Umhverfisvernd með allt niðrum sig

Það er mjög alvarlegt mál þegar umhverfisverndarsamtök eru uppvís að lygabulli eins og oft hefur komið í ljós. Það skaðar hagsmuni umhverfisverndar sem er sorglegt og hinn almenni borgari á betra skilið.

Á haustfundi Landsvirkjunar sem haldinn var í gær voru afar fróðleg erindi flutt af forsvarsmönnum fyrirtækisins. Á fimmta hundrað manns sátu fundinn og voru spurningar leyfðar úr sal að erindum loknum. Vefútsendingu fundarins má sjá HÉR. Ég skora á alla að horfa á þetta, bæði fróðlegt og skemmtilegt.

Ómar Ragnarsson, þekktasti umhverfisverndarsinni landsins, kom með undarlega spurningu. Hún var á þá leið, hvort einhver fótur væri fyrir því, sem heyrst hefur "innan úr kerfinu" að nú þegar þurfi að endurnýja hverfla Fljótsdalsvirkjunar (Kárahnjúkar), 30-40 árum fyrr en ráð var fyrir gert.

Svarið sem Ómar fékk var stutt og laggot: "Nei, það er enginn fótur fyrir því".

Hvaðan fær Ómar upplýsingar af þessu tagi?  Hefur Ómar mann "innan úr kerfinu"..... einhverskonar "Deep Throat", sem ber í hann og/eða umhverfisverndarsamtök, lygaþvaður sem ætlað er að blekkja almenning og vera málstað umhverfisverndar til framdráttar?

Maður spyr sig.

Norðurál gerir athugasemd við Umhverfisvaktina

Athugasemdir

[Axel Jóhann Hallgrímsson, 24.11.2012 kl. 07:55]

Ég er þeirrar skoðunar að margir umhverfisverndarsinnar séu á grensunni í sínum málflutningi og fari stundum yfir strikið. En það er óþarflega stuttur í þér kveikurinn  í þessum málaflokki Gunnar.

Það er óþarfi að dramasera þetta eins og Ómar hafi gerst sekur um njósnir og hafi í þjónustu sinni "landráðamann" innan Landsvirkjunnar. Ef fótur er fyrir spurningu Ómars mun það koma í ljós, því útilokað verður að leyna hverflaskiptum, þó Landsvirkjun vildi láta það fara hljótt.

Það er til lítils gagns að gagnrýna umhverfisverndarsinna fyrir að fara útaf veginum í þeirra málflutningi, fari menn sjálfir, í gagnrýni sinni á þá, útaf hinumegin vegar.

[Gunnar Th. Gunnarsson, 24.11.2012 kl. 12:18]

Svarið sem Ómar fékk var stutt og laggot: "Nei, það er enginn fótur fyrir því".

Ég viðurkenni það alveg að þolinmæði mín gagnvart "umhverfisverndarvélinni" er lítil, en það er eifaldlega af marg gefnu tilefni.

[Gunnar Th. Gunnarsson, 24.11.2012 kl. 21:54]

En þú misskilur kannski aðeins. Ég er ekki að saka Ómar um njósnir, heldur benda á að fólk úr umhverfisverndargeiranum ber út allskyns vitleysur til að fá almenning til liðs við sig.

- 

Þú verður að athuga það að hinn harði kjarni umhverfisverndarsinna er fámennur en einbeittur og ástríðufullur. Þessi kjarni telur umhverfisvernd í sinni stækustu mynd svo réttláta og heilaga að það réttlæti að segja megi nánast hvað sem er. Ég er ekki sáttur við þessi vinnubrögð.

-

Það munaði ekki miklu að slík vinnubrögð kæmu í veg fyrir mikið framfaraspor fyrir Mið-Austurland var stigið. Á tímabili trúði rúmlega helmingur þjóðarinnar bullinu í þessu liði. Það breyttist sem betur fer.