Út yfir gröf og dauða skal rukkað

Við borgum kirkjugarðsgjald alla ævi. Maður hefði haldið að það dygði fyrir ljóstýru yfir hátíðirnar.

Lýsingar á leiði hækka

Nýjan þátt fyrir Silfur Egils

Fyrir nokkrum árum mátti ég helst ekki missa af þætti Egils Helgasonar, "Silfri Egils". Í dag er ég alveg hættur að nenna að horfa á hann, nema einstöku sinnum í endursýningu og þá nenni ég yfirleitt ekki að horfa á allan þáttinn.

Ég sendi Ingva Hrafni Jónssyni, sjónvarpsstjóra á ÍNN, tölvupóst um málið. Alveg eins gott að birta hann strax hér, því Wikileaks kemst sjálfsagt í málið hvort eð er.

Sæll herra sjónvarpsstjóri, Ingvi Hrafn Jónsson. Í ljósi skelfilegra slagsíðu í tilteknar áttir í Silfri Egils á RUV og minnkandi áhuga almennings á umræðunni þar, finnst mér tilvalið að sjónvarpsstöðin ÍNN hleypi af stokkunum vikulegum spjallþætti, svipaðrar gerðar og Silfur Egils. Auðvitað þó með þeirri augljósu breytingu að spjallstjórnandinn sé ferskur og leiði saman andstæð sjónarmið, en safni ekki í kringum sig þóknanlegum „álitsgjöfum“ úr háskólasamfélaginu. Margir þessara álitsgjafa presentera sig sem hlutlausa fræðimenn, en eru í raun ekkert annað en málpípa tiltekinna stjórnmálaflokka. Stundum er þetta pínlegt upp á að horfa.Ég sé fyrir mér bráðfjörugan þátt undir stjórn Hannesar Hólmsteins Gissurarsonar.  Honum er vel treystandi til að leiða saman fjölbreytt sjónarmið og taka þátt í umræðum um þau.Kær kveðja frá Reyðarfirði,Gunnar Th. Gunnarsson

 

Vonandi tefst það

Eftir því sem meiri tafir hafa orðið á þessu Icesave máli, því hagstæðara lítur dæmið út fyrir okkur. Bíðum dálítið lengur og sjáum hvort við förum ekki út úr þessu í bullandi gróða.

Bretar vilja ekki fyrir nokkurn mun fara með Icesave fyrir dómstóla og deila þar áhyggjum yfir því með ESB. En eftir standa aðgerðir Breta, að setja nánast Ísland í heild sinni á lista með hryðjuverkasatökum á borð við Al Qaída.

Er ekki hægt að fá eitthvað fyrir það?

Niðurstaða vonandi í vikunni

Ferguson veit lengra en nef sitt nær

Fáir deila um hæfileika Carlosar Tévez á knattspyrnuvellinum, en það vantar þetta "extra something" í leikmanninn svo hann geti talist draumur þjálfarans.

Sir. Alex vissi að það var engin framtíð í Tévez í sínu liði. Téves kvartaði yfir því í nokkra mánuði að fá ekki langtímasamning hjá Utd. Það er ekki pláss fyrir vælukjóa í liði skoska snillingsins.

Ronaldo komst ungur í hendurnar á þeim gamla, sömuleiðis Rooney, þó hann verði seint sakaður um að vera vælukjói.  Þessir drengir urðu að mönnum í höndunum á Sir Alex Ferguson.

Hér hefur andliti Carlosar Téves verið "fótósjoppað"á fræga mynd af Davi Beckham. 

Tévez brjálaður út í Mancini

Ungmennafélagsandinn?

Þegar atkvæðagreiðsla á sér stað um það hvar helstu stórmót í íþróttum eiga að fara fram, þá er alltaf slatti af atkvæðum til sölu. Katar á mikla peninga og hefur greinilega beitt þeim óspart enda ekki ólíklegt að óvenju margir hafi verið falir vegna alþjóðlegu fjármálakreppunnar. 

Katar er talið ríkasta land í heimi, enda situr þetta litla land á mestu gasbirgðum sem fyrirfinnast í veröldinni, auk þess sem olía er þar í miklum mæli. Þarna er algjört einræði en farið er tiltölulega mildum höndum um þegnanna, í samanburði við flest nágrannalönd þeirra. Konur mega t.d. aka bifreiðum í Katar!

Sú fagra hugsjón sem sögð er höfð að leiðarljósi hjá Alþjóða knattspyrnusambandinu; að dreifa beri keppninni sanngjarnt um heimsbyggðina með það að markmiði að kynna íþróttina sem víðast, er góðra gjalda verð. En ég sé bara ekki hvaða gagn er verið að gera knattspyrnunni með því að halda keppnina í olíu og eyðimerkurríkinu Katar, þar sem búa rúmlega miljón manns.

Fyrirhugaðar fjárfestingar Katar- manna í loftkældum knattspyrnuhöllum, verða væntanlega galtóm minnismerki um fáránlegt bruðl mannskepnunnar. Ég hélt að svoleiðis hugsunarháttur væri á undanhaldi.

Það þarf enginn að segja mér það að ákvörðun FIFA um að halda keppnina í Katar ári 2022, hafi verið byggð á ungmennafélagsandanum.

Uppsveifla í Qatar vegna HM

Lykilatriði

Sterkasta vopn Íslendinga í Icesave deilunni hefur alltaf blasað við, en það er hræðsla við dómstólaleiðina, ekki bara hræðsla deiluaðila okkar, heldur Evrópusambandsins í heild.

En hvers vegna eru menn hræddir við dómstólaleiðina? Jú, það hlýtur að vera vegna þess að "sérfræðingar"Evrópu telja miklar líkur á því að íslenska ríkið yrði sýknað af öllum kröfum varðandi Icesave. Fordæmið yrði fjármálakerfinu dýrt.

Samfylkingin vill ekki fyrir nokkurn mun styggja ESB. Það er skelfilegt til þess að hugsa að svona tækifærismennska skuli ráða för í svona ríku hagsmunamáli þjóðarinnar.

Icesave samkomulag áhugavert fordæmi

Kalt í veðurglugganum

Borgirnar í veðurglugga mínum á forsíðu Mbl.is voru allar "bláar" í kvöld.

Árið 2010 eitt það hlýjasta

Þróun álverðs

Árið 2001, í baráttu sinni gegn virkjunarframkvæmdunum við Kárahnjúka, létu Náttúruverndarsamtök Íslands gera skýrslu fyrir sig um verkefnið í heild sinni . Skemmst er frá að segja að ekki stendur steinn yfir steini í skýrslunni, enda hefur hún ekki sést frá því hún var birt, utan þeirra nokkurra mánaða sem henni var flaggað ótt og títt af andstæðingum framkvæmdanna.

Eitt af fjölmörgu bullinu sem í skýrslunni var, voru efasemdir skýrsluhöfunda um þróun álverðs í heiminum, eins og gert var ráð fyrir í arðsemisútreiknum Landsvirkjunar, en eins og flestir vita er raforkuverðið tengt heimsmarkaðsverði á áli.

Svo virtist sem bölsýnisspádómar virkjunarandstæðinga væru að rætast seinnihluta árs 2008 og í byrjun árs 2009 og sjá mátti Þórðargleði í skrifum sumra bloggara og í blaðagreinum. Það var broslegt að fylgjast með því. Þegar álverð var lægst á þessum tíma, var áltonnið á um 1.300 dollara og hafði hrapað hratt á nokkrum mánuðum. Þetta mikla hrap á stuttum tíma skýrist væntanlega af fjármálakreppunni sem reið yfir heimsbyggðina árið 2008.

Hér að neðan má sjá þróun álverðs sl. þriggja ára. Eins og sést á línuritinu eru töluverðar sveiflur á þessum markaði, en eins og flestir vita er fjárfesting í iðnaði af þessu tagi, langhlaup en ekki spretthlaup.

Línuritið er fengið HÉR

Ps. Þess má geta að heimsmarkaðsverð á áli var í sögulegu hámarki þegar verðfallið hófst. Hægt er að velja aðra tímaskala á línuritinu á vefslóðinni sem vísað er í.

Útflutningsverðmæti áls eykst um 35%

Brjóst- góð hugmynd

Siðferðiskennd fólks er mismunandi. Hún getur verið ólík milli landa og gjörólík milli menningarsamfélaga. Það sem þykir gott og gilt í einu landi er e.t.v. tabú í öðru.

Ég verð alltaf jafn hissa og hneykslaður þegar Bandaríkjamenn flagga bjánalegri siðferðiskennd sinni. Bíómyndir og sjónvarp þeirra er uppfullt af grófu ofbeldisefni, en ef glittir í kvenmannsbrjóst, þá ætlar allt vitlaust að verða.

Ég kíkti inn á þetta nýsjálenska veftímarit sem vitnað er í í fréttinni. Þegar smellt er á "click for more", fær maður stærri mynd og nokkur orð frá fyrirsætunni. Þessi fjáröflunaraðferð og herferð til kynningar á brjóstakrabbameini, finnst mér bara nokkuð góð.  Vefsíðan er Hér "New uploads every day!"

What my favourite things are about my breasts

they feed my bubba and make a great cupholder. 

Why this cause is important to me

Because I have an amazing friend in her 20's battling breast cancer, I'm so proud of her strength. I want to do anything I can to help rally support for breast cancer research. 

Berbrjósta konur valda usla

Óheppileg netföng

Rúnar Karlsson, býr utan höfuðborgarsvæðisins og hugðist sækjast eftir kosningu til stjórnlagaþings. Kunningi hans í sama bæjarfélagi og raunar nágranni, hafði áður gefið það út að hann ætlaði að sækjast eftir kjöri.

Það hefur alltaf verið rígur og ákveðin samkeppni á milli þeirra félaga, bæði í einkalífinu og í viðskiptalífinu og satt best að segja eru þeir engir vinir. Raunar hafði "kunninginn" stolið æskuást Rúnars þegar þeir voru í 1. bekk í menntaskóla. Í dag er kunninginn hamingjusamlega giftur konunni en Rúnar er piparsveinn.

Rúnar var staðráðinn í að ná kjöri og umfram allt að fá fleiri atkvæði en kunninginn. "Best væri auðvitað ef helvítið næði alls ekki inn", hugsaði Rúnar og hafði uppi áform um að hafa persónulegt samband við alla bæjarbúa til að vinna þá á sitt band. Hann hafði þegar fjárfest í auglýsingum í ýmsum miðlum og lét gera dýran auglýsingabækling sem hann var einmitt að taka út úr prentsmiðjunni þegar hann rakst á "kunningjann" sem var að koma úr pósthúsinu við hliðina.

Þeir heilsuðust kurteislega án þess að geta leynt stirðleikanum sem var á milli þeirra. Kunninginn sér bæklingastaflann í fanginu á Rúnari og segir við hann: "Ég sé að þú ert búinn að gera kynningabæklinga. Mundirðu eftir að láta nýja netfangið fylgja með?"

"Nýja netfangið?", muldraði Rúnar ráðvilltur á svip.

"Já, nýja netfangið maður! Öllum hefur verið úthlutað netfangi með fyrstu þrem stöfunum í fornafninu og fyrstu þrem í eftirnafninu og svo kemur @stjornlagathing.is  í endann. Það er skylda að nota nýja netfangið, annars er framboðið ólöglegt", segir kunninginn einlægur á svip

"Já, ..já, ég mundi það", sagði Rúnar lágt, greinilega brugðið.

Að þessu stutta spjalli loknu kvöddust félagarnir. Rúnar stóð lengi einn eftir og starði tómlega út í loftið. Svo kviknaði skilningsblik í augum hans og varir hans byrjuðu að herpast og svo varð hann öskugrár í framan.

Hann gekk hægum, stirðum skrefum að ruslagámi á bílastæðinu við prentsmiðjugaflinn og fleygði kynningarbæklingunum ofan í hann.

Rúnar Karlsson ákvað á þessari stundu að minnast aldrei við nokkurn mann, á fyrirhugað framboð sitt til stjórnlagaþings, en kunninginn náði kjöri og er nú meðal 25 menninganna. Hann fékk óskipta athygli og stuðning bæjarbúa og jafnvel frá nágrannasveitarfélögunum líka, enda eini fulltrúi fólskins á stóru svæði.

Vörpuðu hlutkesti 78 sinnum