Trúverðugleiki matsfyrirtækja

Nú er nýju matsfyrirtæki flaggað til að gera úttekt á lánshæfi íslenska ríkisins. Öll hin hafa málað sig út í horn með vanhæfni sinni og bulli.

Er einhver sérstök ástæða til að trúa þessu fyrirtæki, frekar en hinum?

Lánshæfiseinkunn Íslands lækkuð

Satan

Múhameðstrú, múslimar.... Islam, Islamistar. Tvær hliðar á sama peningnum, þó islamistar teljist til hins pólitíska arms múslima, þá er oft erfitt að sjá mörkin þar á milli.

Mahmoud Ahmadinejad sakar Rússa um að taka afstöðu með ,,Satan" og að Íranar myndu ekki láta þvinga sig til tilslakana.

Alveg magnað helvíti.

 

Íranar og Rússar deila hart

Andskotinn með öfugar klærnar

Eru vinnubrögð Landsdóms í þessu máli það sem koma skal?

Það á auðvitað að vísa þessu máli frá. Þetta er tíma og peningasóun og málið er ekkert annað en hefndaraðgerð pólitískra andstæðinga. Það er ekki nokkur spurning að Geir verður sýknaður.

Ákæran á hendur Geir, er svartur blettur í lýðveldissögu þjóðarinnar.

Krefst skipunar verjanda síns

Skammarleg framkoma fréttamanna

Óskar Hrafn Þorvaldsson og Jón Kaldal eru smámenni sem hafa atvinnu af fjölmiðlum. Þeir reyna að gera persónulega hagi fólks að söluvöru í miðli sínum.

Mér hefur fundist Marinó G. vera heill í gegn í því sem hann hefur verið að gera. Nú hefur þessum smámennum tekist að bola honum í burtu með ömurlegri framkomu sinni.

Ég mun skoða vandlega hverjir standa á bak við þau fréttablöð sem ég kaupi í framtíðinni og ég mun sneiða algerlega frá þeim ef nöfn þessara snápa er að finna í miðlinum.

Segir sig úr stjórn vegna umfjöllunar Fréttatímans

Skelfilegt á að horfa

Indriði Sigurðsson og Hermann Hreiðarsson eru valdir í landsliðið, væntanlega vegna reynslu sinnar. Ótrúlega heimskulegt að láta mann eins og Hermann vera í byrjunarliðinu. Það segir eiginlega allt sem segja þarf um Ólaf Jóhannesson, landsliðsþjálfara.

Ég hef verið þeirrar skoðunar í dálítinn tíma að U-21 liðið á að spila A-leikina líka, a.m.k. fram að EM í sumar. Indriði og Hermann eiga ekkert erindi í landslið, hvorki í okkar né annarra. Þeirra tími er einfaldlega liðinn. Þeir áttu sök á öllum mörkunum með "byrjendamistökum".

Mörkin úr leik Ísraels og Íslands (myndband)

Boltinn var kominn inn

Það er auðvitað grautfúlt að láta taka af sér svona fallegt mark, en ég held samt að þetta hafi verið rangur dómur. Boltinn er kominn inn fyrir marklínum þegar Nani skallaði hann og þess vegna átti mark Ronaldos að standa.

Nani eyðilagði glæsimark Ronaldo (Myndband)

Víða sótt um

Helga Jónsdóttir, fyrrv. bæjarstjóri í Fjarðabyggð var skipuð ráðuneytisstjóri í efnahags- og viðskiptaráðuneytinu. Helga, eins og fleiri "atvinnuleysingjar", hefur haft nokkur járn í eldinum og sótti um á nokkrum stöðum.

Ég var eiginlega búinn að ráða hana sem ráðuneytisstjóra í velferðarráðuneyti Guðbjarts Hannessonar, en þar lá umsókn hennar einnig, eins og lesa má á bloggi mínu frá 29. sept. sl. (sjá hér)

Ég óska Helgu velfarnaðar í nýju starfi. Ég er sannfærður um að hún mun standa sig vel.

Helga Jónsdóttir skipuð ráðuneytisstjóri

Hægðastífla

Það væri auðvitað hægt að hlæja að þessu ef þetta væri ekki fokdýrt fyrir þjóðfélagið, núna á síðustu og verstu.... Auk þess sem samgöngurnar við Vestmannaeyjar eru eiginlega verri en á byrjunarreit. Stundum er sagt að verkfræðingar "pissi upp í vindinn", en hönnuðir Landeyjarhafnar hljóta að teljast hreinlega hafa gert í brækurnar.

Jæja, hér er vonandi eitthvað sem þið getið hlegið að. Einhverra hluta vegna finnst mér þessi eiga ágætlega við fréttina....

------------------------------------------

Haraldur fór til læknis um daginn og sagði lækninum að hann hefði ekki haft hægðir í nokkra daga og það væri farið að valda honum verulegum óþægindum.

Þegar læknirinn hafði skoðað og hlustað Harald rækilega, sagði hann: "Sjáum nú til, þú býrð fyrir utan bæinn, er það ekki?" Haraldur kinkar kolli.

"Ok, þú ekur innanbæjar á 50 km. hraða og svo ekurðu á 90 km. hraða þegar þú kemur út fyrir bæjarmörkin og ekur 10 kílómetra, ekki satt?" Aftur kinkar Haraldur kolli.

"Svo beygirðu út af þjóðveginum á mjóan malarveg og þessa þriggja kílómetra leið að húsinu þínu, ekurðu á u.þ.b. 60 km. hraða. Er það ekki rétt?" Enn á ný kinkar Haraldur kolli.

Læknirinn fer þá ofan í gamla leðurtösku, dregur upp litla flösku og segir við Harald: "Ég ætla að gefa þér þessa öflugu laxerolíu. Þú drekkur hana núna, en svo verður þú að fara beinustu leið heim. Þú mátt hvergi stoppa eða aka hægar en venjulega". Og Haraldur gerði eins og læknirinn sagði honum.

Fáeinum dögum síðar, hittir Haraldur lækninn á förnum vegi, heilsar honum og segir glaðlega við hann og með aðdáunarsvip: "Þú hefðir átt að verða verkfræðingur eða stærðfræðingur. Það var alveg lygilegt hvað þú gast reiknað þetta nákvæmlega út.... þetta með laxerolíuna."

Læknirinn svaraði hæversklega, "Það gleður mig að þér skuli líða betur. Svo þú hefur náð á salernið?"

"Nei", útskýrði Haraldur, ennþá með aðdáunarsvipinn: "Þú varst þrem metrum of stuttur".

Betra útlit fyrir Landeyjahöfn

Skilaboð til KSÍ

Afföllin í A-liðinu eru orðin grunsamlega mörg og einhverjum kann jafnvel að detta í hug orðið "áhugaleysi".  Yfirbragð leikstíls landsliðsins undir stjórn Ólafs Jóhannessonar, ber vott um "amatörisma", enda er Óli trésmiður sem hefur lengi haft áhuga á fótbolta og spilaði meira að segja sjálfur um skeið.

Gæði leikmanna okkar eru orðin það mikil, að það er eiginlega óþolandi og niðurdrepandi að horfa á hóp góðra og efnilegra leikmanna koðna niður vegna skorts á sjálfsöryggi og sigurvilja. Þessir leikmenn eiga skilið að hafa þjálfara sem er atvinnumaður í fagi sínu, líkt og þeir sjálfir og þá þurfum við að líta út fyrir landsteinanna.

Ég vil að ráðinn verði erlendir topp þjálfari, jafnvel þó launakröfur verði umtalsvert hærri. Afhverju ekki að láta reyna á þetta? Við erum í 8 liða úrslitum á EM U-21 árs og ef nú er ekki lag, hvenær þá?

Gylfi Þór ekki með gegn Ísrael

Kostuðu Svavar og Indriði hundruði miljarða?

"...eftirgjöf þjóðanna muni skipta hundruðum milljarða í vaxtakostnaði, sem ella hefði fallið á íslenska ríkið samkvæmt þeim samningi sem íslenska þjóðin hafnaði snemma á þessu ári í þjóðaratkvæðagreiðslu."

Menn tala digurbarkalega um pólitíska ábyrgð og draga svo Geir Haarde fyrir Landsdóm. Meira að segja samráðherrar Geirs í þáverandi og núverandi ríkisstjórn, höfðu atkvæðisrétt um örlög hans. 

Jóhanna Sigurðardóttir og Steingrímur J. Sigfússon bera pólitíska ábyrgð á samningamönnum sínum í Icesave málinu, þeim Svavari Gestssyni og Indriða H. Þorlákssyni. Nú er útlit fyrir að sú pólitíska ráðdeild þeirra hefði kostað íslenskan almenning hundruðir miljarða króna, ef "þjóðin" hefði ekki stoppað þau af.

Það er e.t.v. dómstóla að úrskurða um það hvort hér var um gáleysi, dugleysi eða jafnvel um hreinan ásetning að ræða, af hálfu þeirra Steingríms og Jóhönnu, í þessu dæmalausa Icesave klúðri.

Hundruðir miljarða.... menn hafa verið settir inn fyrir minni upphæðir.  

Knýja á um Icesave