Enda ekki ástæða til

Umhverfismat er gert samkvæmt lögum og ég á erfitt með að sjá hvernig gera á mismunandi kröfur til vinnubragða í þeim efnum. Eitt í dag og annað á morgun?

Nei, það gengur ekki. Hins vegur eru háværar raddir í þjóðfélaginu, svokallaðra "umhverfisvina", sem sætta sig ekki alltaf við niðurstöður úr umhverfismati og reka upp ramakvein í hvert sinn sem velt er við steini í náttúrunni. Allt er einstakt og ómetanlegt að þeirra mati og oft tekst þessu fólki að fá lygilega margt fólk í lið með sér með ýkjukenndum áróðri sínum.

Umhverfismat þarf að vera í föstum skorðum, byggt á faglegu mati. Hringlandaháttur með það er út í hött.

Meirihluti vill ekki slaka á umhverfisvernd fyrir stóriðju

Schindlers safnið í Krakow

Ég heimsótti húsið sem verksmiðja Schindlers var í þegar ég var á ferðalagi í Krakow, sumarið 2007.

HÉR má sjá færslu mína ásamt nokkrum myndum úr heimsókn minni í gyðingagettóið í Krakow og í verksmiðjuna.

Listi Schindlers til sölu

Afmæli og eldgos

Það er víst ekki rétt að myndast hafi nýtt fjall á Fimmvörðuhálsi en margar tillögur hafa þegar komið fram á nafni á þessum nokkurra þúsunda ára gömlum hól og eitt þeirra er "Ísbjörg"  (Icesave).

Ég varð fimmtugur þann 15. mars sl. og hélt upp á það með pompi og pragt á goskvöldinu. Segja má að ég hafi endurvígt Félagslund á Reyðarfirði með veislunni, en félagsheimilið hefur verið "dautt" hús í nokkur misseri vegna þess að því hafði verið breytt í bíóhús með föstum bekkjum og rekið sem slíkt í nokkra mánuði. En nú er sem sagt búið að rífa bíó-innvolsið út og hægt að nota húsið eins og til var ætlast í upphafi, en húsið var byggt skömmu eftir miðja síðustu öld að miklu leyti í sjálfboðavinnu bæjarbúa.

Þessa mynd er tekin af Helga Garðarssyni á Eskifirði af Félagslundi á Reyðarfirði og hana má sjá ásamt mörgum fleirum af gömlum húsum á Reyðarfirði HÉR

Rúmlega 70 manns heiðruðu mig með nærveru sinni þetta kvöld. 12 tónlistaratriði voru flutt við undirleik Daníels Arasonar á píanó. Einnig spilaði Guðjón Magnússon á fiðlu í tveimur lögum og Jökull sonur minn á rafgítar ásamt þeim í laginu sem ég söng. Og svo spilaði hljómsveit Daníels Arasonar á Eskifirði, "Randúlfsbandið", fyrir dansi fram á nótt.

Bróðir minn, Einar Gunnarsson, var veislustjóri og hafði á orði að það væri í raun stórmerkilegt að ekki stærri bær en Reyðarfjörður, hefði svona mörgu hæfileikaríku fólki á að skipa og ég tek undir það með honum.

Þóroddur Helgason og Guðmundur Frímann Guðmundsson sungu frumsaminn brag um mig, við lag Megasar og Spilverks Þjóðanna, "Saga úr sveitinni", og læt ég hann fylgja með hér fyrir neðan.

Þóroddur er hagyrðingur góður enda hefur hann ekki langt að sækja þann hæfileika, en faðir hans Helgi Seljan, fyrrv. alþingismaður, er landsþekktur hagyrðingur.

Frábært kvöld og ég held að allir hafi skemmt sér mjög vel og ég er ekki frá því að stuðið í húsinu hafi komið eldgosinu af stað

 

Nýtt fjall á Fimmvörðuhálsi

Skrár tengdar þessari bloggfærslu:

• gunni.docx

Vinna fyrir eftirlitsiðnaðinn

Hver ætlar að fylgjast með því að viðkomandi reikningar frá iðnaðarmönnunum tengist íbúðarhúsnæði?

Það verður svindlað feitt á þessu kerfi, það þarf engin að halda annað. En Steingrímur "eftirlitsmaður" mun sjálfsagt ráða fjölmennan flokk eftirlitsmanna til að stemma stigu við því. Hann lofaði jú að fjölga störfum fyrir síðustu kosningar og flokkur hans í NA-kjördæmi nefndi sérstaklega og auglýsti í kosningabæklingum sínum að það yrðu "opinber" störf.

Vinstrimenn þurfa að læra að slaka á aðeins og hætta að vera "Tight ass"....      leyfa bara prumpinu að koma

Viðhaldsvinna frádráttarbær

Skattborg heimilanna

Hey!.... Allir!

Hvort á maður að hlæja eða gráta?

Losum okkur við þessa ríkisstjórn, þetta gengur ekki lengur.

Afskriftir verða skattlagðar

Hús Hæstaréttar

Allt ætlaði vitlaust að verða meðal ákveðins hóps fólks í Reykjavík, þegar ákveðið var að byggja hús Hæstaréttar á bílastæðalóðinni á bak við Landsbókasafnið. Fullyrðingar "mótmælendanna" voru kostulegar og þó ég muni þær ekki orðréttar þá sögðu þeir m.a. að nýbyggingin eyðileggði ásjónu Landsbókasafnshússins og Þjóðleikhússins. Þessum mótmælendum tóks að fá töluverðan hóp fólks í lið með sér.

Þessi hópur, eða réttara sagt þær raddir frá honum sem hæst létu, eru að mestu þær sömu og ærast ef rífa á gömul hús eða ef fara á í framkvæmdir sem raska náttúrunni.

Þetta voru að mestu sömu raddirnar og vildu,-  og fengu að eyða  vel yfir miljarði króna til að vernda tvö fúin kassafjalahús við Laugavegin. Sömu raddirnar og mótmæltu byggingu Höfðabakkabrúar, milli Breiðholts á Árbæjar á áttunda áratugnum, vegna þess að hún eyðilegði einstæða náttúrfegurð Elliðaárdals og stefndi lífríki Elliðaánna í hættu.

Ég gæti haldið lengi áfram að rifja upp afrek þessara "radda".

Sjálfum hefur mér alltaf fundist þessi bygging með fallegri húsum í Reykjavík og staðsetningin hreint frábær. Engin sagði neitt yfir forljótu og illa nýttu bílastæðinu sem var þarna í 50 ár.

Engar raddir heyrðust.

Tekinn 24 sinnum ölvaður undir stýri

MARK!

Afhverju GOAL? Ég er enginn íslensku-fanatík... en enskt nafn á íslensku tímariti finnst mér bjánalegt.

MARK! hefði verið skárra.... eða TUÐRAN

 

Nýtt tímarit um fótbolta

Guð blessi vexti og verðbólgu

"Segir sjóðurinn að háir vextir á innlendum markaði og mikil verðbólga hafi skilað mjög góðri afkomu"

Það er dapurlegt að sjá svona "gleðifrétt". Og í framhaldinu af þessari "jákvæðu" afkomu hjálparstofnunarinnar (Lánasjóði sveitarfélaga) þá þarf að fara með útsvarið upp í rjáfur, m.a. til að borga framkvæmdastjóra sjóðsins, Óttari Guðjónssyni, 1.333.333 krónur á mánuði í laun.... og ætli sé þá allt talið?

Hægt er að stækka myndina með því að smella þrisvar.

Þarna sést að laun framkvæmdastjórans hækka um tæpa miljón á milli ára. Ætli hin hreina og tæra vinstri-velferðarstjórn viti af þessu? Væri ekki ráð að lækka vextina og laun framkvæmdastjórans í leiðinni? Ég tel að það yrði nokkuð vinsæl aðgerð.

Ef skoðaður er listinn yfir nokkur skuldugustu sveitarfélögin við sjóðinn, sést að mjög misjafnt er hver skuldastaðan er, ef reiknað er á hvern íbúa.

1. Sandgerðisbær                 933.551.-
2. Fjarðabyggð                     865.291.-
3. Sveitarf. Álftanes             684.550.-
4. Grindavík                          531.334.-  
5. Sveitarf. Árborg               520.960.-
6. Fljótsdalshérað                507.321.-
7. Ísafjörður                        472.936.-
8. Borgarbyggð                    409.487.-
9. Akranes                            333.063.-
10. Sveitarf. Skagafjörður    331.987.-

 Þetta segir auðvitað ekki alla söguna um skuldastöðu sveitarfélaganna því Lánasjóður sveitarfélaga er í fæstum tilfellum, ef nokkrum, eini lánadrottinn þeirra. Reykjavíkurborg skuldar sjóðnum t.d. ekki nema rétt rúman miljarð sem gerir um 9.000.- kr. á hvern íbúa.

Sömuleiðis má segja að þessar tölur segi ekki mikið um skuldavandann, því tekjustofnar sveitarfélaganna eru mismiklir og misöruggir. T.d. er vandinn lang alvarlegastur á Álftanesi, þó sveitarfélagið sé í þriðja sæti á listanum hér að ofan.

Sveitarfélagið mitt, Fjarðabyggð, er þarna í öðru sæti. Vitað var í upphafi álversframkvæmdanna hér eystra, að sveitarfélagið yrði að skuldsetja sig töluvert vegna uppbyggingarinnar. Margar nýjar og glæsilegar þjónustubyggingar hafa verið byggðar, s.s. skólar, sundlaugar, íþróttahús, heilsugæslustöðvar, hafnir, gatnagerð o.fl. Skuldirnar eru auðvitað þungur baggi á sveitarfélaginu, en á móti kemur að tekjustofnarnir eru mjög öflugir og öruggir.

Það má hins vegar gagnrýna sveitarstjórnina hér í Fjarðabyggð fyrir margt, sérstaklega varðandi skipulagsmál. Það er eins og andskotinn sjálfur hafi unnið þau verk með öfugum klónum.

Hafnarfjörður með hæstu skuldina

"Tunglskins sónatan"

Lengi vel trúði ég því að 200 þúsund manns hefðu farist í loftárásunum á Dresden. Við nánari lestur um atburðinn lækkaði talan smátt og smátt, 150 þúsund... 100 þúsund... 80 þúsund.

Nú er talan sem sagt 25 þúsund og fer varla neðar úr þessu. En það breytir því ekki að þessi árás var út í hött. Borgin hafði ekkert hernaðarlegt mikilvægi.

Lengi vel trúði ég því einnig að um 40 þúsund manns hefðu farist í loftárás Þjóðverja á Coventry, í nóvember árið 1940. Seinni tíma rannsóknir segja að mannfall óbreyttra borgara hafi einungis verið um 600 manns. Ólíkt Dresden, gegndi Coventry afar miklu hernaðarlegu hlutverki.

Í undirbúningi árásarinnar fékk hún dulnefnið "Tunglskins sónatan". Árásin olli gríðarlegri eyðileggingu, m.a. á gömlum og sögufrægum byggingum og seinna notaði Göbbels orðið "Coventriert" , þegar árásir Þjóðverja á aðrar óvinaborgir voru árangursríkar.

Sú saga hefur lengi verið á kreiki að Bretar hafi vitað fyrirfram um árásina, því þeir höfðu þá nýverið komist yfir dulmálslykil Þjóðverja. Churchill fyrirskipaði að engar ráðstafanir yrðu gerðar til að verja borgina né að aðvara íbúa hennar, til þess að Þjóðverjar uppgötvuðu ekki að Bretar hefðu komist yfir dulmálslykilinn.

Þetta var hvorki í fyrst né síðasta sinn sem líf óbreyttra borgara þótti "eðlilegur" fórnarkostnaður í stríði.... og þykir enn.

25 þúsund féllu í Dresden

"Bara skoða, ekki snerta"

Ekkert er "Saving Iceland" óviðkomandi, samtökunum sem berjast svo ötullega gegn því að íslenska þjóðin nýti auðlindir sínar.

"The whales would be scared away by the waves of aluminium cargo vessels."

... segir í textanum á þessu áróðursspjaldi frá samtökunum, um áhrif fyrirhugaðrar álverksmiðju á Bakka við Húsavík.

Hvalverndunarsinnar vilja ekki að við nýtum hvala-auðlind okkar til matar.         "Bara skoða, ekki snerta", segja þeir.  Svo segja þeir okkur hvað muni gerast ef við veiðum þessi dýr. Hvalaskoðunarfyrirtækin munu fara á hausinn.... og svo koma furðulegar röksemdir fyrir þeirri fullyrðingu... í belg og biðu.

Ég óska hvalaskoðunarfyrirtækjum alls hins besta á komandi "vertíð". Þetta er skemmtileg atvinnugrein og auðgar atvinnuflóruna í landinu. Ekki veitir af.

Hvalaleikir á Faxaflóa