Pressa vel

Úkraínumenn eru örugglega snöggir og tekknískir og vilja spila eitthvert dúkkuspil. Það má ekki leyfa þeim það heldur pressa þá um leið og við töpum boltanum.

Sjálfir erum við með fljóta og hæfileikaríka fótboltamenn í flestum stöðum á vellinum, ekki síst á köntunum framávið og getum auðveldlega refsað mótherjanum með vel útfærðu skyndisóknum. Líkurnar á að slíkt heppnist eru verulega meiri ef okkar mönnum tekst að "stela" boltanum eftir góða pressu og keyra svo á þá.

Áfram Ísland!

Alfreð: Fyrsti leikurinn gríðarlega mikilvægur

Er of seint að breyta, Eyjólfur?

Besti og markahæsti leikmaður Íslandsmótsins kemst ekki í 18 manna 21 árs landsliðshóp Eyjólfs Sverrissonar.

Kristinn hefur reyndar ekki mikið verið með í leikjum landsliðsins á leiðinni í úrslitakeppnina. En mér finnst hann bara svo fjári góður og hann og Alfreð Finnbogason þekkja vel til hvors annars. Þeir gætu orðið skemmtilegt "dúó".

Kristinn jók forystuna

Bravó, Kristrún Heimisdóttir!

Ræða Kristrúnar Heimisdóttur á fundi stuðningsmanna Geirs Haarde, var hreint mögnuð. Allt fært skotheldum lagarökum. Heimspekin, húmorinn og "réttlætið" voru heldur ekki langt undan hjá Kristrúnu.

Það má færa fyrir því gild rök að ástæða sé til þess að óttast að um sýndarréttarhöld verði að ræða yfir Geir, í ljósi sögunnar um víða veröld, ef málinu verði ekki vísað frá. 

Hefur "sannleikanum" og "réttlætinu" verið gert hátt undir höfði í pólitískum réttarhöldum? Einhversstaðar... einhvern tíma?

Ég trúi ekki öðru en málinu verði vísað frá.

En blóðhundar Vinstri grænna .... hversu lengi er hægt að fyrirgefa?

„Ekkert annað en hneisa“

Nú er veruleikinn mættur

"Um smekk verður ekki deilt", segir einhversstaðar. Ég er sammála því.

Ef fólki finnst að ekki megi fórna fyrir nokkurn mun óhreyfðri ásjónu náttúrunnar fyrir efnisleg gæði, þá er það bara þannig. Fólki finnst þá það.

Það sem mér hefur gramist hins vegar, og gremst enn, eru þær aðferðir sem verndunarsinnar hafa beitt (og beita enn) til þess að koma "smekk" sínum á framfæri. Staðreyndir hafa ekki reynst þeim kærar heldur er ósönnuðum fullyrðingum slengt fram í fjölmiðla með reglu og kerfisbundnum hætti.

Svo fylgir undarlega oft skoðanakönnun á eftir þar sem aukinni andstöðu við tiltekna framkvæmd er hampað. Oft eru þetta hreinar ágiskanir eða óskhyggja um hversu fjárhagslega misheppnuð framkvæmdin er. Náttúruverndarsamtök leggja mikla vinnu og fjármuni í skýrslugerð og úttekt á verkefnum, með aðstoð "sérfræðinga". Niðurstaðan úr slíkri aðkeyptri sérfræðivinnu er í samræmi við óskir kaupandans.

Veruleikinn var svo langt í burtu um aldamótin, í upphafi framkvæmdanna við Káraknjúka, að mati sérfræðinganna sem voru á snærum Náttúruverndarsamtaka Íslands og því var óhætt að kríta liðugt. En nú er veruleikinn mættur.

Austfirðingar fóru ekki varhluta af afskiptum náttúruverndarsinna af málefnum fjórðungsins.  Tímasetningarnar og innihaldið í  "reyksprengjunum"sem andstæðingar framkvæmdanna á Austurlandi, með Náttúruverndarsamtök Íslands og Austurlands (NÍ og NAUST) í fararbroddi, hentu inn í þjóðfélagsumræðuna í upphafi framkvæmda og á meðan á þeim stóð , er efni í stúdíu sem vonandi verður einhvertíma gerð. Ég hef slatta af heimildum, ef einhver hefur áhuga.

Sömuleiðis gremst mér yfirlæti flestra þeirra sem tala opinberlega fyrir náttúruvernd. Þeir eru "náttúruverndarsinnar"...sem gerir þá okkur hin sem ekki erum sammála þeim í tilteknum málum, að..... hverju?  

Stjórnmálamenn eru þó sýnu verstir. Þeir spila á stundarvinsældir hverju sinni og hvað hentar betur til að spila á tilfinningar fólks en heilög barátta fyrir saklausri, óspjallaðri náttúrunni sem ekki getur varið sig sjálf?

Afsakið meðan ég æli.

Ál flutt út fyrir 94 milljarða

Kjötborðið

Þessa auglýsingu sá ég á einhverjum vefmiðlinum.

Þegar ég sá þessa mynd þá datt mér í hug saga sem ég las eða heyrði fyrir langa löngu síðan, af mönnum á ferðalagi í Afríku.

Þeir komu í leir og stráhúsaþorp þar sem íbúarnir voru um 100 talsins. Höfðingi þorpsins tók á móti ferðalöngunum og gat talað við þá á frumstæðri og bjagaðri ensku. Hann sagði þeim að fólkið í þorpinu ætti í illdeilum við fólk úr öðrum ættbálki, en það bjó í áþekku þorpi í nokkurra kílómetra fjarlægð.

Í miðju þorpsins var nokkurs konar torg og á því var stór og stæðilegur jarðfastur staur. Þegar ferðamennina bar að garði var ungur karlmaður bundinn kyrfilega við staurinn. Ferðamennirnir staðnæmdust fyrir framan manninn sem var augljóslega viti sínu fjær af hræðslu. Hann var í lítilli lendaskýlu einni fata og á líkama hans hafði verið krotað með svörtum kolalitum, bútar hér og þar, líkt og útlínur rassvasans á myndinni hér að ofan. Þarna voru einnig karl og kona, hjón að því er virtist, sem skeggræddu ákaft með bendingum á ýmsa líkamsparta mannsins, bæði að aftan og framan. Þau virtust ekki vera sammála. Bæði höfðu þau kolakrít tilbúna í hægri hendi.

Ferðamennirnir spurðu höfðingjann hvað væri um að vera og svaraði hann því til að ungi maðurinn á staurnum væri úr óvinaættbálknum og þeir hefðu nýverið tekið hann til fanga. Það væri siður hjá báðum ættbálkunum að óvinurinn var étinn við hátíðlega athöfn ef hann náðist.

Það má því segja að fanginn hafi verið "kjötborðið" í þorpinu þennan daginn en augljóst var að bestu bitarnir höfðu þegar verið fráteknir, því hjónakornin gátu engan veginn komið sér saman um hvað ætti að velja.

Það þarf að huga að leiðtogaskiptum

Gullaldarlið okkar í handbolta undanfarinna ára með Ólaf Stefánsson sem kjölfestu, mun að öllum líkindum hverfa frá og með Ólympíuleikunum í London árið 2012.

Handbolti, líkt og aðrar boltaíþróttir, byggist á liðsanda en flest bestu boltaíþróttaliðin eru leidd áfram af leiðtoga. Oftast er það "besti" einstaklingurinn, þó ekki sé það algilt.

Í tilfelli Ólafs er hann leiðtogi ... og bestur.

Leiðtogahlutverk hans er óumdeilt þrátt fyrir að samherjar hans í landsliðinu séu flestir leiðtogar, hver í sínu liði. Slík virðing er borin fyrir "King Olaf"

Það er auðvitað augljóst að ferill Ólafs er kominn að fótum fram eftir ótrúlega langan og farsælan feril, en hann gæti átt eitt "gott mót" eftir með landsliðinu í viðbót. Þó Ólafur skori að jafnaði ekki eins mörg mörk og hann gerði áður, hvorki með landsliði né félagsliði, þá spilar hann magnað hlutverk í sóknarleik síns liðs, frá upphafi til enda. Uppbygging hraðaupphlaupa er orðin að listgrein hjá Guðmundi þjálfara og Ólafi.

Ef skoðaður er núverandi landsliðshópur Guðmundar, má flokka hann í þrjá flokka:

• Ungir:

Sveinbjörn Pétursson, Akureyri
Arnór Þór Gunnarsson, TV Bittenfeld
Aron Pálmarsson, Kiel
Oddur Gretarsson, Akureyri
Ólafur Bjarki Ragnarsson, HK
Ólafur Guðmundsson, FH

 Þetta eru samtals 6 leikmenn, eða 6/18 af landsliðshópi Guðmundar og það hlutfall held ég að sé bara nokkuð gott.

Það eru hinir tveir flokkarnir sem ég hef meiri áhyggjur af.

• Á góðum aldri:

Björgvin Páll Gústavsson, Kadetten
Hreiðar Leví Guðmundsson, Emsdetten
Arnór Atlason, AG Köbenhavn
Snorri Steinn Guðjónsson, AG Köbenhavn

• Gamlir:

 Alexander Petersson, Fücshe Berlin
Ásgeir Örn Hallgrímsson, Hannover-Burgdorf
Guðjón Valur Sigursson, Rhein-Neckar Löwen
Ingimundur Ingimundarson, AaB
Ólafur Stefánsson, Rhein-Neckar Löwen
Róbert Gunnarsson, Rhein-Neckar Löwen
Sverre Jakobsson, Groswallstadt
Vignir Svavarsson, Hannover-Burgdorf

Þarna er hlutfallið 4/18 og 8/18. Jafnvel mætti setja Snorra Stein í gamlingjaflokkinn og þá er hlutfallið orðið 3/18 og 9/18. Og seinni hálfleikur er hafinn hjá Arnóri fyrir dálitlu síðan.

Þá erum við að tala um 1, segi og skrifa; "einn" útileikmann á "góðum" aldri, því hinir tveir eru markmenn. Við þurfum að vera snöggir að brúa þetta bil ef ekki á illa að fara. Innan skamms gæti talan verið "núll" í flokknum "Á góðum aldri" af útileikmönnunum þegar Arnór skríður á aldur.

Ég hef áhyggjur af þessu.... ég verð að segja það.

Ps. Að vísu má segja að Aron Pálmarsson geti fylgt hóp leikmanna af hvaða kaliberi sem er. Hann er þegar í alþjóðlegum klassa, en þarf eitthvert örlítið "push" til aðkomast á toppinn. Kannski það séu bara 1-2 ár, það eina sem hann þarf?

Arnór Þór og Ólafur Bjarki í landsliðinu

Tveir góðir skildir eftir

Ég vona að sú staðreynd að tveir afbragðsgóðir fótboltamenn, þeir Kristinn Steindórsson og Guðlaugur Victor Pálsson komast ekki í 21 árs liðið, beri vott um mikla breidd í íslenska hópnum, en ekki dómgreindarskort Eyjólfs Sverrissonar.

Ég er "næstum" því 100% viss um að Eyjólfi Sverrissyni skorti dómgreindarskort á þessu sviði, þrátt fyrir að árangur hanns með A-liðinu hefði verið næstum háðuglegur á sínum tíma. Þá átti að henda honum út í þjálfun, beint í "djúpu laugina", líkt og gerðist þegar hann varð alþjóðleg fótboltastjarna, án þess að hafa nokkurn tíma áður leikið nema í þriðju efstu deild í heimalandi sínu, náskeri í ballarhafi.

Eyjólfur er náttúrulega eitilharður nagli og lætur ekki mótvind brjóta sig niður. Hann er fæddur leiðtogi og þurfti örlitla "sundþjálfun", sem hann virðist hafa fengið með A-liðinu.

 Hann hefur náð yndislegum árangri með þetta 21 árs lið og á skilið fullkomið traust, allt til loka þessa verkefnis.

Áfram Ísland!

Eyjólfur valdi 23 leikmenn fyrir EM

Bandaríkjahatrið blundar

Bandaríkjahatur er ríkjandi meðal margra róttæklinga á vinstri kantinum.

Ég er þó alls ekki að alhæfa um alla VG-liða með þessari staðhæfingu. En ef það er ekki meirihluti, þá er það a.m.k. afar hávær minnihluti (getur varla verið svo lítill) innan flokksins, sem hrópar niður allt sem bandarískt er og lítur á NATO sem holdgerving þessa voðalega skrímslis í Westrinu, Bandaríkjanna, sem er reyndar að vissu leiti rétt hjá þeim.... en þó auðvitað í órafjarlægð frá því sem róttæku vinstrimennirnir ímynda sér.

Megin inntak bandarísku stjórnarskrárinnar er frelsi til orðs og æðis.

Segja má að "frelsi til viðskipta" sé e.t.v. töfraformúlan sem gerir Bandaríkjamenn hvað hamingjusamasta. Ef þeir fá hins vegar ekki frelsi til viðskipta, þá beitir þeir gjarnan ýmsum bolabrögðum, t.d. alþjóðlegum viðskiptaþvingunum.

"Ef ég fæ þig ekki, skal enginn fá þig!", oft með afar slæmum afleiðingum fyrir "brúðina", eða gera leynisamninga við spilltar ríkisstjórnir. En alþjóðlegar viðskiptaþvinganir eru ekki gerðar einhliða af Bandaríkjamönnum, það segir sig sjálft.

Þetta gera öll stórveldi með nokkuð reglubundnum hætti, í einhverri mynd.

Róttækum vinstrimönnum gremst ógurlega þegar alþjóða samfélagið er sammála Ameríkananum í utanríkispóltík þeirra. NATO er ekki alþjóðasamfélagið, heldur samsafn vinaþjóða Bandaríkjanna.

Það er eðlilegt að VG-liðum líði mjög illa í síðarnefnda félagsskapnum. 

En það er þetta með "Frelsið" sem virðist vefjast eitthvað fyrir vinstrimönnum. Það samræmist ekki hinu pólitíska uppeldi þeirra. Það þarf að hafa pólitíska stjórn á öllu að þeirra mati, stýra öllu; neyslu, hegðun, menningu, hugsun.

„Átakanlegt yfirklór VG“

Óheiðarleg útskýring

Ég hef fylgst með íslenskum stjórnmálum "Live" í 35 ár, en auk þess hef ég grúskað dálítið í sögulegu efni um íslensk stjórnmál á fyrrihluta 20. aldar. Nú er ég alls ekki að reyna að gera meira úr þessu en efni standa til. Þetta grúsk og þessi stjórnmálaáhugi er mér eingöngu til skemmtunar og aðallega til heimabrúks.

"Ég þekki mitt heimafólk" er orðatiltæki sem margir þekkja. Mér dettur þetta stundum í hug þegar vinstrimenn og málefni þeirra ber á góma. 

Ég var 15-16 ára gamall þegar stjórnmálaáhuginn vaknaði. Umhverfi mitt og örlög höguðu því þannig að ég aðhylltist róttækar vinstriskoðanir mjög fljótlega. Ég skipti ekki opinberlega um skoðun í þeim efnum fyrr en ég var kominn vel á fertugsaldur.

"Mænan"í andstöðu róttækra vinstrimanna gegn NATO, er inngróið hatur á Bandaríkjunum og kapítalismanum.

Útskýringar villikattanna í VG, er svokallað "yfirklór".

Tillaga um úrsögn úr Nató

Hver fær fyrstur að taka pokann sinn?

Ég hef enga trú á því að þolinmæði Safamýrarmanna fari þverrandi gagnvart Þorvaldi Örlygssyni, þjálfara Fram. Þorvaldur er afbragðs þjálfari og Fram á eftir að hala inn mörg stig undir stjórn hans í sumar.

Samt er það alltaf svo að fljótlega fara þjálfarastólar að hitna þegar illa gengur. Sitt sýnist hverjum í þeim efnum. Sumir vilja reka strax þegar aðrir vilja bíða og sjá til.

Ég set hér inn skoðanakönnun til hægri. Endilega segið ykkar skoðun; hvaða þjálfari fær fyrstur að fjúka?

Þorvaldur: Gaman að sjá færsluna