Átti þetta ekki að hrynja vegna hvalveiða?

Getur það verið að ekkert sé að marka þetta fólk sem vill banna hvalveiðar?

Fleiri fara í hvalaskoðun í vetur

Athugasemdir

[Haukur Kristinsson (IP-tala skráð) 25.1.2012 kl. 15:00]

Hvalveiðar? Er Kristján Loftsson ekki hættur? LÍÚ vildi ekki lengur setja peninga í þessa glórulausu vitleysu. Drepa hvali, skera þá og urða síðan kjötið eða henda í sjóinn.

Aðeins vitfirringar gera slíkt.  

[Gísli Gíslason, 25.1.2012 kl. 15:36]

Það er ákaflega sorglegt hvernig hvalaskoðun og hvalveiðum hefur verið stillt upp sem andstæðum.

[Gunnar Th. Gunnarsson, 25.1.2012 kl. 17:43]

Sammála Gísli, þetta getur vel farið saman... eins og dæmin sanna víða, t.d. í Noregi, Kanada og USA.... og hér. (Sjálfsagt í Japan líka)

[Guðjón Sigþór Jensson, 26.1.2012 kl. 08:33]

Hvalveiðar og hvalaskoðun fer ekki saman. Reynslan á Faxaflóa er mjög skýrt dæmi. Hrefnuveiðar voru stundaðar um tíma jafnvel rétt hjá hvalaskoðunarbátunum. Var það kannski til að storka?

Ljóst er að villt dýr geri sér grein fyrir aðsteðjandi hættu. Ef félagi er drepinn, er þá ekki kominn tími að forða sér ekki seinna en strax?

Eg hygg að þú ert eitthvað að rugla saman staðreyndum Gunnar. Annars vona eg að þið hafið haft gaman af blótinu í sátt og samlyndi fyrir austan.

Mig langar til að nota tækifærið: Væri ekki kjörið að hefja stórtæka skógrækt við Reyðarfjörð m.a. í þeim tilgangi að binda eitthvað af því mikla CO2 sem álbræðslan óhjákvæmlega „framleiðir“?

Með þessu mætti fjölga enn „afleiddum“ störfum. Eftir aldarfjórðung væri kominn grisjunarviður og hálfa öld viður til timburframleiðslu. Þá gæti verið kominn sá tími að tími álbræðslunnar sé liðinn. Ný tækni og ný viðhorf búin að grafa undan núverandi starfsemi en þá þarf eitthvað annað nytsamt að koma í staðinn til hagsbóta fyrir ykkur Austfirðinga. 

Góðar stundir!

[Gunnar Th. Gunnarsson, 26.1.2012 kl. 10:30]

Hvalverndunarsinnar hafa fullyrt að hvalveiðar eyðileggi hvalaskoðunarbissnesinn. Staðreyndirnar tala öðru máli eins og þessi frétt sannar.

-

Hvalaverndarar taka engum rökum. Þeir vilja friða hvalinn... punktur. Að stækka verndarsvæði er liður í baráttu þeirra fyrir að vernda hval alfarið. Nú þegar hafa hvalaskoðunarmenn tiltekin svæði fyrir sig og það er nóg... eins og fréttin sýnir.

-

Landrými til nytjaskógræktar á fjörðum eystra er takmarkað en Skógræktarfélag Reyðarfjarðar hefur plantað töluvert af trjám í kringum þorpið á undanförnum 20-30 árum, en það er hugsað sem útivistarskógur.

[Guðjón Sigþór Jensson, 26.1.2012 kl. 12:16]

Þið eigið endilega að klæða sem flestar fjallshlíðar skógi bæði til útivistar og nytja hvort sem er til beitar eða timburframleiðslu. Gæði timburs fer oft eftir því hversu hratt trén vaxa. Því hægari sem vöxturinn er, þess þéttari verður viðurinn, harðari og endingarbetri. Að sama skapi eftirsóknarverðari og verðmætari.

Hvalveiðar eiga ef áfram verða leyfðar, að vera stundaðar utan við þau svæði sem hvalaskoðun fer fram. Annað gengur ekki. Eg fer allt að 4 sinnum á ári í hvalaskoðunarferðir með ferðahópa sem leiðsögumaður. Ef hrefnuveiðibátar eru í grennd, sést yfirleitt enginn hvalur.

[Sigurbjörn Friðriksson, 26.1.2012 kl. 14:31]

Ég man þá tíð, það var áður en hvalafriðun komst í tísku, þegar ég starfaði hjá fyrirtæki sem átti í miklum samskiptum við erlend fyrirtæki sem sendu oft marga sendifulltrúa sína til Íslands, þá hafði ég þann starfa, þegar þessir sendifulltrúar áttu frítíma, að aka með þá til Hvalfjarðar að skoða hvalstöðina og að sjá hvalskurð.  Það var óhemju upplifun og að þeirra mati það markverðasta sem þeir sáu á Íslandi.  Meiri upplifun en Geysir og Gullfoss til samans.  Nú er tíðin önnur og sýnir hvað taumlaus áróður getur breytt túrismanum.

Kveðja, Björn bóndi   

[Gunnar Th. Gunnarsson, 26.1.2012 kl. 14:58]

Ef engin hvalur sést þegar hvalveiðibátur er í nánd... hvernig geta þeir þá veitt hval?

-

Sigurbjörn, sennilega er meiri áhugi og stærri markhópur fyrir sýningu á hvalskurði og hvalveiðum, en hvalfriðunarmenn vilja viðurkenna. Margir af þeim sem fara í hvalaskoðunarferðir vilja prófa að borða hvalkjöt. Hvalfriðunarmenn reyna að fela þá staðreynd.