Að láta sér detta þetta í hug

Öxi nýtur ekki vetrarþjónustu Vegagerðarinnar og þeir sem þekkja svæðið vita hversu arfavitlaus sú hugmynd er að ætla sér að keyra þessa leið á þessum árstíma við þessar aðstæður.

Ég tel að ekki sé raunhæft að gera veginn um Öxi að heilsársvegi, jafnvel þó ráðist verði í umtalsverðar og rándýrar framkvæmdir og vegabætur. Þetta er og verður sumarvegur og reyndar bara mjög fínn sem slíkur.

Sjálfsagt er að bæta veginn sem mest m.t.t. umferðaröryggis, en ég hygg að sjarmi leiðarinnar um Öxi, sérstaklega í augum útlendinga, sé ekki síst fólginn í frumstæði hans. Við getum viðhaldið þessari leið sem nokkurskonar "gokart braut" fyrir jepplingafólk.... þeirri stærstu í veröldinni.

Ef menn hafa á annað borð áhuga á að stytta hringveginn um Öxi, þá væri nær að gera jarðgöng.

HÉR má sjá umsögn bæjarstjóra Hornafjarðar, fyrir hönd sveitarfélagsins, til Vegagerðarinnar vegna heilsársvegar yfir Öxi.

Ferðamenn festu sig á Öxi

Ólöglegt sigurmark

Ótrúleg mistök línuvarðarins í seinni hálfleik, gætu kostað Man. Utd. titilinn þegar upp verður staðið í vor. Drogba var a.m.k. hálfan metra fyrir innan þegar sendingin kom á hann og var því kolrangstæður, en afgreiðsla hans var til fyrirmyndar, það verður ekki af honum tekið.

Ancelotti: Ekkert öruggt enn

Ertu skarpari en leikskólakrakki?

Það eru skemmtilegir möguleikar í stöðunni

Myndbandið sem fylgir þessari frétt, er stórkostlegt. Það myndi sóma sér vel sem auglýsingamyndband fyrir erlenda ferðaskrifstofu í söluherferð sinni fyrir Íslandsferðum.

Það þarf að huga að markaðsmálum varðandi þetta gos. Það eru allar líkur til þess að þetta verði aldrei meira en "lítið og nett" og alveg kjörið til að gera sér mat úr, bæði á meðan á því stendur, en ekki síst að því loknu.

Ég tel, að með góðri skipulagningu margra fagaðila á ýmsum sviðum, megi skapa hér mannfrekan "iðnað", um eldgosið í Fimmvörðuhálsi.

Það er óskandi að minningarskjöldurinn um ungmennin þrjú frá Færeyjum, Svíþjóð og Íslandi, sem fórust nokkurn veginn á þeim stað sem fyrri gossprungan opnaðist, sleppi frá hrauninu. Fátt virkar betur sem krydd í náttúruna, (sérstaklega á Bandaríkjamenn) en dramatískar sögur um örlög fólks. Hraunið hefur nú þegar runnið beggja vegna skjaldarins, sem er dramatík í sjálfu sér.

Mallar áfram næstu vikurnar

Pólitísk athyglisþörf

Svandís Svavarsdóttir er að minna öfgafulla umhverfisverndarsinna á hver ræður ríkjum í umhverfisráðuneytinu. Hún veit að þetta eru trygg atkvæði í kosningum.

Landsvirkjun er nýbúin að gefa út skýrsluna:  "Hvernig hefur skilyrðum umhverfisráðherra vegna Kárahnjúkavirkjunnar reitt af?" Sjá  HÉR

Ég trú ekki öðru en Svandísi hafi verið kunnugt um þessa skýrslu. Fljótlegt er að renna yfir þessi 20 skilyrði og þá sést líka að fjöldi fagaðila hefur eftirlit með þessum atriðum sem tilgreind eru.

Landsvirkjun telur sig hafa uppfyllt skilyrðin

Grjóti rignir yfir vefmyndavél Mílu

Svo er að sjá að hraungrjóti og vikri rigni niður allt í kringum vefmyndavélina á Fimmvörðuhálsi, sjá HÉR

Ný sprunga hefur opnast

Rugl í Svandísi

Landsvirkjun er nýbúin að gefa út skýrsluna: (5. nóv. sl.) "Hvernig hefur skilyrðum umhverfisráðherra vegna Kárahnjúkavirkjunnar reitt af?" Sjá HÉR

Tvö af tuttugu breytingarskilyrðum kærenda vegna fyrri úrskurðar reyndust tóm vitleysa við nánari skoðun og nokkur önnur má kalla léttvæg atriði.

Fullnægjandi skýringar eru á gangi mála í skýrslu LV sem ég vísa í hér að ofan.

Mér finnst ótrúlegt annað en hið vakandi auga Svandísar Svavarsdóttur hafi orðið vart við þessa skýrslu á sínum tíma. Hvað fyrir henni vakir með þessu útspili nú, er erfitt að segja. Mér dettur helst í hug athyglisþörf.

Ekki staðið við öll skilyrðin

Drekkið, ekki keyra

Bjór er orðinn ódýrari en bensín. Á maður þá að drekka meira og keyra minna? 

Margar skemmtilegar myndir af bjór og bjórdrykkju má finna á netinu. Ég gúgglaði nokkrar og deili þeim með ykkur

Ps. Ein auka fyrir konurnar, þessar elskur, neðst til hægri

 

 

 

 

 

 

 

 

Karlmenn eiga konum bjórinn að þakka

Að frátöldum morðunum.....

Einhverjir muna e.t.v. eftir Demókratanum Marion Barry , sem var borgarstjóri Washingtonborgar 1979-1991. Hann var gripinn af FBI við neyslu á kókaíni og var dæmdur í 6 mánaða fangelsi. Þrátt fyrir það var hann endurkjörinn í embættið að afplánun lokinni og sat sitt fjórða kjörtímabil 1995-1999. 

Barry hélt því fram að hann hefði verið leiddur í gildru af pólitískum andstæðingum sínum, þegar hann var gripinn (og kvikmyndaður) við að reykja "crack-kókaín" í félagskap "ókunnugrar" konu. Barry mótmælti við handtökuna og sagði: "Goddamn setup.... I´ll be goddamn... bitch set me up." 

Margar heimskulegar tilvitnanir eru eignaðar Marion Barry en hann hafði orð á sér fyrir að reiða ekki vitið í þverpokum. Þegar fjölmiðlar gerðu að umtalsefni hina háu glæpa og morðtíðni í höfuðborg Bandaríkjanna, þá á Barry að hafa sagt:

"If you take out the killings, Washington actually has a very low crime rate."

Eitt sinn sást til hans á stripp-búllu um miðja nótt, en hann var ekki í vandræðum með að útskýra það fyrir fjölmiðlum:

 "First, it was not a strip bar, it was an erotic club. And second, what can I say? I´m a night owl."

Og að lokum er hér ein tilvitnun í viðbót í þessa mannvitsbrekku:

"I am a great mayor; I am an upstanding Christian man; I am an intelligent man; I am a deeply educated man; I am a humble man".

 

Þrír létust í skotárás í Washington

Þrívíddarlist

Fleiri myndir af þrívíddarlist HÉR