Svelta svínið og svo þetta

Það er verið að hvetja fólk til þess að hópast í Bónus-búðir og tefja þar fyrir afgreiðslu (svelta svínið) og eyðileggja viðskiptin og svo er verið að hóta fyrirtækjum sem auglýsa í DV. Fólkið sem vill haga sér svona, hvetur líka almenning til borgaralegrar óhlíðni og skemmdarverka í mótmælum. Álfheiður Ingadóttir þingmaður VG er einn þeirra sem lítur með velþóknun á svona vinnubrögð.

Hagar voru sektaðir um 315 miljónir fyrir brot á samkeppnislögum og það er vel. Þannig vil ég að réttlætinu sé þjónað. En það er skrílnum ekki nóg því hann vill beita ofbeldi á götum úti.

 

 

Auglýsendum DV hótað með válista?

Rangt mat

Ef notaður er mælikvarðinn um alvarleika skellsins fyrir heila þjóð, þá trónir Ísland auðvitað á toppnum.

Fólk sem selur sig í skemmtanaiðnaðinum segir stundum: "Slæmt umtal er betra en ekkert umtal". Þegar frá líður og heimskreppan verður að baki, þá mun verða litið til Íslands í sögubókunum; "Íslenska tilfellið"  Og ef okkur tekst vel til við að koma okkur hratt og vel út úr þessu, þá mun stjarna landsins rísa sem aldrei fyrr. Þá mun aftur verða talað um íslenska undrið... bara á réttum forsendum.

 

 

Íslenski skellurinn í 10. sæti

Óhugnanlegt brask

Með hverju var fjármálaeftirlitið að fylgjast, þegar þessar fjárfestingar áttu sér stað?  Hvað voru stjórnmálamennirnir að hugsa? Réru þeir bara í sílspikuðu góðæri sínu?

Ég get fallist á það að fáir trúðu því að hin alþjóðlega fjármálakreppa yrði svona djúp, en ég fellst ekki á það að sprenglærðum peningaspekúlöntum finnist svona fjárfestingar eðlilegar.

Það kemur því ekki nema tvennt til greina:

• 1) Þeir sem eiga að gæta hagsmuna þjóðarinnar í þessum málum, eru gjörspilltir
• 2) Þeir sem eiga að gæta hagsmuna þjóðarinnar í þessum málum, eru álíka "djúpir" og karlarnir í skrítlunni hér til hægri

P.s. Bæti hér við myndbandi sem ég sá hjá Láru Hönnu Einarsdóttur, það besta sem ég hef séð hjá henni hingað til, því flest hafa þau nú verið óttalega vitlaus.

 

Fjárfestu í tengdum félögum

Inneignarnótur

Konan mín keypti úlpu á son okkar í Samkaup-Úrval á Egilsstöðum um daginn. Þegar heim var komið og strákurinn fór í úlpuna, þá kom í ljós að hún er heldur lítil. Það var því ákveðið að skila úlpunni og fá aðra númeri stærri. En þá ber svo við að ekki er til stærra númer í þessari flík og því hefði mér þótt eðlilegt að verslunin endurgreiddi bara vöruna. En þá neitar verslunin því og gefur út inneignarnótu í staðinn. Eru þetta eðlilegir verslunarhættir? Að neyða viðskiptavininn til þess að kaupa eitthvað allt annað í staðinn fyrir fatnað sem ekki passar?   

Whistle blower

Mér heyrðist Egill Helgason útskýra fyrir viðmælanda sínum á eftir Jóni Gerald, að Jón væri "whistle blower". Það átti auðvitað ekki að fara í loftið, en gerði það óvart. En Jón Gerald er eiginlega meira en það, því hann er drifinn áfram á djúpstæðu hatri á Jóni Ásgeiri og hans fjölskyldu. Og nú telur hann lag til þess að fara í samkeppni við Bónusfjölskylduna á Íslandi, á grundvelli velvilja almennings. 

Hvernig ætlar Jón Gerald að komast að því hvort hann hafi stuðning almennings? Gera skoðanakönnun? Eða ætlar hann að hella sér í samkeppnina og vona það besta? Ég get sagt Jóni Gerald það strax, að almenningur mun ekki versla við hann vegna þess að hann er "góði strákurinn" en nafni hans Ásgeir, sá vondi. Almenningur mun versla þar sem ódýrast er, a.m.k. þegar til lengri tíma er litið. 

 

Hyggst stofna lágvöruverðsverslun

"Kapítalismanum ekki um að kenna"

"Hverjum var hrun bankanna að kenna? Sumir kveða upp dauðadóm yfir kapítalismanum. En kapítalisminn, kerfi séreignar og samkeppni, verður ekki dæmdur af nokkrum vikum í október 2008, heldur af mörg hundruð ára sögu sinni. Hún sýnir, að við frjáls viðskipti á alþjóðamarkaði, harða samkeppni fyrirtækja um hylli neytenda og séreign á framleiðslutækjum skapast mestu verðmætin. „Nýfrjálshyggjan“ er ekki heldur dauðadæmd, því að hún var aldrei til. Þetta er ekkert annað en uppnefni á sígildri frjálshyggju þeirra Johns Lockes og Adams Smiths, sem felur í sér tortryggni á óheft ríkisvald og skilning á því, að mannlegt samlíf getur verið skipulegt án þess að vera skipulagt".

Svo mörg voru orð Hannesar Hólmsteins í Menntaskólatíðindi, 3. tbl. 2008.

 

Nauðsynleg aðgerð en ekki sársaukalaus

Fáum lán, borgum og fáum afskrifað

Það hefur verið bent á að upphæðin sem ætlast er til að ríkissjóður Íslands borgi fyrir fjárglæframennina í Bretlandi og Hollandi, sé margfalt hærri en stríðsskaðabæturnar sem Þjóðverjar þurftu að borga eftir fyrri heimsstyrjöldina. Þeir afarkostir sem Þjóðverjum bauðst eftir Versalasamningana, sköpuðu svo jarðveginn fyrir seinni heimsstyrjöldina.

En þetta var reyndar ekki alveg svona einfalt. Í fyrsta lagi þá borguðu Þjóðverjar í raun ekki nema brot af skaðabótunum og þegar þeir fengu stór lán skömmu eftir fyrra stríðið, þá voru þau ekki notuð til að borga skuldir, heldur til að byggja upp atvinnuvegina, til samgöngubóta og síðast en ekki síst til að byggja upp voldugasta her Evrópu, þvert gegn öllum kvöðum og sáttmálum. Það hlálega var að þeir sem voru duglegastir að lána Þjóðverjum, voru Gyðingar, eigendur alþjóðlegra banka. Á árunum milli stríða og eftir seinni styrjöldina, var stórum hluta skaðabótanna aflétt.

Eigum við ekki bara að fá lán fyrir öllum skuldbindingum fjárglæframannanna og rúmlega það og borga allt í topp og fá með því æruna aftur? Fá þetta svo afskrifað eftir 15-20 ár í krafti smæðar okkar, en þá verðum við kannski búin að borga örfá prósent af lánsfjárhæðinni. Breskir stjórnmálamenn fá hrós frá kjósendum sínum fyrir að gæta hagsmuna þeirra og einhverjir samningamenn frá öðrum ríkjum fá klapp á bakið líka fyrir snilli sína að leysa málið. 

Og við getum farið að gróðursetja tré og horfa á handbolta.

Aðstoð háð sættum

Auglýsing í Fréttablaðinu

Icesave upphæðir jukust ekki

Geldir góðæri skapandi hugsun?

Því hefur stundum verið fleygt fram að listamenn þurfi að þjást til þess að vera frjóir. Þessu hafa reyndar margir listamenn mótmælt, sérstaklega þeir sem orðið hafa sæmilega bjargálna. Mér hefur samt fundist Spaugstofan í ríkissjónvarpinu hafa skánað til muna eftir að kreppan skall á, en það er sennilega ekki af því að hinir ágætu leikarar teymisins séu að þjást, heldur frekar vegna þess að að grátbroslegt efni sem spannar alla mannega tilfinningaskala, rekur á fjörur þeirra fyrirhafnarlaust.  

Á Íslandi hafa verið til um langt skeið, nýsköpunar og atvinnuþróunarmiðstöðvar og eru þær dreifðar um landið. Nokkurskonar móðurstöð slíkra verkefna er Nýsköpunarmiðstöð Íslands sem varð til í ágúst 2007 við samruna Iðntæknistofnunar og Rannsóknarstofnunar byggingariðnaðarins. Hjá fyrirtækinu starfa um 90 sérfræðingar að fjölbreyttum verkefnum. Impra er deild innan Nýsköpunarmiðstöðvar Íslands:

• Impra  er miðstöð upplýsinga og leiðsagnar fyrir frumkvöðla og lítil fyrirtæki. Impra er deild innan Nýsköpunarmiðstöðvar Íslands og hefur skrifstofur í Reykjavík, á Akureyri, Ísafirði og Vestmannaeyjum.
• Impra veitir öllum frumkvöðlum og litlum og meðalstórum fyrirtækjum á Íslandi leiðsögn, sama er í hvaða atvinnugrein þau eru, hvort heldur á sviði iðnaðar, sjávarútvegs, þjónustu eða annarra greina íslensks atvinnulífs.
• Impra starfrækir frumkvöðlasetur til stuðnings frumkvöðlum og framgangi nýrra hugmynda.  
• Impra leiðir mótun sértækra stuðningsverkefna sem stuðla að bættum rekstri lítilla og meðalstórra fyrirtækja og framgangi viðskiptahugmynda. Auk þess er Impra vettvangur samstarfs íslenskra og erlendra frumkvöðla og lítilla og meðalstórra fyrirtækja.
   
• Impra er ráðgjafi stjórnvalda um stuðningsaðgerðir við nýsköpun og bætt rekstrarskilyrði og rekstur lítilla og meðalstórra fyrirtækja.
   
• Impra er aðsetur tengiliðar Félags kvenna í atvinnurekstri.

Mér skilst að nýtt útibú Nýsköpunarmiðstöðvar Íslands sé í burðarliðnum á Egilsstöðum, en þar hefur verið starfandi í 25 ár  Þróunarfélag Austurlands 

 Sumt fólk berst gegn því með oddi og egg að sveitarfélög á landsbyggðinni reyni að laða til sín stóra erlenda aðila sem skapa mörg hundruð störf. Þetta er hópur fólks sem gjarnan kallar sig umhverfisverndarsinna. Með baráttu sinni vill þetta fólk vernda náttúru Íslands, sem að sjálfsögðu er göfugt sjónarmið og um það verður ekki deilt. Vandamálið er hins vegar það að sjónarmið þeirra í einstökum málum eru ekki endilega þau sömu og þorra almennings. Þegar slíkt gerist þá útvíkka umhverfisverndararnir rök sín í baráttunni og bæta við:

• Litlum sem engum þjóðhagslegum ávinningi,
• vafasömum og/eða litlum samfélagslegum áhrifum,
• slæmum áhrifum á aðra atvinnustarfsemi (ruðningsáhrif)
• tap á framkvæmdum
• ímynd landsins skaðast
• ferðamönnum fækkar
• dýrastofnar í hættu
• gera eitthvað annað

Umhverfissamtök breytast s.s. í pólísk samtök og fara þar með langt út fyrir starfssvið sitt. Þau hljóta að kosta til umtalsverðu fjármagni í þessa hliðargrein sína, því þau hafa gefið út viðamiklar skýrslur, t.d. Landvernd þegar hún lét gera mikla skýrslu um Kárahnjúkaverkefnið árið 2001, með aðkomu sérfræðinga á hinum ólíkustu sviðum. Allar niðurstöður sérfæðinga Landverndar voru á skjön við niðurstöður færustu sérfræðinga ríkisins sem komu að málinu. Margt miður viðkunnanlegt létu andstæðingar framkvæmdanna eystra falla um vinnubrögð og heiðarleika þeirra vísindamanna sem unnu að því verkefni.

Eins og sést á umfjöllun minni um Nýsköðunarmiðstöð Íslands, þá er ekki eins og að ekki hafi verið reynt "eitthvað annað". Nú reynir kannski fyrst verulega á þessi fyrirtæki og athygli almennings mun beinast að þeim. Ég held að ríkissjóður mætti skoða í fullri alvöru hvort auknu fjármagni mætti ekki veita í þessa vinnu. Ég hef þó alltaf haft ákveðnar efasemdir um að beinir peningastyrkir eigi rétt á sér til fyrirtækja því einstaklingarnir eiga að sjá um að fjármagna sig sjálfir. En fagleg aðstoð við hugmyndir einstaklinganna eiga rétt á sér, sérstakleg nú á þessum erfiðu tímum.

Mikilvægt að hugsa hlutina upp á nýtt

Dæmigerð VG samsæriskenning

Á þetta kommapakk sér ekkert líf?

FME hefur ekki samþykkt niðurfellingu skulda