Vanmetnir vitleysingar

Ég vona þeirra vegna að skyrslettararnir hafi haft klúta fyrir andlitinu.

 

Grænu skyri slett í HÍ

"Afneitunarsinnum" fjölgar hratt

Sumir segja að "Man made global warming" sé staðreynd sem engin alvöru vísindamaður neiti. Þeir sem hafa haft uppi efasemdir um þá "staðreynd", hafa verið hrópaðir niður sem afneitunarsinnar. Efasemdarmennirnir kalla hinsvegar fylgjendur kenninganna "rétttrúnaðarsinna".

Annars er það merkilegt að vinstrimenn skuli fylkjast í rétttrúnaðarflokkinn en hægrimenn frekar í efasemdarflokkinn. Hvernig ætli standi á því?

Hér og Hér eru vísindamenn sem færa fyrir því rök að kenningar um hnattræna hlýnun af mannavöldum sé meingallaðar.

Rafmagnsleysi í óveðri á Austurströndinni

Hræsnarar

Bandaríkin eru afkastamesta hvalveiðiþjóð í heiminum og veiða að mig minnir um eitt þúsund hvali á ári. Auk þess veiða þeir óhemju af sel, en alþjóðleg dýraverndunarsamtök fordæma það einnig.

Bandaríkin fordæma hvalveiðar

Uppgripstímar

Vísindamenn eru á markaði eins og aðrir í markaðshagkerfi heimsins. Þeir vísindamenn sem ekki komast að hjá einkafyrirtækjum við hönnun og þróun söluvara, verða að leita hófanna hjá hinu opinbera í atvinnuleit. Vasar hins opinbera geta verið ansi djúpir og til þess að hafa möguleika á að seilast ofaní þá, þarf að glæða áhuga almennings á viðfangsefninu sem rannsaka þarf.

Hnattræna hlýnunin hefur gefið töluvert af sér á undanförnum áratug og má eiginlega segja að uppgripstímar hafi verið hjá loftslagsvíndamönnum. En það er svo skrítið, að í hópi hinna 2.500  vísindamanna ICPP, sem sérstaklega fjalla um hlýnun jarðar, eru vísindamenn sem alls ekki eru loftslagsvísindamenn og eru jafnvel ekki einu sinni vísindamenn í þröngri merkingu þess orðs.

Fyrir aðeins 2-3 árum voru þeir sem gagnrýndu niðurstöðu ICPP, hrópaðir niður og þeir jafnvel sagðir gegna hagsmunum olíuiðnaðarins. Í dag hefur heldur dregið úr ofsóknum á hendur "efasemdarmönnunum", því æ fleiri eru að átta sig á hversu óvissuþættirnir eru gríðarlega margir í þessum fræðum. Það má t.d. benda á það að þó meðalhiti á jörðinni sé enn örlítið hærri en á síðustu öld, þá hefur ekki hlýnað umfram það sem þegar hafði gerst um aldamótin. Samt hefur orðið mikil aukning á CO2 í andrúmsloftinu síðan þá.

Ég spái því að árið 2020 muni loftslagsvísindi dagsins í dag, verði í geymslu líkt og fótanuddtækin forðum daga enduðu flest í. Vonandi stendur þó eitthvað eftir í hinni gríðarlegu vinnu sem liggur eftir vísindanefndina. Miklir fjármunir hafa farið í þessar rannsóknir en umræðan um mengun og loftslagsmál er auðvitað mjög jákvæð og nauðsynleg, enda hefur hún skilað auknum kröfum í mengunarvarnarbúnaði og þróun á því sviði. Hver er á móti því?

Ég hef hins vegar áhyggjur af þeim aðgerðum sem ýmsir stjórnmálamenn, sérstaklega af vinstri kantinum, vilja grípa til, til þess að sporna við hlýnun jarðar. Ég held að margir hafi ekki séð fyrir endan á því tjóni sem þær aðgerðir gætu valdið samfélagi þjóðanna. Hatur á kapitalismanum og stórum verksmiðjum sem gjarnan eru í eigu auðhringa, má ekki ráða för.

P.s. Vil benda á ágæta bloggsíðu Ágústs H. Bjarnason, sem oft fjallar um loftslagsmál og hnattræna hlýnun á mun vísindalegri hátt en ég geri. Umfjöllun Ágúst er á skýru máli sem allir skilja. Ágúst fjallar einnig mikið um annarskonar vísindi, mjög áhugavert, sjá HÉR

Rannsaka alheimsógn

Sama gamla lumman

Á sama tíma og íslenskir athafnamenn leita leiða til þess að skapa atvinnu og útflutningstekjur, þá hlaupa íslenskir hvala og umhverfisvinir í útlendinga og klaga okkur. Þetta hafa "umhverfisvinirnir" margoft gert, (ekki bara í hvalveiðimálum) og reyna svo að telja okkur trú um að allurinn heimurinn sé á móti okkur.

Það má vel vera að einhverjar "grænar búðir" muni sniðganga okkur, en það verður þá bara svo að vera. Það er reyndar út í hött, að þessar búðir selji ekki afurðir okkar, því allir vita að vörur okkar eru í hæsta gæðaflokki út frá öllum mælikvörðum, sjálfbærni, hreinleika.... nefndu það. En illska umhverfissamtaka í okkar garð mun ekki hafa nein áhrif á okkar matvælaframleiðslu, því Íslendingar munu þá leita annara viðskiptavina. Hótanir umhverfissamtaka hafa ekki haft áhrif hér né annarsstaðar. Það þarf bara að skoða söguna til að sjá það svart á hvítu.

Segir fjölda starfa tapast

Skuggahverfið er hverfið mitt

Skuggahverfið er hverfið mitt. Frá Arnarhóli í vestri, til Skúlagötuportsins í austri, fyrir austan Hlemm. Hallgrímskirkja var suðurpunkturinn. Ég átti heima á Lindargötu, skammt frá Bjarnaborg og Vitatorgi, á aldrinum 9-12 ára. Á þeim árum var lagður grunnur að ævilöngum vinaböndum nokkurra stráka í hverfinu sem fæddir voru 1958-1960. Þegar ég var 14-15 ára, flutti ég með foreldrum mínum á Klapparstíg, við horn Lindargötu. Í millitíðinni hafði ég átt heima á Seljavegi vestan lækjar og í Stóragerði, austan. En það aftraði mér ekki frá því að rækta vinaböndin við Skuggahverfisstrákana. Til þess voru almenningssamgöngutæki óspart notuð og oft var síðasti vagn að kveldi, heim tekinn.

Ég gekk í Austurbæjarskóla í tæpa fjóra vetur. Þá voru að mig minnir hátt í þrjú þúsund nemendur í skólanum, sá lang fjölmennasti á landinu. Margir eftirminnilegir karakterar koma upp í hugann, en það er ekki síður karakter og aldur húsana á þessu svæði, sem gerir minningarnar frá þessum árum, ljúfsárari og angurværari en ella. Það var ekki tóm hamingja í öllum þessum húsum. Sum húsanna voru í alvarlegri niðurníðslu. Á þessum árum höfðu fleiri Reykvíkingar það skítt, heldur en í kreppunni í dag.

Á árunum í kringum 1970, fluttu margir úr hverfinu mínu í nýbyggðar blokkir í Breiðholti. Þeir urðu að "Breiðholtsvillingum".

Klapparstígur endurnýjaður

Lag fyrir græna að gera sig gildandi

Ein helsta röksemd græningja í veröldinni, gegn hvalveiðum er að hvalirnir séu í útrýmingarhættu. Þetta fullyrða þeir þrátt fyrir að vísindasamfélgið taki ekki undir það sjónarmið, a.m.k. ekki hvað allar hvalategundir varðar, og alls ekki varðandi þær tegundir sem Íslendingar vilja veiða. Samt hamra græningjar á því að dýrin séu í útrýmingarhættu. Fyrir þann málflutning sinn hafa græningjarnir og þau umhverfissamtök sem halda því bulli fram, misst virðingu upplýstst fólks.

Nú er lag fyrir græningja á Íslandi að gera sig gildandi meðal upplýsta fólksins og samþykkja sjálfbærar hvalveiðar á Íslandi.

Hárrétt ákvörðun

Garðahlynur

Hlynur er í miklu uppáhaldi hjá mér og hlynurinn á horni Suðurgötu og Vonarstrætis er sá magnaðasti á Íslandi að mínu mati, enda var hann valinn tré ársins einhverntíma, ef ég man rétt. Hlynur getur orðið allt að 500 ára.

En varðandi þennan hlyn sem þessi mbl. frétt er um, þá er það nú óþarfa viðkmæmni í eiganda þess, að ekki megi snyrt tréð til. Þessi neðsta grein sem skagar út fyrir lóðina má alveg missa sín og gerir tréð bara enn fallegra ef hún fer. Tréð er óvenju hátt og beinvaxið af hlyni á Íslandi að vera. Myndin hér að ofan er af Garðastrætis/Suðurgötu hlyninum og hann er gríðarlega krónumikill.

Útbreiðslusvæði garðahlyns í náttúrulegum heimkynnum sínum í Evrópu. Útbreiðslusvæðið er á láglendi í norðanverðri Evrópu, en til fjalla þegar sunnar dregur. Smella tvisvar á myndina til að sjá hana stærri.

 

Áttræður vinnur fegurðarsamkeppni

Problematiker

Ég er ekkert hissa að Svíar sjái vandamál í hvalveiðum okkur, vandamál eru atvinnugrein hjá þeim, en mér er illa brugðið ef Norðmenn taka undir þessa gagnrýni. Norðmenn veiða sjálfir miklu fleiri hvali en við og hafa gert í mörg ár.  

 Frumbyggjar í Bandaríkjunum, Kanada, Grænlandi, Rússlandi og e.t.v. í fleiri löndum fá að veiða sína hvali óáreittir og því skyldum við ekki fá að gera það líka? Erum við ekki frumbyggjar á Íslandi með langa veiðihefð á hvölum? Eða þurfum við að klæðast loðfeldum af ísbjörnum, selum og sauðnautum til þess að teljast frumbyggjar?

Hvalaskoðunarmenn halda því fram að hagsmunir þeirra séu í hættu vegna hvalveiða en þeir geta ekki bent á dæmi um slíkt, t.d. frá Noregi, máli sínu til stuðnings. Auk þess gefa hvalveiðar heilmikil tækifæri til þess að laða að erlenda ferðamenn. Nýr bloggvinur minn fjallar um nokkrar góðar hugmyndir í þessari bloggfærslu HÉR

Gefðu manni fisk og hann hefur að borða í einn dag. Kenndu manni að veiða og..... hann situr á bakkanum allan daginn og drekkur bjór

Norræn gagnrýni á aukinn hvalveiðikvóta

Kunnugleg rök

Hvenær hefur verið sýnt fram á það með haldbærum rökum að hvalveiðar skaði hvalaskoðun? Í Noregi héldu náttúruverndarsinnar þessu fram en þrátt fyrir veiðarnar óx velta hvalaskoðunarfyrirtækja á hverju ári.

Af svipuðum toga voru rök náttúruverndarsinna gegn Kárahnjúkavirkjun. Þeir héldu því fram að virkjunarframkvæmdin myndi stórskaða ferðamannaiðnaðinn og að hann drægist saman um 50% á Austurlandi og um 30% á landinu öllu, vegna skaddaðrar ímyndar landsins. Þetta sögðu þeir árið 2002 og vitnuðu í "sérfræðinga" í ferðaiðnaðinum máli sínu til stuðnings.

Allir vita að erlendum ferðamönnum hefur fjölgað stöðugt síðan 2002 og nýtt met sett á hverju ári í fjölda þeirra.

„Aðför að hvalaskoðun“