinni. En í góðu skyggni frá Egilsstöðum, þá sést vel hæð og tignarleiki fjallsins.

Myndina af Kárahnjúkum tók ég af: http://www.pose.is/fullfrettir.php?id=136&page=9 Undir myndinni þar stendur; "Kárahnjúkar, fokking skandall". Ég er að sjálfsögðu ósammála því. Myndin verður stærri ef smellt er á hana. Falleg mynd og sýnir neðsta hluta lónsstæðisins..

Í dýpsta, hrikalegasta og fallegasta hluta Hafrahvammagljúfurs, er nú hægt að ganga þurrum fótum í um 10 mánuði á ári. Vonandi verður gert öryggismat á gljúfrinu og ráðstafanir gerðar til þess að hleypa almenningi þangað niður

Mér varð hugsað til Al Gore þegar ég sá Ísland fyrir neðan mig. Þessi vetur hefur verið óvenju harður eystra en þó ekki "harður" í skilningi eldri heimamanna. Þeir muna eftir mörgum hörðum og snjóþungum vetrum á árunum 1950-1970. En nú er þó 6. apríl og það sést ekki í dökkan díl á Reyðarfirði. Það er ákveðinn léttir að koma til Reykjavíkur í snjóleysið. Og talandi um harðan vetur, þá hefur hin hnatræna hlýnun stöðvast og í raun hefur engin hlýnun átt sér stað undanfarin 8-10 ár. En þá segja menn að það sé ekkert að marka því þetta er svo stutt tímabil. Hey! Aðal hlýnunartímabilið var svipað, 1985-1998 og það var að marka það!. Tímabilið 1930-1960, var hlýtt tímabil. 1960-1990 var kalt tímabil. Svona virðist þetta rokka og hugsanlega gerist það á mörgum ólíkum forsendum.

Jæja, þeir sem eitthvað hafa kíkt á bloggið hjá mér, vita hvað mér finnst um Al Gore og hans "fræði". Best að segja ekki of mikið, en ég hlakka mikið til fundarins á þriðjudagsmorgun, sem ég var svo stálheppinn að fá miða á og einnig er ég spenntur að sjá hvort Gore leyfi spurningar úr sal

"Ice fishing"

Hvaða orð er notað yfir "Ice fishing" á íslensku? Dorgveiði hef ég heyrt, en hún getur alveg eins verið niður á bryggju. Ísveiði (veiða ís)   finnst mér einhvernvegin ekki hljóma vel, en sennilega er það rétta orðið.

Í Kanada er vinsælt að veiða í gegnum ís. Þessi mynd er frá Rivière Sainte-Anne, í Québec fylki. Ég sé reyndar ekkert spennandi við svona "þéttbýli", en mikil hefð er fyrir þessu og fjölskyldufólk kemur saman þarna frá jólum og fram í byrjun febrúar. Þarna er umhleypingunum ekki fyrir að fara og veiðihúsin eru dregin út á ísinn og eru þar örugg á þessu tímabili.

"Redneck ice fishing" er þessi mynd kölluð. Mér sýnist þessir menn vera nokkuð ánægðir með tilveruna

Þessir eru í áhöfn kanadísks strandgæsluskips. Þeir hafa útfært merkingu orðsins "Ice fishing"

Svo er auðvitað upplagt að auglýsa sumartískuna á nýju baðfatalínunni á næsta Íslandsmóti í dorgveiði

Veitt í Reynisvatni

Flugur í kringum ljósaperu

Ég hef aldrei haft áhuga á bílaíþróttum og ég gæti allt eins horft á flugur fljúga í kringum ljósaperu, eins og að horfa á Formúlu 1. Meira að segja "sándið" er svipað.

Kubica vinnur fyrsta ráspól sinn og BMW

Vökulögin, 90 ára

 Mér finnst það með ólíkindum að ráðherrann hafi greint frá því að unnið væri að úrlausn í sambandi við hvíldartíma bílstjóra, en að öðru leiti fannst talsmanni vörubílstjóra fundurinn með ráðherranum gagnslaus.

Vökulög sjómanna voru sett á með lögum frá Alþingi árið 1918 og þóttu bylting í verkalýðsbaráttu sjómanna á þeim tíma. Sveinn Ingi Lýðsson ökukennari er með ágætan pistil um nokkrar staðreyndir um aksturs og hvíldartíma atvinnubílstjóra Ég skora á fólk að lesa það.

Auglýsingaherferð hefur verið í gangi í sjónvarpi undanfarið um að ökumenn ættu að passa sig að aka ekki of þreyttir, mjög góðar auglýsingar að mínu mati. Það er ekki bara að þeir gætu drepið sjálfan sig á því, þeir gætu drepið aðra í leiðinni.

Það er út í hött að rýmka reglur um hvíldartíma atvinnubílstjóra. Ef það verður gert, þá mæli ég með að almenningur krói af atvinnubílstjóra og hefti för þeirra, hvar sem til þeirra sést í mótmælaskyni.

„Gagnslaus fundur“

Ágúst H. Bjarnason

 

 Ágúst H. Bjarnason er einn af mínum uppáhalds bloggurum, ásamt Ómari Ragnarssyni. Ágúst er fjölfróður maður, líkt og Ómar, þó á ólíkum sviðum sé. Þeir eiga það reyndar sameiginlegt, flug og flugmál, en ég reikna nú með að Ómar hafi meiri reynslu á því sviði. Ágúst hefur bloggað margan fróðlegan pistilinn um hnattræna hlýnun og jarðvarmavirkjanir. Ég mæli með honum sem blogvini.