Saddur?

Er ekki feita bollan úr KR bara orðinn saddur af fótbolta? Mér hefur sýnst áhugaleysi vera hans aðal vandamál sl. 2-3 ár. Eiður virkar útbrunninn en ég hef þó trú á að hann komi með eitt "comeback" áður en ferlinum lýkur.

Hvort það verður hjá Mónakó eða einhverju öðru liði.... kemur í ljós. Ég vona að það verði hjá ensku liði. Enski fótboltinn er skemmtilegastur.

Þjálfari Mónakó: Þetta er í höndum Eiðs

Ekki skrítið

Þrátt fyrir að Viggó Sigurðsson sé frábær þjálfari og hafi á sínum tíma sem leikmaður í Þýskalandi og á Spáni, verið dýrasta örvhenta skyttan í handboltaheiminum á þeim tíma, sem leikmaður Barcelona, þá er eins og eitthvað bresti á ákveðnum tímapunkti í þjálfaramálum hans. Kannski ekki óáþekkt og hjá Guðjóni Þórðarsyni, knattspyrnuþjálfara. Ekki það að Guðjón hafi verið sambærilegur að getu í knattspyrnuleikni og Viggó sem handboltamður. Sei sei nei,

Árangur Fram í handboltanum á yfirstandandi leiktíð, er óásættanlegur, að mati yfirstjórnar liðsins. Leikmannahópurinn er nokkuð sterkur, en árangurinn hefur látið á sér standa. Því er valin sú leið að skipta um stjórann í brúnni. Ég held að þessi ákvörðun komi svo sem ekkert á óvart, miðað við stöðu liðsins.

Árangur Guðmundar Guðmundssonar með íslenska landsliðið í Peking, var engin tilviljun. Guðmundur tók við góðu búi sem Viggó hafði lagt grunninn að. Ég held að það hafi verið mikið lán fyrir íslenskan handbolta að Viggó og síðar Guðmundur, stýrðu íslenska landsliðinu með aðra eins heimsklassa leikmenn og Alexander Petterson, Ólaf Stefánsson og Guðjón Val Sigurðsson innanborðs, auk fjölmargra annarra sem sóma myndu sér vel í nánast hvaða landsliði sem er í heiminum.

Er ekki kominn tími til að pússa rykið af "íslensku geðveikinni" ..........         fyrir komandi átök á EM eftir áramótin?

Viggó sagt upp hjá Fram

Ég verð þunglyndur af að horfa upp á þetta

Fyrirsögnin segir eiginlega allt sem ég hef að segja um þennan leik.

Lúxemborg og Ísland skildu jöfn, 1:1

Igor Akinfeev, næsti markvörður Utd.?

Margir velta því fyrir sér hver verði arftaki Van der Sar í marki Utd. Ég ætla að tippa á Igor Akinfeev, núverandi markvörð CSKA Moskvu. Hann er aðeins 23 ára gamall og er landsliðsmarkvörður Rússlands. Aðeins 18 ára gamall varð hann rúsnneskur meistari með félagsliði sínu og hann hefur síðan þá hlotið margskonar heiður, m.a. "Markmaður ársins" í Rússlandi þegar hann var tvítugur.

Hugsanlega er hans helsti galli, að hann er ekki "nema" 185 cm. á hæð, en það þykir ekki mikið af markverði að vera.

Annar leikmaður CSKA Moskva hefur vakið athygli mína, en það er Milos Krasic, serbneskur kantmaður. Afar leikinn og áræðinn leikmaður. Hann gæti slegið í gegn á HM í Suður-Afríku næsta sumar.

Ferguson: Versta ákvörðun sem ég hef orðið vitni að

Sammála Wilbek

Gunnar Prokop, austurríski þjálfarinn, var hróðugur eftir að hafa hlaupið inn á völlinn og eyðilagt hraðaupphlaup andstæðinganna, nokkrum sekúndum fyrir leikslok. Sömuleiðis brosti einhver jakkalakki á vegum liðsins á hliðarlínunni.

Nafni minn á að fá æfilangt bann frá íþróttinni og klúbburinn á sömuleiðis að fá refsingu.

Wilbek vill að Prokop verði útilokaður

Skelfingin ein

Leikur íslenska liðsins olli mér miklum vonbrigðum. Frakkar voru betri á öllum sviðum knattspyrnunnar og sanngjörn úrslit hefðu verið a.m.k. 6-0. Þóra B. bjargaði því sem bjargað varð.

Ég veit ekki almennilega hvað er í gangi, en það er eins og íslensku stelpurnar beri of mikla virðingu fyrir þeim þjóðum sem eru betri á "pappírnum" en þær.

Stelpurnar þurfa sálfræðiaðstoð ef þetta breytist ekki.

Tveggja marka tap í Lyon

Sætasta stelpan á EM

„Mig svimaði allt í einu og ég kúgaðist þegar ég var á leiðinni inná völlinn í upphafi seinni hálfleiks. Það leið hjá og það kom aldrei annað til greina en að halda áfram og núna er ég í fínu lagi," sagði Guðrún Sóley Gunnarsdóttir landsliðskona í knattspyrnu sem fékk snert af heilahristing í leiknum gegn Frökkum á EM í Tampere í gærkvöld.

Guðrún og Candie Herbert rákust saman seint í fyrri hálfleik með þeim afleiðingum að Herbert þurfti að hætta keppni en Guðrún hélt áfram eftir að Reynir Björnsson læknir íslenska liðsins hafði heftað saman sár á höfði hennar.  Hún lék síðan allan síðari hálfleikinn og stóð fyrir sínu en fór beint í skoðun að leik loknum. Reyndar kom Guðrún ekki inná völlinn fyrr en eftir að seinni hálfleikurinn var hafinn, af fyrrgreindum ástæðum, og íslensku leikmennirnir voru því einum færri til að byrja með.

„Það er allt í fína með mig núna en þetta var dálítið stressandi þegar mig fór að svima þegar seinni hálfleikurinn var að hefjast. Ég fann ekki fyrir neinu í seinni hálfleik en svimaði síðan aftur eftir leikinn. Það var liðið hjá eftir klukkutíma og ég er tilbúin í slaginn gegn Norðmönnum," sagði Guðrún við mbl.is í dag. Hún æfir ekki með liðinu núna síðdegis en verður að öllu óbreyttu komin á fulla ferð á æfingu á morgun. (Mbl Íþróttir | 25.8.2009 | 14:56)

Þetta sýnir hversu höfuðhögg geta verið hættuleg. Annars finnst mér merkilegt að hún skildi spila áfram í mótinu miðað við þessa lýsingu. Ég hélt að læknar gerðu sér grein fyrir hversu alvarlegt þetta getur verið.

Guðrún Sóley var valin sætasta stelpan á EM í Finnlandi í sumar.... hver valdi? 

Mér finnst þær allar sætar

Guðrún frá í vikur eða mánuði

Hverjir fara áfram?

Frakkar, Portúgalir og Rússar fara áfram en erfitt er að spá um leiki Grikkja og Úkraínumanna. Ég ætla að veðja á Úkraínumenn.

Frakkar mæta Írum í umspilinu

Óskiljanlegur leikskilningur

Ég mæli með því að Sjónvarpið fái einhvern annan en Willum til að lýsa leikjum með starfsmönnum sínum. Undir lok fyrri hálfleiks þá sagði Willum að leikmenn færu varla þreyttir inn í hálfleik, því leikurinn væri svo hægur.

Ekki veit ég hvaða leik Willum var að horfa á en sá sem ég fylgdist með á Laugardalsvellinum var ekki neinn göngubolti nema síður sé. Þó leikurinn færi fram töluvert mikið á miðjunni á köflum og ekki mikið um marktækifæri, þá var pressa töluverð og rokið í alla bolta af miklum krafti.

Þó leikmenn séu ekki á harðaspretti í langhlaupum í átt að markinu, þá þýðir það ekki endilega að ekki sé verið að taka á því inná vellinum.

Veigar tryggði Íslendingum sigur á Suður - Afríku

Hver er á bekknum? Essasú?

(Af Pressan.is)

Eiður: „Þetta fer að koma hjá mér“