Gylfi eða Lexi

Mín ágiskun er að Gylfi Þór Sigurðsson eða Alexander Peterson verði fyrir valinu.

Alexander hefur verið prímusmótorinn í sigursælu handboltaliði okkar. Nú stendur hann á þrítugu og fyrir hans dyggu þjónustu undanfarin ár, sem jafnbesti leikmaður liðsins (oft besti), ætti hann það skilið að vera valinn. Hver man ekki eftir varnartilburðum hans á móti Pólverjum? Annað eins hefur sjaldan sést á handboltavellinu. Að veita Alexander verðlaunin væri þakklætisvottur fyrir það sem hann hefur gert fyrir land og þjóð.

Gylfi er besti knattspyrnumaður Íslands og hugarfar drengsins er aðdáunarvert. Ekkert vesen... enginn vírus þar. En hann er ungur og á framtíðina fyrir sér. Hann getur alveg beðið í eitt ár.

Tíu efstu í kjöri íþróttamanns ársins

Sömu vinnubrögð gagnvart Davíð Oddssyni

Í stjórnartíð Geirs og Ingibjargar, margítrekaði Davíð Oddsson þáverandi seðlabankastjóri, aðvörunarorð sín um stöðu bankanna. Hatrið á Davíð frá vinstri vængnum gerði það að verkum að ekki var hlustað á aðvörunarorðin.... af því hann sagði þau.

Geir Haarde þorði ekki að rugga bátnum í hinu eldfima stjórnarstarfi... hann vildi ekki styggja vinstrimenn. Það voru alvarlegustu mistök Geirs sem forsætisráðherra.

Lilja Mósesdóttir segir: "...mér finnst oft sem að mál sem ég hef haldið á lofti hafi liðið fyrir að það var ég sem lagði þau fram og talaði fyrir þeim."

Hið rétta eðli forystumanna vinstrisinnaðs fólks á Íslandi hefur berlega komið í ljós. Þetta kemur mér ekki á óvart, enda orðinn fimmtugur og man tímana tvenna. Það er skiljanlegt að yngri kjósendur hafi ekki áttað sig.

Vonandi gera þeir það núna.

Lilja: „Var vöruð við rætni“

Upphafspunktur hnattrænnar hlýnunnar

Það er ekki deilt um það hafi hlýnað á jörðinni, mönnum greinir hins vegar á um ástæður hlýnunarinnar og leiðir til að minnka mengunarútblástur. 

Samkvæmd myndbandinu hér að neðan, "Global warming- doomsday called off", þar sem vitnað er í vísindamenn í loftslagsfræðum, var seinni hluti 19. aldar kaldasta tímabil í sögu jarðarinnar sl. 8000 ár.

Hér er"screenshot"úr myndinni. Línuritið sýnir þróun hitastigs á Grænlandi sl. 8000 ár, en upplýsingarnar fást úr borkjörnum úr Grænlandsjökli. Lárétti ásinn sýnir árþúsundirnar og núllið sýnir hitastigið í dag. Þeir sem vilja sjá sem mesta hnattræna hlýnun á línuriti, velja auðvitað árið 1875 (ca) til viðmiðunar.

Global Warming - Doomsday Called Off (1/5)

Frost mældist 26,2°C í nótt

Magnaðar myndir

The big picture  er vefsíða með fréttamyndum af helstu atburðum líðandi árs. Vel þess virði að skoða.

Eyjafjallajökull. Hægt er að stækka myndina með nokkrum músasmellum.

Nautabananum var vart hugað líf en þó tókst að bjarka honum á skurðarborðinu

Sigmundur Ernir: "Sprikl á kostnað okkar hinna"

Ég var að horfa "Svartar tungur"sem er spjallþáttur þremenninganna Sigmundar Ernis Rúnarsson, Birkis Jóns Jónssonar og Tryggva Þórs Herbertssonar, á sjónvarpsstöðinni ÍNN. Gestur þeirra var Steingrímur J. Sigfússon. Ég náði bara byrjuninni á þættinum og á eftir að kíkja betur á hann síðar. 

Uppreisnarseggirnir þrír í VG (villikettirnir), bárust að sjálfsögðu í tal. Þá sagði Sigmundur að "þetta sprikl þeirra væri á kostnað okkar hinna í ríkisstjórninni".

Þetta er með makalausari yfirlýsingum sem ég hef heyrt frá stjórnmálamanni. Það hlýtur að vera martröð að vinna með þessu fólki. 

"Bunker mentality"....gúglið það.

Ég fór og kíkti á hina frægu fylleríisræðu Sigmundar á Alþingi. Ég hafð bara séð partinn "á ögabraði".Ég vissi ekki að þessi hörmung stóð yfir í heilar 21 mínútu. Ræðan er öll á youtube, í þremur pörtum.

Óhætt að trúa fréttinni

Ráðist á Lilju, ekki skoðun hennar

Ég var að læra nýtt orðasamband/hugtak; "bunker mentalíted".

Á wikipedi segir um orðasambandið:

"A bunker mentality is a slang phrase for a phenomenon that occurs when a group or individual stops taking new, pertinent information into account, and begins viewing outsiders as enemies, due to an isolation resulting from being under attack. Political campaigns and figures are often accused of having this mentality, particularly when a leader, administration or party has become unpopular or is in some sort of trouble.^[1]"

^{Kannski er ég hlutdrægur.... en mér finnst endilega að vinstrimenn á Alþingi ráðist oftar á persónur manna en skoðanir þeirra. Ég get vottað það, að sjálfur fæ ég oft persónulegar árásir hér á blogginu, frá vinstrimönnum. Mér finnst það gott.}

Ekki níð um nokkurn mann segir Ólína

Bakslag í seglin hjá alarmistum

Undanfarið hafa kuldar í mið- og norður Evrópu, Bandaríkjunum og Kína verið í fréttum og nú bætist Ástralía við. Verðum við ekki bara að auka gróðurhúsalofttegundir í andrúmsloftinu?

Alltaf þegar svona fréttir berast, þá ókyrrast "global warming alarmistarnir". Það er eins og þeim líði illa yfir fréttum af þessu tagi. Þeir hjá loftslag.blog.is  eru duglegir sem aldrei fyrr við að blogga um hnattræna hlýnun, þegar svona fréttir berast.

Á vefsíðu Veðurstofu Ísland, vedur.is má finna veðrið á völdum landshlutum viku aftur í tímann, bæði í tölum og línuritum, sjá HÉR

Þarna sést hiti og daggarmark á línuriti síðasta sólarhring á Kollaleiru í Reyðarfirði. Þegar bláa og rauða línan "kyssast" eða eru mjög nálægt hvorri annarri, þá er mikil hálka. Svona línurit má sjá á veðurathugunarstöðvum Vegagerðarinnar.

Ökumenn, sérstaklega á SV horninu, ættu að skoða þetta í meiri mæli en þeir gera. Þá væru e.t.v. færri ferðalangar að lenda í vandræðum á heiðum og fjallvegum. 

Hér kemur önnur útfærsla á veðrinu síðasta sólarhring.

Kalt og votviðrasamt í Ástralíu

Það var Ólína og kemur ekki á óvart

Reyndar eru þeir ekki margir, samfylkingarþingmennirnir, sem kæmu mér á óvart með svona "pillu".

Ólína Þorvarðardóttir yfirgaf Alþýðuflokkinn á sínum tíma með orðum eitthvað á þá leið að hún vildi ekki vinna með "skítapakki". Slatti af skítapakkinu er í núverandi flokki þingmannsins.

Jónína Rós segir ekki um níð að ræða

Kemur þetta á óvart?

Fyrir tveimur árum skrifaði ég bloggpistil með fyrirsögninni "Heimabruggið eykst" :

"Heimabrugg og sala á misgóðum og jafnvel hættulegum landa mun aukast ef hækka á áfengið mikið. Þetta líst mér ekki á..... bannárin voru uppgripstímar fyrir glæpamenn."

Það þurfti ekki eldflaugasérfræðing til að spá þessu.... greinilega

Bruggmálum hefur fjölgað

Lýðurinn fær það sem hann vill

Samkvæmt þessu, þá hefur "lýðurinn" hvergi meiri völd í veröldinni en hér (fyrir utan Noreg).

Er ekki sagt að hver þjóð á skilið þá ríkisstjórn sem hún hefur? Mér finnst samt örlaganornirnar dálítið óvægnar við íslensku þjóðina, að demba þessari ríkisstjórn yfir okkur. Spurning hvað þessi refsing muni standa lengi yfir.

"Norræna velferðarstjórnin" kallar hún sig, ríkisstjórnin okkar. Vinna og atvinnutækifæri eru frekar aftarlega í forgangsröðinni en velferðin fremst. Er ekki eitthvað öfugsnúið við þetta?

Lýðræðið mest á Norðurlöndum