Hvernig vildi hann þá orða þetta?

Ef það var "klaufalegt" orðalag að segjast ætla að innheimta fyrir sektinni með því að velta kostnaðinum út í vöruverðið... hvernig er þá rétta orðalagið?

Ari Edwald útskýrir það ekki í tilkynningunni, en talar um eitthvað allt annað, eins og hann hafi aldrei sagt hitt.

Það er alþekkt að fyrirtæki hagi sér með þessum hætti en sjaldgæft að þau viðurkenni það berum orðum.

Ari Edwald viðurkenndi það berum orðum en sá eftir því.

 

Biðst afsökunar á „klaufalegu orðalagi“

Kaupmenn stela frá sjálfum sér

Kaupmenn, heildsalar, útgerðarmenn og allir sem sýsla með neysluvörur í fyrirtækjum sínum, s.s. matvæli, þrifnaðarvörur o.s.f.v., "stela" frá sjálfum sér til einkanota og færa inn bókhaldsliðinn "vörurýrnun".

Árleg rýrnun í verslunum vegna hnupls er áætluð um sex milljarðar króna. Hversu stóran hlut eiga búðareigendur?

Hnuplað fyrir sex milljarða á ári

Ég var í sjoppu á Seyðisfirði....

... grillsjopunni í morgun og fékk mér eina pulsu. Mig langaði að drekka Egils appelsín með pulsunni, en sjoppan selur bara gosdrykki frá Vífilfelli.

Má það?

Veðrið skartaði sínu fegursta á Seyðisfirði, sól og blíða og sjoppan var full af skandinavískum unglingum sem komu með ferjunni.

Fjarðarheiðin er alhvít af þykkum snjóalögum og hún hlýtur að vera paradís vélsleðamannsins um þessar mundir.

Grunur um samráð

Trúverðugleiki matsfyrirtækja

Nú er nýju matsfyrirtæki flaggað til að gera úttekt á lánshæfi íslenska ríkisins. Öll hin hafa málað sig út í horn með vanhæfni sinni og bulli.

Er einhver sérstök ástæða til að trúa þessu fyrirtæki, frekar en hinum?

Lánshæfiseinkunn Íslands lækkuð

Sigurjón lýgur

Ég tók myntkörfulán til bílakaupa og ég sóttist eftir þeim sjálfur. Það var enginn sem ráðlagði mér að gera það.

Öðru máli gegnir um mann sem ég þekki náið og var að byggja sér hús. Hann gekk á milli margra "sérfræðinga" frá bönkunum sem ráðlögðu honum eindregið að taka 30 miljón króna myntkörfulán. Þeir sögðu að þó gengi íslensku krónunnar versnaði, þá myndi það aldrei versna meira en sem næmi sparnaðinum sem fælist í lægri vöxtum.

Ég trúi þessum manni frekar en Sigurjóni Árnasyni.

Húsnæðislánin voru „tómt rugl"

Það eru skemmtilegir möguleikar í stöðunni

Myndbandið sem fylgir þessari frétt, er stórkostlegt. Það myndi sóma sér vel sem auglýsingamyndband fyrir erlenda ferðaskrifstofu í söluherferð sinni fyrir Íslandsferðum.

Það þarf að huga að markaðsmálum varðandi þetta gos. Það eru allar líkur til þess að þetta verði aldrei meira en "lítið og nett" og alveg kjörið til að gera sér mat úr, bæði á meðan á því stendur, en ekki síst að því loknu.

Ég tel, að með góðri skipulagningu margra fagaðila á ýmsum sviðum, megi skapa hér mannfrekan "iðnað", um eldgosið í Fimmvörðuhálsi.

Það er óskandi að minningarskjöldurinn um ungmennin þrjú frá Færeyjum, Svíþjóð og Íslandi, sem fórust nokkurn veginn á þeim stað sem fyrri gossprungan opnaðist, sleppi frá hrauninu. Fátt virkar betur sem krydd í náttúruna, (sérstaklega á Bandaríkjamenn) en dramatískar sögur um örlög fólks. Hraunið hefur nú þegar runnið beggja vegna skjaldarins, sem er dramatík í sjálfu sér.

Mallar áfram næstu vikurnar

Lög-mannamál

Oft hefur mér fundist orðaval lögfræðinga hálf hlægilegt

"...getur héraðsdómari úrskurðað að fullnægt verði með aðfarargerð rétti manns sem honum er aftrað að neyta og sem hann telur sig eiga og vera svo ljósan, að sönnur verði færðar fyrir þeim með gögnum,".

Það er nebbblega það

Fallist á útburðarbeiðni bankans

Verður dregið í dilka?

Mismunandi samningar, segir Gylfi.

Ég veit ekki hvað hann á við nákvæmlega en útkoman er nákvæmlega eins fyrir alla... helvítis fokking fokk.

Það verður allt brjálað í þjóðfélaginu ef það á að draga fólk í dilka vegna orðalags í samningum þeirra. Í þessu máli eiga allir að sitja við sama borð.

Hæstiréttur þarf að skera úr

Í raun tengt Icesave

Um leið og pólska lánið er tengt greiðslum AGS, þá tengist það Icesave-málinu. Hik AGS vegna þróunar umræðunnar á Íslandi um Icesave samkomulagið, er augljóst. Ags er að hugsa vandlega næsta leik.

Lán frá Pólverjum fylgi sama mynstri og Norðurlandalánin

Bannað í USA

Í föðurlandi kapitalismans, Bandaríkjunum, eru lög sem banna lán fyrir kaupum á hlutabréfum með veði í bréfunum sjálfum. Merkilegt ef slík lög gilda ekki í Evrópu.

Rannsaka íslensku bankana