Írak - myndir

Þegar maður hlustar á hvað fer fram á milli manna í aðdraganda árásarinnar, þá virðist sem þetta hafi verið tilviljanakennd aðgerð. Þyrlumönnunum "sýndist" mennirnir á jörðu niðri vera vopnaðir.

Það hefði e.t.v. verið smá réttlæting í þessu ef leyniþjónusta hersins hefði bent á mennina í þeirri fullvissu að þetta væru vopnaðir og hættulegir menn. En hvað eru þá börn og fréttamenn að gera með þeim? Eru "hryðjuverkamennirnir" kannski að nota þau sem mannlega skyldi?.... nema bara leyniþjónusta hersins vissi ekkert á hverja var verið að ráðast....  og því voru skyldirnir gagnslausir.

Ég rakst á Facebook síðu sem Íraki, Nour Aldin , búsettur í Reykjavík heldur úti. Þar eru nokkrar myndir frá Írak. Slóðin er: HÉR 

Ég sýni hér nokkrar myndir úr ljósmyndasafni hans. Ég spurði reyndar ekki leyfis...  Jæja, ég tek þær þá niður ef ég má þetta ekki.

Margar fagrar byggingar eru í Írak, flestar tengdar Múhameðstrú.

"Beloved Baghdad" segir í texta við myndina. Ekki alveg að heilla mig.

Þetta er fallegra, fjallaþorp í Írak. Ég myndi ekki vilja að krakkarnir mínir væru að leika sér á bjargbrúninni

"Þar sem fjöllin sökkva í sæ", orti Megas um austjarðafjöllin, þar sem jarðlagastaflarnir halla óvíða meir á Íslandi. Þessir jarlagastaflar í Írak, halla reyndar töluvert meir.

Ævagamlar menningarmynjar og listaverk eru í Írak. Á þessu svæði má segja að "nútíminn" hafi orðið til í þróunarsögu mannsins.

En í Írak eru einnig nútímalegri listaverk. Þetta er magnað.

Við þessa mynd segir í texta: "They destroyed everything beautiful in my beloved country...." en ekki er farið nánar út í hverjir "They" eru en hef þó grun um að átt sé við Bandaríkjamenn. Það kann að vera ósanngjarnt.

Mörgum Írökum er þetta minnismerki hjartfólgið en það er friðartákn, staðsett í miðju Baghdad og tengir nokkur borgarhverfi saman.

Nú er þetta minnismerki um stríð.

Bandaríski herinn tjáir sig um myndbandið

"Ég þegi ekki neitt"

Bubbi Morthens.... hvað getur maður sagt?...  Brynja, ég elska þig?

Skoðanir  Bubba eru eins og vindurinn.

Það glittir aðeins í gegn hjá Bubba, hans eigið svekkelsi vegna viðskipta sinna við Mammon. Hann lét taka sig "Big Time" í rassgatið og hann vælir eins og krakki yfir því.

Svo hallar hann sér að Jóni Ásgeiri og félögum og fær útskýringar hjá þeim, hverjum þetta sé allt saman að kenna.

Það er ekki verið að þagga niður í Bubba Morthens á pólitískum vettvangi. 

Hins vegar finnst þeim sem gaman hafa af flutningi hans á eigin ljóðum og lögum, að þeir eigi að fá fyrir peninginn það sem greitt var fyirr, þ.e. tónlistarflutninginn, en ekki fyrirlestur um illa ígrunduð hugðarefni söngvaskáldsins

Grjóti rignir yfir vefmyndavél Mílu

Svo er að sjá að hraungrjóti og vikri rigni niður allt í kringum vefmyndavélina á Fimmvörðuhálsi, sjá HÉR

Ný sprunga hefur opnast

Eldfoss - magnað myndband

ÞETTA myndband er tekið af Guðmundi Óla Gunnarssyni og er vistað á vef ruv.is

Eins og gosið hefur verið fram að þessu, þá er það "ferðamannagos" af bestu tegund. Vonandi verður svo áfram.

Vaxandi órói í eldgosinu

Eitt virkasta skjálftasvæði jarðar

Chile er eitt virkasta jarðskjálftasvæði jarðar. Um það má fræðast á afar fróðlegri og skemmtilegri bloggsíði Haraldar Sigurðssonar, eldfjallafræðings, sjá HÉR

Haraldur hefur verið í sviðsljósi fjölmiðla að undanförnu vegna eldgossins í Fimmvörðuhálsi. Blogg Haraldar er "Lifandi vísindi".

Jarðskjálfti upp á 6,2 stig í Chile

Vísbending um staðsetningu gossins?

Miðjan á þessum jarðskorpuhreyfingum virðist vera nákvæmlega þar sem gosið kom upp í Fimmvörðuhálsi. Er það ekki augljóst annars?

Innskotið þandi landið út

Sprenging í beinni

Ég hef verið að kíkja öðru hvoru á ÞESSA vefmyndavél af gosinu og núna kl. 17.02 sá ég þennan bólstra vinstra megin við gíginn bólgna út.

Þetta gerðist með ótrúlegum hraða og þremur mínútum síðar var þetta horfið, eins og sést á myndinni hér að neðan.

Viðbót: Eitthvað stórt virðist vera að gerast þarna því núna kl. 17.10 má sjá þessa sprengingu á þriðju myndinni.

Þessi er frá kl. 17.25. Hvað er í gangi? Eins og ég sagði hef ég verið að fylgjast með þessu reglulegu sl. sólarhring og ekkert í líkingu við þetta hefur borið fyrir augu mín fram að þessu

Minnsta gosið en langflottast

Ógeðsleg aðferð

Ég varð einu sinni vitni að því þegar nokkrir hrútar voru geltir með töng, ódeyfðir.

Það var skelfileg upplifun að heyra greyin rymja af kvölum og hljóðið sem kom þegar verið var að merja í sundur taugarnar sem liggja niður í punginn, var vægast sagt hryllilegt.

Geldingartöng.  "The burdizzo is a metal instrument that severs or crushes the cords and associated blood vessels leading to the testicles. This stops the blood circulation to the testicles so that they degenerate within the scrotum. This is also a bloodless method of castration. When using this method, be sure that both cords are severed or crushed. The cords are located above the testicles"

Ekki má gelda með hrúta- eða kálfatöngum

Breiðavíkurharmleikurinn - staðreyndir

Ríkisstjórnin, þjóðin, þolendur og gerendur verða nú að snúa bökum saman í að kveðja þennan "Breiðavíkurharmleik", í þeirri fullvissu að svona nokkuð gerist aldrei aftur.

Þessa mynd tók ég af Breiðavík á ferðalagi mínu um Vestfirði síðasta sumar.      Takið eftir hvernig ríkjandi vindátt "litar" hlíðina á afmörkuðu svæði.

Ps. Minni á skoðanakönnun hér til hliðar.

Staðfesting á tjóni vistmanna

Skoðanakönnun

Hér kemur niðurstaðan úr skoðanakönnuninni sem ég hef haft á síðunni í þó nokkurn tíma. Niðurstaðan rímar við niðurstöður frá "virtum" skoðanakönnunarfyrirtækjum, en úrslit kosninganna urðu á allt annan veg. Í fersku minni er að "neiið" fékk 98% greiddra atkvæða.

Spurt var:

Eiga lög um Icesave sem Alþingi samþykkti, en forseti synjaði staðfestingar, að halda gildi sínu?

Já 23,6%

Nei 76,4%

691 svaraði

Ég bendi á nýja könnun hér til hliðar.