Njálgur

Ég fékk þennan póst í dag og ég held að þetta sé einhver flökkusaga. Pósturinn var svona:

Vegna þvílíks óhugs þá varð ég að koma þessu á framfæri til ykkar sem kaupið nammi í nammibörum...

 Þannig er mál með vexti að maður einn sem verður ekki nafngreyndur hér fór með börn sín 2 í nammiland í Hagkaup verslun einni. Þau stóðu í hópnum með öllu hinu fólkinu sem var að troða sælgæti í poka.Þau fylltu einn poka af nammi og fóru með heim. Þegar heim var komið sturtaði maðurinn namminu í stóra skál,  en um leið og hann gerði það sá hann eitthvað furðulegt......Þegar hann fór að skoða betur í skálina sá hann hreyfingu á namminu og rótaði í því og sá þá litla maðka í namminu!!! Þessir maðkar sem voru/er kallaður "Njálgur" í okkar máli.

Þannig að allir sem við koma nammibarnum allt frá litlum slef börnum og upp í fullorðið fólk, sama hvort þau snerti ekki nammið (það eru samt ekki allir sem nota skóflurnar) Þá eru þeir sem eru með njálg og oftast börn, klóra sér í rassinn og fara svo með hendurnar beint ofan í dallana til að fá sér nammi.Við ættum því að hugsa okkur um áður en við verslum í svona börum. Þú veist aldrei hver hefur verið þarna á undan þér og sama hvort þú trúir því eða ekki þá eru ekki allir jafn snyrtilegir og þú. Sumir þvo sér aldrei t.d. eftir klósettferðir og þá er bara að hugsa hvað er sá einstaklingur búinn að vera að meðhöndla með höndunum???Ég vona að þú hugsir þig vel um.

Endilega láttu alla vita sem þér þykir vænt um og ekki hika við það. Maðurinn sem í þessu lenti fór með pokann aftur í verslun Hagkaups þar sem honum var mútað með peningum til þess að þegja yfir þessu..,.En hver segir ekki öllum sínum nánustu frá þessu til þess að þeir lendi ekki í því sama.Það var gert fyrir mig og þess vegna geri ég þetta fyrir þig og þú hugsar um þína.

 Bestu kveðjurNAMMILAND!!!!

 

Engin kvörtun um maðka í nammibar

Feill í markaðsfræðinni

Eitthvað hefur markaðsfræðingurinn lesið vitlaust í fræðin. Hann sendir út fréttatilkynningu og boðar til blysfarar til að þrýsta á Jóhönnu Sig. til að bjóða sig fram til formanns. Hann var sá eini sem mætti. Frekar neyðarleg uppákoma og spurning hvort þetta hafi áhrif á ákvörðun Jóhönnu, öfugt við það sem til var ætlast.

Enginn mætti í blysförina

Potemkin-tjöld

Það á að gæða auð verslunarhúsnæði lífi við Laugaveginn, þrátt fyrir að engin starfsemi sé í þeim. Það er góðra gjalda vert og listamenn eru ágætlega til þess fallnir að gera það. En hver borgar? Skattgreiðendur? Varla listamennirnir, eru þeir ekki alltaf blankir?

Miðborgin fær andlitslyftingu

Glæpamannaframleiðsla

Ef kona ákveður að veita karlmanni aðgang að líkama sínum, hvort sem það er gegn gjaldi eða ekki, þá er það hennar einkamál. Að þriðji aðili komi að því máli og hafi hagsmuna að gæta varðandi þau samskipti, er og hefur verið (og á að vera)  bannað, enda teldist sá aðili vera "melludólgur", eða miðlari, eins og það héti í löglegum viðskiptum. Að það sé bannað að þriðji aðili sé viðriðin slík samskipti, kemur sjálfkrafa í veg fyrir að um nauðungarviðskipti eða mansal sé að ræða, en það virðist vera aðal áhyggjuefni þeirra kvennasamtaka sem nú harðast þrýsta á vinstriflokkana að keyra í gegnum Alþingi þetta mál. Reyndar kemur auðvitað ekkert í veg fyrir það, því glæpamenn eru alltaf skrefinu á undan í því að finna smugurnar, en það lagaákvæði á að sporna gegn slíkum viðbjóði.

Með því að banna karlmönnum að gauka að konum einhverjum veraldlegum verðmætum í skiptum fyrir eitthvað sem fram fer á bak við fyrirdregnar gardínur, er óraunhæft og maður spyr sig hverju það á að skila. Í fyrsta lagi þarf mannafla með tilheyrandi kostnaði til þess að fylgjast með háttalagi einstaklinga hvað þetta varðar og í öðru lagi þá er verið að "búa til" glæpamenn, með tilheyrandi kostnaði, því ekki er það ókeypis að loka menn á bak við lás og slá. Er þetta kannski liður í "sköpun" minnihlutastjórnarinnar á atvinnu?

"Sænska aðferðin" svokallaða, hefur engu skilað í Svíþjóð, nema að götumellurnar hurfu að mestu og auglýsingar í blöðum breyttust úr augljósum skilaboðum, í eitthvað rósamál, loðið og teygjanlegt.

Vændi á ekki að flokka sem sakamál. Það á að flokka það sem félagslegt mál. Oft er það harmleikur og þá er það félagslegt vandamál og úrræðin eiga að vera í samræmi við það, en stundum er það bara einkamál.

Að selja sjálfan sig er kallað vændi. Hvað ætli séu margir í raun, sem stunda vændi?

Alþingi banni vændiskaup

Einstaklingurinn á Bessastöðum

Einstalingurinn á Bessastöðum hefur ekki hagað sér í samræmi við virðuleika og hlutleysi, sem hefur verið aðalsmerki þess embættis er hann gegnir. Ég ætla ekki að telja upp hér í þessum pistli, öll hans embættisafglöp, en pottaglamm og kröfuspjöld hafa ekki sést þegar hann er annarsvegar, enda e.t.v. ekki skrítið þar sem þessi tiltekni einstaklingur er taktstjórum pottaglammsins þóknanlegur, verandi á sömu pólitísku línu og þeir sjálfir.

Embættistíð einstaklingsins á Bessastöðum verður lengi í minnum höfð. Friðarstóll og sameiningartákn eru ekki orð sem koma upp í hugann þegar tími hans er gerður upp, þessi fjögur kjörtímabil. Með tilkomu núverandi einstaklings í þessu háæruverðuga embætti, hætti embættið að vera allrar þjóðarinnar, heldur einungis tiltekins hóps með ákveðnar stjórnmálaskoðanir.

Minni á skoðanakönnunina hér til hliðar.

Níu sinnum í einkavélum

Frábært veður um helgina

Veðrið um helgina hér eystra, var einstaklega fallegt, en nú er útlit fyrir að sú dýrð sé á enda. Ég fór til Egilsstaða í gær og greinilegt var að snjósleðamönnum leiðist ekki færið sem nú býðst. Ég keyrði samsíða einum á leiðinni til baka yfir Fagradalinn og mældi hann á 95 km. hraða þegar myndin er tekin.

Augnabliki eftir að myndin er tekin, leit snjósleðamaðurinn á mig og gaf þá allt í botn. Sleðinn þaut framúr mér og ég giska á að augnabliki síðar hafi hann verið kominn á um 120 km. hraða.

Nokkrum sekúndum síðar..... farinn

Þegar ég kom niður að Grænifelli, innst í Reyðarfirði, mætti ég 7-8 vélsleðamönnum á þeysireið á leiðinni upp á Fagradal. Þarna sést glitta í tvo þeirra vinstramegin.

 

Varað við stormi á morgun

Þúsund þorskar á færibandinu

Ellismellurinn Jóhanna er "leiðtoginn"  í hugum kjósenda Samfylkingarinnar. Ég sé ekkert leiðtogaefni af yngri kynslóðinni hjá þessum fjórflokki.  Getur einhver bent á það efni?

Leiðtogaefni á færibandi

Hver er að nota hvern?

Vinstrimenn eru æfir yfir því að framsókn samþykkir ekki allt möglunarlaust sem frá þeim kemur. Bjuggust þeir virkilega við því? Ætluðu VG og Samfylkingin að fara sínu fram óáreitt, þessar vikur fram að kosningum?

Sumir hrópa og kalla í vandlætingu sinni og segja að framsóknarmenn haldi ríkisstjórninni í einhverjum heljargreipum. Þessi ríkisstjórn ER minnihlutastjórn og hún mun sitja fram í apríllok. Þessi ríkisstjórn á ekki að taka umdeildar ákvarðanir á þessum tíma, hennar hlutverk er að halda í horfinu fram að kosningum. Að loknum kosningum verður VG eða Samfylkingin í stjórnarandstöðu, eða báðir flokkarnir.....eins og venjulega.

Framsókn skekur ríkisstjórnina

Pólsk / pólitísk stólpípa

Prófið að segja "pólsk stólpípa" eins hratt og þið getið

Þetta er fáránleg samsæriskenning hjá Árna. Sjálfsagt hefur hann haft gott af því að láta Jónínu hreinsa innan úr sér, en það var þá vegna áralangrar offitu og skyndibitafæðis.

Árni sýndi algjört iðrunarleysi í kjölfar dóms og betrunarvistar.

"Tæknileg mistök" eru fleyg orð.

DV: Eitrað fyrir Árna Johnsen

Geta menn þá keypt sér þingsæti?

Hætt er við að efnalítið fólk sitji ekki við sama borð og hinir efnameiri, ef ekki verða jafnramt lögum um persónukjör, settar strangar reglur um auglýsingakostnað frambjóðenda.

Sonur Gvendar á eyrinni á lítinn séns í son Nýríka-Nonna í næstu kosningum, ef hann þarf að keppa við hann á auglýsingamarkaðinum.

Persónukjör í kosningunum?