Ótrúlega magnaður fyrri hálfleikur

Það er stundum sagt: "Engin er betri en andstæðingurinn leyfir".

Það átti svo sannarlega við um fyrri hálfleikinn í kvöld. Þjóðverjarnir virkuðu lélegir, en það var vegna þess að íslenska liðið var frábært, bæði í vörn og sókn, auk magnaðrar markvörslu Björgvins Páls.

Það eina sem kom mér á óvart í leiknum, var að Heine Brandt, þjálfari Þjóðverja, skyldi ekki skipta um markvörð, allan hálfleikinn. Ég held að það hafi mátt telja á fingrum annarrar handar þau skot sem Silvio Heinevetter varði. Carsten Lichtlein stóð í markinu í seinni hálfleik og var skömminni skárri. Það er greinilegt að Þjóðverjar eiga ekki markverði af sama kaliberi og þeir hafa átt á undanförnum árum... og jafnvel áratugum.

Íslendingar eiga hins vegar markvörð í dag á heimsmælikvarða, í fyrsta sinn í sögu íslensks handknattleiks.

Hreinn unaður var að fylgjast með Aroni Pálmarssyni. Ótrúlega góður leikmaður á öllum sviðum og verður án efa einn allra besti handboltamaður veraldar í framtíðinni.

Ólafur Stefánsson var líka frábær. Orka hans í leiknum bar þess ekki vitni að hann væri 37 ára gamall.

Guðjón Valur sendi sterk skilaboð til þjálfara síns hjá þýska félagsliði sínu, sem jafnframt er þjálfari íslenska landsliðsins. Ef hægt er að tala um "einvígi" vinstri hornamanna í leiknum, þá var Guðjón afgerandi sigurvegari með sín 12 mörk í leiknum.

Frábær sigur á Þjóðverjum

Voru þær vel til hafðar?

Frábær árangur hjá stelpunum. Til hamingju!

Þó ég hafi ekki náið fylgst með boltaíþróttum kvenna, þá hef ég þó tekið eftir augljósum breytingum undanfarin ár.... að tvennu leyti.

Í fyrsta lagi eru þær miklu betri á allan hátt og standast ágætlega samanburð við boltakonur í öðrum löndum og vel það.

Í öðru lagi, þá eru margar stúlkur (næstum allar) afskaplega vel til hafðar í keppnisleikjum. Þær mála sig í framan með augnskugga og maskara og gott ef þær setja ekki upp gervi augnahár, líkt og þær séu að fara á dansleik. Hárið er heldur ekki útundan... allskyns fléttur og dúllerí.

En eru strákarnir eitthvað öðruvísi? Ég hélt það

Ég fékk að sjá bréf sem þjálfari 2. flokks karla skrifaði um daginn og ég birti það hér.

"Þegar að ég var að stjórna 2. flokki Sindra í leik á móti Leikni seinnipart síðasta sumars gerðist nokkuð sem hreinlega sló mig og fékk mig til að hugsa um hvað fótbolti hreinlega snérist um í dag.

Þetta atvik gerðist ekki inná leikvellinum sjálfum eins og fólk kannski ályktar, heldur gerðist þetta inní búningsklefa okkar Sindramanna, rétt eftir svakalega peppræðu þjálfarans þar sem menn áttu hreinlega að hlaupa út á leikvöllinn tilbúnir að vaða eld og brennistein til að ná í þessi þrjú stig sem voru í boði. Það sem gerist er að í stað þess að leikmenn fari úr klefanum öskrandi þá myndast röð á klósettið þar sem menn standa fyrir framan spegilinn með spraybrúsa að gera hárið flott. Sumir voru með sléttujárn!

Ég var lengi að jafna mig eftir þetta áfall og hef mikið velt því fyrir mér hvað það skiptir unga menn miklu máli að líta vel út á velli. Að líta vel út á velli hafði nefnilega aðra merkingu þegar að ég var sjálfur að spila í 2. flokki. Þá þótti maður líta vel út á velli ef maður gat eitthvað í fótbolta og náði kannski að slysast til að taka skærin í einhverri hreyfingunni. Maður þótti jafnvel líta vel út á velli fyrir flotta skriðtæklingu og stóð uppúr henni drullugur uppfyrir axlir... og já, hárið í klessu.

En af hverju erum við komin með íþróttina á þennan stað??

Ég vil meina að þegar að ungur drengur frá London flutti til Manchester til að freista gæfunnar með því ágæta liðið Man Utd hafi hjólin farið að snúast. Á þeim degi þegar að þessi drengur skoraði mark frá miðju á móti Wimbledon fóru hjólin á fleygiferð því þarna var stjarna fædd, stjarna sem hugsanlega eyddi 15 mínútum fyrir leik inná klósetti með spraybrúsa að gera hárið flott.

Það skiptir miklu máli hvernig skór leikmanna líta út í dag. Hér áður fyrr voru skór leikmanna svartir með hvítu merki saumað í. Ég er nokkuð viss um að það hafi staðið í reglunum að leikmaður skyldi aðeins spila í þannig skóm. Í dag er maður farinn að vekja neikvæða athygli ef maður spilar í svarthvítu Copa mundial skónum. Lúkkið er hreinlega tekið fram yfir gæðin í þessum málum. Meira að segja spila menn í bleikum skóm og í dag þykir það flott!

Ég ætla ekki að halda því fram að ég hafi alveg sloppið við þessa útlitsdýrkun því að ég hef spilað í hvítum, grænum, gulum og bláum skóm, ég hef sett í mig strípur og farið í ljós. Meira að segja gekk ég svo langt á sínum tíma að ég skellti á mig brúnkukremi fyrir leik við Fram sem var í beinni útsendingu frá Grindavíkurvelli. Ég valdi undraefnið Brazilian-tan en með því að bera það á sig þarf maður ekki að bíða nema 5 mínútur til að það virki. Ég skellti því á mig rétt fyrir mætingu og var svo orðin flekkóttur í framan í upphitun. Auðvitað tókst mér að skora í leiknum þannig að ég fékk nærmynd af mér fyrir framan alþjóð undir taktföstu kalli þeirra Stinningskalda manna (stuðningsmenn Grindavíkur) "Brúnó Brúnó Brúnó!"

En hvert er framhald þessarar útlitsdýrkunar okkar fótboltamanna? Ég bind miklar vonir við að þaðan sem þessi ósköp byrjuðu sé nú komin lækning. Í liði Rauðu djöflanna er nefnilega kominn á sjónarsviðið ungur drengur sem hefur gert allt vitlaust og virtist á tímabili ekki getað hætt að skora. Drengur þessi er ekkert mikið í hársprayinu enda ekki mikið hár eftir á kollinum. Hann er hvítur eins og ég og er samt ekkert í ljósum eða að nota brúnkuefni. Hann er í ósköp venjulegum Nike takkaskóm og það skiptir hann nákvæmlega engu máli þó að hann sé drullugur upp fyrir axlir. Meira að segja þarf þessi drengur að borga fyrir kynlíf utan hjónabands.

Lækningin heitir Wayne Rooney."

Ísland í úrslit á Algarve mótinu

Svíar tapa stórt.... vonandi

Sænskir handboltamenn eru leiðinlegir að mínu mati, hrokafullir og montnir og vinna leiki á hagstæðum dómurum og góðri markvörslu. Ég vona að þeir tapi stórt á móti Frökkum.

Stór dagur í sænskum íþróttum

Engu liði hefur tekist að verja titil sinn, síðan 1974

Það var gott hjá Guðmundi að stugga við leikmanni Spánverja, sem hrinti honum fruntalega aftanfrá. Hvað annað gat hann gert? Spánverjinn var kominn inn á lögbundið svæði þjálfara og varamanna og átti ekkert með að ryðjast þar inn, með þeim afleiðingum að Guðmundur steyptist fram fyrir sig og á varamannabekkinn. Hin eðlilegu viðbrögð Guðmundar, kostuðu íslenska liðið, mann útaf í tvær mínútur.  "Salómonsdómur" hefði e.t.v. verið maður úr hvoru liði útaf, en meira að segja það, hefði verið frekar ósanngjarnt.

Nú verða Íslendingar, líkt og allar aðrar þjóðir á þessu heimsmeistaramóti, (nema sigurvergarinn) að heyja baráttu um þáttökurétt á Ólympíuleikunum í London, árið 2012. Það er verðugt verkefni og afburðarárangur í hópíþrótt. Látum vera að nefna höfðatöluna.

Hvert einasta stórmót í íþróttum, veldur mörgum framúrskarandi íþróttamanninum, sárum vonbrigðum. Í þessu móti, voru það leikmenn Þýskalands, Króatíu, Íslands, Serbíu, Póllands og Noregs , sem gerðu sér einna mestar vonir um að komast í undanúrslit keppninnar.

 En á meðan leikmenn þessara þjóða syrgja örlög sín, fagna frændur vorir, hinir norrænu víkingar í Skandinavíu, ásamt Frökkum og Spánverjum.

Króatar komu mér á óvart með slöppum leik. Svo virðist sem Balic sé útbrunninn og lítið sé eftir af þeim snillingi, annað en frekja og stjörnustælar. Hversu lengi er hægt að lifa á fornri frægð?

Ivano Balic á rassinum 

Einkennandi fyrir þennan fyrrum besta handboltamann heims, á HM 2011.

Frakkar eru líklegir til að verja titil sinn, en engri þjóð hefur tekist það síðan Rúmenar vörðu titil sinn árið 1974. Þá var heimsmeistarakeppnin haldin á fjögurra ára fresti, og því voru þeir heimsmeistarar samfleytt í 8 ár, frá 1970-1978

Svíar eru ekki verðugir í undanúrslit að mínu mati. Bæði Þjóðverjar og Spánverjar, eru mun sterkari lið og jafnvel Íslendingar einnig.

Guðmundi hljóp kapp í kinn (myndband)

Strax byrjaðir að væla

Svíar og Danir eru strax byrjaðir í "póker" og vilja nú setja pressu á Frakka í leiknum gegn Íslendingum. Norðmenn reyndu þetta á móti okkur, en það mislukkaðist illilega.  Ef Danir eða Svíar væru í þeirri aðstöðu að geta "valið" sér mótherja í undanúrslitum, þá myndu þeir taka því fegins hendi. Sömuleiðis væru Íslendingar ósáttir ef það lenti á okkur að spila við Frakka í undanúrslitum, vegna "fixaðra" úrslita. Þessi leikjaniðurröðun er því óheppileg í alla staði, en vonandi verður henni þó ekki breytt úr þessu.

Spánverjarnir hafa verið frekar þunglamalegir framan af mótinu, en virðast vera að hrökkva í gang, samanber jafnteflið gegn Frökkum og öruggur sigur á Norðmönnum. Ég hef þó fulla trú á okkar mönnum, en það verður þó að viðurkennast að leikurinn á móti Þjóðverjum olli gríðarlegum vonbrigðum. Þó svo dómararnir hafi verið lélegir og hallað hafi aðeins á okkur í þeim efnum, þá voru Þjóðverjarnir einfaldlega betri í leiknum og sigruðu verðskuldað.

Sóknarleikur íslenska liðsins var hægur og fyrirsjáanlegur. Mikil orka fór í að skora hvert mark, á meðan Þjóðverjarnir virtust hafa mun minna fyrir hlutunum.

Ég er bjartsýnn fyrir Spánverjaleikinn, en sigur í þeim leik er alls engin trygging fyrir sæti í undanúrslitum. Það fer eftir stemningunni í frönsku herbúðunum, en Danir og Svíar munu gera allt til þess að pirra Frakkana fyrir leikinn. Spurning hvort vælið í þeim hafi þveröfug áhrif á Frakkana?

Við skulum vona það.  Áfram ísland!.

Þessa flottu mynd tók ég af visir.is HÉR

Óttast að Frakkar tapi viljandi fyrir Íslandi

Rífandi start

Góð vörn og unga frábær loforð. Það var sigur lyfseðils á Íslandi þegar VM hófst Himmelstalundshallen.Aaron Pálmarsson - bæta við nafni af minni.
20 ára gamall sprengjum í átta mörk og hlakka til að gigs þegar Ísland vann fyrstu World Cup leik í flokki B með 32-26 (14-11) gegn Ungverjalandi.
- Það var góð byrjun, við spiluðum miklu varnar-leika, "sagði Aron í blönduðu svæði eftir síðasta flautu.
 
Það var í miðjum seinni tíma til að vinna þrýstingur kom frá íslenska leikmenn. Á þeim tíma, Ungverjaland hafði ekkert til að bregðast við eins og þeir gerðu í fyrri hálfleik með breytingum markvörður þegar Roland Mikl tímabundið stöðvað Ísland móðgandi.
- Leikurinn fór í fyrir okkur. Ungverjaland hefur alltaf verið erfitt lið fyrir okkur sögulega. Ég er ánægð með 45 af 60 mínútur okkar í dag, en það eru atriði sem þarf að bæta, segir íslenska þjálfara Guðmundur Guðmundsson

Svo mörg voru Google Translate- orðin úr frétt nt.se

Leggið þetta nafn á minnið

Enginn Íslendingur á topp 100 í skák

Í byrjun hvers árs er birtur January FIDE Rating list   Það kemur ekki á óvart að norska "undrabarnið" vermi toppsætið. Íslendingar hafa nokkrum sinnum átt skákmann á þessum lista, en ekki í ár.

Íslenska skáklandsliðið er hins vegar í 37. sæti á styrkleikalistanum, sjá HÉR

Rank	Name	Title	Country	Rating	Games	B-Year
1	Carlsen, Magnus	g	NOR	2814	17	1990
2	Anand, Viswanathan	g	IND	2810	17	1969
3	Aronian, Levon	g	ARM	2805	9	1982
4	Kramnik, Vladimir	g	RUS	2784	16	1975
5	Karjakin, Sergey	g	RUS	2776	20	1990
6	Topalov, Veselin	g	BUL	2775	10	1975
7	Grischuk, Alexander	g	RUS	2773	20	1983
8	Mamedyarov, Shakhriyar	g	AZE	2772	9	1985
9	Ivanchuk, Vassily	g	UKR	2764	0	1969
10	Nakamura, Hikaru	g	USA	2751	16	1987
11	Ponomariov, Ruslan	g	UKR	2744	0	1983
12	Radjabov, Teimour	g	AZE	2744	0	1987
13	Gashimov, Vugar	g	AZE	2736	10	1986
14	Wang, Yue	g	CHN	2734	21	1987
15	Nepomniachtchi, Ian	g	RUS	2733	11	1990
16	Gelfand, Boris	g	ISR	2733	9	1968
17	Wang, Hao	g	CHN	2731	33	1989
18	Svidler, Peter	g	RUS	2730	11	1976
19	Kamsky, Gata	g	USA	2730	6	1974
20	Wojtaszek, Radoslaw	g	POL	2726	0	1987
21	Eljanov, Pavel	g	UKR	2724	9	1983
22	Bacrot, Etienne	g	FRA	2723	10	1983
23	Adams, Michael	g	ENG	2723	7	1971
24	Shirov, Alexei	g	ESP	2722	15	1972
25	Caruana, Fabiano	g	ITA	2721	18	1992
26	Movsesian, Sergei	g	ARM	2721	0	1978
27	Almasi, Zoltan	g	HUN	2719	10	1976
28	Jakovenko, Dmitry	g	RUS	2718	11	1983
29	Leko, Peter	g	HUN	2717	0	1979
30	Dominguez Perez, Leinier	g	CUB	2716	0	1983
31	Vachier-Lagrave, Maxime	g	FRA	2715	6	1990
32	Malakhov, Vladimir	g	RUS	2714	14	1980
33	Vitiugov, Nikita	g	RUS	2709	11	1987
34	Navara, David	g	CZE	2708	0	1985
35	Fressinet, Laurent	g	FRA	2707	15	1981
36	Jobava, Baadur	g	GEO	2707	0	1983
37	Alekseev, Evgeny	g	RUS	2701	0	1985
38	Efimenko, Zahar	g	UKR	2701	0	1985
39	Morozevich, Alexander	g	RUS	2700	0	1977
40	Vallejo Pons, Francisco	g	ESP	2698	0	1982
41	Tomashevsky, Evgeny	g	RUS	2695	11	1987
42	Sutovsky, Emil	g	ISR	2695	0	1977
43	Dreev, Aleksey	g	RUS	2694	18	1969
44	Bologan, Viktor	g	MDA	2693	7	1971
45	Sasikiran, Krishnan	g	IND	2690	9	1981
46	Onischuk, Alexander	g	USA	2689	13	1975
47	Andreikin, Dmitry	g	RUS	2689	9	1990
48	Riazantsev, Alexander	g	RUS	2689	0	1985
49	Laznicka, Viktor	g	CZE	2688	0	1988
50	Motylev, Alexander	g	RUS	2687	3	1979
51	Bruzon Batista, Lazaro	g	CUB	2686	18	1982
52	Giri, Anish	g	NED	2686	7	1994
53	Polgar, Judit	g	HUN	2686	0	1976
54	Naiditsch, Arkadij	g	GER	2685	0	1985
55	Kasimdzhanov, Rustam	g	UZB	2681	7	1979
56	Timofeev, Artyom	g	RUS	2681	0	1985
57	Berkes, Ferenc	g	HUN	2678	9	1985
58	Volokitin, Andrei	g	UKR	2678	2	1986
59	Nisipeanu, Liviu-Dieter	g	ROU	2678	0	1976
60	Rublevsky, Sergei	g	RUS	2678	0	1974
61	Bu, Xiangzhi	g	CHN	2677	18	1985
62	Van Wely, Loek	g	NED	2676	12	1972
63	Akopian, Vladimir	g	ARM	2675	0	1971
64	So, Wesley	g	PHI	2673	18	1993
65	Inarkiev, Ernesto	g	RUS	2672	9	1985
66	Areshchenko, Alexander	g	UKR	2671	9	1986
67	Zhigalko, Sergei	g	BLR	2671	9	1989
68	Korobov, Anton	g	UKR	2670	18	1985
69	Miroshnichenko, Evgenij	g	UKR	2670	0	1978
70	Moiseenko, Alexander	g	UKR	2670	0	1980
71	Nielsen, Peter Heine	g	DEN	2670	0	1973
72	Georgiev, Kiril	g	BUL	2669	0	1965
73	Meier, Georg	g	GER	2667	10	1987
74	Harikrishna, P.	g	IND	2667	9	1986
75	Sargissian, Gabriel	g	ARM	2667	0	1983
76	Kobalia, Mikhail	g	RUS	2666	0	1978
77	Cheparinov, Ivan	g	BUL	2665	9	1986
78	McShane, Luke J	g	ENG	2664	7	1984
79	Le, Quang Liem	g	VIE	2664	5	1991
80	Bareev, Evgeny	g	RUS	2663	0	1966
81	Kurnosov, Igor	g	RUS	2662	18	1985
82	Smeets, Jan	g	NED	2662	1	1985
83	Zvjaginsev, Vadim	g	RUS	2660	20	1976
84	Grachev, Boris	g	RUS	2660	12	1986
85	Smirin, Ilia	g	ISR	2660	9	1968
86	Mamedov, Rauf	g	AZE	2660	0	1988
87	Socko, Bartosz	g	POL	2660	0	1978
88	Gharamian, Tigran	g	FRA	2658	13	1984
89	Short, Nigel D	g	ENG	2658	13	1965
90	Sokolov, Ivan	g	NED	2657	9	1968
91	Feller, Sebastien	g	FRA	2657	0	1991
92	Nyback, Tomi	g	FIN	2656	2	1985
93	Zhou, Jianchao	g	CHN	2655	26	1988
94	Fridman, Daniel	g	GER	2655	9	1976
95	Milov, Vadim	g	SUI	2653	9	1972
96	Gustafsson, Jan	g	GER	2652	0	1979
97	Potkin, Vladimir	g	RUS	2651	11	1982
98	Ganguly, Surya Shekhar	g	IND	2651	8	1983
99	Fedorchuk, Sergey A.	g	UKR	2650	22	1981
100	Khismatullin, Denis	g	RUS	2649	20	1984
101	Li, Chao b	g	CHN	2649	18	1989
102	Roiz, Michael	g	ISR	2649	0	1983

Gylfi eða Lexi

Mín ágiskun er að Gylfi Þór Sigurðsson eða Alexander Peterson verði fyrir valinu.

Alexander hefur verið prímusmótorinn í sigursælu handboltaliði okkar. Nú stendur hann á þrítugu og fyrir hans dyggu þjónustu undanfarin ár, sem jafnbesti leikmaður liðsins (oft besti), ætti hann það skilið að vera valinn. Hver man ekki eftir varnartilburðum hans á móti Pólverjum? Annað eins hefur sjaldan sést á handboltavellinu. Að veita Alexander verðlaunin væri þakklætisvottur fyrir það sem hann hefur gert fyrir land og þjóð.

Gylfi er besti knattspyrnumaður Íslands og hugarfar drengsins er aðdáunarvert. Ekkert vesen... enginn vírus þar. En hann er ungur og á framtíðina fyrir sér. Hann getur alveg beðið í eitt ár.

Tíu efstu í kjöri íþróttamanns ársins

Oh, Dolli! Eins og góð B-mynd

Þegar ég var á unglingsaldri, höfðum við félagarnir stundum gaman af því að horfa á svokallaðar "B-myndir"(bíómyndir). Við þóttumst samt hafa þroskaðan kvikmyndasmekk og Kubrik og Polanski voru í uppáhaldi hjá okkur.

Góð "B-mynd" var í okkar augum, ef hún var afspyrnu léleg; handrit, lýsing, leikur, kvikmyndataka.... allt. Ef allt var nógu fáránlega lélegt, þá skemmtum við okkur best, líkt og við værum á sprenghlægilegri gamanmynd. Þess má reyndar geta að flestar þessara "B-mynda" í kvikmyndahúsum Reykjavíkur á áttunda áratug síðustu aldar, voru hryllingsmyndir, en ekki gamanmyndir.

Mér datt þetta bara svona í hug.

Mér finnst Adolf Ingi ekki vera með réttu áruna fyrir fót og handboltalýsingar. Hann er bara ekki rétta manngerðin í djobbið.  Hann hefur samt átt sín móment... og allt það. "Magavöðvamómentið" verður örugglega eitt af þeim.

Adolf Ingi fær Hammerseng til að roðna (myndskeið)

Skelfilegt á að horfa

Indriði Sigurðsson og Hermann Hreiðarsson eru valdir í landsliðið, væntanlega vegna reynslu sinnar. Ótrúlega heimskulegt að láta mann eins og Hermann vera í byrjunarliðinu. Það segir eiginlega allt sem segja þarf um Ólaf Jóhannesson, landsliðsþjálfara.

Ég hef verið þeirrar skoðunar í dálítinn tíma að U-21 liðið á að spila A-leikina líka, a.m.k. fram að EM í sumar. Indriði og Hermann eiga ekkert erindi í landslið, hvorki í okkar né annarra. Þeirra tími er einfaldlega liðinn. Þeir áttu sök á öllum mörkunum með "byrjendamistökum".

Mörkin úr leik Ísraels og Íslands (myndband)