Nú má blogga

Nú er banni við fréttatengdu bloggi um þennan hörmulega atburð lokið.

Nú geta spekúlasjónir bloggara blómstrað. Forvitnin kviknar um fólkið; 33 ára kona, 43 ára kona og 55 ára karlmaður,.... tilkynna sig í neyð skömmu eftir miðnætti en afboða svo neyðina í birtingu með morgni.

Hver verður saga yngsta einstaklingsins, hinnar 33 ára gömlu konu?

Rannsókn að hefjast

Talar hann of mikið?

Það hefur ekki þótt vænlegt til vinsælda hjá stjórum liða, þegar starfsmenn á plani eru að tjá sig mikið um leikstíl, þjálfunaraðferðir, kaup og sölur á leikmönnum o.s.f.v.

Allt sem við kemur stjórnun liðsins, kemur leikmönnum ekki við og allra síst eiga þeir að fara með hugleiðingar sínar í fjölmiðla. Þetta er liður í því að halda "húsaga".

Ég held að staða Benites sé afar veik og ummæli Torres sé vottur um að það styttist í annan endan á veru þjálfarans á Anfield. Stuðningsmönnum hans fækkar óðum og sennilega vill meirihluti "Púlara" að hann yfirgefi svæðið. Þeir eru búnir að fá nóg.

Ps. Er ekki Jose Morhino búinn að gefa það í skyn að hann sé hálfpartinn á lausu? Hann hefur áhuga á að snúa aftur til Englands. Hann fær mín bestu meðmæli

Torres: Sölurnar síðasta sumar skemmdu liðið

Trúverðugleiki fræðslumynda

Fræðslu og heimildamyndir hafi verið í uppáhaldi hjá mér frá því ég var krakki. En þegar vit og þroski hefur færst yfir mig með árunum, hef ég komist að því að allar fræðslu og heimildamyndir hafa sinn söluvinkil og má segja að framleiðendur myndanna láti ekki sannleikan yfirskyggja dramatíska og góða sögu.

Oft er heimildagildi sumra kvikmynda ekki annað en það að vera ágæt heimild um tiltekna skoðun kvikmyndagerðarmannsins. Dæmi um það eru ýkju og bull myndir þeirra Al Gores og Andra Snæs Magnasonar.

Óvönduð vinnubrögð "Discovery Channel" (og fleiri aðilum úr þessum geira) í dýra og náttúrulífsmyndum sínum, hafa valdið mér miklum vonbrigðum. Mér finnst ég hafa verið svikinn af nákomnum ættingja eða vini.

Gaf björnunum kökur

Nútíma þrælahald

"Allt gert fyrir hagnaðinn"

Andstætt trú margra, þá gerir frjálshyggjan ekki ráð fyrir því að "grætt" sé án takmarkana. Réttlæti er hornsteinn mannlegs samfélags. Frjáls viðskipti eru sjálfsögð og eðlileg og hagnaður eins, er ekki tap annars, eins og margir ferkantaðir vinstrimenn halda. Viðskiptin ganga, þegar til lengri tíma er litið, út á það að báðir hafi eitthvað fyrir sinn snúð.

Það verða alltaf til "kapitalistar" sem misnota sér aðstöðu sína. Nýta sér sára neyð fólks og græða á tá og fingri. Þessir aðilar eru ekki fulltrúar "kapilismans", heldur fulltrúar lítils minnihluta meðal mannfólksins, minnihluta sem Kaninn myndi kalla af sinni alkunnu hæversku: "Scum of the earth".

Samkvæmt skiltinu hér að ofan, koma að meðaltali 20 börn á hverjum einasta degi ársins með ólöglegum hætti inn í Bandaríkin.

Ég hef áhyggjur af þessum börnum, ég verð að segja það....

Sjálfsvíg starfsmanna Disneyland

Alls ekki

110 km. hraði á klukkustund er allt of mikið á íslenskum vegum, við misjöfn íslensk skilyrði. Það má halda því opnu að hækka hámarkshraða í 100 km. t.d. á Keflavíkurveginum (Reykjanesbrautinni) en hafa jafnframt tilkynningaskilti á nokkrum stöðum sem sýnir lækkaðan hámarkshraða, ef þurfa þykir vegna aðstæðna.

Betra að vera með athyglina í lagi á þessum gatnamótum

110 km hraði leyfður á ákveðnum vegum?

Írak - myndir

Þegar maður hlustar á hvað fer fram á milli manna í aðdraganda árásarinnar, þá virðist sem þetta hafi verið tilviljanakennd aðgerð. Þyrlumönnunum "sýndist" mennirnir á jörðu niðri vera vopnaðir.

Það hefði e.t.v. verið smá réttlæting í þessu ef leyniþjónusta hersins hefði bent á mennina í þeirri fullvissu að þetta væru vopnaðir og hættulegir menn. En hvað eru þá börn og fréttamenn að gera með þeim? Eru "hryðjuverkamennirnir" kannski að nota þau sem mannlega skyldi?.... nema bara leyniþjónusta hersins vissi ekkert á hverja var verið að ráðast....  og því voru skyldirnir gagnslausir.

Ég rakst á Facebook síðu sem Íraki, Nour Aldin , búsettur í Reykjavík heldur úti. Þar eru nokkrar myndir frá Írak. Slóðin er: HÉR 

Ég sýni hér nokkrar myndir úr ljósmyndasafni hans. Ég spurði reyndar ekki leyfis...  Jæja, ég tek þær þá niður ef ég má þetta ekki.

Margar fagrar byggingar eru í Írak, flestar tengdar Múhameðstrú.

"Beloved Baghdad" segir í texta við myndina. Ekki alveg að heilla mig.

Þetta er fallegra, fjallaþorp í Írak. Ég myndi ekki vilja að krakkarnir mínir væru að leika sér á bjargbrúninni

"Þar sem fjöllin sökkva í sæ", orti Megas um austjarðafjöllin, þar sem jarðlagastaflarnir halla óvíða meir á Íslandi. Þessir jarlagastaflar í Írak, halla reyndar töluvert meir.

Ævagamlar menningarmynjar og listaverk eru í Írak. Á þessu svæði má segja að "nútíminn" hafi orðið til í þróunarsögu mannsins.

En í Írak eru einnig nútímalegri listaverk. Þetta er magnað.

Við þessa mynd segir í texta: "They destroyed everything beautiful in my beloved country...." en ekki er farið nánar út í hverjir "They" eru en hef þó grun um að átt sé við Bandaríkjamenn. Það kann að vera ósanngjarnt.

Mörgum Írökum er þetta minnismerki hjartfólgið en það er friðartákn, staðsett í miðju Baghdad og tengir nokkur borgarhverfi saman.

Nú er þetta minnismerki um stríð.

Bandaríski herinn tjáir sig um myndbandið

Siðferðisspurningar

Stríð er vettvangur mestu hörmunga sem mannkynið þekkir. Engin plága er meiri plága en stríðshörmungar. Ekki er nóg með að flest er eyðilagt, sært eða drepið, heldur eru sálarleg áföll eftirlifendum til tjóns, sumum til æviloka. Og stríðsástand getur varað í fjölda ára en það gera "náttúrulegar" plágur sjaldnast.

Þetta atvik með afgönsku konurnar er auðvitað skelfilegt en mannlegir harmleikir eiga sér stað þarna á hverjum degi. Sorglegast er þegar börn eiga í hlut. 

Þeir sem réttlæta innrás bandamanna í Írak, segja gjarnan að dauði þessa fólks hafi ekki verið til einskis. En hversu lengi er hægt að segja það? Hvenær er jafnvæginu náð.... hvenær deyja og þjást jafnmargir og verið er að bjarga frá dauða og þjáningum?

Ég held reyndar að bandamenn eigi enn nokkur fórnarlömb upp á að hlaupa, en það gengur á jafvægið.

Bera ábyrgð á dauða kvennanna

"Ég þegi ekki neitt"

Bubbi Morthens.... hvað getur maður sagt?...  Brynja, ég elska þig?

Skoðanir  Bubba eru eins og vindurinn.

Það glittir aðeins í gegn hjá Bubba, hans eigið svekkelsi vegna viðskipta sinna við Mammon. Hann lét taka sig "Big Time" í rassgatið og hann vælir eins og krakki yfir því.

Svo hallar hann sér að Jóni Ásgeiri og félögum og fær útskýringar hjá þeim, hverjum þetta sé allt saman að kenna.

Það er ekki verið að þagga niður í Bubba Morthens á pólitískum vettvangi. 

Hins vegar finnst þeim sem gaman hafa af flutningi hans á eigin ljóðum og lögum, að þeir eigi að fá fyrir peninginn það sem greitt var fyirr, þ.e. tónlistarflutninginn, en ekki fyrirlestur um illa ígrunduð hugðarefni söngvaskáldsins

Skoðanakönnunin

Skoðanakönnunin sem ég er með hér til hliðar; "Hverjir verða heimsmeistarar í knattspyrnu í sumar?", sýnir í dag Spánverja leiða í könnuninni sem líklegasta liðið til að hampa bikarnum. Skammt undan eru þó Argentína, Brasilía og England.

Sjálfur hakaði ég við Englendinga, kannski frekar af óskhyggju en raunsæi. Ég held með þeim, .... yfirleitt, utan ég hélt með Hollendingum árið 1974 og Brössunum árið 1982. Paolo Rossi, framherji Ítala sá um að rjúfa heimsmeistaradraum Brasilíumanna, en keppnin var haldin á Spáni ´82.

Mörg lið koma til greina sem handhafi heimsbikarsins í keppninni sem haldin verður í Suður Afríku í sumar. Ég hefði sennilega átt að hafa Portúgal sem valmöguleika í könnuninni.... en þá kemur líka spurning um Króata, Serba, Rússa....

Ég held að Serbía verði sputniklið mótsins með varnarjaxlinn Vidic í fararbroddi. Nöfn eins og Ivanovic, Stankovic, Krasic, Jovanovic og Pantelic, eru þess virði að leggja á minnið, lesendur góðir. Sérstaklega Krasic. Hann er ljóshærður kantmaður og ekki ósvipaður á velli og Pavel Nedved, hinn tékkneski.

Sömuleiðis er Jovanovic athyglisverður framherji, leikmaður sem Liverpool hefur verið að bera í víjurnar við ásamt fleiri stórliðum. Þessi 28 ára gamli leikmaður er samningslaus í sumar við hið belgíska lið Ásgeirs Sigurvinssonar, Standard Liege.

Gott mót hjá honum, ásamt restinni í serbneska liðinu, myndu tryggja þeim flestum risasamninga við stærstu klúbba Evrópu.

Bestu myndir National Geographic

Magnaðir skuggar í þessari neðstu.