"Vinstrimenn læra ekkert, muna ekkert og skilja ekkert"

Fyrirsögnin er tilvitnun í innanríkisráðherra Frakklands,  Brice Hortefeux.

Ég sé fyrir mér Álfheiði Ingadóttir, Atla Gíslason, Ólínu Þorvarðardóttir o.fl af vinstri vængnum á Íslandi, styðja mótmæli af þessu tagi eins og í Frakklandi... og fara hamförum, jafnvel.

Þeir sem komnir eru á miðjan aldur muna flestir eftir "Gervasoni" málinu seint á áttunda áratug síðustu aldar. Ég ætla ekki að rifja það nákvæmlega upp hér en minni á að sú ágæta þingkona Alþýðubandalagsins á þeim tíma, Guðrún Helgadóttir, stóð fyrir miklu fjölmiðlafári til varnar frönskum manni sem vísa átti úr landi. Manni sem átti vægast sagt grugguga fortíð og var meira að segja bendlaður við hryðjuverkastarfsemi.

Guðrún fékk stóra hjörð vinstri róttæklinga til að mótmæla og taka dómsmálaráðuneytið nánast í gíslingu.

Sagan hefur stundum tilhneigingu til að endurtaka sig.

Engin breyting á stefnu gagnvart sígaunum

Leynimerki femínistafélagsins

Meðlimir í innsta hring feminista bera þetta merki innsaumað innanklæða

Femínistar harma kynjamisrétti í ríkisstjórn

Er þarna tækifæri?

"Enginn er bróðir í annars leik".... eða "enginn er bróðir í öðrum leik", eins og Geiri í Gufunesi sagði í den. Íslenska þjóðin hefur fengið smjörþefinn af því í alþjóðlegum viðskiptum sínum.

Mörg gömul og gróin viðskiptasambönd vestur um haf eru til staðar á Íslandi. Það er auðvitað engin ástæða til að fórna þeim, en ef við viljum vera sannir kapitalistar þá eigum við auðvitað ekki að hafa rörsýn í vestur.

Hernaðarbandalagslaust smáríki, eyja í miðju N-Atlantshafi, milli austurs og vesturs og herlaust að auki, getur gert út á hlutleysi sitt. Sviss er ágætt dæmi um slíka tækifærismennsku, þó þeir hafi reyndar her.

Við herlaus.... þess þá heldur

Hvernig væri að við gerðumst sérvitringar á gulleyjunni okkar?

Það var mikil og djúp speki fólgin í nafngiftinni á landinu sem víkingarnir frá Noregi fundu forðum.

Íhugi þjóðaratkvæði um NATO

Ég fyrirgef henni

Ef þetta væri nú eina axarskaftið sem hún og flokkur hennar í samstarfi við V-græna hafa gert og vert væri að biðjast afsökunar á....

En ég er ekki viðkvæmur fyrir svona orðbragði og bara fyndið að hún skyldi missa þetta út úr sér.

„Ég biðst innilega afsökunar“

Vinsældaveiðar

Þessi hugmynd er alveg hreint ágæt og ég efast um að nokkur borg í heiminum státi af öðru eins myndbandi frá borgarstjóra sínum, hvað þá höfuðborg.

Ég velti því fyrir mér, ef fram fer sem horfir, að grínistinn Jón Gnarr fari á kostum með þessum hætti sem borgarstjóri Reykjavíkur, þá verði erfitt fyrir suma kjósendur að verða reiðir út í hann.

Það er þægileg leið að beina athyglinni frá hinum raunverulegu vandamálum, með fyndnum uppákomum, sérstaklega fyrir svona náttúrutalent eins og Jón Gnarr.

En dugar þessi taktík hans til lengdar? Maður spyr sig.

Góðan daginn dagurinn í dag

"Glæsó"

Æj..... mikið er ég feginn að þessi fjandi verður bannaður. Ótrúlega vitlaust uppátæki hjá S-Afríkubúum.

"Glæsó" er orð sem annar hver maður er farinn að nota í kringum mig. Ég heyrði þetta fyrst hjá konunni minni fyrir nokkru og gagnrýndi hana fyrir þetta orðskrípi.  

Svo var ég að keyra mann til Egilsstaða áðan og hann notaði þetta orð. Á leiðinni heim kom ég við í Shell á Egilsstöðum, og viti menn... maðurinn sem var á undan mér í sjoppunni, sagði "glæsó"!

UEFA bannar Vuvuzelas lúðrana

Ein kona

Heldur er það rýrt, hlutfall kvenna á umsækjendalistanum. Aðeins 1 kona en 21 karl.

Hverjum geta feministar um kennt?

22 sóttu um embætti fiskistofustjóra

Algjört rugl

Það er alveg sama hvernig á það er litið, bann við áfengisauglýsingum er algjört rugl. Bann við áfengi var líka reynt með hörmulegum afleiðingum.

Það mætti nota brot af hagnaði ríkisins af auglýsingaveltunni til forvarnarstarfs í áfengis og vímuvarnarmálum. Það mætti jafnvel setja á sérstakt auglýsingagjald, þar sem fjárhæð sem væri hlutfall af auglýsingakostnaði framleiðanda eða söluaðila, rynni til meðferðarstofnunar að eigin vali.

Allir vinna!

Lög um áfengisauglýsingar hert

Hæfniskrafa

Er ekki sjálfsagt að almenningur geri þá kröfu til pólitískra fulltrúa sinna, að þeir láti ekki persónulegan pirring trufla dómgreind sína?

Við erum jú öll mannleg, en starf borgarstjóra er ekkert venjulegt starf. Ég sé ekki að hver sem er geti gengt þessu starfi og það er eðlilegt að gera ríkar hæfniskröfur til þeirra sem sækjast eftir því.

Jón Gnarr er sennilega vanhæfur í starfið

Pirringur vegna nikóktínfíknar

En hvað ef....?

Ef evrópskur þjóðarleiðtogi, að ég tali nú ekki um bandarískur, léti það út úr sér í múslimsku ríki, að þegnarnir ættu að snúa sér til Kristinnar trúar, er ég hræddur um að viðbrögðin yrðu ansi blóðug. Þessu yrði mótmælt heiftúðlega og með hótunum um líflát kristinna manna hvar sem til þeirra næðist.

Mótmæli myndu brjótast út á strætum og torgum og fána og bókabrennur yrði algeng sjón í fréttamyndum frá Mið-Austurlöndum og víðar. Hryðjuverk yrðu framin.

Svona yfirlýsing myndi kosta fjölda mannslífa.

Gaddafi: Evrópubúar ættu að skipta um trú