Suðausturland?

 Ég hefði nú haldið að frá Eyjafjöllum og að Kirkjubæjarklaustri væri á Suðurlandi en ekki Suðausturlandi. Mér finnst ég ekki kominn á Suðausturland fyrr en í Skaftafelli.

Víða þungfært á Suðausturlandi

Flott stelpa

Ásdís Rán er flott stelpa og ég vona að henni gangi vel í þessu. En ekki yrði ég hissa ef feministar hafi eitthvað við þetta  "consept" að athuga. Skyldu þeir geta haldið aftur af sér, að ata þetta ekki auri?

Ásdís Rán komst á toppinn í gær

Kynferðisleg áreitni

Eins og segir í þessari frétt þá hefur þessi fræga ljósmynd verið notuð til þess að sýna áreiti í garð kvenna. Ég sé hins vegar ekkert í myndinni sem ber vott um áreiti heldur aðeins hrifningu ungu mannanna á stúlkunni..... ef mynd gæti sagt þúsund orð..... afhverju að leggja henni þá orð í munn?

Ljósmyndarinn Ruth Orkin er athyglisverður persónuleiki. Á myndinni hér til hliðar er hún stödd í Central Park árið 1972, þá 51 árs gömul. HÉR má sjá upplýsingar um hana. Ruth lést í NY árið 1985

 

Lenti fyrir 57 árum á einni kunnustu ljósmynd 20. aldar

Íri á bar í NY

An Irishman is sitting at a bar in New York City and looks at his watch several times in the space of a few minutes.
The woman sitting nearby notices this and asks, 'Is your date running late?'
'No,' he replies, 'I have this state-of-the-art watch. I was just testing it.'
The intrigued woman says, 'A state-of-the-art watch? What's so special about it?'
The Irishman explains, 'It uses alpha waves to talk to me telepathically.'
The lady says, 'What's it telling you now?'
'Well, it says you're not wearing any panties.'
The woman giggles and replies, 'Well, it must be broken because I am wearing panties!'
The Irishman smirks, taps his watch and says, 'Bloody thing's running about an hour fast. Can I buy you a drink?

Iðnaðarúrgangur!

Í sjónvarpsþættinum "Ripley´s belive it or not", sem ég sá fyrir nokkrum vikum, var innslag um Bláa lónið. Í þættinum er áherslan lögð á hið ótrúlega og í þessu tilfelli sú staðreynd að þarna baði fólk sig upp úr iðnaðarúrgangi. "Industrial waste ............ "Belive it or not".

Bjartir tímar virðast framundan hjá Reyknesingum og merkilegt nokk, þeir virðast tengjast orkuöflun og stóriðnaði hverskonar. Eitthvað sem er  V-grænum eitur í beinum. Þeir vilja hlúga að smáiðnaðinum og litlu sætu fyrirtækjunum. Þar byrja þeir á öfugum enda blessaðir, smáiðnaðurinn styrkist með tilkomu stórra traustra og stöðugra fyrirtækja.

Ef hjartað í sjúklingnum er ekki í lagi, þá fer hjartalæknirinn ekki að velta fyrir sér hvernig hann getur lagað háræðaþrengslin.  

Bláa lónið springur út

Sterabandið

 Ímyndið ykkur ef söfnuðust saman í eina hljómsveit, fullt af líkamsræktarfólki sem væri svo "áhugasamt" um líkama sinn að það gerði nánast hvað sem er, til þess að hann liti sem best út. Ávísun á "meira maus, minni músík". Auðvelt að muna það..... bara muna emmin fjögur

Friðrik Ómar virðist tilfinningaríkur maður, a.m.k. á hann erfitt með að hemja þær sem hann hefur. Í fyrra varð Friðrik Ómar fyrir áfalli að vinna ekki júrókeppnina og í ár báru tilfinningar hans hann ofurliði, þegar hann þreif míkrófóninn af Ragnhildi Steinunni og sagði sína frægu ambögu.

Auðvitað eru Mercedes Claub fólkið spælt að vinna ekki keppnina og Friðrik Ómar er meðvitundarlítill þessa dagana af hamingju. Það á eftir að lægja.

Vöðvabúnt vinsælli en Eurobandið?

Framkvæmdir hafnar við nýjan veg um Hólmaháls

Í byrjun vikunnar hófst vinna við gerð nýs vegar um Hólmaháls. Vegurinn verður 5,1 km. langur og 7,5 metrar á breidd og liggur u.þ.b. 60 metrum lægra yfir hálsinn en sá eldri. Það er verktakafyrirtækið Suðurverk sem annast verkið, en þeir buðu tæpar 270 milljónir kr. í framkvæmdina, sem er 67,7% af kostnaðaráætlun Vegagerðarinnar. Verkinu á að verða að fullu lokið 1. októtóber 2009.

Á myndinni hér að ofan sést grafa komin á full swing fyrir ofan hina kostugu og landsfrægu kirkjujörð forðum, Hólma. Fjær hægra megin á myndinni sést álver Alcoa. Fimm km. enn innar í firðinum og í hvarfi frá álverinu er svo Reyðarfjörður sem áður hét Búðareyri, en nafninu var formlega breytt á áttunda áratug síðustu aldar. Grafan er heldur nær Eskifirði en Reyðarfirði, en 15 km. eru á milli staðanna.

Reiknað er með að umferð verði hleypt á hluta vegarins strax í haust, þ.e. þann hluta sem er brattastur og efiðastur í dag og það verður gríðarlega gott að losna við þann kafla.

Framleiðsla á álvírum hafin í Alcoa Fjarðaál

Framleiðsla er hafin á álvírum í steypuskála Alcoa Fjarðaáls í Reyðarfirði. Þegar álverið verður komið í fullan rekstur mun um fjórðungur álframleiðslunnar verða notaður til framleiðslu á álvírum.

Fyrstu gámarnir með vírum fara utan í næstu viku en gert er ráð fyrir að allt að 90.000 tonn af vír verði send á markað á ári hverju. Vírarnir verða notaðir í háspennustrengi í líkingu við strengina sem flytja raforku frá Kárahnjúkavirkjun að álverinu, samkvæmt fréttatilkynningu.

Um 20 manns munu starfa við víraframleiðsluna eingöngu. Vélasamstæðan sem vírinn er framleiddur í er í raun sjálfstæð verksmiðja inni í álverinu og kemur frá ítalska fyrirtækinu Continuus Properzi. Fimm starfsmenn þeirra hafa undanfarið unnið að uppsetningu og prófunum á samstæðunni, ásamt starfsmönnum frá vírasteypum Alcoa í Baie Comeau og Bécancour í Kanada. Vélin tekur við bráðnu áli, steypir það í álstöng sem síðan er völsuð í 9-28 millimetra vír. Vírinn er síðann undinn upp í hespur sem hver hefur að geyma allt að 20 km langan vír og vegur um 3,6 tonn. Samstæðan getur framleitt vír samfleytt í þrjá sólarhringa.

„Auk álvíra framleiðir Alcoa Fjarðaál hreint gæðaál og ýmiskonar álblöndur fyrir margvíslega iðnaðarframleiðslu, þar á meðal fyrir bifreiðaiðnaðinn. Gangsetning álversins er langt komin og reiknað er með að starfsemin verði komin í nokkuð fastar skorður í lok ársins.

Þegar framleiðslan er komin í fullan gang mun útflutningsverðmæti framleiðslu Fjarðaáls nema um 60-70 milljörðum króna á ári, miðað við álverð og gengi gjaldmiðla eins og það er nú," samkvæmt tilkynningu.

(fjardabyggd.is)

Sjö umsóknir bárust um starf fræðslustjóra Fjarðabyggðar

Á bæjarráðsfundi Fjarðabyggðar í gær var lagður fram til kynningar listi yfir umsækjendur um nýtt starf  fræðslustjóra Fjarðabyggðar en alls bárust sjö umsóknir um starfið. Unnið er að mati umsókna og gengið verður frá ráðningu fljótlega.  

Umsækjendur um stöðu fræðslustjóra

1. Daníel Arason Tónlistarkennari Fjarðabyggð
2. Guðný Ísleifsdóttir Bókasafnsfræðingur Reykjavík
3. Lilja Aðalsteinsdóttir Hjúkrunarforstjóri Fjarðabyggð
4. Jóhanna María Agnarsdóttir Grunnskólastjóri Hrísey
5. Sigríður Herdís Pálsdóttir Leikskólastjóri Grundarfirði
6. Sigrún Júlía Geirsdóttir Grunnskólakennari Fjarðabyggð
7. Þóroddur Helgason Grunnskólastjóri Fjarðabyggð

(af vef fjardabyggd.is)

Hverju hefur verið kastað í forina?

 Mér vitanlega hefur engu verið kastað í forina í sambandi við virkjana og stóriðjumál á Íslandi, ekki enn a.m.k. Vissulega hafa verið færðar fórnir en þær fórnir hafa ekki verið færðar einhverri for! Ekki nema að menn kjósi að kalla blómstrandi mannlíf á Mið-Austurlandi, for.

En svo deila menn um hve fórnin er mikil og þar sýnist sitt hverjum, eins og alþjóð er kunnugt um.

Náttúruperlum ekki kastað í forina