Alcoa lögreglan

Innan girðingar hjá Reyðaráli eru strangar reglur um ökuhraða. Á um kílómeterslangri heimreið að verksmiðjunni er hámarkshraði 20 km. og síðustu 200 m. er 5 km. hámarkshraði. Mjög strangt er tekið á því ef menn brjóta þessa reglu og útilokun af svæðinu fyrir viðkomandi ef hann er ítrekað nappaður af öryggisvörðum. Ég hef þó ekki séð svona ökutæki á Reyðarfirði, en hver veit hvað framtíðin ber í skauti sér

Slæmar fréttir fyrir álversandstæðinga

 Þetta kemur Landsvirkjun og íslenska þjóðarbúinu til góða. Athyglisvert að stærsti álframleiðandi heims, Kína, muni þurfa að flytja inn ál. Margir hafa haft áhyggjur af því að Kínverjar kafsigli heimsmarkaði með mikilli framleiðslu, en gleyma því að lífskjör og neysla í Kína er í hröðum vexti.

Hækkun álverðs 34%

Brúðkaup og jarðarfarir

Gamlar frænkur voru vanar að koma til mín í brúðkaupum hér á árum áður og pota í rifbeinin á mér, segjandi sposkar á svip "þú ert næstur". Þær hættu því þegar ég fór að gera það sama við þær í jarðarförum.

Maður + kona

Gáfaður maður + gáfuð kona = rómantík

Gáfaður maður + heimsk kona = framhjáhald

Heimskur maður + gáfuð kona = hjónaband

Heimskur maður + heimsk kona = ólétta

-------------------------------------------------------

Karlmaður er tilbúinn að borga tvöfalt verð fyrir hluti, ef honum vantar þá.

Kona er tilbúin að kaupa hluti með helmings afslætti, þó hún hafi ekkert við þá að gera.

---------------------------------------------------------

Kona hefur áhyggjur af framtíðinni þar til hún finnur sér eiginmann.

Karl pælir ekkert í framtíðinni fyrr en hann finnur sér eiginkonu.

Kona giftist og vonar að maðurinn breytist, en hann gerir það ekki.

Karlinn giftist og vonar að konan breytist ekki, en hún gerir það.

-----------------------------------------------------------

 

 

 

 

 

Kolrangar tölur!

 Annað hvort er um prentvillur að ræða í þessari frétt, eða að fyrirtækjasvið Landsbanka Íslands er ekki raunveruleikatengt og öllu snúið á haus.

 Árið 2005 var fermetraverð í fjölbýlishúsum á Reyðarfirði um 150 þús kr. og fermetraverð í einbýli auðvitað hærra eins og annars staðar á landinu en ekki öfugt eins og segir í fréttinni. Nú er verðið komið yfir 200 þús. í fjölbýli á Reyðarfirði. Árið 2002 var verð á sérbýli hins vegar 50-80 þús. og sér hver maður þá fjötra sem fólk býr við á svæðum þar sem lítið er um að vera.

Ef fyrirtækjasvið Landsbankans finnur íbúð í fjölbýli á 125 þús. , þ.e. 100 ferm. íbúð á 12,5 milj. þá skal ég kaupa hana strax í dag! Ekki amalegt að verða sér úti um ca. 10 milj. með nokkrum pennastrikum

Fasteignaverð á Fljótsdalshéraði og Akureyri að verða hið sama

Könnun

Nýlega sendu Sameinuðu þjóðirnar eftirfarandi beiðni til þjóða heims:

"Viljið þið vinsamlegast segja okkur heiðarlega skoðun ykkar á því hvaða lausn kæmi helst til greina til að koma í veg fyrir matarskort um allan heim".

Svörin komu mjög á óvart.

Afríkubúar vissu ekki hvað orðið "matur " þýddi.

Austur-Evrópumenn skildu ekki orðið "heiðarlega"

Vesturlandabúar skildu ekki orðið "skortur"

Í kína vandræðuðust menn með orðið "skoðun"

Í Miðausturlöndum ríkti óvissa um orðið "lausn"

og í Suður-Afríku klóruðu menn sér í kollinum yfir orðinu "vinsamlegast"

En í Bandaríkjunum vissi engin hvað "um allan heim" þýddi

   

Drepum öfgasinna!

Hafa hvergi byrst myndir af Múhameð spámanni nema í dönskum fjölmiðlum? Ofríki múslma hvað þetta varðar er auðvitað fáránlegt, en ég mæli samt ekkert sérstaklega með því að íslenskir fjölmiðlar taki þá dönsku sér til fyrirmyndar. Ekki nema að allar lýðræðisþjóðir í heiminum gerðu slíkt hið sama, til þess að taka hitann af grey Dönunum

Fyrirsögnin hjá mér er auðvitað bara grín, svo það sé á hreinu  enda er hún þversögn í sjálfu sér.

„Þolinmæði múslíma á þrotum"

Hvernig væri ástandið....?

 Hvernig væri ástandið búið að vera undanfarin ár ef Steingrímur J. hefðið fengið að ráða? Atvinnuleysi, lítill hagvöxtur, miklu minni kaupmáttur, fólksflótti af landinu, verkföll.

Marg ítrekað hefur verið talað um að stjórnmálamenn þurfi að sýna ábyrgð þegar rætt er um banka og  fjármálakerfið. Það hefur verið bent á það að ábyrgðarlaust tal stjórnarandstæðinga geti virkað sem olía á þær glæður sem kraumað hafa í þeim vanda sem fyrirtækin standa frammi fyrir. Og nú þegar vandinn er orðinn enn áþreifanlegri en hann var og reyndar annars eðlis í dag en fyrir nokkrum mánuðum síðan þegar Ingibjörg Sólrún, þá stjórnarandstæðingur, sætti lagi og hélt hún væri að koma höggi á ríkisstjórnina, þá er enn mikilvægara að sýna styllingu og gæta orða sinna. En hvað segir þá föðurlandsvinurinn Steingrímur J. Sigfússon?

"En nú er þetta allt orðið að ímyndunarvanda og erlendir greingarmenn álitnir misvitrir svo ekki sé talað um Danina blessuðu".

Það er nógu erfitt að fást við þessa alþjóðlegu fjármálakrísu svo ekki þurfi að fást við gasprandi stjórnarandstæðing eins og Steingrím. Það er full ástæða til að stjórnvöld leggi bönkunum lið í að vinda ofan af þeirri rógsherferð sem bankar í samkeppni við íslensku bankana halda úti.

Þegar Landsbankinn var í ríkiseigu þá hafði rekstrarafkoma hans staðið á núlli sl. 50 ár og skilað sáralitlu til þjóðarbúsins. Steingrímur og félagar hans klifa stöðugt á því að ríkisbankarnir hafi verið seldir undir markaðsvirði þó óháðir erlendir aðilar hafi afsannað það. Fyrirtæki í fjármálageiranum eru verðmetin með því að skoða rekstrarafkomu þeirra x-mörg ár aftur í tímann. Sá verðmiði sem fannst við það var einfaldlega ekki hærri á þeim tíma. Í dag er annað upp á teningnum og bankarnir hafa nú þegar skilað til ríkissjóðs mun hærri upphæðum en þeir voru seldir fyrir. Bankarnir eru því miklu verðmætari fyrir íslensku þjóðina en þeir voru nokkurn tíma áður og þess vegna er mjög mikilvægt að stjórnmálamenn tali ekki þessi verðmæti niður í samvinnu við erlenda samkeppnisaðila, heldur styðji þá og styrki í þeim ólgusjó sem nú er fyrirsjánlegur. Þá er ég auðvitað ekki að tala um fjárframlög til bankanna úr ríkissjóði heldur að sýna þeim móralskan stuðning bæði innanlands og utan. Með því erum við að gæta hagsmuna þjóðarbúsins, það er augljóst.

Hins vegar er ekki hægt að neita því að flottræfilsháttur stjórnenda bankanna sem almenningur hefur orðið vitni að undanfarin misseri, hleypir auðvitað illu blóði í fólk og í raun merkilegt að hluthafar fyrirtækjana skuli hafa látið þetta líðast. Ekki það að bruðlið í þeim í veisluhöldum og slíku, skipti sköpum í tilveru fyrirtækjanna en stjórnendurnir hafa vonandi lært sína lexíu, þeim veitir ekki af "gúddvilli" almennings.

Steingrímur J.: Dældu olíu á verðbólgubálið

American Idol - David Archuleta - Imagine

Þessi strákur, 16 eða 17 ára gamall, verður næsti American Idol. Ég skal éta veiðihattinn minn annars . Ótrúlega góður söngvari miðað við aldur og svo er hann svo einlægur og með frábæra túlkun.

Ps. Því miður er búið að taka þetta video út af youtube. Sennilega hafa stjórnendur Idol keppninnar komið þar að málum til þess að hinir keppendurnir hefðu einhvern séns. En þessi flutningur Davids á örugglega eftir að birtast aftur, eftir keppnina.

Við erum heiðingjar

 Múslimar eru viðkvæmir fyrir trú sinni og það má ekki gagnrýna hana. Það má heldur ekki gera táknmyndir af Múhameð. En Múslimar halda ekki aftur af sér í gagnrýni sinni á önnur trúarbrögð, því allir aðrir en þeir eru fordæmdir sem heiðingjar.

Auðvitað eru þarna öfgamenn á ferð og sennilega maðurinn sem gerir kvikmyndina líka, en ég furða mig samt alltaf á því hvers vegna hófsamir múslimar eru ekki duglegri að fordæma öfgana. Það eru í raun þeirra hagsmunir, að þeir geri það. Kannski eru múslimar hræddastir allra við sína egin trúbræður. Hinir hófsömu yrði sennilega númer eitt á aftökulista öfga-islamistanna, fyrir að dirfast....

Hollensk kvikmynd um kóraninn veldur titringi