Máttlítil hótun

Ég verð að byrja á að segja að ég hef miklar efasemdir um réttmæti upplýsingaleka Wikileaks úr þessum sendiráðspóstum. Eflaust þykir einhverjum merkilegar upplýsingar þar að finna, en flest af þessu er meinlaust. Þarna eru hins vegar stundum trúnaðarsamtöl sem varða almennt öryggi borgaranna og hvaða tilgangi þjónar að birta slíkt? Sömuleiðis geta orðaskipti sendiráðsmanna sín á milli, verið með allt öðrum hætti en þegar ráðamenn eiga í hlut og það eitt getur leitt af sér dýrkeyptan misskilning þegar fjölmiðlar komast í málið. Þá fyrst er fjandinn laus.

Lögfræðiálit Liz Cheney er fyrir bandarískt sjónvarp. Ef bandarísk stjórnvöld kæmust að sömu niðurstöðu og hún, þá yrði íslenska netþjóninum skylt að hætta að þjónusta Wikileaks á sömu stundu. Það er ekki útlit fyrir að það sé að fara að gerast. Ástæðan hlýtur að vera sú að lögfræði og tæknihliðin á svona málum er flóknari en hugur fröken Cheney umfaðmar.

Ítrekar að Ísland eigi að loka WikiLeaks

Athugasemdir

[Flosi Kristjánsson, 29.11.2010 kl. 16:44]

Til umhugsunar: ef menn fara ekki í gegnum gögnin og draga fram það bitastæðasta, er hætt við að glóbal birting á allri skjalasúpunni eyðileggi áhrifin af því sem er þó virkilega "djúsí"!

[Gunnar Th. Gunnarsson, 29.11.2010 kl. 17:06]

Mig langar ekkert í neitt "djúsí"

-

Ég vil bara að allir séu vinir og treysti hverjum öðrum