Þarna er óþolandi hugtak

"....einnig sem víðerni og hluti af stærri landslagsheild."

Ástæðan fyrir því að ég segi "óþolandi", er að þarna er settur fram smekkur en ekki rök.

Hvað er stór landslagsheild? Hvað er víðerni? Hvenær hættir landslagsheild að vera landslagsheild? Hvenær hættir víðerni að vera víðerni?

Ég neita að fá stöðluð svör frá ESB um þessi mál, en eflaust á sambandið til lög um þetta í lengd og breidd.

Fagna áformum um stækkun friðlands

Ófæddu kynsóðirnar

Öfgafullir náttúruverndarsinnar grípa stundum til örþrifaráða og hika ekki við að brjóta lög, stundum með ofbeldi og eignaspjöllum. Stundum heyrir maður þetta fólk tala um að það sé að berjast fyrir ófæddar kynslóðir.

Það er einkennilegt að vita fyrirfram hvaða afstöðu ófæddar kynslóðir hafa til náttúruverndar. Að vísu vilja allir náttúruvernd af einhverju tagi, bara spurning um útfærslu.

Nú á að taka á móti nýfæddum kynslóðum... og væntanlega þeim ófæddu í framtíðinni, með uppeldisbókum sem segja að það sé allt í lagi að skemma eigur annara fyrir náttúruverndarmálstaðinn.

Þessu fólki er ekkert heilagt

Náttúran vernduð með grjótkasti

Eitthvað skrítið við þetta

„Þegar það er enginn ís, bara grjót, þá er erfitt að beita verkfærunum sem bíta síður á steininn. Þú rennur frekar og verður mun klunnalegri," segir leiðsögumaðurinn Dawa Stephen Sherpa. „Í 8.000 metra hæð yfir sjávarmáli verður þetta óþægilegt og auk þess hættulegt."  (undirstrikun mín)

Ég hefði haldið að það væri stöðugt frost í 8.000 metra hæð og því skipti varla máli hvort þar væru 20 eða 30 stig, varðandi bráðnun jökla.

En auðvitað vilja Sjerparnir hærri laun fyrir fylgdarþjónustu sína og þá er gráupplagt að smyrja aukakostnaði á þjónustuna. Umræðan um bráðnun jökla í Himalajafjöllum er mikill happadráttur fyrir Sjerpana í baráttu sinni fyrir betri kjörum.
 

Everest verður hættulegra og dýrara

Þetta verður stoppað af

Ég er voðalega smeykur um að Svandís Svavarsdóttir, umhverfisráðherra, muni stoppa þetta af í snarhasti. Það er náttúrulega ótækt að hennar mati að "erlendur auðhringur" arðræni landið með tilheyrandi umhverfisraski.

Og svo er gullið líka svo miklu fallegra í sínu náttúrulega umhverfi og fásinna að raska því. Er það ekki annars?

Vilja leita að gulli

Atvinnuhamlandi ríkisstjórn

Vinstrisinnaðir stjórnmálamenn komu sér upp þeirri ímynd, og það réttilega á fyrrihluta 20. aldar, að þeir væru málsvarar verkalýðsins og lítilmagnans í þjóðfélaginu. Það væri hins vegar ofsagt að segja að réttindi og kjör verkalýðsins sé vinstrisinnuðum stjórnmálamönnum að þakka. Þar hefur verkalýðurinn sjálfur staðið í fremstu víglínu og barist með blóði, svita og tárum fyrir kjörum sínum með þeim fulltrúum sínum sem þeir kjósa beinni kosningu innan félaga sinna. Tengsl þeirra forystumanna hafa reyndar gjarna verið við stjórnmálaflokkana á vinstri vængnum, en það hefur ekki alltaf verið til farsældar.

Þær kynslóðir sem fæddar eru á seinni hluta 20. aldar, þekkja ekki þá tíma af eigin raun þegar verkalýðsforystan nánast þagnaði þegar "Þeirra" menn voru í ríkisstjórn". Þá eins og nú eru vinstrimenn bestir í stjórnarandstöðu. Þeir kunna sig í því umhverfi en þeir kunna ekkert að stjórna.

Tengslin milli forystu verkalýðsfélaganna og vinstriafla í stjórnmálum, eru fyrir löngu hætt að hafa einhverja þýðingu fyrir hagsmuni verkalýðsins, ef þau hafa þá nokkurntíma haft hana. A.m.k. hafa þessi tengs verið til óþurftar oft á tíðum.

Þetta hafa vinstrimenn skynjað og því hafa þeir þurft að taka aðrar hugsjónir í fóstur. Umhverfisvernd varð fyrir valinu. Útfærsla sumra stjórnmálamanna á þeirri hugmyndafræði, hefur verið kostuleg á undanförnum árum.

Sú hugmyndafræði kristallast í dag í þeirri stefnu að ekki megi nýta það sem náttúran hefur upp á að bjóða. Hinn vinnandi verkamaður er aukaatriði í dag. Hann er ekki eins öruggt atkvæði í kosningum og áður fyrr. Nú eru það millistéttarsófakommarnir sem er markhópurinn.

Óvissa um hvalveiðar vegna lagafrumvarps

Rangt hjá forsetanum

Ef ég man rétt úr áralöngum fréttalestri, þá gýs Katla að meðaltali á 50-70 ára fresti, en ekki 100 ára fresti eins og forsetinn segir. Gosin eru mjög misjafnlega öflug og sá ég nýlega eldgosin frá landnámsöld, flokkuð í fjóra flokka, eftir styrkleika þeirra.

Katla gaus síðast 1918, stuttu og tiltölulega máttlausu gosi. Á skalanum 1-5 og fimm er hamfaragos, þá var gosið 1918, tveir á skalanum, þ.e. í næst veikasta flokknum. Fólki þótti þó nóg um hamfaraflóðin sem fylgdu í kjölfarið. Ísklumpar á stærð við stæðileg hús, lágu eins og hráviði um sanda.

Það eru  92 ár frá síðasta gosi og því má segja að Katla kerlingin sé fyrir löngu komin á steypirinn.

Ef gos hennar verður öflugt á "Kötlu mælikvarða", þá gæti skapast neyðarástand í flugsamgöngum á norðurhveli jarðar, í mjög óþægilega langan tíma.

Mun stærra íslenskt eldfjall „við það að springa“

Synd og skömm

Öfgakennd dýra og náttúruvernd hefur stórskaðað trúverðugleika þeirra samtaka sem hafa með þau mál að gera, bæði hérlendis og erlendis. Það er synd og skömm, því flest okkar viljum við að þessi mál séu í lagi.

Flest gerum við okkur grein fyrir því að mannskepnan þarf að lifa í jafnvægi við umhverfið, eins og kostur er og engan þekki ég sem vill að hætta sé á að hvalategundum við Ísland verði útrýmt.

Samt telja Náttúruverndarsamtök Íslands að landið okkar sé fullt af slíku fólki.

Synd og skömm.

NSÍ gagnrýnir hvalveiðiskýrslu

Enginn "umhverfisvinur" með athugasemd?

Er ekki einhver maðkur í mysunni hér, að mati þeirra sem agnúast út í álframleiðslu?

Þeir færa þjóðinni "nýjar" (40-50 ára gamlar) fréttir af krabbameini í starfsmönnum Alcoa í Ástralíu og verða sjálfsagt búnir að finna eitthvað misjafnt um þetta árið 2060.

Alcoa prófar nýja tækni til að virkja sólarorku

Enda ekki ástæða til

Umhverfismat er gert samkvæmt lögum og ég á erfitt með að sjá hvernig gera á mismunandi kröfur til vinnubragða í þeim efnum. Eitt í dag og annað á morgun?

Nei, það gengur ekki. Hins vegur eru háværar raddir í þjóðfélaginu, svokallaðra "umhverfisvina", sem sætta sig ekki alltaf við niðurstöður úr umhverfismati og reka upp ramakvein í hvert sinn sem velt er við steini í náttúrunni. Allt er einstakt og ómetanlegt að þeirra mati og oft tekst þessu fólki að fá lygilega margt fólk í lið með sér með ýkjukenndum áróðri sínum.

Umhverfismat þarf að vera í föstum skorðum, byggt á faglegu mati. Hringlandaháttur með það er út í hött.

Meirihluti vill ekki slaka á umhverfisvernd fyrir stóriðju

Hús Hæstaréttar

Allt ætlaði vitlaust að verða meðal ákveðins hóps fólks í Reykjavík, þegar ákveðið var að byggja hús Hæstaréttar á bílastæðalóðinni á bak við Landsbókasafnið. Fullyrðingar "mótmælendanna" voru kostulegar og þó ég muni þær ekki orðréttar þá sögðu þeir m.a. að nýbyggingin eyðileggði ásjónu Landsbókasafnshússins og Þjóðleikhússins. Þessum mótmælendum tóks að fá töluverðan hóp fólks í lið með sér.

Þessi hópur, eða réttara sagt þær raddir frá honum sem hæst létu, eru að mestu þær sömu og ærast ef rífa á gömul hús eða ef fara á í framkvæmdir sem raska náttúrunni.

Þetta voru að mestu sömu raddirnar og vildu,-  og fengu að eyða  vel yfir miljarði króna til að vernda tvö fúin kassafjalahús við Laugavegin. Sömu raddirnar og mótmæltu byggingu Höfðabakkabrúar, milli Breiðholts á Árbæjar á áttunda áratugnum, vegna þess að hún eyðilegði einstæða náttúrfegurð Elliðaárdals og stefndi lífríki Elliðaánna í hættu.

Ég gæti haldið lengi áfram að rifja upp afrek þessara "radda".

Sjálfum hefur mér alltaf fundist þessi bygging með fallegri húsum í Reykjavík og staðsetningin hreint frábær. Engin sagði neitt yfir forljótu og illa nýttu bílastæðinu sem var þarna í 50 ár.

Engar raddir heyrðust.

Tekinn 24 sinnum ölvaður undir stýri