Fræðingarnir tala í kross

Einn segir þetta... og annar hitt.

Rosalega er það misvísandi sem blessaðir jarðfræðingarnir segja um hana Kötlu gömlu. Hvers á hún að gjalda greyið?

Á tánum vegna Kötlu

Heimskautafáfnir

Ég sé nú kvikindið ekki mjög vel á myndinni, en það má alveg láta sér detta í hug að þetta sé dreki.... svona "mini-dreki".

Í Wikipediu stendur:

"Nafnið „Fáfnir“ getur einnig átt við dverginn Fáfni sem varð síðan að dreka."

Þar sem latneska nafnið; "Arcturus baffinii" vísar augljóslega í heimskautaumhverfið, þá er "heimskautafáfnir" hið prýðilegasta nafn á kvikindið.... þó ég segi sjálfur frá.

,,Umrætt kvikindi hefur ekki fengið íslenskt nafn''

Góð fyrirsögn til að afla styrkja

Ég þori ekki að leggja mat á það hvort hér séu um ýkjur að ræða eða ekki, hjá þessum vísindamönnum.

Hitt veit ég, að varfærnislegri fullyrðing er ekki eins líkleg til að þessir vísindamenn komist í vasa skattgreiðenda.

Óþekkt ástand í sögu mannkyns

Hvað með landrisið?

Fram hefur komið í fréttum tengdum þessari síðustu jarðskjálftahrynu á Reykjanesi, að þessir skjálftar sé öðruvísi en venjulega. Töluvert landris hefur átt sér stað núna, sem bendir til kvikusöfnunar þarna undir.

Magnús Tumi minnist ekkert á þetta.

Er eldgos í vændum?

Galíleósjónaukinn á Reyðarfirði

Grunnskóla Reyðarfjarðar var afhentur Galíleósjónauki í dag. Ég sá á bloggi Stjörnufræðivefjarinsað bloggarinn er veðurtepptur á Egilsstöðum, en hann ásamt fulltrúa Alcoa, sem styrkt hefur þetta verkefni, þ.e. að allir grunnskólar landsins eignist sjónaukann, voru við afhendinguna í dag.

Heimasíða grunnskólans og Fréttatilkynning um þetta mál er fróðleg lesning. Stjörnufræðivefurinn er með nánari upplýsingar með myndum af sjónaukanum.

Tunglið, eins og það sést úr Galíleósjónaukanum, tekin af Stjörnufræðivefnum Smellið á myndina þrisvar, til að sjá hana stærri.

Brjálað að gera í bransanum

"Loftslagshysterían"er að ná nýjum hæðum þessa dagana.

Nú þegar fréttir berast af kuldum um víða veröld, meira að segja á Suðurhveli, þar sem nú er hásumar, þá hamast vísindamennirnir sem aldrei fyrr við að koma vátíðindum af hlýnandi loftslagi til skila.

Þeir eru auðvitað skíthræddir um að hinir djúpu ríkisvasar lokist á þá, ef engin er váin. Þess vegna dynja yfir okkur stanslausar fréttir af voðalegum atburðum sem í vændum eru. Einhverjir "vísindamenn"segja að Grænlandsjökull gæti horfið á 50 árum og sjávarborð hækki um 7 metra. En Dr. Hubbard segir það af og frá. Hans tímamörk eru 100-1000 ár.

Loftslags og veðurfræði er blómlegur bissness í dag, enda hefur ásókn í að læra fræðin, stóraukist á undanförnum árum. Hagfræði og viðskiptafræði er eitthvað svo "2007" í dag.

Grænlandsjökull bráðnar ört

Indverska

 Það er víst ekkert tungumál til sem heitir "indverska". Hindi er hið opinbera tungumál í Indlandi, en það greinist í margar mállýskur. Auk þess eru mörg fleiri tungumál í landinu, m.a. enska, enda Indland gamalt nýlenduveldi Englendinga.

Til álvers Alcoa í Reyðarfirði kemur á nokkurra mánaða fresti, súrálskip með indverskri áhöfn. Ég keyri þá gjarna áhafnarmeðlimina í "bæinn", þ.e. til Reyðarfjarðar, en höfnin er í um 5 km. fjarlægð frá þorpinu.

Það er skondið að heyra þessa kalla spjalla saman, sérstaklega á leiðinni til baka eftir "kaupstaðarferðina". Góðglaðir Indverjar er fyndnir áheyrnar. Uppistandari væri ekki fyndnari.

Í forvitni minni spurði ég þá hvort tungumál í Indlandi væru almennt eins enskuskotin og ég heyrði, er þeir töluðu sín á milli. Ekki var nóg með að í hverri setningu heyrði ég ensk orð, heldur komu oft heilu setningarnar á ensku hjá þeim.

Sá sem varð fyrir svörum sagði mér þá að allir töluðu þeir Hindi, en þeir kæmu frá ólíkum svæðum á Indlandi og skildu ekki hvern annan nema að sletta svona hressilega.

Indversk geimflaug sprakk

National geographic

Paul Watson er ekkert annað glæpamaður sem hefur fjárhagslegan ávinning af hvalahysteríunni. Þetta sjá allir sem vilja sjá, svo það er nokkuð ljóst að "National geographic", fyrirtækið sem framleiðir m.a. vísinda og fræðsluþætti fyrir sjónvarp, snýr blinda auganu að því atriði.

Fyrir nokkrum mánuðum sá ég röð þátta frá National geographic, um Paul Watson og baráttu Sea Shepard gegn hvalveiðum Japana í Suðurhöfum. Áróðurinn og staðreyndabullið sem fram kom í þættinum, gerði mig agndofa. Ég, sem alltaf hef haft ómælt gaman af vísinda og dýralífsþáttum og hef alltaf borið mikla virðingu fyrir framleiðendum eins og National geographic og fleiri slíkum, varð eiginlega fyrir áfalli.

Það er nú fyrst á seinni árum sem það hefur hvarflað að mér að draga trúverðugleika svona sjónvarpsþátta í efa. David Attenborrow var lengi vel átrúnaðargoð í mínum augum. Það álit flaug út um gluggann þegar ég sá hann vera með ýkjukenndan bull-áróður í þætti sínum fyrir nokkrum árum síðan. Ég man reyndar ekki lengur umfjöllunarefni Attenborrow í þættinum, en man þó að hvað tölulegar staðreyndir varðaði, fór hann með fleipur, í þeim tilgangi að gera þátt sinn dramatískari og söluvænni.

Það er vandlifað í þessum heimi. Það er alltaf verið að ljúga að manni.

Sökkt til að afla samúðar

Mývatn

Ég er nú enginn "fræðingur".... nema garðyrkjufræðingur... og kannski umferðarfræðingur

En ef ég hefði átt að nefna dæmi um gervigíga á Íslandi, þá hefði ég nefnt Mývatn. Þar eru þeir stærstir og frægastir.

Gígar á Mars líkir gígum á Íslandi

Þetta er ekki satt um Hitler

Heheh... örugglega nokkrir sem koma hér askvaðandi inn til að lesa yfir mér, vegna fyrirsagnarinnar

En það sem er ekki satt í þessari frétt um Hitler, er að þetta eru ekki nýjar fréttir eða sannindi, um gyðingatengslin, þó þessi rannsókn sé e.t.v. ný. Það er hins vegar athyglisvert að afrískt blóð hafi runnið í æðum Hitlers.

Hitler af gyðingaættum?