Nú þorir ekki nokkur maður að reka hann

 Einhverjar kjaftasögur hafa verið í gangi á undanförnum vikum, að Davíð sé að hugsa um að snúa aftur í pólitíkina. Sjálfum finnst mér það afar ólíklegt, en maður skyldi aldrei segja aldrei. En Davíð er snillingur í að vekja athygli á sér og koma með setningar sem skapa fyrirsagnir í prentmiðlum. Djöfull verður gaman að lesa ævisöguna hans.... hún hlýtur að koma.

Pólitískir andstæðingar Davíðs, lesa þessa frétt skjálfandi og skíthræddir.  Davíð er yndislegur.

Davíð: „Þá mun ég snúa aftur"

Borgarafundir og mótmæli á valdi Vinstri grænna

Ástþór Magnússon, fyrrverandi næsti forseti íslenska lýðveldisins, skrifar athyglisverðan pistil við þessa frétt.( HÉR ) Hvort allt sé satt og rétt sem hann greinir frá í pistlinum, get ég auðvitað ekkert fullyrt um, en ég hef svo sem enga ástæðu til að rengja hann heldur.

Ástþór kemst að þeirri niðurstöðu eftir athuganir sínar, að mótmælunum á Austurvelli og á Arnarhóli sé stjórnað af flokksbundnu fólki úr VG. 70% frummælenda á fundunum koma frá þessum stjórnmálaflokki og svo virðist sem kerfisbundið sé komið í veg fyrir að aðrir en þeim þóknanlegum, komist í ræðupúlt við mótmælin. Rannsóknarvinna Ástþórs er góðra gjalda verð en hann hefði getað sparað sér ómakið og spurt mig.

Ég hef sagt það áður og segi það enn: Öfgasamtök koma óorði á göfuga á málstaði og tefja fyrir eðlilegri og málefnalegri gagnrýni. Ég vildi gjarnan vera í hópi helmings þjóðarinnar á mótmælafundi í mibæ höfuðborgarinnar, en á meðan mótmælunum er stjórnað af V-grænum, þá hef ég einfaldlega ekki geð í mér til að taka þátt í þeim.

Forseti ASÍ á borgarafundi

Enn einn hernaðarsérfræðingurinn?

Andstæðingum ríkisstjórnarinnar fannst aldeilis hafa hlaupið á snærið hjá sér, þegar þeir héldu að Geir Haarde hefði ráðið til sín norskan hernaðarsérfræðing, vegna ástands mála í samfélaginu. Nú er að koma sænskur sérfræðingur... hvaða sæmdargráðu i sænskri hernaðarlist, ætli þessi maður geti skreytt sig með? Spunameistarar stjórnarandstæðinga hljóta að leggja höfuðið í bleyti og finna út úr þessu, fyrir okkur hin sem bíðum spennt.

Mótmælendur á Íslandi virðast undarlega einsleitur hópur, ef taka á mið af þeim sem eru mest áberandi í mótmælunum. Svo virðist að þeir sem vilja leiða mótmælin, séu flestir vinstri sinnaðir, með miklar áhyggjur af náttúru landsins og hafa skömm á öllu sem við kemur hernaði. Ætli þetta fólk sem talar hæst um lýðræðishalla í þjóðfélaginu, sé virkt í félagasamtökum, t.d. í stjórnmálum og verkalýðsbaráttu? Mér segir svo hugur að svo sé ekki.

 

Forsætisráðuneyti ræður sænskan sérfræðing

Góð ræða hjá verkakonunni

Fundurinn í Háskólabíói var mjög góður og stjórnandi fundarins á hrós skilið fyrir góða fundarstjórn. Verkakonan, Margrét Pétursdóttir, flutti mjög góða ræðu og hún hafði fundin algjörlega á valdi sínu. Ekki veit ég hvort hún er vanur ræðumaður, en margir sem telja sig vera það, yrðu montnir af svona glæsilegri frammistöðu.

Örfáir dónar voru auðvitað þarna í salnum sem kölluðu fram í, eins og gengur, en þessi fundur var reyndar nákvæmlega eins og stjórnmálafundir eru á landsbyggðinni, bara fjölmennari. Úti á landsbyggðinni eru öll samskipti af þessu tagi í meiri nálægð en tíðkast í höfuðborginni og oft er stór hluti viðkomandi byggðarlags á fundum. Slíkt getur auðvitað ekki orðið í Reykjavík, eðli málsins samkvæmt, en sjónvarpið færði okkur stemninguna heim í stofu. Ég vona innilega að framhald verði á þessu og að svona fundir verði haldnir einu sinni í mánuði, eitthvað fram á vorið.

„Þetta er þjóðin“

Skíthræddur við niðurstöður rannsókna

 Steingrímur Joð vill kjósa áður en niðurstöður erlendra og óháðra aðila liggja fyrir um ástæður bankahrunsins. Hvað segir það okkur?

Segir Steingrím tefja rannsóknarnefnd

Tímaeyðsla

Allir vita að tillagan verður felld, líka þeir sem bera hana fram. Stjórnarandstaðan vill ríkisstjórnina frá svo hún komist að aðgerðarborðinu. Mér finnst ekki líklegt að fólk sem telur tíma Alþingis vel varið í svona umfjöllun, vera líklegt til afreka. Afhverju koma stjórnarandstöðuflokkarnir ekki að vinnu ríkisstjórnarinnar með einhverjar bitastæðar tillögur?   

Ég hef haft það á tilfinningunni undanfarna 2 mánuði, að pólitíkusar hafi haft um nóg að hugsa, en greinilega ekki stjórnarandstaðan. Hún  óttast rækileg rannsókn óháðra erlendra aðila á hlut Seðlabankans, Fjármálaeftirlitsins, bankanna, Jóns Ásgeirs og annarra aðila að atburðarás síðustu missera og ára. Eftir að niðurstöður slíkrar rannsóknar liggja fyrir, er eðlilegt, að þjóðin kveði upp sinn dóm í kosningum. Það eru einungis þeir, sem óttast slíkar niðurstöður, sem vilja rjúka í kosningar áður.

Rætt um vantrauststillögu á morgun

Glæpamaður á flótta

Haukur Hilmarsson var dæmdur fyrir eignaspjöll fyrir ári eða tveimur síðan og sektaður. Hann hélt að hann kæmist upp með að borga ekki sektina og mæta ekki til vararefsingar, þ.e. fangelsisvistar. Einhversstaðar sá ég að hneikslast var á því að maðurinn var tekinn fyrirvaralaust í gleðskap í gærkvöldi. Það er auðvitað ekki rétt, því lögreglan boðar fólk til sín til afplánunnar oftar en einu sinni áður en til slíkra úrræða er gripið.

Þessir ofbeldisfullu aðilar sem stjórna mótmælum almennings við Austurvöll og við lögreglustöðina, er ekki fulltrúar þjóðarinnar í þeirri gremju sem gengur yfir þjóðfélagið. Allir sómakærir Íslendingar eiga að fordæma svona skrílslæti. Kröfurnar virðast einfaldar hjá stjórnendum mótmælanna. Það á að reka Davíð úr Seðlabankanum og ríkisstjórnin á að segja af sér og boða til kosninga eftir viku, að öðrum kosti verði beitt ofbeldi. Ég trúi því ekki að þjóð mín sé þannig innréttuð, að farið verði eftir þessu prógrammi ofbeldisseggjanna. Varðandi kosningar strax eða í síðasta lagi í vor, vil ég vitna í grein Hannesar Hólmsteins Gissurarsonar í Morgunblaðinu 21. Nóvember sl.

"Ég tek undir með Davíð Oddssyni um það, að rækileg rannsókn óháðra, erlendra aðila hlýtur að fara fram á hlut Seðlabankans, Fjármálaeftirlitsins, bankanna, Jóns Ásgeirs og annarra aðila að atburðarás síðustu missera og ára. Eftir að niðurstöður slíkrar rannsóknar liggja fyrir, er eðlilegt, að þjóðin kveði upp sinn dóm í kosningum. Það eru einungis þeir, sem óttast slíkar niðurstöður, sem vilja rjúka í kosningar áður. Enn er margt ósagt".  ( Undirstrikun mín, GThG )

 

Fanganum sleppt

Ekki sterkur foringi

 Ég var lengi vel laumu-hrifinn af Ingibjörgu Sólrúnu þegar hún stóð sem sterkust sem borgarstjóri, en síðan hefur þetta verið "down hill" hjá henni. Ef Samfylkingin er orðinn stærsti stjórnarmálaflokkur landsins, þá þarf flokkurinn stærri foringja. Þegar fólk hefur ekki fullkomið vald á því sem það er að segja, þá fyllist það óöryggi og það hefur skinið í gegn hjá formanni Samfylkingarinnar. Nokkur atriði í ræðu formannsins finnst mér alveg út úr kú og ég get svo sem farið í gegnum það í athugasemdarkerfinu ef einhver krefur mig um þau atriði.

Ég sé engan í flokknum sem alvöru foringja og því blasir við foringjakreppa hjá Samfylkingunni.... eins og á aðrar kreppur sé við bætandi þessa dagana.

Áfallastjórnuninni lokið

Hverjir tapa leiknum!?

 Er Ögmundur orðinn svo fastur í því að vera á móti, að hann er hættur að spá í hvað andstæðingar hans í pólitík eru að segja? Hann virðist kreppa hnefann ósjálfrátt og berja honum í borðið og segja "Nei!"

Minnir á djókið þegar einhver forkallari segir "Hverjir eru bestir? Allir svara: "KR"

"Hverjir eru langbestir?"...."KR!"

"Hverjir tapa leiknum?"..... "KR"

Eins og blaut tuska

Lýsa vantrausti á sig sjálf.

Einhverjum kann að finnast það eðlilegt að stjórnarandstaðan beri fram vantrauststillögu á ríkisstjórn sem mælist ekki vinsæl í skoðanakönnunum. En er það ábyrgt við þær aðstæður sem nú eru uppi? Vilja V-grænir fá að stjórna núna? Steingrímur Joð, Ögmundur, Kolbrún og Jón "Vaðmál" Bjarnason í ráðherrastól? 

Þeir ráðherrar Samfylkingarinnar sem telja heppilegt út frá vinsældasjónarmiðum að kjósa í vor, ætla þeir að greiða vantrauststillögu stjórnarandstöðunnar atkvæði sitt, á sjálfa sig?

Það ríkir ekkert traust