Vefurinn er ekki enn nægjanlega spunninn

Þegar könguló spinnur vef sinn, þarf hann að vera nægjanlega sterkur til að halda bráðinni. Svo þegar bráðin er föst í vefnum, á hún eftir að reyra hana snyrtilega í spennutreyju vefþráðanna, svo hún geti sogið makindalega alla næringu úr feng sínum.

Köngulóin veit að ekki þýðir að vinna flausturslega við vef sinn, heldur gefur sér tíma og vandar til verksins.

ESB hafnar hugmyndum Ögmundar

Þrífa svo!

Svona þrífum við fyrir helgina:

1. Við stofnum nýja möppu í tölvunni.
2. Við skírum möppuna "Allt í drasli heima".
3. Hægri smelltu á möppuna og veldu "Delete".
4. Tölvan spyr: Viltu eyða "Allt í drasli heima"?
5. Smelltu á "Já".
6. Leggðu fæturna upp á sófaborðið, fáðu þér einn kaldan og njóttu lífsins!

.... og ég missti af Rocky Horror

Stundum erum við að fjargviðrast út af veðrinu... að við komumst ekki á milli staða. Gráglettni náttúruaflanna er ekkert til að fjargviðrast út af í slíkum tilvikum.

Snjókoma á Akureyri ... og lítil stúlka hefði getað látið lífið, ef ekki hefði verið fyrir árvökul augu nágranna.

Við fjölskyldan hér á Reyðarfirði, lögðum af stað í leikhúsferð til Akureyrar eftir hádegi í dag, en snerum við eftir 50 kílómetra ferðalag. Enginn vetrarþjónusta á laugardögum á þjóðvegi 1 milli Egilsstaða og Akureyrar.  

Við stoppuðum jeppabifreið sem var að koma upp úr Jökuldalnum og hann var að koma frá Akureyri. Maðurinn hvatti mig ekki beinlínis til að halda áfram og ég þurfti ekki meira.

Snjóhengja féll á barn

Home Alone

Hún stingur í stúf.... þessi.... í jólabókaflóðinu.

Bók fyrir barnaníðinga tekin úr sölu

Forræðishyggja?

Forræðishyggja er eitur í mínum beinum, en þetta getur ekki flokkast undir forræðishyggju. McDonalds og aðrir skyndibitastaðir selja almenningi tilbúnar máltíðir. Almenningur getur gert, og á að gera þá kröfu til þessara aðila um að þeir séu ekki að selja sannanlega óholla vöru.

Spyrjum "sérfræðingana" um það að hvað er heppilegt magna efna í matvöru... og svo skoðum við það út frá því.

Ég held að transfitusýrufrumvarp Jóns Bjarnasonar sé hið besta mál. Við eigum ekki að láta selja okkur eiturblandaðar matvörur. Það er ekkert skárra en maðkaða mjölið hér í den.

Hertar reglur um innihald barnamáltíða

Ég sé ekkert að þessu

Þetta er auðvitað dæmigert hjá "problematikurunum" í Svíþjóð. Fyrir þeim er eftirlit Bandaríkjamanna í kringum sendiráð sitt í Stokkhólmi, háalvarlegt mál og varðar væntanlega öryggi ríkisins. Er ekki Sabo komin í málið?

Sumir íslenskir vinstrimenn eru ekkert öðruvísi. Þeir nötra af reiði og nú sjá þeir leik á borði þegar Kaninn er annarsvegar. Nú fá þeir að segja setningu sem þeim hefur lengi langað til að segja: "Lets kick some ass!".

Talandi um Svía: Afhverju vilja Svíar ekki fara til himnaríkis, heldur vera bara í gröfinni?

Jú, vegna þess að þeir telja að það geti ekki verið betra í himnaríki en í Svíþjóð.

Eftirlit við Laufásveg

Hið konunglega sænska viðhald

Þegar ég gúgglaði nafn Camillu Henemark, datt ég niður á blaðaviðtal  við hana frá árinu 2007. "Ég er mjög einmanna manneskja", segir í fyrirsögn viðtalsins. 

Hún lifði grimmt hinu ljúfa lífi að eigin sögn en hætti að drekka þegar hún var fertug árið 2004. "Det var party jämt och massor av champagne och pengar", segir hún um þessi ár, en þá var hún bókuð sem sönkona langt fram í tímann en í þessu þriggja ára gamla viðtali, segir hún dagbókina tóma. Camilla var í mjög vinsælu dans/músík bandi, "Army of Lovers", en þau voru á toppi evrópskra vinsældalista á árunum 1990-95.

Camilla var glæsileg ung kona, en ég hef þó töluverðar efasemdir um sönghæfileika hennar. Svo var Camilla eitt sinn "þula" í sænska sjónvarpinu. Það, og fleira með Camillu, má sjá á youtube og víðar.

Ég fæ það nett á tilfinninguna að Camilla hafi fengið eitthvað fyrir sinn snúð í þessari slúðurbók um sænska konginn.

Óttast að verða konan sem Svíar hata

Ömurð haustsins

"Haustljóð", heitir þessi hjartnæma hugvekja á baggalúti.is 

drulluskíta helvískt haust
hata ekkert fremur
djöfuls ömurð endalaust
allar vonir kremur

Á hann sér einhverjar málsbætur?

"Skrímslið í Bolzano", fangavörður úr SS-sveitum, ... þarf að ræða það eitthvað frekar?

Tja,... í mínum huga vakna nokkrar spurningar. Fangavörðurinn Michael Seifert, hefur verið rétt um tvítugt þegar þessir atburðir áttu sér stað. Grimmdarverkin voru hryllileg á báða bóga og hatrið og heiftin var hluti af eðlilegu uppeldi ungs fólks.

 Hver var bakgrunnur fangavarðarins unga? Hver var staða hans í SS-sveitunum? Hvenær var vitnisburðurinn gegn honum skráður fyrst? Er möguleiki að vitnin fari mannavillt eða að ákæruliðirnir séu uppsafn voðaverka sem fangar urðu vitni að og sameinuðu í einum manni sem náðist. Eina manninum sem gat náðst, vegna ungs aldurs.

Ég þekki ekki mál Michaels Seifert en ég efa í sjálfu sér ekki að hann hafi átt þátt í voðaverkum í Bolzano fangabúðunum. Mál hans virtist gleymt og grafið þegar skjöl um hann fundust af tilviljun árið 1994.

Nokkru áður en Seifert var dæmdur árið 2000, hafði annar tveggja yfirmanna búðanna verið sýknaður vegna skorts á sönnunum.

„Skrímslið í Bolzano" lést á sjúkrahúsi

Það er ekki hægt að rökræða við svona fólk

Hugsið ykkur ef fjórir menn kæmu inn í troðfulla Hallgrímskirkju og hentu hver um sig handsprengju inn í fjöldan. Og svo væri ykkur sagt að verknaðurinn væri pólitísk yfirlýsing.

Það er erfitt að setjast niður til að ná samkomulagi við pólitísk öfl sem nota þessa samningatækni. Það virðast litlar líkur á málamiðlunum.

Hingað til hafa mótmælaraddir "hófsamra múslima" á vesturlöndum, gegn svona ofbeldi, verið afskaplega hjáróma, einmitt þegar þeir ættu að fara fremstir í fordæmingunni og steita hnefann framan í myndir af ódæðismönnunum, traðka á þeim og brenna.

Munum við sjá fjöldamótmæli múslima í Evrópu og Bandaríkjunum, gegn þessum ofbeldisverkum sem framin eru í nafni trúar þeirra?

Það er ólíklegt.... en kannski einhvern tíma.... vonandi.

Yfir 70 létust í árásum á moskur