Ræs mellur! Skip!

 Þessi gamli frasi á við mig í kvöld, í óeiginlegri merkingu. Ég ætlaði að taka mér frí frá leigubílaakstri í kvöld og setja í aðra tánna með kennurum og starfsliði Grunnskóla Reyðarfjarðar í kvöld. En nú streyma skipin í land vegna óveðursins og áhafnirnar verða að fá þjónustu.

Pöbbinn á Reyðarfirði hefur nú verið lokaður um nokkurt skeið og opnar sennilega ekki aftur fyrr en eftir 2-3 vikur vegna breytinga. Ekki er ólíklegt að sjómennirnir vilji kíkja út á meðal fólks og þá er næsti pöbb á Eskifirðí, í 15 km. fjarlægð. Ég vona bara að verktakar á vegum Vegagerðarinnar hafi sandað leiðina vel fyrir kvöldið.

	Togari sigldi á land í Neskaupstað
Ábyrgðarmaður færslu Tenging við þessa frétt hefur verið rofin vegna kvartana.

Hjarðeðlið hjá VG

 Bæjarráð Akureyrar lýsir yfir eindregnum stuðningi við áform um uppbyggingu álvers á Bakka við Húsavík, en fulltrúi VG situr hjá.

Hjarðeðli Vinstri grænna hefur verið svo ríkt að enginn stjórnmálaflokkur á Íslandi getur státað af öðru eins. Innan allra flokka nema Vg eru mismunandi skoðanir á ýmsum dægurmálum, þó tilteknar skoðanir séu vissulega ríkjandi innan flokkanna. Stjórnmálamenn sverja þess eið að greiða atkvæði sitt eftir sinni bestu sannfæringu. Ætli hjáseta fulltrúa VG í bæjarráði Akureyrar beri vitni um að fulltrúinn sé ekki sanntrúaður stóriðjuandstæðingur? 

Á svæði eins og N-Austurlandi þar sem brýn þörf er á innspýtingu í atvinnulífið er flest hugsandi fólk fylgjandi því að álver rísi á Bakka við Húsavík, en VG situr við sinn keyp ef túlka má atkvæði þeirra sem andstöðu við hugmyndina.

Vilja álver á Bakka

Enginn hættir nema hann vilji það sjálfur

 Hún er sorgleg saga unga mannsins sem rændi útibú Glitnis á mánudaginn. Hann er búinn að vera í óreglu frá 14 ára aldri og móðir hans er ráðþrota. Hún hefur reynt að fá úrræði fyrir son sinn án árangurs og segir "kerfið" hafa brugðist.

En af fréttinni að dæma þá hefur ýmislegt verið reynt en án árangurs. Stundum gleymist að ólánsfólkið hefur sjálfstæðan vilja og það getur verið erfitt að hjálpa þeim sem ekki vilja þyggja hjálp. Þegar móðir mannsins fékk hann lagðan inn á geðdeild þá var henni sagt að sækja hann daginn eftir vegna þess að hann hótaði öllum og öllu. Fagfólkinu í geðheilbrigðiskerfinu er ábyggilega treystandi til þess að meta ástand mannsins og kannski á hann ekkert heima á geðdeild. En hvar á hann þá heima?  Nú lendir hann að sjálfsögðu í fangelsi framhaldi af þessu afbroti og við hljótum að vona að unnið verði í málum hans í fangelsinu en hann ekki "bara" geymdur þar. Stórefla þarf geðhjálp og forvarnarstarf í fangelsum. Peningum í þann málaflokk er vel varið innan fangelsiskerfisins og nýta þarf tímann vel sem afbrotamenn sitja inni.

„Skilningsleysið innan kerfisins er æpandi“

Upprennandi pólitíkus

Snemma beygist krókurinn og þessi ungi drengur er starfsmaður í þjálfun. Spurning hvort þessi ætti ekki að fá sérstök hvatningarverðlaun fyrir öskudagsbúning sinn

Með hnífasett í bakinu á öskudegi

Veraldlegur Yogi

 Ekki man ég nákvæmlega hvað það var sem gerði Bítlana afhuga Maharishi Mahesh Yogi, sem þeir dáðu og dírkuðu um nokkurt skeið eftir heimsókn sína til hans á Indlandi. Georg Harrison var sennilega hugfangnastur af honum enda bera tónsmíðar hans frá þessum árum þess merki. Indverskan tón með zítarhljómum má heyra í sumum laga hans.

En var það ekki peningaplokk gúrúsins sem varð til þess að Bítlarnir misstu álit sitt á honum? Mig minnir það a.m.k.

Maharishi Mahesh Yogi látinn

Klúður hjá Alcoa?

Þann 30. janúar sl. birtist frétt á mbl.is þess efnis að karlmaður hefði orðið fyrir raflosti í álveri Alcoa á Reyðarfirði, háfum mánuði fyrr. Þar segir m.a.:  

"Samkvæmt upplýsingum frá fyrirtækinu var maðurinn strax fluttur á Fjórðungssjúkrahúsið í Neskaupsstað en útskrifaður þaðan daginn  eftir og talinn ómeiddur. Helgina eftir fór hann hins vegar að finna  til óþæginda og fór til Reykjavíkur þar sem hann var lagður inn á Landspítala háskólasjúkrahús á sunnudag. Alcoa Fjarðaál segir, að verið sé að rannsaka  meiðsli hans og útlit fyrir að þau séu alvarlegri en á horfðist í fyrstu".

 Fréttina í heild má sjá  HÉR . Ég bloggaði um fréttina, sjá HÉR . Einhverjir vildu meina að Alcoa hefði vísvitandi ætlað að leyna fjölmiðla þessu slysi en ekki verið stætt á því síðar, þegar í ljós kom að meiðsli mannsins voru mun alvarlegri en talið var í fyrstu. Sjálfur hef ég ekki haft áhuga á að hlusta á órökstuddar ásakanir og dylgjur, hvaðan sem þær koma og skýring Alcoa í þessu máli nægði mér, þ.e. að ekki hafi verið talið mjög alvarlegt þó maðurinn hafi fengið í sig venjulegan rafstraum, enda fengið að fara heim að skoðun lokinni.

En nú hafa ásótt mig miklar efasemdir um heilindi Alcoa í þessu máli. Í dag fékk ég upplýsingar frá starfsmanni við álverið og samstarfsmanni þess slasaða sem er pólskur, að málið liti mjög illa út fyrir Alcoa. Ef orð þessa starfsmans eru sönn þá stendur ekki steinn yfir steini í fréttatilkynningu Alcoa um málið.

Í fyrsta lagi var ekki um venjulegan 220 volta rafstraum að ræða, heldur 700 volta straum sem hlýtur að gera málið strax mun alvarlegra. Í öðru lagi þá var maðurinn vel innan við sólarhring á spítalanum á Norðfirði og var að lokinni skoðun keyrður heim til sín á Fáskrúðsfjörð. Örfáum klukkutímum eftir heimkomuna hefur maðurinn samband við lækni á staðnum vegna mikillar vanlíðunnar og eftir stutta skoðun læknisins á Fáskrúðsfirði, þá var ákveðið að flytja manninn strax suður með sjúkraflugi og hefur hann verið á spítala síðan, m.a. með augnskaða og innvortis kvilla. Nú hafi verið úrskurðað að maðurinn verði óvinnufær a.m.k. 6-9 mánuði og sennilega hljóti hann varanlega örorku af slysinu.

Eitthvað einkennilegt er á seyði í þessu máli því pólsk sjóvarpsstöð og einhverjir íslenskir fjölmiðlar hafa haft veður af alvarleika málsins og höfðu falast eftir viðtali við hinn slasaða sem hann hugðist veita. En svo hættir maðurinn við á síðustu stundu og samkvæmt heimildarmanni mínum gaf hann honum þá skýringu að hann vildi ekki koma álfyrirtækinu illa en lögfræðingar mannsins og fyrirtækisins ættu í viðræðum þessa dagana. Mér hugnast ekki að gerðir séu einhverjir "dílar" á bak við tjöldin til þess að forða málinu frá fjölmiðlaumræðu. 

Nú get ég auðvitað ekki staðfest að það sem mér var sagt sé allt rétt og satt, en ég hef þó alls enga ástæðu til þess að rengja heimildarmann minn. Mér finnst kominn tími til að Alcoa leggi spilin á borðið og þó fyrr hefði verið. Þögn fyrirtækisins í hálfan mánuð um svo alvarlegt slys sem þarna átti sér stað er ólíðandi og skaðar verulega trúverðugleika fyrirtækisins. Það skal þó tekið fram að fyrirtækið hefur fram til þessa komið óaðfinnanlega fram við samfélagið hér eystra og styrkt margskonar menningar og samfélagsverkefni af miklum rausnarskap.

Vonandi er hér um ótrúlegan klaufaskap af hálfu fyrirtækisins að ræða í þessu máli en það virðist sökkva dýpra og dýpra í heimskulegan þagnarbrunn. Manni hryllir við þá tilhugsun ef þetta eiga að verða vinnubrögð fyrirtækisins ef eitthvað fer úrskeiðis. Hvað með mengunar og umhverfisslys? Fáum við ekkert að vita af þeim? Fiskveiðar eru stundaðar í firðinum af smábátum og fjölskyldur ganga hér fjörur á góðviðrisdögum, sem er í góðu lagi ef allt er eins og það á að vera. Alcoa ber skylda til þess að upplýsa nærsamfélagið hér eystra og í raun þjóðina alla ef eitthvað fer úrskeiðis.

 Þó álvers og virkjunarframkvæmdir hafi ekki verið umdeildar í Fjarðabyggð þá má segja að þau mál hafi klofið íslensku þjóðina í tvær hatrammar fylkingar. Ég sem einarður stuðningsmaður komu bandaríska álfyrirtækisins hingað verð bæði reiður og móðgaður, ef það sem heimildarmaður minn segir er á rökum reist. 

Mikill snjór á Reyðarfirði

Einn mesti snjór í áraraðir er nú á Reyðarfirði og í nágrenni. Mjög mikið snjóaði á aðfararnótt sunnudags og síðan hefur gengið á með éljum. Ég var í keyrslu á aðfararnótt sunnud. og það var svolítið sérkennilegt að keyra hér á milli fjarða á eins drifs fólksbíl í 40-50 cm jafnföllnum snjó án verulegra vandræða því þetta var afar léttur púðursnjór. En við meigum biðja fyrir okkur ef hvessir eitthvað því ekki þarf mikið til að allt verði kolófært. Kisi okkar, hann Dúmbó er orðinn verulega pirraður að geta ekki farið í sínar reglulegu músaveiðiferðir. Myndin sem tekin var í gærkvöldi sýnir Dúmbó furða sig á þessu hvíta púðri. Þegar hann hafði þefað svolítið og krafsað þá fór hann inn og hljóp og djöflaðist um alla íbúð í ca. mínútu og lagði sig svo. 

Veður fer versnandi á Austurlandi

Kjörorðaleit fyrir firðina í Fjarðabyggð

"Þú ert á góðum stað" er og verður kjörorð Fjarðabyggðar.  En nú er að auki óskað eftir tillögum íbúa um kjörorð fyrir firðina í Fjarðabyggð. Kjörorðin verða notuð í kynningarnefni um staðina og einnig geta fyrirtæki og þjónustaðilar á hverjum stað notað þau til að vekja athygli á starfsemi sinni.

 

Kjörorðin gætu verið byggð upp eins og gamalt kjörorð Norðfirðinga: “Norðfjörður, þar sem lognið hlær svo dátt” en það er þó ekki skilyrði. Ef til eru gömul kjörorð sem fólki líkar við er upplagt að senda þau en frumsamin kjörorð eru líka velkomin. Óskað er eftir tillögum fyrir 1. mars nk. fyrir Mjóafjörð, Norðfjörð, Eskifjörð Reyðarfjörð Fáskrúðsfjörð og Stöðvarfjörð.

 

Upplýsingafulltrúi, ferðamálafulltrúi og íbúafulltrúi Fjarðabyggðar hafa tekið að sér að fara yfir tillögur íbúa og gera tillögu til bæjarstjórnar um kjörorð fyrir hvern fjörð um sig.

Vinsamlega sendið tillögur í tölvupósti á netfangið – [e-mail]. merkt "Kjörorðaleit " eða á bæjarskrifstofurnar á Hafnargötu 2, 730 Fjarðabyggð. Einnig verður tekið við tillögum að kjörorðum á íbúafundunum í janúar og febrúar.

(Af vef  fjardabyggd.is/ )

Nýríkrastimpillinn

Íslenskir fjárfestar hafa vakið undrun í norðanverðri Evrópu undanfarin ár. Danir urðu eitthvað órólegir þegar nýríkir Íslendingar keyptu upp mörg þekktustu fyrirtæki landsins. Þá spruttu fram allskonar spekingar sem fullyrtu að eitthvað gruggugt væri við Íslendingana og afleiðingarnar voru tímabundnir erfiðleikar við að sannfæra Danina um að fyrrverandi eignir þeirra væru í öruggum höndum

Nú er breska blaðið Sunday Telegraph að selja eitthvað svipaðar fréttir. Fréttir eru söluvara og stundum er fabúlerað svolítið til þess að gera vöruna söluvænni. Neikvæð umræða í fjölmiðlum um fjármálamarkaði getur haft alvarlega afleiðingar ef fjárfestar standa ekki traustum fótum og við skulum vona að íslensku fjárfestarnir standi undir nafni. Vissulega eru blikur á lofti á fjármálamörkuðum í heiminum í dag en við slíkar aðstæður þá beina fjölmiðlar gjarnan kastljósi sínu að þeim nýríku á markaðinum. Hinir nýríku eru "Skræpóttir fuglar".

Er allt á niðurleið á Íslandi?

Gott fyrir barrtrén

 Ef frost fer niður fyrir 12-14 stig í nokkra daga, þá verða bartré hraustlegri og fallegri sumarið eftir. Það mun vera vegna þess að sitkalúsin þolir illa svo mikið frost í marga daga. Væntanlega þarf þá færri daga með yfir 20 stiga frosti eins og verið hefur undafarið. Ekki er svo með öllu illt....

Mikið frost í Veiðivatnahrauni