Raunfylgi græningja

Í besta falli er raunfylgi pólitískra "græningja", 10 -15% í Evrópu og töluvert minna utan Evrópu.

Vinstrimenn stukku á "umhverfisvernd", þegar þeir sáu fram á að hagfræðilegar hugmyndir þeirra voru tóm steypa og fylgi þeirra hrapaði um víða veröld. 

Íslensku græningjarnir fengu rúmlega 20% fylgi í síðustu kosningum, en það var líka í þjóðfélagsástandi sem hentar vinstrimönnum best, þ.e. þegar atvinnuleysi og óáran herjar á samfélagið, en það virðist því miður gerast með reglulegu millibili í hinum kapitalösku þjóðfélagum, sem nánast allir, sem lifa sómasamlegu lífi í heiminum, búa við. 

Í "venjulegu" ástandi hafa vinstrimenn ekki fengið mikinn hljómgrunn meðal kjósenda, en nú reyna þeir að sýna umhyggju sína fyrir umhverfinu. Umhverfisvernd er hinn nýi sósíalismi.

Allir vita hvernig "umhyggja" sósíalista og kommúnista á alþýðunni hefur virkað á hinn almenna borgara í áranna rás ... sagan segir okkur allt um það.

 Hin eina sanna "tæra vinstri ríkisstjórn" er nú við völd á íslandi, í fyrsta sinn í sögunni. Engin kapitalísk öfl eiga upp á pallborðið nú, í íslensku samfélagi.

Er þá ekki allt í himnalagi?

 

Vælir ekki undan slöku gengi

Smjörklípa

Dæmigert fyrir Samfylkinguna að þyrla upp ryki af ekki meira tilefni.

Samfylkingarfólk situr sakbitið með ríkisstjórnartauminn í skauti sér.

Ásmundur biðst afsökunar

Sami skríllinn?

Ég velti því fyrir mér hvort þetta sé sami skríllinn og var með ofbeldi í "Búsáhaldabyltingunni". Ég held þó ekki.... ekki nema að litlum hluta. Svokallaðir anarkistar, stjórnleysingjar og aðgerðasinnar, geta auðvitað sprottið upp hvar sem er og nánast af hvaða tilefni sem er.

"Níumenningarnir" sem ákærðir eru fyrir að ráðast á Alþingi með tilheyrandi eignaspjöllum og örkumlun eins starfsmanns þinghússins, eru nú skyndilega orðnir grímulausir í fjölmiðlum. Þetta fólk vildi ekki láta þekkja sig og huldi andlit sín á meðan þau frömdu ódæðisverk sín.

Nú er þetta skyndilega orðið fólk með auðkenni. "Í hópnum eru listamenn, leiðbeinandi í leikskóla, leiðsögumaður, gæðastjóri, bréfberi, grafískur hönnuður og nemi í læknisfræði. " segir í frétt DV um mál níumenninganna. Þarna er einnig fremst til hægri á þessari mynd DV, nýkjörin formaður VG í Reykjavík, en eins og margir vita er hún dóttir Jóns Múla Árnasonar, útvarps og tónlistarmanns. Hún tilheyrir "kattadeildinni" svokölluðu, í VG.

"„Þetta er töluvert álag á alla fjölskylduna. Ég á tvö börn og velti því oft fyrir mér hvaða áhrif þetta muni hafa á líf þeirra,“ segir einn árásarmannanna. Hópurinn er prúður og snyrtilegur. Verður næsta "holl" sem réttað verður yfir vegna árása á Alþingi, af svipuðu tagi og þetta fólk? Það má búast við því.

Það á auðvitað að dæma þetta fólk samkvæmt lögum. Skilorðsbundið fangelsi er hæfilegt. Þetta prúða fólk fer varla að brjóta af sér aftur... eða hvað?

Ófriðarbál á Austurvelli

Eru ekki nóg vandræði heimafyrir?

Hvað eru Guðsmennirnir að skifta sér af pólitík? Ég hélt að það væri nóg að gera hjá þeim við að lofta út ólyktinni á Biskupsstofu

Ég er á móti því að Guðsmenn á launum hjá ríkinu, séu að skifta sér af pólitík og dægurþrasi. Ég hefði haldi að þeir þyrftu á öllu sínu að halda til að sundrungin innan söfnuða þeirra héldist í lágmarki.

Prestar furða sig á niðurstöðu um landsdóm

Í fríi á vertíð?

Menn taka ekki frí á miðri vertíð. Ég hefði haldið að VG þyrfti á öllu sínu að halda í þeim erfiðu málum sem eru framundan.

Ég hélt að Atli Gíslason, formaður hinnar pólitísku aftökunefndar Alþingis, væri þungavigtarmaður í flokki sínum.

Jórunn Einarsdóttir, kennari í Eyjum! Hver er það?

Atli tekur sér frí

Er glæpur að vera sauður?

Ef einhvern ætti að draga fyrir dóm af ráðherrum í ríkisstjórn Geirs Haarde, væri það Björgvin G. Sigurðsson, þ.e.a.s. ef það er glæpur að vera sauður.

Sem æðsti yfirmaður viðskipta í landinu, er það með ólíkindum að hann skyldi láta bjóða sér að vera ekki með í ráðum og að sumu hafi verið beinlínis haldið frá honum er auðvitað í raun fjarstæðukennt. Sömuleiðis að hann skyldi láta viðgangast helfrost í samskiptum sínum við Davíð Oddsson og Seðlabankann.

Maður sem tekur starf sitt alvarlega sem viðskiptaráðherra, vill hafa sem flesta þræði í hendi sér. Björgvin var þráðlaus og hann lét sér það lynda.

Það má vel vera að einhverjum takist að færa rök fyrir því að þetta séu alvarleg embættisglöp og vanræksla og það beri að refsa fyrir það. Ég er hins vegar þeirrar skoðunnar að ekki megi refsa mönnum fyrir það hvernig þeir eru af Guði gerðir.

Björgvin kemur aftur inn á þing

Ekki skrítið, fólk forðar sér á brott

Það á ekki að koma neinum á óvart að fólk forði sér úr þessum voðalega flokki.

Á bloggsíðu Hannesar Hólmsteins má lesa eftirfarandi:

"Ingibjörg Sólrún er enginn glæpamaður, og tilraun Samfylkingarinnar til að breyta Íslandi í leikvang að rómverskum sið er í senn sorgleg og hlægileg, en aðallega fyrirlitleg. Við megum ekki gleyma því, að það fólk, sem nú á að fórna, er fólk með tilfinningar, vit og vilja, fjölskyldur og vini. Þótt ég hafi aldrei verið samherji Ingibjargar Sólrúnar, finn ég til með henni í þessum raunum. Ömurlegt hlýtur að vera fyrir hana að horfa upp á hvern hugleysingjann af öðrum svíkja sig, — sama fólkið og klappaði hvað ákafast fyrir henni á Hótel Íslandi, þegar hún gekk hnakkakert í salinn eftir að hafa sigrað í borgarstjórnarkosningunum 1994. Ingibjörg Sólrún hefði mátt vera vandari að vinum, eins og sum okkar hinna voru, sem betur fer."

http://hannesgi.blog.is/blog/hannesgi/entry/1096410/ 

Sagði sig úr Samfylkingunni

Helga Jónsdóttir

Það kæmi mér ekki á óvart ef Helga Jónsdóttir, fyrrv. bæjarstjóri Fjarðabyggðar, verði ráðinn í starfið. Mér sýnist Helga hafa allt sem til þarf. Helga var í sumar orðuð við bæjarstjórastöðuna í Kópavogi en af því varð ekki.

Á vef Fjarðabyggðar má lesa eftirfarandi um Helgu:

Námsferill:.Lögfræðingur frá Háskóla Íslands, nám í þjóðhagfræði við IMF Institute Washington DC og hagsögu við London School of Economics

Starfsferill: kennari, blaðamaður, stjórnarráðsfulltrúi, fógetafulltrúi, aðstoðarmaður forsætisráðherra, aðstoðarmaður utanríkisráðherra, skrifstofustjóri forsætisráðuneytis og ritari ríkisstjórnar, fulltrúi í stjórn Alþjóðabankans í Washington DC, borgarritari í Reykjavík

Pólitískur ferill og trúnaðarstörf: félagsmálaráð Kópavogs og lögfræðingur barnaverndarnefndar, Félagsstofnun stúdenta, framtíðarnefnd forsætisráðherra, fíknivarnanefnd ríkissjórnar (formaður), tryggingaráð (formaður), Landsvirkjun (formaður), Lífeyrissjóður starfsmanna Reykjavíkurborgar (formaður), Lífeyrissjóður starfsmanna sveitarfélaga (formaður), Minjavernd, Austurhöfn - tónlistar- og ráðstefnumiðstöð í Reykjavík, Stofnun stjórnsýslu og stjórnmála í Háskóla Íslands o.fl.

Auglýst eftir ráðuneytisstjóra velferðarráðuneytis

E.t.v. gott fyrir Sjálfstæðisflokkinn?

Það sem Þorgerður segir er rökfast og hárrétt.

Það er vitað að ákveðinn hluti almennings, nær eingöngu vinstrimenn, vill að pólitísk hugmyndafræði Sjálfstæðisflokksins verði gerð að sakamáli og vilja því pólitísk réttarhöld yfir formanni flokksins. 

Það væri auðvitað ágæt leið fyrir Geir og flokkinn að fá að taka til varna fyrir dómi og hreinsa sig af þessum kærum í eitt skipti fyrir öll, ef ekki væri fyrir það að 8 af 15 dómurum í landsdómi, eru kosnir pólitískri kosningu á Alþingi.

Ekki er nóg með það að þeir sem vilja kæra eru líka dómarar og hafa meirihluta.

Hannes Hólmsteinn skrifar alltaf góða pistla og í pistlinum: Ég var sjónarvottur sem hann skrifaði áður en atkvæðagreiðslan á Alþingi fór fram:

 "Ég hef áður látið í ljós þá skoðun, að mér finnist fráleitt að setja þau Geir H. Haarde og Ingibjörgu Sólrúnu Gísladóttur á sakamannabekk, eins og meiri hluti þingmannanefndar undir forystu Atla Gíslasonar leggur til. Það er langur vegur frá afglöpum að afbrotum. Þau Geir og Ingibjörg Sólrún eru sek um afglöp, en ekki afbrot. Nú hefur Jóhanna Sigurðardóttir játað, að tilgangurinn með þessum ákærum og hugsanlegum réttarhöldum er stjórnmálalegur. Hún var spurð, hvort hún teldi ákærur róa almenning. Hún svaraði: „Ég vona það. Til þess var þetta sett á laggirnar.“

Þessi orð Jóhönnu eru athyglisverð. Í öðrum pistli segir Hannes:

"Ingibjörg Sólrún er enginn glæpamaður, og tilraun Samfylkingarinnar til að breyta Íslandi í leikvang að rómverskum sið er í senn sorgleg og hlægileg, en aðallega fyrirlitleg. Við megum ekki gleyma því, að það fólk, sem nú á að fórna, er fólk með tilfinningar, vit og vilja, fjölskyldur og vini. Þótt ég hafi aldrei verið samherji Ingibjargar Sólrúnar, finn ég til með henni í þessum raunum. Ömurlegt hlýtur að vera fyrir hana að horfa upp á hvern hugleysingjann af öðrum svíkja sig, — sama fólkið og klappaði hvað ákafast fyrir henni á Hótel Íslandi, þegar hún gekk hnakkakert í salinn eftir að hafa sigrað í borgarstjórnarkosningunum 1994. Ingibjörg Sólrún hefði mátt vera vandari að vinum, eins og sum okkar hinna voru, sem betur fer."

Þorgerður Katrín: Pólitísk réttarhöld

Fleiri eru að átta sig

Ég er að fylgjast með umræðum á Alþingi í sjónvarpinu.

Þórunn Sveinbjarnardóttir og Helgi Hjörvar hafa flutt ágætar og yfirvegaðar ræður um "Landsdómsmálið". Helgi sagði að sama hver niðurstaðan úr atkvæðagreiðslunni yrði, þá yrði málið í raun áfram óleyst. Hann sagði að stjórnmálastéttin hefði brugðist vegna þess að engin samstaða hefði náðst um málið. Flokkslínur virtust ráða för líkt og í þingmannanefndinni.

Mér sýnist að æ fleiri þingmenn utan VG séu að átta sig á að hefndar og refsileiðin sé einfaldlega röng. "Búsáhaldaþingmennirnir" Þór Saari og Þráinn eru þó greinilega VG-megin í málinu...  eðlilega. Þeir gerðu út á reiði almennings og komust þess vegna á þing.

Fráleitt að framið hafi verið refsivert athæfi