Eldfoss - magnað myndband

ÞETTA myndband er tekið af Guðmundi Óla Gunnarssyni og er vistað á vef ruv.is

Eins og gosið hefur verið fram að þessu, þá er það "ferðamannagos" af bestu tegund. Vonandi verður svo áfram.

Vaxandi órói í eldgosinu

Eitt virkasta skjálftasvæði jarðar

Chile er eitt virkasta jarðskjálftasvæði jarðar. Um það má fræðast á afar fróðlegri og skemmtilegri bloggsíði Haraldar Sigurðssonar, eldfjallafræðings, sjá HÉR

Haraldur hefur verið í sviðsljósi fjölmiðla að undanförnu vegna eldgossins í Fimmvörðuhálsi. Blogg Haraldar er "Lifandi vísindi".

Jarðskjálfti upp á 6,2 stig í Chile

Vísbending um staðsetningu gossins?

Miðjan á þessum jarðskorpuhreyfingum virðist vera nákvæmlega þar sem gosið kom upp í Fimmvörðuhálsi. Er það ekki augljóst annars?

Innskotið þandi landið út

Hvaða flokksbróðir fær djobbið?

Ég held að Jóhann Hauksson sé heitur. Ef hann fengi sér hélu í andlitið eins og foringinn, þá væru þeir alveg eins.

33 sækja um fjölmiðlafulltrúastarf

Sprenging í beinni

Ég hef verið að kíkja öðru hvoru á ÞESSA vefmyndavél af gosinu og núna kl. 17.02 sá ég þennan bólstra vinstra megin við gíginn bólgna út.

Þetta gerðist með ótrúlegum hraða og þremur mínútum síðar var þetta horfið, eins og sést á myndinni hér að neðan.

Viðbót: Eitthvað stórt virðist vera að gerast þarna því núna kl. 17.10 má sjá þessa sprengingu á þriðju myndinni.

Þessi er frá kl. 17.25. Hvað er í gangi? Eins og ég sagði hef ég verið að fylgjast með þessu reglulegu sl. sólarhring og ekkert í líkingu við þetta hefur borið fyrir augu mín fram að þessu

Minnsta gosið en langflottast

Að slá sjálfan sig til riddara

Alveg er þetta dæmigert hjá Samfylkingarfólki að rjúka upp og sýna heilaga réttlætiskennd sína varðandi mál af þessu tagi, án þess að kynna sér allar hliðar fyrst.

Við skulum ekki gleyma því að Árni Páll Árnason var "Mr. Nobody", þegar hann notfærði sér fjölmiðlafárið um símahleranirnar í aðdraganda prófkjörs Samfylkingarinnar árið 2003 og gerði sjálfan sig að aðalpersónu þeirrar umræðu.

Þá notaði hann ónafngreinda menn sem "gáfu sig á tal við hann úti á götu og aðvöruðu hann". Fjölmiðlar bitu á agnið og hann fékk forsíðuviðtöl í blöðum og drottningarviðtöl í ljósvakamiðlunum. Snilldarbragð hjá honum, það má hann eiga.

"Tækifærismennska" er orðið sem manni dettur í hug, ef maður vill vera kurteis.

Ásgerður: Jafnvel mistök hjá mér

Gefum stjörnunum frí

Leikurinn í nótt er klárlega besti leikur íslenska landsliðsins í háa herrans tíð að mínu mati. Strákarnir héldu boltanum mjög vel, sem alls ekki er auðvelt á móti svona tæknilega góðum leikmönnum eins og eru í mexíkóska liðinu.

Allir Íslendingarnir stóðu sig með prýði, en ég vil þó sérstaklega nefna vinstri bakvörðinn Arnór Svein Aðalsteinsson, framherjann Kolbein Sigþórsson og kantmennina Jóhann Berg og Steinþór Frey. Sömuleiðis var gamla brýnið Bjarni Guðjónsson góður á miðjunni og Gunnleifur var öruggur í markinu, en fékk reyndar ekki mikið að gera framan af, sem sýnir hvað liðið úti á vellinum stóð sig vel.

Ég held að það sé kominn tími til að gefa helstu stjörnum okkar í atvinnumennskunni, frí frá landsliðinu og leyfa þessum ungu mönnum að taka við kyndlinum. Þó er ein ný stjarna sem ég vil sjá í þessu liði, en það er Gylfi Þór Sigurðsson hjá Reading.

"Bank of America" leikvöllurinn er glæsilegur að sjá.

Besti árangur landsliðsins í áratug

Lög-mannamál

Oft hefur mér fundist orðaval lögfræðinga hálf hlægilegt

"...getur héraðsdómari úrskurðað að fullnægt verði með aðfarargerð rétti manns sem honum er aftrað að neyta og sem hann telur sig eiga og vera svo ljósan, að sönnur verði færðar fyrir þeim með gögnum,".

Það er nebbblega það

Fallist á útburðarbeiðni bankans

Vísur um Gunnar og Jónínu

Holy Shit

 

Jónína og Gunnar í hjónaband

Enginn "umhverfisvinur" með athugasemd?

Er ekki einhver maðkur í mysunni hér, að mati þeirra sem agnúast út í álframleiðslu?

Þeir færa þjóðinni "nýjar" (40-50 ára gamlar) fréttir af krabbameini í starfsmönnum Alcoa í Ástralíu og verða sjálfsagt búnir að finna eitthvað misjafnt um þetta árið 2060.

Alcoa prófar nýja tækni til að virkja sólarorku