Sammála

 Ef þessum svokölluðu "vinaþjóðum" okkar í Evrópu og Nato finnst þessi loftrýmisgæsla við Ísland nauðsynleg, þá geta þær séð um þetta á sinn kostnað. Við höfum öðrum hnöppum að hneppa.

„Þetta er óþarfi“

Óraunhæft

Ég hef miklar efasemdir um að farþegareglan sé raunhæf af mörgum ástæðum. Ef ökuleyfisaldurinn verður hækkaður í 18 ár þá erum við að tala um sjálfráða einstaklinga, auk þess sem lögreglan hefur í mörgu að snúast á þessum tíma sólarhringsins um helgar.

Ólíklegt að höft á unga ökumenn skili árangri

Djúpavík - Látrabjarg

Ég var á ferðalagi um Vestfirði í vikunni ásamt konu minni og syni. Við byrjuðum á að gista í Reykhólasveitinnni hjá dóttur minni sem er þar bóndakona með manni sínum og tveimur börnum. Þaðan fórum við í ökuferð norður á Strandir, til Hólmavíkur og svo norður úr alla leið að sundlauginni í Krossnesi. Á leiðinni þangað er farið fram hjá Djúpuvík, Trékyllisvík og Bjarnarfirði. Náttúrufegurðin er einstök á þessum slóðum. Hægt er að sjá myndirnar stærri með því að smella tvisvar á þær, ekki þó "tvísmella".

Trékyllisvík til vinstri og Norðurfjörður til hægri.

Sundlaugin í Krossnesi. Sennilega afskektasta sundlaug í heimi og þó víðar væri leitað. Það var gott að fá sér sundsprett í lauginni eftir aksturinn en heiti potturinn var alltof heitur.

Í bakaleiðinni fengum við okkur kvöldmat á Hótel Djúpavík. Frábær matur og góð þjónusta. Í Djúpuvík búa tvær manneskjur allt árið, en það munu vera hótelhaldararnir á staðnum. Einhverjir muna eflaust eftir hinni umdeildu sjónvarpsmynd Hrafns Gunnlaugssonar, "Blóðrautt sólarlag", en hún var tekin í Djúpuvík.

Á leið okkar til Ísafjarðar fórum við Barðaströndina til Látrabjargs, en þangað hef ég aldrei komið áður, né á Suðurfirðina; Patró, Tálknafjörð og Bíldudal. Eftir örstutt kynni mín af þessum stöðum, þá er það mín skoðun að þetta svæði sé eitt það skemmtilegasta og fallegasta á landinu. Á þessar slóðir ætlum við að fara aftur og gefa okkur þá lengri tíma til dvalar.

Mávager vakti athygli okkar á þessu útselshræi. Dynjandi í baksýn.

Á leiðinni að Látrabjargi er keyrt framhjá Breiðuvík. Mannvirkin á staðnum eru í hvarfi hægramegin á myndinni. Þar er nú starfrækt sumarhótel. Takið eftir hvernig vindurinn hefur feykt hvítum sandinum á hlíðina.

Vitinn á Bjargtöngum. Einhversstaðar sá ég auglýst að þarna væri hægt að fá lundapizzu og ég hugsaði mér gott til glóðarinnar. Þarna var hvorki vott né þurrt að fá. Hótel Látrabjarg er í ca. 20 km fjarlægð.

Mér fannst þessi fuglaáhugamaður vera nokkuð djarfur á brúninni því strekkings vindur var þarna og þverhnípt er niður í stórgrýtta urðina, um og yfir 100 metra fall.

Þarna er mótívið sem heillaði fuglaáhugamanninn.... prófasturinn. Ég þorði ekki eins framarlega á brúnina og hann.

Horft í austur eftir Látrabjargi. Baldursbráin hangir þarna fyrir neðan grastóftina í lífvana jarðvegi og hefur það gott, enda útsýnið frábært. Takið eftir manneskjunni á bjargbrúninni í fjarska, örlítill depill hægramegin við miðju.

Vestasta umferðarskilti í Evrópu.

Bíldudalur er einstakur. Þar fengum við okkur næringu hjá "Sigga Ben", en það er veitingastaður sem hefur verið starfræktur í 23 ár. Geri aðrir betur í 100 manna þorpi. Fyrir ofan þorpið er gríðarlegt mannvirki í smíðum en það er leiðigarður fyrir snjóflóð. Hugsanlegum snjóflóðum úr fjallinu er beint frá íbúðabyggðinni. Nokkur hús eru þó á ótryggu svæði og þar er bannað að búa nema á sumrin. Eini gallinn við Bíldudal er að þar er enga kvöldsól að hafa.

Snjóflóðavarnargarðurinn á Bíldudal. Húsið í forgrunni er greinilega ekki á mynjaskrá.

Veitingastaður Sigga Ben.

Horft niður á bryggju frá veitingastað Sigga Ben.

Sonur okkar, hann Jökull, var á leið á landsmót ungmennafélaga björgunarsveitanna í Hnífsdal. Þar skildum við hann eftir og héldum heim á leið á Reyðarfjörð.

Strandaði í Arnarfirði

Dýrin eru stærri í norðri

Úlfar, refir og birnir eru stærri eftir því sem norðar dregur á hnettinum, ísbjörninn er t.d. stærstur bjarna. Þetta á einnig við um mannskepnuna, með einhverjum undantekningum þó. Íslenski hesturinn er reyndar smávaxinn, en sterkur og fótviss.

Leyndarmál kindanna afhjúpað

Ýkjur

Eins og margir lesendur þessa bloggs eru eflaust farnir að átta sig á, þá læt ég mér ekki náttúruvernd óviðkomandi, enda er ég ötull talsmaður þess að öll sjónarmið fái notið sín og vil helst að allt fái að "njóta vafans", eins og vinsælt var að mæla í nafni náttúrunnar hér um árið. Náttúran átti að njóta vafans.

En ég hef jafn miklar mætur á náttúruvernd, og ég hef óbeit á ýkjuáróðri sumra náttúruverndarsamtaka og/eða talsmanna þeirra. Það verður óþægilegt gengisfall á trúverðugleika slíkra samtaka í heild og á slíkum stalli eiga svo göfug samtök ekki heima.

Hið hörmulega "Exon Waldes" olíuslys er gott dæmi um þegar náttúruverndarsamtök komast í ham. Fullyrðingar þeirra um ómetanlegt og óbætanlegt tjón, hafa ekki reynst á rökum reistar. Allskyns umhverfis og líffræðingar á vegum náttúruverndarsamtaka fullyrtu að olíumengunin myndi vara í tugi og jafnvel hundruði ára. Staðreyndin er hins vegar sú að í dag, um 20 árum síðar, sjást engin ummerki olíunnar á yfirborði jarðar. Það má hins vegar finna ummerki olíunnar á litlu afmörkuðu svæði næst slysstaðnum, á um hálfsmeters dýpi í sandfjöru. Ekki er sjánlegt að lífríkið á svæðinu sé með óeðlilegum hætti í dag.

Ýmsar dýrategundir áttu beinlínis að vera í útrýmingarhættu á svæðinu, eða að viðkomandi tegund átti að verða tugi ára að jafna sig. Sæoturinn var nefndur sérstaklega, einnig nokkrar fuglategundir og fleiri sjávarspendýr. Engir af þessum spádómum hafa ræst.

Svona vitleysa er ekki góð fyrir orðspor náttúruverndarsamtaka.

 

Greiði tugi milljarða í bætur

Starfsþjálfun

Sprengja sprakk í Pakistan

Vinstra pakkið sleikir upp marxistan

Það er greinilegt að ráðherrar vinstristjórnarinnar hafa látið undan þrýstingi háværra radda (í bloggheimum? ) um að blanda íslenskum stjórnmálum í viðkvæm utanríkismál með ófyrirsjáanlegum afleiðingum. Þetta er auðvitað hégómi og ekkert annað. Trúarleiðtogi Tíbeta er alls góðs maklegur, en hver er tengingin við íslenska ráðherra í ríkisstjórn Íslands? Eru þeir að koma á viðskiptasamböndum í Tíbet?

Mótmæla fundum íslenskra ráðamanna með Dalai Lama

Spilling, einkavinavæðing

Vinstrimenn hafa reitt hár sitt og skegg undanfarin ár vegna pólitískra ráðninga í ríkisgeiranum. Skilaboðin til almennings í landinu hafa verið skýr. Vandlæting og hneikslun, særð réttlætiskennd vegna klíkuskapar andstæðinga þeirra og þroskuð siðferðisvitund þeirra sjálfra, sem er öllum hægrimönnum æðri.

Ég vissi að vinstriflokkarnir yrðu ekki lengi að opinbera sig sem hræsnara dauðans. Einkavinir forystumanna vinstriflokkanna voru búnir að bíða í mörg ár á hliðarlínunni og óþolinmæði var farið að gæta í miklum mæli. Þess vegna var inngróin heiftin í forystulið vinstrimanna orðin taumlaus á köflum. 

Einar Karl ráðinn til Landspítalans

Fésbókarvinur

Dóttir mín sagði mér í dag að vinkona hennar frá Fáskrúðsfirði væri búin að vera Facebook-vinur Alexanders Rybak í nokkra mánuði. Hann spurði hana fyrir nokkrum vikum hvort hún fylgdist með Eurovision og hún svaraði því játandi en spurði hann svo hvers vegna hann væri að spyrja að því.

 Stráksi svaraði "Það kemur í ljós"

Mætir Alexander Rybak í Höllina?

Harmleikur

Orð mega sín lítils í sorginni þegar kornungt og efnilegt fólk lætur líf sitt. Dóttir mín varð harmi slegin þegar ég sagði henni frá slysinu en ungi maðurinn og hún voru skólafélagar og góðir kunningjar í Menntaskólanum á Egilsstöðum. Sjálfur kannast ég við föður piltsins, þann sómamann og ég vota foreldrunum, ættingjum og vinum innilegar samúðarkveðjur.

Bænasamkoma á Fáskrúðsfirði