Grænlendingar á ferð

Ég vil byrja á því að mótmæla því sem Saving Iceland heldur fram á síðu sinni, sjá HÉR .

"Álverið á Reyðarfirði var boltinn sem ýtti af stað þeirri hugmynd að álframleiðsla sé forsenda lífs."

"Og meðferð lögreglunnar á þeim sem voguðu sér að setja fót sinn fyrir framkvæmdirnar fyrir austan hvatti fólk varla til að halda andófinu áfram."

"Alcoa stjórnar nú Austurlandi. Ekkert markvert virðist eiga sér þar stað nema álframleiðandinn komi nálægt því."

 "...fyrirtækið er ein af undirstoðum nútíma stríðsreksturs. "

Ég gæti svosem copy/paste allan pistilinn.

Ég var rétt í þessu að keyra ráðherra atvinnumála á Grænlandi og hluta fylgdarliðs hans. Ég átti áhugavert spjall við unga konu í fylgdarliðinu. Þau eru hér á ferð til að skoða álver Alcoa hér á Reyðarfirði en fyrirhugað er álver á vesturströnd Grænlands sem verður svipað að stærð og hér. Tvær vatnsaflsvirkjanir þarf til að sinna orkuþörfinni og teikningar og hönnun er langt komin.

Konan sagði mér að Grænlendingar væru bjartsýnir á að af þessu yrði á næstu mánuðum og að heimskreppan myndi ekki spilla því. Umhverfismat á framkvæmdunum væri að mestu lokið og álverið mun rísa í 2.300 manna byggðarlagi.

Ég óska Grænlendingum velfarnað í áformum sínum.


mbl.is Skyri slett á aðsetur Alcoa
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Ingimundur Bergmann

Röksemdafærsla Saving Icelands- liðsins er ekki auðskiljanleg. Líklega þarf að setja sig inn í hugarheim auðnuleysingja sem reyna að réttlæta ræfildóm sinn með orðagjálfri til að ,,skilja" bullið sem er ekkert annað en vesæl tilraun til að réttlæta afætulífsmátann sem þetta fólk stundar.

Ingimundur Bergmann, 5.8.2009 kl. 20:41

2 Smámynd: Guðrún Sævarsdóttir

Þetta fólk stórskaðar málstaðinn sem það telur sig vera að berjast fyrir. Samt er eflaust svekkjandi að verða fyrir slettunum, er þó vonandi einhver huggun að nær allir "náttúruverndarsinnnar" eru hundfúlir út í þetta lið.

Guðrún Sævarsdóttir, 5.8.2009 kl. 21:19

3 Smámynd: Gunnar Th. Gunnarsson

Á hvaða forsendum Guðrún? Ég er náttúruverndarsinni en er samt ekki fúll út í "þetta lið".

Gunnar Th. Gunnarsson, 5.8.2009 kl. 22:29

4 Smámynd: Gunnar Th. Gunnarsson

Ég er sammála þér Ingimundur

Gunnar Th. Gunnarsson, 6.8.2009 kl. 00:14

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband