Með hnefann á lofti - ímyndin

Hvað varð um Steingrími Joð sem aldrei tjáði sig öðruvísi en kallandi í vandlætingartón með hnefann á lofti? Hvað varð um þann Steingrím Joð sem svo ötullega byggði upp ímynd sína, að kjósendur hans trúðu á hann sem varðliða réttlætisins?

Valdastóllinn hefur algjörlega bugað manninn og baráttuandinn sést hvergi. Honum er meira umhugað um að lengja líf núverandi ríkisstjórnar en að láta reyna á rétt þjóðarinnar vegna Icesave málsins. Það er augljóst að Samfylkingin hefur kúgað, beygt og brotið Steingrím Joð. Allir vita nema blindir fylgjendur Samfylkingarinnar, að sá flokkur er til í hvað sem er í viðleitni sinni til að teyma þjóðina inn í ESB, sama hvað það kostar.

Bankarnir voru seldir án ríkisábyrgðar, það er ekki hægt að flækja það neitt.

Vill ekki stríð við aðrar þjóðir

Mikið skorað í ár

Nú þegar 88 leikir eru búnir af 132 í efstu deild, hafa verið skoruð 287 mörk sem gera 3,26 mörk á leik.  Það kæmi mér ekki á óvart ef meðalskorið verður met í ár.

Það voru herfileg mistök að ráða Atla sem þjálfara Vals. Mér fannst Atli frábær fótboltamaður og örugglega góður liðsfélagi, jafnt í sínum félagsliðum sem landsliðinu, en sem "kallinn í brúnni" er hann alveg glataður. Miðað við gengi liðsins eftir að hann tók við, þá hljóta leikmennirnir að vera svipaðrar skoðunnar og ég. Það fyrsta markverða sem gerðist eftir að Atli tók við, var að besti leikmaðurinn þeirra í sumar, Ólafur Páll Snorrason, yfirgaf félagið. Frábær byrjun hjá Atla... eða þannig.

Valsmenn í skyndisókn gegn Grindvíkingum í kvöld.

Gengi Valsmanna hefur valdið mér miklum vonbrigðum í sumar en nú fer að styttast í EM kvenna. Ég hef fulla trú á stelpunum og þættirnir á RÚV um þær er fín upphitun.

Flottar stelpur

Grindvíkingar nældu í mikilvæg stig gegn Val

Loftmynd af Íslandi

Mögnuð mynd. Fleiri myndir á http://earth.imagico.de/view.php?site=iceland2    Smella tvisvar á myndina til að fá hana stærri.

Myndin er tekin í 59 km. hæð. Reyndar er þetta "artificial image" en flott engu að síður.

Viagra nefúði

Samheitalyf Viagra á markað

Grænlendingar á ferð

Ég vil byrja á því að mótmæla því sem Saving Iceland heldur fram á síðu sinni, sjá HÉR .

"Álverið á Reyðarfirði var boltinn sem ýtti af stað þeirri hugmynd að álframleiðsla sé forsenda lífs."

"Og meðferð lögreglunnar á þeim sem voguðu sér að setja fót sinn fyrir framkvæmdirnar fyrir austan hvatti fólk varla til að halda andófinu áfram."

"Alcoa stjórnar nú Austurlandi. Ekkert markvert virðist eiga sér þar stað nema álframleiðandinn komi nálægt því."

 "...fyrirtækið er ein af undirstoðum nútíma stríðsreksturs. "

Ég gæti svosem copy/paste allan pistilinn.

Ég var rétt í þessu að keyra ráðherra atvinnumála á Grænlandi og hluta fylgdarliðs hans. Ég átti áhugavert spjall við unga konu í fylgdarliðinu. Þau eru hér á ferð til að skoða álver Alcoa hér á Reyðarfirði en fyrirhugað er álver á vesturströnd Grænlands sem verður svipað að stærð og hér. Tvær vatnsaflsvirkjanir þarf til að sinna orkuþörfinni og teikningar og hönnun er langt komin.

Konan sagði mér að Grænlendingar væru bjartsýnir á að af þessu yrði á næstu mánuðum og að heimskreppan myndi ekki spilla því. Umhverfismat á framkvæmdunum væri að mestu lokið og álverið mun rísa í 2.300 manna byggðarlagi.

Ég óska Grænlendingum velfarnað í áformum sínum.

Skyri slett á aðsetur Alcoa

Kajak eða tölva

Árið 1994 var ég á frystitogaranum Snæfugli SU 20 hér á Reyðarfirði. Túrarnir voru um 30 daga langir og fríin voru að sama skapi löng þegar þau gáfust. Ég var ákveðinn í því að fá mér eitthvert nýtt hobbí og hafði rennt hýru auga til kajakróðurs í dálítinn tíma. En ég var líka spenntur fyrir að fá mér tölvu með internetaðgangi, sem þá var rétt að byrja hjá almenningi.

Áður en ég tæki ákvörðun um hvort það yrði tölva eða kajak, ákvað ég að fara á kajaknámskeið hjá kajakklúbbi Norðfjarðar sem þeir héldu í sundlauginni þar. Ég hafði einhversstaðar lesið að nauðsynlegt væri að geta snúið sér á réttan kjöl, án þess að fara úr kajaknum ef hann ylti. Í stuttu máli þá lærði ég það á námskeiðinu að ég var fjarri því að ná tökum á þessu.... svo ég keypti mér tölvu.

Ég var fyrstur Reyðfirðinga að fá mér internetaðgang hjá íslenskri netveitu, Eldhorni á Hornafirði, en þó hafði einn mikill tölvugúru, Arnór Baldvinsson, sem nú býr í Texas USA, haft netaðgang hjá erlendu fyrirtæki í gegnum gerfihnött. Á öllu Austurlandi var ég sá sjötti í röðinni. Ég man að einhverjir gerðu góðlátlegt grín að mér fyrir vikið og töldu þetta vera ómerkilegan og dýran leikaraskap.

Þegar ég hafði verið tengdur í nokkrar vikur og kom um borð eftir fríið, sagði ég félögum mínum frá þessu stórmerkilega undri og fræddi þá um möguleika fyrirbærisins. Flestir voru fullir áhuga en vantrú og jafnvel vorkunsemi skein þó úr augum sumra. Nokkrum mánuðum seinna reyndi ég að fá útgerðina til þess að netvæða okkur um borð og sendi beiðni bréfleiðis þess efnis. Ég benti á að nota mætti tenginguna m.a. til þess að sækja sér menntun. Beiðninni var hafnað á þeirri forsendu að þetta væri of dýrt.

Íslendingar hafa verið nettengdir í 20 ár

Bannað í USA

Í föðurlandi kapitalismans, Bandaríkjunum, eru lög sem banna lán fyrir kaupum á hlutabréfum með veði í bréfunum sjálfum. Merkilegt ef slík lög gilda ekki í Evrópu.

Rannsaka íslensku bankana

Ný blogg-hausmynd

Ég er búinn að setja inn nýja hausmynd á bloggið hjá mér. Sú nýja er tekin af Eiði Ragnarssyni á Reyðarfirði. Myndin er tekin á ágústkvöldi uppi á "Skessu" og sér yfir Reyðarfjörð. Hann notar sérstakt forrit til þess að fá "Panorama".

Þessa mynd tók Eiður einnig og má finna á bloggi hans. Ég held að þetta sé ein myndanna í Panoramamyndinni.

Atli Guðnason

FH-ingurinn knái, Atli Guðnason er besti leikmaðurinn á Íslandi í dag en fær ekki séns í landsliðinu. Ef skoðuð er tölfræði leikmanna í efstu deild þá sést að hann á langflestar stoðsendingar allra, auk þess að skora slatta sjálfur.

Hvað þurfa menn að gera til að komast í landsliðið? Það virðist nóg að verma varamannabekk hjá miðlungsliði í útlöndum.

Atli Viðar valinn í landsliðið

Bíómyndir

Ég var að leigubílast alla helgina en það var ekkert að gera hjá mér á frídegi verslunarmanna. Ég svaf til hádegis og horfði á sjónvarpið og sá myndina The Appartment sem er gerð á fæðingarári mínu, 1960, með Jack Lemmon og Shirley MacLaine í aðalhlutverkunum. Þessi mynd er svokölluð "klassiker".  Ég hafði gaman af henni og hafði ekki séð hana áður.

Ég verð þó að segja að ánægjan við áhorfið var aðallega fólgið í nostalgíunni. Myndin er barn síns tíma, bæði leikurinn og handritið.  

Í kvöld (nótt) horfði ég svo á American Beauty frá árinu 1999, með þeim Kevin Spacey og Anette Bening í aðalhlutverkum, en Bening er eiginkona Warren Beatty, sem er bróðir Shirley MacLean. Ég sá American Beauty á sínum tíma og þótti hún fantagóð og hún eldist mjög vel. Þessi mynd er hrein snilld.