Þegjandi og hljóðalaust?

Það þarf engin að segja mér að náttúrúverndarsamtök muni taka þessum úrskurði þegjandi og hljóðalaust. Ráðherra umhverfismála mun einnig láta í sér heyra.

Það er svo vitlaust að halda annað  

Boranir rýra ekki framtíðargildi Gjástykkis

Ég get tekið undir þetta, en....

Það verður engin sátt um rammaáætlunina. Hún verður  þrætuepli næstu missera því allir vita hvaða ramma VG vill setja um virkjanir.

Tímabært að hætta deilum um virkjanakosti

VG- Hræsnarar dauðans

Ég man þá tíð, er ungur ég var og vitlaus og aðhylltist vinstri hugsjónina, kommúnisma jafnvel.

Þá voru helstu baráttumálin, jöfn kjör og réttlæti og að tryggja atvinnuöryggi.... að öll störf væru jafn mikilvæg og maður leit með velþóknun á, þegar kínverska kommústiastjórnin sendi skrifstofublækurnar út á hrísgrjónaakrana, svona öðru hvoru til að þeir fengju að kynnast því að áþreifanleg verðmæti sköpuðust ekki sitjandi á rassinum við skrifborð.

Íslensk verkalýðsbarátta hefur verið samofin pólitískum flokkum á vinstri vængnum alla tíð, en því miður til tjóns hin síðari ár. Reyndar hefur samljómurinn milli stjórnmálaflokkanna og hins vinnandi manns sem fær að reyna á eigin skinni hina raunverulegu baráttu með verkföllum, atvinnuleysi og öðru slíku, verið holur alltof lengi.

Vinstrimenn, sem alla tíð hafa talið sig löggilta eigendur að öllum helstu framfaramálum verkalýðsins og helsta talsmann "Litla mannsins", virðast vera orðnar veruleikafirrtar skrifstofublækur og spurning hvort ekki væri rétt að senda þá út á akurinn... svona til þess að fá smá tengingu

Ps. Það er kannski rétt að ég geti þess, að ég er ekki að alhæfa um vinstrimenn.... ekki um alla kjósendur vinstriflokkanna, heldur er ég að tala um ákveðna "stereo-týpu", sérstaklega af stjórnmálamönnum, sem gera persónulega hugmyndafræði sína að hugmyndafræði fólks síns.

"Að tryggja verkamanninum alla afurð vinnu sinnar eins og mögulegt er, er verðugt verkefni  góðra ríkisstjórna" (Abraham Lincoln, forseti)

SA gagnrýna umhverfisráðherra

Ég er sammála túlkun Hrunamanna

"...eigi hún sér stað." Lokaorðin fjögur í aðdróttunum Svandísar Svavarsdóttur, eru lagatæknilegs eðlis og höfð með til að fyrra sig lagalegri ábyrgð á orðum sínum. Allir sjá í hvaða tilgangi Svandís kemur með þessa vitlausu ásökun, enda sagði hún það sjálf í viðtali eftir ákvörðun sína, að lögin væru alveg skýr hvað þetta varðaði.

Samkvæmt þeim orðum, voru greiðslur LV til sveitarstjórnasjóða, ólöglegar og því gæti ráðherra ekki fallist á skipulagstillögurnar.

Kristal tært 

Hrunamenn undrast Þjórsármál

Fullyrðingar samtakanna "Sól í Hvalfirði"

Samtökin Sól á Suðurlandi fagna að ekki sé hægt að nýta rafmagn á afar hagkvæman hátt í Þjórsá fyrir samfélag okkar, með tiltölulega litlum fórnarkostnaði.

"Sól í Straumi".... "Sól í Hvalfirði".

Sólin skín út um rassgatið á sumum umhverfisverndarsinnum.

Þegar framkvæmdir um stóriðju í Hvalfirði voru komnar á rekspöl, þá varð Hvalfjörður skyndilega helsta útivistarperla Reykvíkinga... að mati umhverfisverndarsinna. Að óþrjótandi möguleikar væru í firðinum og þetta yrði framtíðar útivistarsvæði innan örfárra ára. En ef stóriðjuáformin næðu fram að ganga, þá eyðilegði þau alla möguleika á útivist í þessari einstæðu náttúruperlu.

Ég vil taka það fram að mér finnst Hvalfjörðurinn klárlega einstakur. Ekki síst á saga, menning, náttúra og atvinnulíf fjarðarins þátt í því að skapa honum sess á háum stalli í mínum huga.

En hvað hefur verið eyðilagt varðandi möguleikana á útivist í firðinum eftir að stóriðjan hóf starfsemi sína? Umhverfisverndarsinnar hafa enn á ný opinberað að dómsdagsspár þeirra eru byggðar á sandi.... hreinni ímyndun.

"Vistkvíði" er geðrænn sjúkdómur. Hann er þungur kross að bera.

Fagna úrskurði umhverfisráðherra

14 mánuðir!

Það tók umhverfisráðuneytið 14 mánuði að komast að þeirri niðurstöðu að Landsvirkjun mátti ekki greiða kostnaðinn af nýju deiliskipulagi. Svandís segir að "Lögin sé alveg skýr" hvað þetta varðar.

Ef svo er, hvers vegna tók þá 14 mánuði að koma með úrskurðinn? Getur það verið að Svandísi finnist ekki nóg að synja staðfestingar skipulagsbreytingunum? Að með því að synja þessu strax, væri hún ekki að tefja málið nógu mikið?

Allir muna afgreiðsluna á SV-línunni til Reykjaness. Allt var gert til að tefja fyrir álversframkvæmdum í Helguvík og þvert ofan í álit Umhverfisstofnunar, þá taldi Svandís að ekki lægju fyrir nægilegar upplýsingar um málið til þess að hægt væri að fallast á að ekki þyrfti sameiginlegt umhverfismat á virkjun, línulagnir og álver.

Með framkomu sinni tókst umhverfisráðherra að tefja það mál um nokkra mánuði. Tilgangurinn er augljós, V-grænir vilja minnka áhuga erlendra fjárfesta sem vilja kaupa orku af okkur. Skilaboðin eru skýr: "Við viljum ekki erlenda orkukaupendur".

Synjar skipulagi við Þjórsá staðfestingar

Góður maður fer

Þorsteinn Hilmarsson virkar á mig sem góður og grandvar maður. Kannski telur LV sig þurfa agressívari mann?  Að þeir telji sig þurfa að "öpdeita" upplýsingafulltrúann úr heimspekingi í faglærðan upplýsinga og fjölmiðlamann.

Þorsteinn hefur verið 18 ár hjá fyrirtækinu en hvort hann hafi verið í sama starfinu allan tímann veit ég ekki. 18 ár er langur tími í sama starfi og sumir segja að holt sé að skipta um starfsvettvang á 10 ára fresti. Að vera upplýsingafulltrúi fyrirtækis sem stendur í umdeildum framkvæmdum er örugglega ekkert sérlega þægilegt starf.

Stundum hef ég vitnað í orð upplýsingafulltrúans á blogginu hjá mér, máli mínu til stuðnings. Viðbrögðin hafa stundum verið ómerkileg frá hendi þeirra sem telja Landsvirkjun allt til foráttu. Persónulega svívirðingar í garð Þorsteins hafa sést og heiðarleiki hans dreginn í efa, mjög svo að ósekju að mínu mati. 

Þorsteinn hefur bloggað hér á Moggablogginu, sjá: HÉR

Þorsteinn hættur hjá Landsvirkjun

Óábyrgt bull Sigmundar Einarssonar

 Sigmundur Einarsson, jarðfræðingur,  hljóp í fjölmiðla með "sérfræðiþekkingu" sína um orku úr iðrum jarðar. Margir umhverfisverndarsinnar tóku hrakspám Sigmundar fagnandi og tóku þessu sem "stóra sannleik", sem öllum jarðvísindamönnum á Íslandi hafði yfirsést.

Eftir lestur þessara tveggja greina sem ég vísa í og pikkaði upp af frábærri bloggsíðu http://agbjarn.blog.is/blog/agbjarn/entry/969601/ , má öllum vera ljóst hversu trúverðugur Sigmundur Einarsson er í umræðunni um orkumál.

„… því miður er það svo að stóri sannleikurinn um hinar miklu orkulindir Íslands er tómt plat“ og bætir svo um betur með næstu setningu: „Þetta eru skýjaborgir sem byggðar eru á raupi óábyrgra manna sem ógerlegt er að vita hvort eða hvað hugsa.“ Viðbrögðin létu ekki á sér standa á Smugunni, því þar hófust gífurleg fagnaðarskrif fjölda manns um að nú hefði loks stóri sannleikur verið upp kveðinn og Ísland orðið nær orkulaust. Hvurslags eiginlega umræða er þetta? Það er verið að tala um eitt af fjöreggjum þjóðarinnar. Eina af þremur stærstu auðlindum okkar."

(Grein eftir  Dr. Guðmund Ómar Friðleifsson jarðfræðing í Mbl. 30. okt. 2009, sjá HÉR )

 Grein eftir  Ómar Sigurðsson jarðhita-forðafræðing  í Fréttablaðinu 30. okt. 2009.

Smellið hér til að lesa grein Ómars.

180.000 fm fyrir gagnaver

Fá nú þegar orkuna ódýrar en stóriðjan

Frá árinu 2005 hefur Landbúnaðarráðuneytið niðurgreitt flutning raforku til garðyrkjubænda um 95%. Vegna niðurskurðar í ríkisútgjöldum hefur þessi niðurgreiðsla verið lækkuð í 67-76%, eftir því hvort framleiðandinn er skilgreindur í þéttbýli eða dreifbýli. (Hærri talan fyrir dreifbýli)

Þess má geta að á síðasta ári var meðalverð frá RARIK til Garðyrkjubænda fyrir dreifingu um 2,89 kr/ kWh, niðurgreiðslur ríkisins námu um 2,67 kr/kWh og greiddu Garðyrkjubændur því um 22 aura fyrir kWh að jafnaði, aðeins brot af því sem aðrir viðskiptavinir RARIK greiða. Þrátt fyrir niðurskurð á styrkjum hins opinbera, greiða Garðyrkjubændur enn mun lægra verð fyrir orkudreifingu en aðrir viðskiptavinir.

Að lokum er rétt að benda á að rafmagnsnotkun til garðyrkjulýsingar er í hámarki á þeim tíma ársins sem mest eftirspurn er eftir rafmagni í dreifikerfinu og framleiðslan dýrust," segir á heimasíða RARIK.

Stóriðjan kaupir hins vegar sama raforkumagn allan ársins hring, auk þess sem flutnings og afhendingarkostnaður hennar er margfalt hagkvæmari fyrir orku og dreifingarfyrirtækin.

Allra hagur að garðyrkja dafni

Línan kemur hvort eð er

Þetta kærustúss stöðvar auðvitað ekki þessar framkvæmdir, en það gerir þær dýrari og það er ekki í þágu þjóðarinnar. Ef náttúruverndarsamtök hafa vald yfir ríkisstjórninni, þá er hætt við að erlendir fjárfestar haldi að sér höndum þar til þessi vinstristjórn er farin frá.

Annars er þetta samtengda mat sem náttúruverndarsinnar vilja, ekkert annað en skrípaleikur. Það hefur lengi legið fyrir að leggja þarf nýjar línur á Reykjanesi, hvort sem þetta álver kemur eða ekki. Eða eins og Árni Sigfússon orðaði það;

"Raflínur á Reykjanesi eru eins og veikur tannþráður"

Og svo koma mótmælendur

Kæra ákvörðun um Suðvesturlínu