Umhverfisvernd með allt niðrum sig

Það er mjög alvarlegt mál þegar umhverfisverndarsamtök eru uppvís að lygabulli eins og oft hefur komið í ljós. Það skaðar hagsmuni umhverfisverndar sem er sorglegt og hinn almenni borgari á betra skilið.

Á haustfundi Landsvirkjunar sem haldinn var í gær voru afar fróðleg erindi flutt af forsvarsmönnum fyrirtækisins. Á fimmta hundrað manns sátu fundinn og voru spurningar leyfðar úr sal að erindum loknum. Vefútsendingu fundarins má sjá HÉR. Ég skora á alla að horfa á þetta, bæði fróðlegt og skemmtilegt.

Ómar Ragnarsson, þekktasti umhverfisverndarsinni landsins, kom með undarlega spurningu. Hún var á þá leið, hvort einhver fótur væri fyrir því, sem heyrst hefur "innan úr kerfinu" að nú þegar þurfi að endurnýja hverfla Fljótsdalsvirkjunar (Kárahnjúkar), 30-40 árum fyrr en ráð var fyrir gert.

Svarið sem Ómar fékk var stutt og laggot: "Nei, það er enginn fótur fyrir því".

Hvaðan fær Ómar upplýsingar af þessu tagi?  Hefur Ómar mann "innan úr kerfinu"..... einhverskonar "Deep Throat", sem ber í hann og/eða umhverfisverndarsamtök, lygaþvaður sem ætlað er að blekkja almenning og vera málstað umhverfisverndar til framdráttar?

Maður spyr sig.

Norðurál gerir athugasemd við Umhverfisvaktina

Reka veiðimenn í tvísýnu

Vinstri grænir eru í essinu sínu.... banna, banna, banna. Þeim leiðist það ekki.

Að sjálfsögðu á að taka tillit til þess að helmingurinn af veiðitímabilinu hefur verið ófær til veiða. Ef veður verða válynd síðustu veiðihelgina, er hætt við að einhverjir ani út í óvissu. Við skulum vona að ekki fari illa.

Óbreytt rjúpnaveiðitímabil

Snjóflóð í Grænafelli, Reyðarfirði - myndir

Mörg ár eru síðan Fagridalur hefur verið svona lengi lokaður og ófær, eða í 3 sólarhringa. Fyrir ókunnuga þá er Fagridalur leiðin frá Reyðarfirði til Egilsstaða. Vegurinn var loks opnaður í dag í fallegu veðri. Ég fór til Egilsstaða í dag og tók nokkrar myndir.

Vegurinn frá Reyðarfirði upp á Fagradal liggur fram hjá Grænafelli. Í miklum rigningum verður oft grjóthrun úr fellinu og einstaka sinnum liggja mörg hundruð kílóa grjóthnullungar á veginum. Í miklum snjóum verða þarna snjóflóð. Þau koma flest í "Skápinn", en geil var grafin inn í fellið til þess að taka við lítilsháttar grjóthruni svo það bærist síður út á veginn. Snjóflóðin eru einnig algengust á þessum stað og oftast eru þau lítil en þau fylla skápinn auðveldlega.

Myndin er tekin við Skápinn í dag og sýnir snjóflóðið sem féll í norðan áhlaupinu. Þykktin er ríflega 3 metrar og breiddin ca. 20 metrar. Fyrir nokkrum árum hreif snjóflóð á þessum stað veghefil með sér fram af vegbrúninni. Ökumaður veghefilsins slapp ómeiddur úr þeim hildarleik. 

Gilið fyrir ofan skápinn og upptök snjóflóðsins

Rétt fyrir ofan Skápinn í Grænafelli er útsýnis og áningarstaðurinn Hryggsel. Þar var snjóblásaranum lagt eftir gott dagsverk.

Á Egilsstöðum. Þar líkt og á Reyðarfirði snjóaði mikið og skefldi.

Á fimmtudaginn var útlitið úr stofuglugganum hjá mér á Reyðarfirði svona. Á föstudaginn rigndi heil ósköp ofan í þetta.

Ekkert skólahald á Reyðarfirði

Mikil ofankoma fylgdi þessu norðan áhlaupi í nótt. Mörg ár eru síðan skólahaldi var síðast aflýst á Reyðarfirði.

Séð út um stofugluggann hjá mér kl. 08.30

Stórir skaflar út um allt

Víða röskun á skólahaldi

Vinstriflokkar í vanda

„Vinstri flokkarnir eru í nokkrum vanda. Þeim gengur ekki vel, nema þjóðinni gangi illa. Og þjóðinni gengur ekki illa, nema vinstri flokkarnir séu við völd!“ - Davíð Oddsson 1999.

Það þarf engin að vera hissa á að vinstrimenn óttuðust Davíð...... og gera enn

Til að gæta sanngirni þá voru vinstriflokkarnir ekki öfundsverðir að taka við stjórnartaumunum eftir bankahrunið. Ég er þó ekki í nokkrum vafa að Ísland væri ofar á þessum velmegunarlista ef þeir héldu ekki um stjórnartaumana. Sýn þeirra á atvinnu og skattamál hefur dregið allan þrótt úr þjóðinni og valdið miklum skaða.

Ísland í 15. sæti velmegunarlista

Forseti Póllands myrtur?

Fyrirsögnin er fengin af vef RUV.is, HÉR. 

Ég er málkunnugur nokkrum Pólverjum hér í Fjarðabyggð og margir þeirra voru fullvissir, strax og fréttist af "slysinu", að flugvélinni hefði verið grandað af pólitískum andstæðingum ríkisstjórnarinnar. Um borð í flugvélinni voru um 80 af helstu ráðamönnum þjóðarinnar.

Ég skynjaði að Pólverjarnir hér eystra voru verulega slegnir.

"Niðurstöður nýrrar rannsóknar sem birt verður í dag sýna að leifar af sprengiefni er að finna í flaki pólskrar farþegaþotu sem hrapaði í lendingu í Smolensk í Rússlandi árið 2010", segir á RUV.is.

Íslensk rófa dýrari en suðrænir ávextir

Hér að neðan er þrennt sem ég keypti úr grænmetisdeild Krónunnar í dag. Melóna, ananas og íslensk rófa.

Melónan kostaði 201 kr. (218 kr. per. kíló). Ananasinn kostaði 313 kr. (199 kr. kg.). Rófan kostaði 316 kr. (280 kr. kg.) Suðrænu ávextirnir koma til Reykjavíkur yfir hálfan hnöttin og svo með flutningabíl austur á Reyðarfjörð. Ég veit ekki hvaðan rófan kemur en hún gæti verið ræktuð í næsta nágrenni, t.d. á Fljótsdalshéraði

Ég klóra mér í kollinum og hugsa... einhver er tekin í ósmurt....

Bændurnir sem rækta suðrænu ávextina eða ég, nema hvortveggja sé

Engar rottur á Reyðarfirði í yfir 20 ár

Rottan og minkurinn eru einu dýrin sem mér er illa við í íslenskri náttúru. Rottum var útrýmt á Reyðarfirði fyrir rúmum 20 árum og hafa ekki sést síðan.

Dúfum var einnig útrýmt rétt fyrir aldamótin og sáust ekki hér í rúm 10 ár. Þær voru ágengar í loðnumjölsskemmunum. Nú er engin loðnubræðsla á Reyðarfirði og 10-15 skræpur er nú búsettar í bænum og það finnst mér skemmtilegt.

Sjálfsagt eu ekki margir þéttbýlisstaðir sem geta státað af rottuleysi

Tilkynnt reglulega um rottur

Athyglisverð ummæli formanns Fjölskylduhjálpar Íslands

 

"Rannveig þú hefur ekki efni á að skrifa svona, það er sorglegt að lesa þennan texta þinn. ´Ég hef fundið til með þér í mörg ár", segir formaður Fjölskylduhjálpar Íslands í athugasemdarkerfi á smugan.is, málgagni Vinstri Grænna.

Vinstri Grænir virðast óttast samkeppni frá Hægri Grænum í næstu kosningum, því hver níðpistillinn rekur annan á síðum vefmiðils þeirra um þá Hægri og sérstaklega formanninn, Guðmund Franklín Jónsson.

Ofangreind ummæli við frétt miðilsins, sjá HÉR , frá formanni fjölskylduhjálpar Íslands, Valgerði Jónu Flosadóttur, finnst mér athyglisverð. Formaðurinn er í samneyti við fólk sem er illa statt í lífinu og þekkir eflaust margar harmsögur úr samfélagi okkar.

Mér finnst liggja beint við að margir tengi samúð Valgerðar Jónu með Rannveigu þessari, við Fjölskylduhjálpina. Hvort sem um slík tengsl sé að ræða eða ekki, þá hljóta svona opinber ummæli formanns Fjölskylduhjálparinnar að vera ósmekkleg, svo ekki sé meira sagt.

Veiða, sleppa átti að bjarga öllu

Veiða/sleppa æði greip um sig í laxveiðinni fyrir fáeinum árum. Ekki eru allir á eitt sáttir við þetta "cult". Fylgjendur þessa veiðiskapar, ef veiði skal kalla, segja að þetta muni fjölga laxinum en aðrir telja að náttúran sjái um þetta að mestu.

... og svo hrundi laxveiðin

Niðursveiflan í laxveiðinni var 39%