Varðskipið Þór á Reyðarfirði - myndir

Varðskipið Þór í faðmi reyðfirskra fjalla. Ef smellt er tvisvar á myndirnar, fást þær stærri. (Ekki tvísmella)

Þór lagðist óvænt að kajanum á Reyðarfirði en varðskipið var á ferð hér eystra vegna flutningaskipsins Ölmu sem nú liggur tryggilega bundið við bryggju á Fáskrúðsfirði. Grunn og leiksóli bæjarins fengu boð um að krakkarnir væru velkomnir í skoðunarferð um skipið. Á myndinni ganga leikskólabörn glaðbeitt og spennt í halarófu að flaggskipi íslenska flotans.

Og svo var trítlað upp landganginn

Þessum unga Reyðfirðingi þótti ekki leiðinlegt að máta sig í skipstjórastólnum.

Hluti kennara fylgdi krökkunum um borð og hér er skólastjóri grunnskólans með nemanda í hinum glæsilega matsal skipsins.

Eldhúsið er ekki síður glæsilegt en aðrar "vistarverur". Hér er kokkurinn ásamt áhugasömum dreng. Kannski verður hann kokkur síðar meir

Rafmagnstaflan í vélarrúminu er eins og í stórri íbúðablokk

Togvírinn í Þór er ógnarsver. Ég giska á að hann sé a.m.k. fjórfalt sverari en í togara.

Athugasemdir

[Rafn Haraldur Sigurðsson (IP-tala skráð) 8.11.2011 kl. 06:50]

Glæsilegt skip.