Reynslusaga frá Svíþjóð

Sænskur mágur minn sagði mér frá því, að kunningi sinn væri hobbý fjárbóndi í útjaðri Stokkhólms. Fyrir nokkrum árum tóku múslimar að banka uppá hjá honum og óskuðu þess að kaupa af honum lifandi lömb. Hann sagðist ekki selja lifandi lömb og lenti hann stundum í hálfgerðum leiðindum við hina áfjáðu kaupendur því þeir virtust ekki taka nei sem gilt svar. Þegar honum hafði loks tekist að bíta þessa ágengi af sér, þá hélt hann að málinu væri lokið.

En svo var aldeilis ekki því þó hann væri laus við hina ágengu kaupendur þá fór að bera á því að lömb tóku að hverfa úr hinum litla fjárstofni hans. Einhverntíma hafði það komið fyrir að lamb slapp frá honum og týndist og bjóst hann við því að eitthvað slíkt hefði gerst en þegar þetta fór að verða árviss viðburður, fór hann að gruna að ekki væri allt með feldu. Það kom líka í ljós þegar hann hafði fengið sér öryggisfyrirtæki til þess að vakta fjárhúsið sitt, að hópur múslima kom í skjóli nætur og stal frá honum lömbum.

Fyrir suma múslima er þeim afar mikilvægt að fá að skera lömbin á háls samkvæmt ritúalinu og þess vegna hika þeir ekki við að gerast þjófar að nóttu til þess að fullnægja þeirri þörf. Meiga íslenskir bændur eiga von á óeðlegri rýrnun í fjárstofnum sínum í framtíðinni?

Öll slátrun samkvæmt lögum

Ekki alveg sannleikanum samkvæmar

 Þegar ég sá fyrirsögnina í fréttinni hugsaði ég "Vá, en frábær landkynning!" En svo þegar ég las fréttina þá er hún náttúrulega tóm steypa. Hollywoodstjörnurnar segja "slæmt umtal er betra en ekkert umtal"  og þó fullyrðingar fréttamannsins í Yes Weekly séu ekki á rökum reistar, þá eru þær kannski allt í lagi

Íslendingar í álfabúningum?

Segja frá því hverjir þetta eru ef þeir finnast

 Einhvernveginn er maður viðkvæmari fyrir skemmdarverkum á þessum tíma, hátíð ljóss og friðar, en öðrum tímum. Tréð var sett upp og kostað af litlum félagsskap sem kallast "Hið íslenska hrútavinafélag" og ég bloggaði um þegar það var kveikt á því við hátíðlega stund 1. des. HÉR Tengdafaðir minn fékk þann heiður að kveikja ljósin þetta árið ásamt þremur barnabörnum sínum og var sonur minn eitt þeirra. Sú yngsta, hún Dagbjört Li 5 ára, á heima í um 50 metra fjarlægð frá trénu og hún varð virklilega sorgmædd þegar hún sá tréð liggja niðursagað í morgunn.

Félagar í Björgunarsveitinni Ársól á Reyðarfirði brugðust skjótt við og reistu tréð við að nýju og eiga þeir heiður skilið fyrir það. Ég vona að lögreglan láti "leka" út hverjir þetta voru, ef þeir finnast. Það yrði ágæt refsing fyrir þá.

Skemmdarvargar á Reyðarfirði

Naive-ismi í jólaskreytingu

Halli Jónasar á Reyðarfirði skreytir húsið sitt ávalt skemmtilega. Það eru engin jól fyrr en Halli hefur fullskreytt kotið sitt. Færst hefur í vöxt að fólk láti atvinnumenn í jólaskreytingum sjá um verkið og það er oft mjög glæsilegt. Ég vona samt að Halli fari ekki að taka upp á því.

Jólamessa

Ég óska öllu lesendum þessa blogs gleðilegra jóla og þakka fyrir skemmtileg kynni við fólk sem ég annars hefði aldrei kynnst, nema fyrir bloggið. 

Ég var ekki vanur því áður en ég fór að syngja í kirkjukór að fara til messu á Aðfangadag kl. 6 en undanfarin ár hef ég lært að meta þessa ágætu stund uppi á kirkjuloftinu á Reyðarfirði. Dilly, kórstjórinn okkar tók sér frí þetta árið til þess að verja jólunum með tengdafjölskyldu sinni í Kópavogi og Daníel Arason tónlistarmaður frá Eskifirði leysti hana af með sóma.

Oftast hefur lagavalið verið með hefðbundnu sniði en í ár voru nokkur lög sem við höfum ekki sungið áður. Einnig var skemmtilegar nýjungar í forspili og eftirspili, en það voru lög eftir Ingibjörgu Þorbergs, það fyrra hið yndislega jólalag "Yfir fannhvíta jörð", sem Pálmi bloggvinur minn Gunnarsson syngur svo fallega.

 

Eftir létta upphitun fyrir aðfangadagsmessuna. Hólmgrímur Bragason héraðsprestur þjónaði fyrir altari og er þarna á milli Kristínar og Láru að búa sig undir átökin eftir upphitunina 

Á hægri myndinni eru Guðmundur Frímann bassi, Þóroddur tenór, Guðmundur Frímann tenór og Daníel kórstjóri. Þess má geta að á Íslandi eru 3 einstaklingar sem bera tvínefnið Guðmundur Frímann og tveir þeirra eru í kirkjukór Reyðarfjarðar.

 

Ókeypis þráðlaus internet aðgangur

 

Rakst á þetta á youtube. Tek það fram að ég hef ekki prófað þetta en virðist sniðugt.

HÉR má hala niður radarnum ókeypis.

Grunaði ekki Gvend

  Sjónvarpsstöðin Sýn hefur nánast verið að fullyrða undanfarna daga og nú síðast í hádegisfréttum á St. 2, að Eiður yrði í byrjunarliði Barcelona í þessum stórleik. Þennan leik hafa þeir leikið áður til þess að auka áhorf stöðvarinnar. Mér finnst hins vegar skítalykt af málinu

Real Madrid sigraði - Eiður úti í kuldanum

Jólagjöf frá Símanum

Síminn auglýsti í dagblöðum á föstudaginn, sérstakt tilboð á gsm símum á kr. 6.900 og með fylgdi 2.000 kr. frelsisinneign. Tilboðið gilti í tvo daga á meðan birgðir entust. Við hjónin höfðum ákveðið að gefa 12 ára syni okkar síma í jólagjöf, svona sem gjöf no. tvö. Þar sem ég bý á Reyðarfirði og Síminn ekki með útibú þar, þá hringdi ég í útibúið á Egilsstöðum rétt eftir hádegið, til þess að athuga hvort ég gæti látið taka frá fyrir mig svona tilboðssíma því ég komst ekki til Egilsstaða fyrir en seinni dag tilboðsdaganna. Stúlkan sem svaraði mér á Egilsstöðum sagði að það væri sjálfsagt að taka frá fyrir mig eitt eintak.

Daginn eftir geri mér ferð uppeftir, þessa 33 km. Þegar ég kem í verslunina þá bíður mín þessi ágæti sími merktur mér. Þegar ég ætla að fara að borga þá segi ég svona í rælni: "Og það fylgir 2.000 kr. inneign, er það ekki?".  En þá segir afgreiðslustúlkan að tilboðið hafi klárast strax fyrri daginn.

"Ha....", segi ég, "en ég pantaði þetta laust eftir hádegið í gær og þú sagðir að það væri ennþá nóg til". "Já, en inneignirnar kláruðust strax", sagði stúlkan þá. Þegar ég reyndi að útskýra fyrir stúlkunni að ástæðan fyrir því að ég hringdi daginn áður var til þess að tryggja mér eitt svona tilboð til þess að gera mér ekki ferð í erindisleysu þessa samtals tæplega 70 km. leið, þá sagði hún einfaldlega: "Því miður, inneignarpakkarnir kláruðust strax. Ég var svo móðgaður að ég hætti við símakaupin og keypti síma annarsstaðar.

Nú er það ekki svo, að þessi upphæð sem um ræðir er ekki há, en svona svik og klúður af hálfu fyrirtækisins, verður til þess að ég gef þeim frest til áramóta til þess að leiðrétta þessa móðgun. Ef það verður ekki gert mun ég hætta öllum  mínum viðpskiptum við fyrirtækið, en það eru 4 gsm símar, heimasími og adsl.

 

Óður til vetrarins

 Grab a coffee, a comfortable chair, relax and scroll down to enjoy the warm feelings and pleasure that this wonderful poem will bring to you................   
 

  " ODE TO WINTER "
 
 A poem by Abigail Elizabeth McIntyre

.

.-------

.

.

.

.

.

.

.

.

.

.

" SHIT!  It's   Cold!"

The End

(Guð blessi gróðurhúsaáhrifin)    

 

Hárrétt hjá Bjarna Fel

Eiður Smári er óumdeilanlega besti knattspyrnumaður landsins í dag en það gerir hann ekki sjálfkrafa að efni í fyrirliða. Hann hefur sjálfur beðist undan því hlutverki, nú undir það síðasta.

Handboltalandsliðið hefur gengið í gegnum svipaða fyrirliðakrísu. Á sínum tíma þótti öllum sjálfsagt að Kristján Arason væri fyrirliði en hann baðst undan þeirri ábyrgð því honum fannst sjálfum hann ekki spila eins vel á vellinum undir þeirri pressu. Ef ég man rétt þá var svipað upp á teningnum með Ólaf Stefánsson á sínum tíma.

Hermann Hreiðarsson kemur til greina í þessa stöðu en þó held ég að æskilegast væri að fá nýtt blóð í stöðuna, ásamt ýmsum öðrum róttækum breytingum á skikkan mála hjá knattspyrnulandsliðinu. Það þarf að opna út og hleypa fersku lofti inn í þetta staðnaða og fúla andrúmsloft sem umlykur KSÍ, innan og utan vallar. Byrja mætti á því að segja upp núverandi formanni KSÍ, og leggja upp með fagleg vinnubrögð. Stjórnendur eiga að vinna undir þeirri pressu að ef hlutirnir eru ekki að ganga upp, þá eiga aðrir að taka við.

Bjarni Fel: Eiður veldur ekki leiðtogahlutverkinu