Ríkisendurskoðun á að hafa réttarstöðu sakbornings

Í ákúrulið svarbréfs Ríkisendurskoðunar segir: "Þess má raunar geta að tölur þær sem nefndar voru í umfjöllun Kastljóssins er að finna í fjárlögum og ríkisreikningi og hafa því lengi verið opinberar upplýsingar."

Mér finnst Ríkisendurskoðun bíta höfuðuð af skömminni með þessari athugasemd. Það má vera að tölurnar (upphæðin) hafi verið opinber, en en í dimmu skúmaskoti lá sú staðreynd að verið var að borga rekstrarútgjöld fyrir bókhaldshluta sem ekki hafði verið afhentur.

Hér er um sakamál að ræða, ekki nokkur spurning og Ríkisendurskoðun á að hafa réttarstöðu sakbornings fyrir yfirhilmingu.

Trúnaðarskjali lekið til Kastljóss

Enn bullar Haraldur eldfjallafræðingur

Haraldur Sigurðsson eldfjallafræðingur, skrifar afar skemmtilega pistla um jarðfræði og kíki ég reglulega á skrif hans mér til ánægju og fróðleiks.

Hann bloggar einnig mikið um loftslagsmál og virðist að hluta hafa gert það áhugamál að lifibrauði sínu. Augljóst er að Haraldur er ekki vísindamaður á því sviði, heldur meira eins og sölumaður á blaðagreinum eftir sig.

Og nú sé ég að eldfjallafræðingurinn  bloggar um þessa frétt um refinn og bullar enn eina ferðina um vísindaleg efni sem hann hefur ekkert vit á. Virðist ekki einu sinni hafa fyrir því að lesa fréttina almennilega eða kíkja á frumheimildir. Í greininni er auðvitað hvergi minnst á það að refir hafi ekki verið hér fyrir "litlu ísöld", heldur einungis að refir frá nálægum norðurslóðum hafi átt auðveldar um vik að komast hingað á þessu kuldatímabili og því sé erfðaefni íslenska refsins mun fjölbreyttara í dag, en t.d. við landnám.

Haraldur hefur nú sýnt af sér þá lítilmennsku að loka á athugasemdir mínar við pistla sína og hef ég þó ekki sýnt honum aðra ókurteisi en þá að draga í efa fullyrðingar hans um loftslagsmál. Gerði ég ekki annað en að taka undir fjölda athugasemda sömu nótum á bloggi hans. Væntanlega verða innan tíðar bara fáir útvaldir jábræður sem fá að gera athugasemdir við pistla hans.

Mér finnst ekki ósennilegt að athugasemd mín á bloggi Ágústs Bjarnason fyrir nokkrum dögum þar sem ég nefndi Harald, hafi farið svo fyrir brjóstið á blessuðum manninum að hann hafi ákveðið að útiloka mig frá bloggi sínu, sjá HÉR

Ps. Það er kaldhæðnislegt að athugasemd mín hjá Ágústi og á bloggi Haraldar er einmitt um þá tilhneigingu loftslagsalarmista að þagga niður í efasemdarröddum. Ástæðan er einföld eins og fram kemur í tilvitnun minni í vaðtal sem Ágúst bendir á:

"Tragically, policymakers have thrown horrendous amounts of taxpayer money needed for other purposes at solving an unsubstantiated emergency. It is scandalous that so many climate scientists who fully knew that Al Gore had no basis for his irresponsible claims stood mute. Meanwhile, that alarmism has generated billions of dollars more to finance a rapidly growing climate science industry with budgets that have risen by a factor of 40 since the early 1990s. I consider this failure to speak up just as unethical as the behavior of those who put out the false catastrophic claims."

Gríðarlegur fjöldi allskyns vísindamanna og "ekki" vísindamanna af ýmsu tagi (ekki bara á sviði loftslagsfræða) þiggja lifibrauð sitt úr opinberum sjóðum sem hafa djúpa vasa vegna "matreiðslu" þessara aðila sem hafa hagsmuni af því að ástand og horfur séu sem verstar. Þrýsingur skapast svo frá fjölmiðlum sem vita að æsifréttir seljast best og það hefur svo áhrif á almenning en ekki síst stjórnmálamenn sem ausa í kjölfarið fjármagni í rannsóknir.

Refur komst á ísbrú til Íslands

Í boði velferðarstjórnarinnar

Steingrímur og Jóhanna guma af árangri sínum, m.a. í atvinnumálum. Staðreyndin er auðvitað sú að ríkisstjórnin gerir ógagn á flestum sviðum atvinnulífsins. Einu ástæður minnkandi atvinnuleysis á undanförnum misserum er landflótti, aukinn ferðamannastraumur og makríll, í þessari röð.

Ríkisstjórn Steingríms og Jóhönnu gerir atvinnulífinu erfitt fyrir með skattastefnu sinni. Hún fælir frá nýsköpun og erlenda fjárfestingu. Hún tók rammaáætlun úr faglegum farvegi og setti hann í pólitískan, með þeim afleiðingum að þjóðin getur ekki nýtt raforkuauðlindir sínar. Það er sérstaklega slæmt við þessar aðstæður.

Ég tel niður lífdaga þessarar óstjórnar, eins og krakki sem telur dagana til jóla.

Atvinnuleysi mælist 5,8%

Kvikmyndataka með fjarstýrðri þyrlu

Bróðursonur minn, Þórður Karl Einarsson, tekur kvikmyndir með fjarstýrðri þyrlu. Afraksturinn er stórkostlegur, eins og sjá má á myndbandinu hér að neðan.

Fer hún í svepparækt?

Þuríður Backman, þingmaður Austfirðinga, vildi hætta við framkvæmdirnar við Kárahnjúka þegar þær voru vel á veg komnar. Hún sagði að þó búið væri að setja yfir 50 miljarða í verkefnið, þá væri ekki of seint að hætta við.

Í aðdraganda framkvæmdanna var hún spurð út í þetta "eitthvað annað" sem flokksfélögum hennar var svo tíðrætt um að gera mætti í stað virkjunarinnar. Þegar hún nefndi fjallagrasatínslu, héldu einhverjir að um létt spaug væri að ræða hjá þingkonunni. En svo var ekki.

Þegar hún sá að sennilega þyrfti meira til en fjallagrasatínslu, bætti hún í og nefndi svepparækt á Héraði. Þá var henni bent á að nánast öll svepparækt á landinu væri stunduð á Flúðum, besta hugsanlega stað á Íslandi með tilliti til orku og nálægðar við markaði. Þrátt fyrir það hefðu svepparæktendur oft og tíðum barist þar í bökkum. Hvernig gæti þá verið raunhæft að rækta sveppi á landsvæði sem ekki hefði jarðhita og eins langt frá markaði og hugsast gat?

Hún svaraði þessu engu.

Þuríður hættir á þingi

Mikil leynd yfir klippunum

Ég var 12 ára gamall árið 1972 og man vel eftir umræðum manna á meðal um hið nýja leynivopn Landhelgisgæslunnar, "klippurnar.

Miklar spekúlasjónir voru um hvernig þær væri úr garði gerðar, en Gæslan leyfði ekki myndatökur af verkfærinu fyrr en einhverjum árum eftir "stríð". Flestum kom á óvart hversu einfaldar þær voru.

 

 

 

 

 

 

"Tæknin, sem notuð var við klippingarnar, var hugmynd Péturs Sigðurssonar forstjóra Landhelgisgæslunnar frá því þegar Íslendingar færðu landhelgina út í 12 mílur. Aldrei var þó klippunum beitt á þeim tíma. Tilraunir með togvíraklippurnar voru gerðar á varðskipunum Ægi og Maríu Júlíu seint á árinu 1958 og lauk þeim rétt fyrir áramót. Þá þótti fullreynt að klippurnar dygðu til þess að klippa sundur togvíra á svo miklu dýpi að ekki yrði tjón á skipi eða slys á mönnum. Klippurnar, sem eru í raun fjórir hnífar, voru dregnar þvert yfir togvíra veiðiþjófanna og skáru vírana í sundur." ( http://www.lhg.is/sagan/klippurnar/ )

40 ár frá því klippunum var fyrst beitt

Villa Boas er að eyðileggja eitt skemmtilegasta liðið

Í mörg ár hef ég verið hrifinn af Tottenham fyrir skemmtilega knattspyrnu, þó árangurinn hafi oft ekki verið í samræmi við það. Í dag er hreint ömurlegt að horfa á liðið og það er að renna upp fyrir mér að Gylfi hafi gert skelfileg mistök. Sennilega hefði verið farsælast fyrir hann að vera áfram hjá Swansea í 1-2 tímabil í viðbót, eins og "Litli Sam" benti á þegar hann var hér á klakanum í vor.

Villa Boas verður fyrsti þjálfarinn til að fjúka í ensku úrvalsdeildinni í vetur. Ég er sannfærður um það.

Gylfi spilaði í jafntefli Tottenham gegn Norwich

Þekkti hann ekki eðli vinstrimanna?

Skattar eru ær og kýr vinstrimanna. Því meira til vinstri, því meiri skattar.

Hagnaður og arður er af hinu illa og það eru bara vondu karlarnir sem "græða". Engu skiptir þó innkoma í ríkissjóð minnki við meiri skattlagningu, svo framarlega að hægt sé að koma í veg fyrir "gróða". Þegar vinstrimenn fjalla um hagnað fyrirtækja, þá nota þeir orðið "gróði", því þeim finnst skammarlegur blær yfir því orði og þegar orðið skreppur út milli vara þeirra, fylgir gjarna gretta með.

Ásmundur Einar var í VG. Vissi hann þetta ekki?

Högg á högg ofan

Ef morðingi gengi laus?

Ef morð hefði verið framið og morðinginn gengi laus, þá hefði þetta verið leyft á grundvelli almannahagsmuna. Það sama á að sjálfsögðu að gilda þegar nauðgari gengur laus en í þessu tilfelli er væntanlega um "meintan" nauðgara að ræða.... hvort sem fólki líkar betur eða verr

Fá ekki gögn í nauðgunarrannsókn

Bílastæði fyrir fatlaða

Ómar Ragnarsson skrifar góðan pistil á bloggsíðu sinni um fólk sem virðir ekki stæði fatlaðra. Getur verið að viðurlög við þessu umferðarlagabroti séu ekki nógu hörð?

Myndina hér að neðan tók ég í Bandaríkjunum í sumar. Allt að 200 dollara sekt ef þú leggur í stæði merkt fötluðum. Á genginu í byrjun júní eru þetta rúmlega 25.000 krónur. Ég held ég fari rétt með að sektin hér sé 5.000 krónur en lögreglan á Íslandi er hins vegar ekki á höttunum eftir lögbrotum af þessu tagi.

Loka Kleinuhringjabúðinni?