Bjálfar

Ísbirnir eru stórhættuleg dýr og þeir eru mjög fótfráir á sprettinum og manneskja á hlaupum hefur ekki nokkurn möguleika á að sleppa undan honum. Hungraður björn er óútreiknanlegur og maður hefði haldið að jarðfræðingarnir væru upplýst fólk sem létu sér ekki svona fífldirfsku í hug koma.

Athugasemdir

[Axel Jóhann Hallgrímsson, 9.5.2009 kl. 19:41]

Þú lést gabbast eins og ég Gunnar.   Þetta er tær snilld.

[Guðmundur St Ragnarsson, 9.5.2009 kl. 20:32]

Ég lét gabbast. Ég harma samt meðferðin sem þetta uppstoppaða dýr þarf að þola - að vera í kringum drukkna (og fyndna) Akureyringa. Fyrir neðan allar (ís)hellur segi ég og skrifa.

[Axel Jóhann Hallgrímsson, 9.5.2009 kl. 21:21]

Góður Guðmundur. Ég held að þeir sem hvað mest bölsótast yfir þessu háttarlagi hrekkjarlómana séu fúlir yfir að hafa látið gabbast. Vonandi sjá þeir ljósið.

[Gunnar Th. Gunnarsson, 9.5.2009 kl. 21:53]

Mér varð reyndar hugsað til þess að engar fréttir af hafís hafa verið að undanförrnu, en mig grunaði samt ekki að um gabb væri að ræða.

Helvítis hrekkjusvínin

[Eiður Ragnarsson, 9.5.2009 kl. 22:27]

Ég lét líka gabbast...  Og mér finnst þetta reyndar nokkuð fyndið

[Guðmundur St Ragnarsson, 10.5.2009 kl. 11:07]

Ég hélt að Hrekkjalómafélagið í Vestmannaeyjum ættu einkarétt á svona lagað. Frændur mínir í Skagafirði eru sárir. Þeir héldu að enn einn ísbjörninn hefði heiðrað þá með nærveru sinni. Hinn helmingurinn í mér sem er Húnvetningur segir bara "hjúkk". Þetta er farið að verða vandræðalegt hvað þessi kvikindi sækja í Skagafjörðinn.