Alls ekki

110 km. hraði á klukkustund er allt of mikið á íslenskum vegum, við misjöfn íslensk skilyrði. Það má halda því opnu að hækka hámarkshraða í 100 km. t.d. á Keflavíkurveginum (Reykjanesbrautinni) en hafa jafnframt tilkynningaskilti á nokkrum stöðum sem sýnir lækkaðan hámarkshraða, ef þurfa þykir vegna aðstæðna.

Betra að vera með athyglina í lagi á þessum gatnamótum

110 km hraði leyfður á ákveðnum vegum?

Athugasemdir

[Hreinsson (IP-tala skráð) 6.4.2010 kl. 17:32]

Við bestu aðstæður á bestu vegunum er 110km/klst alls ekki of mikið, a.m.k. ef bifreið og ökumaður eru í góðu ástandi. Slysin verða þegar fólk keyrir ekki miðað við aðstæður.

[Landfari, 6.4.2010 kl. 18:52]

Það er víða sem hægt er að aka af meira öryggi á 110 km hraða en á 90 km á öðrum vegum sem þó er leift í dag. Vanda máið er að hluta líka að algengt er að menn skilja ekki að um er að ræða hámarkshraða sem miðaður er við bestu aðstæður, en ekki lágmarkshraða.

Hér keyra menn á 90 í rigningu og slæmu skyggni, jafnvel þoku og telja sig á "löglegum" hraða.

Man eftir einum sem skirfaði um þetta. Hann hafði verið á leið norður og á Öxnadalsheiði fóru tveir bílar framúr honum. Hefði ekki verið í frásögur færandi nema af því að á heiðinni var hálka og snjókoma. Hann hafði farið framúr þessum bílum á auðum veginum í Langadal og þá "teygt" hámarkshraðann aðeins miðað við aðstæður en bílarnir tveir voru nákvæmlega á 90. Á heiðinni var hann búinn að minnka hraðann vegna aðstæðna en hinir héldu sínum "löglega" 90 km hraða.

Að öðru jöfnu veit ég hvoru megin ég hefði fundið mig öruggari.

[Gunnar Th. Gunnarsson, 7.4.2010 kl. 07:05]

Það er mikill munur á 90 km. hraða og 110 km. hraða. Margfalt meiri kraftar á ferðinni og afleiðingar mistaka við akstur eru jafnan mjög ólíkar.

[Gunnar Th. Gunnarsson, 7.4.2010 kl. 07:07]

....þ.e.a.s. á 90 og 110 km. hraða.

[Landfari, 7.4.2010 kl. 19:03]

Afleiðingar mistaka við akstur eru háðar mjög mörgum breytum. Hraðinn er bara ein af þeim. Öryggi vegarinns hefur meira að segja en hraðinn í mjög mörgum tilfellum.  Mestu skiptir samt bílstjórinn, ástand hans, árvekni, reynsla og færni. Þar skiptir mestu máli að hann ofmeti ekki hæfni sína en það vill of oft brenna við og þá frekar held ég hjá yngri en eldri.

Það eru auðvitð meiri kraftar á ferðinni á 110 en á 90 en hvernig færðu það út að þeir séu margfaldir?

Það breytir því hinsvegar ekki að það er hægt að aka af miklu meira öryggi á sumum vegum á 110 en á öðrum á 90 sem þó er leifður þar.

[Gunnar Th. Gunnarsson, 9.4.2010 kl. 09:18]

Það eru veldisáhrif í þessu.... hraði/massi...

[Landfari, 9.4.2010 kl. 15:37]

Hvernig færðu út að kraftarnir margfaldist? Samkvæmt mínum útreikningum eykst hreyfiorka bílsins um tæplega helmig eða rétt innan við 50% við að auka hraðann úr 90 í 110.

[Gunnar Th. Gunnarsson, 9.4.2010 kl. 16:50]

Ok, má vera. Mig minnti að það hefði verið meira