Einstaklingurinn á Bessastöðum

Einstalingurinn á Bessastöðum hefur ekki hagað sér í samræmi við virðuleika og hlutleysi, sem hefur verið aðalsmerki þess embættis er hann gegnir. Ég ætla ekki að telja upp hér í þessum pistli, öll hans embættisafglöp, en pottaglamm og kröfuspjöld hafa ekki sést þegar hann er annarsvegar, enda e.t.v. ekki skrítið þar sem þessi tiltekni einstaklingur er taktstjórum pottaglammsins þóknanlegur, verandi á sömu pólitísku línu og þeir sjálfir.

Embættistíð einstaklingsins á Bessastöðum verður lengi í minnum höfð. Friðarstóll og sameiningartákn eru ekki orð sem koma upp í hugann þegar tími hans er gerður upp, þessi fjögur kjörtímabil. Með tilkomu núverandi einstaklings í þessu háæruverðuga embætti, hætti embættið að vera allrar þjóðarinnar, heldur einungis tiltekins hóps með ákveðnar stjórnmálaskoðanir.

Minni á skoðanakönnunina hér til hliðar.

Níu sinnum í einkavélum

Athugasemdir

[Heiða B. Heiðars, 4.3.2009 kl. 10:43]

Hvaða dauðans bull er þetta í þér? Það eru ekki allir eins og þú, setjandi fólk á bása eftir flokknum sem þeir tilheyra.

Ég hef innilegt ógeð á þessari forsetalufsu sem situr á Bessastöðum. En mér hefur fundist liggja meira á öðrum breytingum í þessu landi. Þú, sem hefur lýst frati á svokallaða búsáhaldabyltingu getur einfaldlega ekki valið "verkefni" fyrir hana:
Önnur og meira aðkallandi mál á dagskrá en forsetinn. Ef þú og þínir menn líta á það sem forgangsatriði að losna við forsetann þá mæli ég með því að þið farið sjálfir að Bessastöðum og lemjið potta

[Gunnar Th. Gunnarsson, 4.3.2009 kl. 11:04]

Ó.... hélt bara að "Búsáhaldabyltingarsinnarnir" væru svo ánægðir með árangur sinn. Fulltrúar þeirra eru komnir með stjórnartaumana og þeim gengur svo ljómandi vel.... er það ekki?  Öll brýnustu málin í brennidepli hjá þeim (eða hitt þó heldur)

-

Pottaglamrarar síðustu helgar fengu litlar undirtektir, en það er kannski of langt fyrir hugsjónafólkið til Bessastaða?

[Heiða B. Heiðars, 4.3.2009 kl. 12:08]

Já... þú heldur ýmislegt

Þú til dæmis gengur út frá því sem vísu að ég, pottaglamrarinn, sé ánægð með ríkisstjórnina. En af tvennu illu.....
Og þú hlýtur þá að vera svona sáttur við verk "þinna manna" síðustu 18 ár... enda þjóðin í svo glimmrandi fínni stöðu

Og undirtektirnar síðustu helgi voru hreint ágætar miðað við að það er verið að ná fólki saman eftir langt hlé

[Offari, 4.3.2009 kl. 13:29]

Forsetinn er sameiningartákn þjóðarinar.  Hann bara því miður stendur sig  ekkert betur en aðrir ráðamenn.

[Gunnar Th. Gunnarsson, 4.3.2009 kl. 14:08]

Nákvæmlega, Offari