Gunnar Th. Gunnarsson

Ég fékk þann heiður að vera einkabílstjóri forsætisráðherra Slóvakíu í heimsókn hans til Reyðarfjarðar, 17. júní sl. í tilefni þess að Kapúsínamunkarnir á Reyðarfirði vígðu kirkju sína. Munkarnir eru frá Slóvakíu en biskup rómverks-kaþólskra á Íslandi, Davíð Tencer, sem einnig er slóvakískur sá um vígsluna. Einmuna veðurblíða var þennan dag, hægur andvari, léttskýjað og 20 stiga hiti. Daginn áður var kalt, svarta þoka og rigningarsuddi.

Kirkjan heitir Þorlákskirkja eftir heilögum Þorláki Þórhallssyni en árið 1984 lýsti Stjórnardeild sakramenta og guðsdýrkunar í Páfagarði hann verndardýrling Íslands.

Furðu lítil fjölmiðlaumfjöllun var á Íslandi um komu forsætisráðherrans, auk tveggja annarra ráðherra í ríkisstjórn hans til Reyðarfjarðar af þessu tilefni. Um 20 erlendir blaða og sjónvarpsfréttamenn komu með ráherrunum á Egilsstaðaflugvöll í einkaþotu slóvakíska ríkisins. Samtals voru í fylgdarliðinu 50-60 manns, flestir þeirra starfsmenn utanríkisþjónustunnar og þar á meðal starfsfólk sendiráðs Slóvakíu í Ósló, en þeir voru kontaktar mínir varðandi mitt hlutverk.

Það var mikil upplifun fyrir mig að taka þátt í þessu en ég var í stöðugum tölvupóstssamskiptum við sendiráðið í Ósló í 6 vikur fyrir heimsóknina. Ég þurfti að gefa upp kennitölu mína, senda mynd af bílnum mínum og skrásetningarnúmer og farið var ítarlega yfir alla dagskránna, hvert yrði ekið, vera í ákveðinni fjarlægð frá lögreglubílnum sem var á undan með blikkandi ljós og annar fyrir aftan. Mér var tjáð að fram í hjá mér yrði vopnaður lífvörður. Hann var ansi öflugur að sjá og ekki árennilegur, með dökk sólgleraugu og lítið samskiptatól í eyranu. Aftur í sat forsætisráðherrann ásamt kornungri og íðilfagurri snót sem ég vissi engin deili á.

Ráðherrar og fylgdarlið tilbúið til brottfarar frá Hótel Valaskjálf á Egilsstöðum að morgni þjóðhátiðardagsins. Einkaþotan lenti kvöldið áður og þá var ég látinn aka alveg að landgangi flugvélarinnar.

Fyrst var ekið fram hjá Reyðarfirði og út að útsýnispallinum á Hólmahálsi, milli Eskifjarðar og Reyðarfjarðar.

Robert Fico, með hvítan klút í jakkafatabrjóstvasanum.

Fulltrúi sérsveitar ríkislögreglustjórans og heimalöggan, Þórhallur.

Sérsveitarmenn og heimalöggurnar.

Einn úr fylgdarlið Slóvaka að túristast á Hólmahálsi.

Fico á Hólmahálsi ásamt samráðherra sínum og fulltrúa frá sendiráðinu í Ósló en ég ók með henni nokkurskonar generalprufu daginn áður í þokunni, alla leiðina.

Komin að munkaklaustrinu á Kollaleiru. Fico á spjalli við biskup ásamt ráherrum. Vopnaði lífvörðurinn stendur álengdar, búinn að taka niður sólgleraun.

Bæjarstjóri Fjarðabyggðar, Páll Björgvin Guðmundsson við hlið Fico. Sonur Páls heilsar forsætisráðherranum og biskup og hinir ráherrarnir tveir glaðlegir á svip.

Færri komust að en vildu inn í kirkjuna við vígsluathöfnina. Þessir kaþólikkar krupu í bæn fyrir utan.

Þessum erlenda blaðamanni þótti þetta athyglisverð merking á lögreglubifreið.

Erlendu fréttamennirnir hópast að Robert Fico að athöfn lokinni. Enginn íslenskur blaðamaður var á staðnum.

Þokkadísin unga sem var í fylgd með Fico.

Páll bæjarstjóri og fjölskylda með Davíð biskup.

 Miroslav Kovác,frá sendiráði Slóvaka í Ósló, sá sem ég var í samkiptum við fyrir heimsóknina. Áreyjartindur í baksýn.

	Býðst til að segja af sér í kjölfar mótmæla
Ábyrgðarmaður færslu Tilkynna um óviðeigandi tengingu við frétt

Þegar slys verða í umferðinni er það ávalt ökumaðurinn sem veldur slysinu sem ber ábyrgðina. Engu breytir þó hann sé réttindalaus eða bíllin bilaður. Ökumaðurinn á að ganga úr skugga um að ökutækið sé í lagi og hann á ekki að aka bíl ef hann er réttindalaus.

Ekki skiptir heldur máli þó vinnuveitandi ráði réttindalausan mann á ökutækið. Það er þó eflaust hægt að gefa út ákæru fyrir slíkt en sú ákæra væri sérstakt mál.

	Sagt að réttindin væru fullnægjandi
Ábyrgðarmaður færslu Tilkynna um óviðeigandi tengingu við frétt

Ýmsar hættur stafa af rafbílum en lítið heyrist um það í fréttum. Dæmi eru um að fólk fái raflost þegar það reynir að aðstöða ökumenn rafbíla sem lent hafa í árekstri. Slökkviliðs og sjúkraflutningamenn eru meðvitaðir um þessa hættu en almenningur ekki. Einnig eru dæmi um eldsvoða í rafbílum af litlu tilefni og rafmagnseldur getur verið erfiður viðfangs ef ekki eru viðeigandi slökkvitæki við hendina.

Engu er líkara en upplýsingum sé leynt viljandi fyrir almenningi í viðleitni til að auka hlut rafbíla á markaði á kostnað hinna hræðilegu mengandi bensín og díselbíla. Reyndar hefur komið fram að hlutur bíla sem brenna jarðefnaeldsneyti er tiltölulega lítill af heildar losun gróðurhúsalofttegunda í heiminum og t.d. aðeins um 4% á Íslandi.

Í áróðri fyrir notkun rafbíla er oft bent á Noreg í því sambandi. Ýmsar ívilnanir hafa átt sér stað þar til að lokka fólk til að kaupa rafbíla, t.d. minni opinberar álögur, frítt í bílastæði, engir vegtollar o.s.f.v. 

Þrátt fyrir þessar ívilnanir fer nú hlutur rafbíla á markaði hratt minnkandi í Noregi, m.a. af ofangreindum ástæðum en einnig vegna þess að endursöluverð slíkra bíla er afar lágt. Rageymar í bílunum endast mun skemur en drifbúnaður og yfirbygging bílanna og kostnaður við endurnýjun rafgeyma er gríðarlega hár.

	Vita lítið um rafbíla
Ábyrgðarmaður færslu Tilkynna um óviðeigandi tengingu við frétt

Ef það var "klaufalegt" orðalag að segjast ætla að innheimta fyrir sektinni með því að velta kostnaðinum út í vöruverðið... hvernig er þá rétta orðalagið?

Ari Edwald útskýrir það ekki í tilkynningunni, en talar um eitthvað allt annað, eins og hann hafi aldrei sagt hitt.

Það er alþekkt að fyrirtæki hagi sér með þessum hætti en sjaldgæft að þau viðurkenni það berum orðum.

Ari Edwald viðurkenndi það berum orðum en sá eftir því.

	Biðst afsökunar á „klaufalegu orðalagi“
Ábyrgðarmaður færslu Tilkynna um óviðeigandi tengingu við frétt

Ýmsir menningarviðburðir áttu sér stað á Austurlandi, á "Dögum myrkurs" dagana 28. október til 1. nóvember.

Framlag okkar Reyðfirðinga var kvöldvaka í Grunnskóla Reyðarfjarðar. Austfirskir rithöfundar lásu upp úr bókum sínum sem eru að koma út þessa dagana og Kór Reyðarfjarðarkirkju söng á milli upplestra.

Hér að neðan má sjá og heyra tvö laganna sem kórinn söng.